ابـيـــات لــم تـكـتـمـــــــل ---- للأســــــــــــف

[بدوي]

هذي بعض الابيات اللي ماكتملت

أو

بداية قصيدة رفضت الإنتهاء :weeping:



الأولى



ابشرك طيّب ويسرك الحال

------------ الا انت قلي وش آخر علومك


شخبار دنياك ، ياطيب الفال

------------ عساك مرتاح ولاتضرك همومك


تبغي الحقيقة ترى الوضع مازال

------------ قد له سنة مؤسف ايلييين يومك


فيني هموم اظنها كبر لجبال

------------ اقلّها يمكـن تطيّح عــزومك



الثانية



تكذب علي وتقول ماحب غيرك

------------ وانت اتمادى في الخيانة وتحلف


نسيت منهو كان اسمه عشيرك

------------ عينك بعيني ، ولا إدّور وتـلـــف


انا الذي صدقت اني أسيرك

------------ عيبٍ علي اعاهدك ثم أخلف


قررت اهاجر واتركك مع ضميرك

------------ منت بكفو للحب ياشيـخ إذلف




الثالثة



ماجيت ابسرد لك قصص او انتظر رحمة الله من وراك

-------------------------- ولا جيت ابحكي لك عن اللي صار او عن اسباب الرحيل


جيت ابعـرف عذر الغياب !! جيت ابسأل وش بـلاك ؟؟

-------------------------- في خاطري شي ٍغريب أبفهمه !! لا صرت ناكــر للجميـل





وجوالي ملياااااان من هالابيات .. القصيرة :(

لحد يسألني ليه .. ماكملتهم ؟؟ :weeping:

لأني .. انا بعد مادري ليه اوقف فجأة :anger1:

--------

هذي بعض من مشاعري المختلفة .. نثرتها لكم على هذه الصفحة

وارجو ان تلامس مشاعركم واحاسيسكم

تحياتي العطرة لكم

:shy:

[لاداعي]

دووم مبدع ومتألق يالغالي كلماات في قمة الروعه..

عجبني..


تبغي الحقيقة ترى الوضع مازال

------------ قد له سنة مؤسف ايلييين يومك


فيني هموم اظنها كبر لجبال

------------ اقلّها يمكـن تطيّح عــزومك

استمر يالشيخ انت مصدر الأبداااااع.. في انتظار جديدك يالذيب.. وصح الله لسانك..

[بوعلي2]

والله انك ذيب

استمر يالشيخ وودنا نشوف كل جديد منك

لاتحرمنا جديدك


بوعلي

[miss-qatr]

هلا اخوي بدوي


صدقني راح اتكملهم بس أوقات الواحد مع مشاغل الدنيا يفقد الاحساس والقدره على التركيز في فكره وحده و يستصعب إن يتسلسل فيها


فتلاقي نفسك متشتت بين عده أفكار :)



لكن الإبداع ما اظن يقدر يوقفه ضياع الفكره صح ولا أنا غلطانه ؟؟ :)