المساعد الشخصي الرقمي

مشاهدة النسخة كاملة : ســؤال لــلمــرور والــدوريات


راعي ال VXR
23-07-2009, 07:59 AM
اخواني واخواتي السلام عليكم ورحمة الله
شخباركم شلونكم عساكم ع القوه ويعطيكم العافيه ...بخصوص قانون ممنوع التجاوز ..
س --؟ واحد ماشي بسيارته وقابض الخط السريع اقصى يسار والشارع سرعته مثلا 100 وهو ماشي في سرعة 70 او 80 وجيت وراه والحبيب ماشي على كيفه وما يبي يوخر ولا يعطيني مجال اني اطوفه ..وفي منهم اللي توه ما خذ الرخصه وباقي قدامه كيلو علشان يوصل الدوار ..السوال هل اذا تجاوزته من اليمين وطفته هل هاذي تعتبر مخالفه .... حد يفيدني
الخفي
23-07-2009, 09:34 AM
ياكثرهم الاسيويين والحريم يموتون على المسار الايسر بالرغم من انهم يمشون اقل من 100

بس في الاونه الاخيره قمت اشك انهم يتعلمون خطا الضاهر مدارس التعليم تعلمهم خطا

يمسك الاخ الشارع الايسر ومو راضي يفتح لك بالرغم من ان الخط الايسر في جمبع دول العالم

للاسرع لكن في قطر الضاهر الخط الايمن هو السبيل للخروج من ازمه الغشم اللي ماسكين يسار

الضاهر مدارس التعليم لها دور لانها انتشرت في السنوات الاخيره خاصه اللي تو جايين قطر

وبالذات الاسيويين اللي تحصله راكيب هالصالون ولاصق في الرصيف

مالك يا انك تلحم وراه وتحرقه بالليتات ليفسح لك المجال او تطوف من اليمين بعد عناء لانه

اصلا اللي على يمينك النوع الثاني اللي اردى منه وماسك على سرعه محدده واحيانا تلاقي

الايمن فاضي واحيانا تتخلص من واحد وتطوف عليه بعد عناء تحصل شخص ثاني نفس النوعيه

ماسك يسار ويالله لين توصل مبتغاك وانت من وناحد لواحد يعني انت مستعجل في الدوحه

مستحيل توصل بسرعه الا بعد تثقيف هالنوعيه اللي كل همه يمسك يسار لين يوصل المكان اللي

يبغيه واحيانا تلاحظه يفتح لك واول ماتطوفه على طول يرجع نفس المسار والعالم وراه ليتات

وهرنات يعني السالفه فيها خطا
شاي كرك
23-07-2009, 09:42 AM
تنص المادة "64" من قانون المرور رقم "19" لسنة 2007 على أنه يقع على سائق المركبة الميكانيكية مراعاة ترك مسافة كافية بينه وبين المركبة التي أمامه وأن ينتبه لإشارات سائقها ولايجوز له تجاوزها إلا من يسارها إلا إذا أعطى سائقها إشارة بقصد الانحراف لجهة اليسار، ويجب أن يكون تغيير الإتجاه تدريجياً بعد التأكد من أنّ حالة المرور تسمح بذلك.
arcon
23-07-2009, 09:42 AM
حياك الله يا طيب وان شاء الله الشباب يفيدونك
راعي ال VXR
23-07-2009, 10:03 AM
اخوي المختفي كل اللي كان في خاطري قلته الشيخ ......جزاك الله خير مرورك الطيب
bo_hamad
23-07-2009, 10:07 AM
القهر تشوفهم الصبح ماسكين الخط السريع بالكورنيش ويمشى لك 40 ومسوي زحمه على نفس الخط .
راعي ال VXR
23-07-2009, 10:16 AM
اي والله قهر.... يابــــوحـــمـــد وشاكر على مروركــ الطــيــب
ماي الذهب
23-07-2009, 10:16 AM
احشره بالهرن لين يحس على دمه ويوخر عن الخط السريع

واذا ماعنده دم مالك الا الصبر والله يعينك
راعي ال VXR
23-07-2009, 10:22 AM
تدرون ليش طرحت الموضوع ياجماعه امس نفس الحاله صادتني والطامه الكبرى اشوف سيارة لخويا من بعيد ولاحظت انه سجل رقم سيارتي ....
Al-Aseel
23-07-2009, 12:09 PM
تنص المادة "64" من قانون المرور رقم "19" لسنة 2007 على أنه يقع على سائق المركبة الميكانيكية مراعاة ترك مسافة كافية بينه وبين المركبة التي أمامه وأن ينتبه لإشارات سائقها ولايجوز له تجاوزها إلا من يسارها إلا إذا أعطى سائقها إشارة بقصد الانحراف لجهة اليسار، ويجب أن يكون تغيير الإتجاه تدريجياً بعد التأكد من أنّ حالة المرور تسمح بذلك.




تسلم أخوي على المعلومه وجزاك الله كل خير
راعي البيرق
23-07-2009, 12:12 PM
تدرون ليش طرحت الموضوع ياجماعه امس نفس الحاله صادتني والطامه الكبرى اشوف سيارة لخويا من بعيد ولاحظت انه سجل رقم سيارتي ....
اهااااااااااااه عشان جذي قلت لي :con2:
قناص 787
23-07-2009, 12:14 PM
القهر تشوفهم الصبح ماسكين الخط السريع بالكورنيش ويمشى لك 40 ومسوي زحمه على نفس الخط .

تدري وش أسوي فيه هذا :anger1: أوقفه وززززحفه تززززحف لين الله يشوفله :nice:
فلفل حار
23-07-2009, 12:20 PM
حتي لو بتتجاوزه بس ماتكون بالطريقه الغلط ...!

روح الخط اليمين عادي بدون ماتدخل الفاصل ( الخط الأبيض )

وبالعدال مب بسرعه ... عشان ماتلفت الانتباه ... :whistling:





احشره بالهرن لين يحس على دمه ويوخر عن الخط السريع


يبيله وبالقوو بعد ... ^-*