ماهي وجة نظرك لدخول اخوة العروس بصاله النساء وقت الزفه [الأرشيف]

سعد81

23-07-2009, 08:03 AM

بسم الله الرحمن الرحيم

اللهم صلى على محمد وآل محمد الطيبين الطاهرين...
بصراحه لقيت موضوع بصراحه عجبني وبما انه هذا الموضوع يحتاج النقاش لاننا فالصيف والزواجات ماشاء الله ....

لقدانتشر وبشكل لافت للنظر ظاهرة دخول إخوة العروس أو المعرس الذكور بصحبتهم ليلة
زفافهم في صالة الأفراح أوالزفه التي تكون في المنزل..

هناك من يؤيد دخول الإخوة مع أختهم العروس أو أخوهم المعرس ويعتبرونها ليلة العمر وفرحة
المعرس والعروس بأخوتها حيث يدخلوا الصالة وهم مرفوعوا الرأس والقامة ويحتفظوا بعزتهم وتفاخرهم بأهلهم..

وهناك من يرى عكس ذلك بأن هذا العمل مشين وغير أخلاقي إذ كيف برجال
غرباء يدخلون في صالة أفراح وهي مكتظة بالنساء المدعوات وهن بكامل

زينتهن وعطرهنأرجوا أن تكتبوا آرائكم بكل صراحة....

وعدم الخروج عن الموضوع ...

وتبقى الدنيا حلوه

23-07-2009, 08:05 AM

الموضوع انطرح من قبل و تم اغلاقه من قبل الادارة ...

راعي البيرق

23-07-2009, 08:32 AM

الموضوع انطرح من قبل و تم اغلاقه من قبل الادارة ...

وفيتي وكفيتي ,,,,,,,,,,,,,,,,,,, اللهم صلي على محمد وال محمد و صحبه :con2:

برستيج305

23-07-2009, 08:50 AM

ممكن نشووف رابط الموضوع القديم

وشكرا

الخير كله

23-07-2009, 09:22 AM

كلن وعاداته.......حبتين عالموضوع كن ما شي مواضيع بالدنيا

الرميله

23-07-2009, 09:31 AM

مالهم حق
يدخلون
لا اخوان العروس
ولا اخوان المعرس
حدهم البااااااااااااااااااااااب
ويتوكلون على الله

مستثمره جديده

23-07-2009, 10:34 AM

اذكر مره حضرت عرس دخلوا فيه اخوان العروس وخوالها وهم اول مادخلوا كل واحد منهم راز عمره ومافوقه فوق بس غنت الفرقه وهات يارقص وهز والله كانوا يرقصون احلى من الحريم بس الصراحه اشوفها مب حلوه ان الرجال يرقص ويهز فما بالك وهو اخو العروس .. احسها فشيله

VX.R

23-07-2009, 10:41 AM

عاده دخيلة على المجتمع القطري المحافظ.

واعتقد ان التجنيس ، وتغير التركيبه السكانيةكان له الاثر الكبير في وجود هالظاهرة.

الرميله

23-07-2009, 10:42 AM

مالهم الى
الباب
الباب
الباااااااااااااااااااب

bo_hamad

23-07-2009, 10:44 AM

مالهم حق
يدخلون
لا اخوان العروس
ولا اخوان المعرس
حدهم البااااااااااااااااااااااب
ويتوكلون على الله

أن أؤيد كلامك :victory:

bo_hamad

23-07-2009, 10:45 AM

Miss

23-07-2009, 10:53 AM

بسم الله الرحمن الرحيم

لقدانتشر وبشكل لافت للنظر ظاهرة دخول إخوة العروس أو المعرس الذكور بصحبتهم ليلة
زفافهم في صالة الأفراح أوالزفه التي تكون في المنزل..

هناك من يؤيد دخول الإخوة مع أختهم العروس أو أخوهم المعرس ويعتبرونها ليلة العمر وفرحة
المعرس والعروس بأخوتها حيث يدخلوا الصالة وهم مرفوعوا الرأس والقامة ويحتفظوا بعزتهم وتفاخرهم بأهلهم..

وهناك من يرى عكس ذلك بأن هذا العمل مشين وغير أخلاقي إذ كيف برجال
غرباء يدخلون في صالة أفراح وهي مكتظة بالنساء المدعوات وهن بكامل

زينتهن وعطرهنأرجوا أن تكتبوا آرائكم بكل صراحة....
...

ترى شرعا ما يجوز اصلا دخول المعرس على النساء في العرس .. ما جات على اخوانها واخوانه ..:)
لما ثبت في صحيح مسلم عَنْ عُقْبَةَ بْنِ عَامِرٍ، اَنَّ رَسُولَ اللَّهِ صلى الله عليه وسلم قَالَ ‏"‏ اِيَّاكُمْ وَالدُّخُولَ عَلَى النِّسَاءِ ‏"‏ فَقَالَ رَجُلٌ مِنَ الاَنْصَارِ يَا رَسُولَ اللَّهِ اَفَرَاَيْتَ الْحَمْوَ قَالَ ‏"‏ الْحَمْوُ الْمَوْتُ ‏"

usa_market

23-07-2009, 10:53 AM

جلوس المعرس و العروس في الصالة او البيت قدام الناس في الكوشة اشوف مافية ذرابة و قلة حياء . المفروض واحد بس من اهل العروس يدخل المعرس لمكان الكوشة و بعدين ام العروس دخل العروس بدون زيطة و شلة و يسكرون الباب بدون فرجة خلق اللة . يمكن الي اقولة متحفظ كثير مقارنة بالي يصير لكن هذا رايي بس خلاص .

الخارجية

23-07-2009, 10:55 AM

حدهم البااااااااااااااااااااااب
ويتوكلون على الله

سعد81

23-07-2009, 11:08 AM

مشكورين على المرور ..

اعجبني كثير من الاراء جزاكم الله خير

قناص 787

23-07-2009, 11:18 AM

دروازا بند كرو ( يعني سكر الباب في وجيهم )

حراير قطر

23-07-2009, 11:55 AM

دروازا بند كرو ( يعني سكر الباب في وجيهم )

:nop:

اخوان المعرس مالهم داعي بدخولهم للقاعة

بس اخوان العروس بيزفون المعرس لاختهم

ويبون يصورون معاها اخر لحظه لانها بتفارقهم

:secret:

أخت الغالي

23-07-2009, 12:13 PM

:nop:

اخوان المعرس مالهم داعي بدخولهم للقاعة

بس اخوان العروس بيزفون المعرس لاختهم

ويبون يصورون معاها اخر لحظه لانها بتفارقهم

:secret:

:shy:
>> بيعصب علي صاحب الموضوع ..

أنا مع حراير قطر اخوان المعرس موب بلازم يدخلون ..

بس العروس اية أهم شي أبوي وأخوي الكبير ..

والموضوع مجرد وجهات نظر .. لكن !!!!

فالأساس الكوشة بكبرها حرااااام ووجود المعاريس قاعدين عليها ,,

عليه العوض

23-07-2009, 12:48 PM

انا اقول ماله داعي يدخلون القاعه وهي مكتضه بنساء خلق الله وكل واحد يستعرض ويتلفت يسار يمين
يتفرج على نساء خق الله هذه عاده بايخه ويجب تركها وحتى العريس ما له لزمه يدخل اقارب العروس
يزفون له العروسه الى السياره او غرفه د اخل الصاله ويتكل على الله مع عروسته

fandi

23-07-2009, 12:52 PM

مالهم حق يدخلون لان اخوان المعرس مايصير يتكشفون على عروسة اخوهم
وبعد اخوان العروس مالهم حق يتكشفون على اخوات المعرس
يعني حدهم الباب ويرجعون

abdulla999

23-07-2009, 12:56 PM

عاده دخيلة على المجتمع القطري المحافظ.

واعتقد ان التجنيس ، وتغير التركيبه السكانيةكان له الاثر الكبير في وجود هالظاهرة.

اخوي ماعتقد انها دخيلة اهل قطر كلهم يسونها بس ماتوصل عند الرقص
ترى لي مايدخل الحريم يقولون ماعنده سند او في مشاكل بين الاخوان وانت تعررف الحريم وسوالفهم

روض

23-07-2009, 12:56 PM

انا اكره شى عندى ان المعرس بكبره يدخل اصاله<<ماله داعى يدخل ماغير يقز هذى وذيك

ماله داعى والله احراج حتى اخوانها وابوها وابوه والعايله الكريمه ماله داعى

بنوته

23-07-2009, 12:57 PM

السلام عليكم ورحمة الله وبركاته

المعرس مايصير يدخل وسط الحريم فمابالك بالبقيه ....احنا عندنا لجا المعرس زفينا عروستنا لغرفه خارجيه في القاعه وهناك تتصور العروسه مع اخوانها وابوها واللي في القاعه يشوفنهم بالشاشات

قطريه ماركه

23-07-2009, 01:01 PM

عاااادي يغطونها و يدخل المعرس و اخوانه و اخوانها ..

هاي عرس و فرح و بيااااااااض وجه :)

فلفل حار

23-07-2009, 01:06 PM

مالهم حق
يدخلون
لا اخوان العروس
ولا اخوان المعرس
حدهم البااااااااااااااااااااااب
ويتوكلون على الله

:nice::)

QatarLady

23-07-2009, 01:07 PM

يبيلها حد قلبه قوي يسويها ويمنع اي حد يدش منهم

وبيقلدونه

نبـــــراس

23-07-2009, 01:18 PM

عادي يدشون .. وتتغطى العروس يصورون ويطلعون ..

سوق واقف

23-07-2009, 01:21 PM

للأسف لاتعليق

براتزية برازيلية

23-07-2009, 01:28 PM

كلن وعاداته

Qa10

23-07-2009, 01:43 PM

طرحت على العديد من المشايخ

الجواب :

لايجوز , وهو محرم

وغريبة أول الحلال والأجر يبدئونة بالمعاصي استغفر الله ! بداية العرس فجور وفواحش بعد العرس شبيصير ؟!!

الرسول صلى الله عليه وسلم قال "أعظم النكاح بركة أيسره مؤونة".

فلا يتكلف العريس فوق طاقتة ولاتتكلف العروس فوق طاقتها .

في ناس الله مغنيهم ومبارك لهم يتزوج باليسير اقتداء بهدي الرسول صلى الله عليه وسلم .. بعد الزواج ينفق اللي ينفقة .

وفي ناس مديونين ورواتبهم ضعيفة يستدينون من البنوك عشان يسوي زواج اسطوري وجايبين 70 مغني ومغنية وبوفية طولة نص كيلو و و و و و .....

مـــن طاع الله والرسول صلى الله عليه وسلم سلم من هم الدنيا وهم الأخرة .

الظاهر اني طلعت عن الموضوع لكن هواجيس في نفسي وطريتها .

شكراً

ورقــة أمــل

23-07-2009, 02:10 PM

:omg::omg:

شدعوه كلكم معارضين

عيل اللي صاير في الاعراس شنو

يجوز بعد انه ذيلا كلهم مب قطريين :rolleyes2:

مساهم عادي

23-07-2009, 02:17 PM

انا اكره شى عندى ان المعرس بكبره يدخل اصاله<<ماله داعى يدخل ماغير يقز هذى وذيك

ماله داعى والله احراج حتى اخوانها وابوها وابوه والعايله الكريمه ماله داعى

هالأيام اذا المعرس مادخل القاعة وارتز على الكوشة...الحريم المعازيم بيسوونه علج في حلوجهم وبيطلعون عنه انه معقد ..وووالخ

فويرط

23-07-2009, 02:45 PM

ترى شرعا ما يجوز اصلا دخول المعرس على النساء في العرس .. ما جات على اخوانها واخوانه ..:)
لما ثبت في صحيح مسلم عَنْ عُقْبَةَ بْنِ عَامِرٍ، اَنَّ رَسُولَ اللَّهِ صلى الله عليه وسلم قَالَ ‏"‏ اِيَّاكُمْ وَالدُّخُولَ عَلَى النِّسَاءِ ‏"‏ فَقَالَ رَجُلٌ مِنَ الاَنْصَارِ يَا رَسُولَ اللَّهِ اَفَرَاَيْتَ الْحَمْوَ قَالَ ‏"‏ الْحَمْوُ الْمَوْتُ ‏"

انا اقول ماله داعي يدخلون القاعه وهي مكتضه بنساء خلق الله وكل واحد يستعرض ويتلفت يسار يمين
يتفرج على نساء خق الله هذه عاده بايخه ويجب تركها وحتى العريس ما له لزمه يدخل اقارب العروس
يزفون له العروسه الى السياره او غرفه د اخل الصاله ويتكل على الله مع عروسته

انا اكره شى عندى ان المعرس بكبره يدخل اصاله<<ماله داعى يدخل ماغير يقز هذى وذيك

ماله داعى والله احراج حتى اخوانها وابوها وابوه والعايله الكريمه ماله داعى

السلام عليكم ورحمة الله وبركاته

المعرس مايصير يدخل وسط الحريم فمابالك بالبقيه ....احنا عندنا لجا المعرس زفينا عروستنا لغرفه خارجيه في القاعه وهناك تتصور العروسه مع اخوانها وابوها واللي في القاعه يشوفنهم بالشاشات

طرحت على العديد من المشايخ

الجواب :

لايجوز , وهو محرم

وغريبة أول الحلال والأجر يبدئونة بالمعاصي استغفر الله ! بداية العرس فجور وفواحش بعد العرس شبيصير ؟!!

الرسول صلى الله عليه وسلم قال "أعظم النكاح بركة أيسره مؤونة".

فلا يتكلف العريس فوق طاقتة ولاتتكلف العروس فوق طاقتها .

في ناس الله مغنيهم ومبارك لهم يتزوج باليسير اقتداء بهدي الرسول صلى الله عليه وسلم .. بعد الزواج ينفق اللي ينفقة .

وفي ناس مديونين ورواتبهم ضعيفة يستدينون من البنوك عشان يسوي زواج اسطوري وجايبين 70 مغني ومغنية وبوفية طولة نص كيلو و و و و و .....

مـــن طاع الله والرسول صلى الله عليه وسلم سلم من هم الدنيا وهم الأخرة .

الظاهر اني طلعت عن الموضوع لكن هواجيس في نفسي وطريتها .

شكراً

انا معاكم في الرأي
------

وانا ضد دخول المعرس الى قاعة الحريم
واللي يبي يصور من اخوان العروس ، تروح معاهم غرفه في الصالة ويتصورون مع اختهم
ماله داعي دخول الرجال على النساء ، والنساء متزينين ومتعطررين
لكن في هذا الزمن من اللي يسويها ؟؟ إلا ما رحم ربي

الله المستعان

J & N

23-07-2009, 03:28 PM

مالهم حق
يدخلون
لا اخوان العروس
ولا اخوان المعرس
حدهم البااااااااااااااااااااااب
ويتوكلون على الله

:nice::nice::nice::nice:

STAR

23-07-2009, 03:32 PM

حقيقه

23-07-2009, 03:46 PM

سبحان الله
يجوز يكونون فيه ناس يرفضون هالحركات يجوووووز يجووووز

ولحد يقولي اشلون يدخلون والحريم مكشوفات
الشباب قبل مايدخلون الطقاقه تعطي خبر انه فيه رجال بيدخلون

وتقول اللي يبي يتغطى يتغطى
واللي مايبي بكيفه :tease:
كيفهم

بومحمد911

23-07-2009, 03:51 PM

والمعرس بعد الفروض ما يدخل وجهة نظر

عـ العبيدلي

23-07-2009, 03:54 PM

بصــراحه كل واحد وتفكــيره ..

انا الي اعرفه انه اخوان العروس عـادي .. عند الاغلب .. وكل شخـص وتفكيره لانه بيدخلون على اختهم ..
امما اخوان المعرس هاي يديده بصراحه ..
عسى ماشر اخوان المعرس يدخلون ويـاه ..

امما الترقص وهاي بصـراحه عيب شسالفه يعــني ..

ولحد يقول انه محد يسويـها ترى 90% من الاعراس اخوان العروس يدخـلون اله لو اخوانها يستحـون ..
او اهم ما يبون ..

جهام

23-07-2009, 04:46 PM

مساكين يبون يونسون عمرهم ...قدام الحريم

ام حبيبتي

23-07-2009, 05:04 PM

عااااااااادي يدخلون ويستانسووووووون لان العروس تبي اخوانها يدخلون والمعرس بعد والحريم يتغطون والا حق المجمعااات فل ميك اب ونص الشعر طالع والاعرااااس حرااااااااام ؟؟؟؟؟؟؟؟؟؟؟؟؟؟

تفكير شوي بس.......... لان اللي الله ساترها بتكون مستوره وتغطى في اي مكاااااااان .........

ولوسمحتوا نبي مواضيع جاده مب كله هالموااااااضيع .........

ام حبيبتي

23-07-2009, 05:16 PM

كل واحد رد عالموضوع يقول الصج في ذمتك مادخلت مع اخوك او اختك او انت كمعرس ؟؟؟؟؟؟؟؟ ويكفي الجواااااااااااااااااااااب ..........

الا بنحصل نصهم ارزفوا بعد داخل

STAR

23-07-2009, 05:28 PM

كل واحد رد عالموضوع يقول الصج في ذمتك مادخلت مع اخوك او اختك او انت كمعرس ؟؟؟؟؟؟؟؟ ويكفي الجواااااااااااااااااااااب ..........

الا بنحصل نصهم ارزفوا بعد داخل

لو سمحتي لا تغلطين على اعضاء المنتدى بالذات الذكوور...

حرام عليج لا تظلمينهم...

ماتعرفين انهم في المدينة الفاضلة ... ذوي المثاليااات..... كل اللي ردوا على الموضوع ومتزوجين صدقيني اخوانهم مادخلوا القاعات ... مساكين:secret:

امل الحب

23-07-2009, 06:10 PM

:omg::omg:

شدعوه كلكم معارضين

عيل اللي صاير في الاعراس شنو

يجوز بعد انه ذيلا كلهم مب قطريين :rolleyes2:

غريبة؟؟!! كل الاراء مع صاحب الموضوع .. بس انا اللي اعرفه كل الاعراس في قطر يدخلون اخوان العروس واخوان المعرس..اذا كل اعضاء المنتدى مو مؤيدين الفكرة عيل اللي نشوفهم في الاعراس منو ذووول؟!!!!

:nice::nice:

فلفل حار

23-07-2009, 06:11 PM

كلن يرى الناس بعين طبعه ... ^-*

مسفر2

23-07-2009, 06:13 PM

هذي عادة سيئة للغايه

وفيـــه احد يرضى انه يدخل شباب على اهله في البيت؟

المستحيله

23-07-2009, 06:17 PM

السلام عليكم ورحمة الله وبركاتة

هي لو توقفت على أخوان المعرس بتنبلع ولكن ان يدخل معه اخوانه وعيال عمه وعمامه وخواله غلط بغلط وش حللكم على العروس تدخلون عليها الطبع العروس المسكينه يروحون يغطونها بكل الطرق وبعبايه عشان يدخلون وياليت لو دخلوا كان عندهم شوية ذرابه وصلوا المعرس سلموا واطلعوا اللي يجلس يستعرض ورقبته تكسرت من التلفت واللي يرقص واللي دق سوالف مع المعرس كانه سبحان الله من 100 سنه ماشافه طايحه عليه من السماء عيب والله عيب والمصيبه يكون ابو العروس واخوانها ينتظرون هاللي مع المعرس يطلعون يسلمون على بنتهم ويباركون لها ويصورن معها ومع زوجها ومن ثم يطلعون

لكن للاسف وشفتها كثير يضطر الاب المسكين والاخوان من انهم يكلمون اهل المعرس ويقولون لهم يالله مشينا مب وصلنا المعرس انتهت المهمه حتي مايطول جلسة الرياجيل داخل عندهم

وبنات كثيرا يتضايقون من هالامر ينحرمون من اخوانهم وابوهم مايصورون معهم ولا يفرحون معهم

يدخل المعرس اذا لازم ولا بد منه يدخل ابوه معه اللي هو عمها وحلال تكشف قدامه وابوها واخوانها فقط لا غير حتي يشاركون عروسهم بالفرحه ومعرسهم ومن ثم يخرجون

اما دخول فرقه حسب الله اللي تدخل مع المعرس من اقاربه غلط وعيب ومع احترامي لهم رزة وجهه ومايستحون انت يهالرجل ماعندك بكرة اخت تتزوج ولا بنت بترضي ان اهل المعرس كلهم من الرياجيل يدخلون معه راح تعصب وحالتك حاله وتوقف لهم عند الباب لا تدخلون ولكن اذا انت من اهل المعرس راح تعصب حدك لو مادخلوك بحجه ان المعرس اخوي او ولد اخوي او عمي او خالي لو الواحد منهم يفكر عدل بيشوفه مب حلوه نمنع معرس داخل على زوجته من انه يشوف زوجته الا بعد وقت والسبب العروس متغطيه عشان حضرتكم ولا نحرم الاب والاخوان وعمامها وخوالها من التصوير معها ومشاركتها الفرحه والسبب متغطيه عشان حضرتكم لين تطلعون

ماتعرفون شلون هالامر للعروس يعتبر حساس جدآ تكون فرحتها غير لما تشوف ابوها واخوانها زافين لها المعرس وفرحتها وهم يصورون معها ويباركون لها بكل فرح ويتمونون لها السعاده هاللحظه عندها غير وخصوص وقت العروس اللي تطلع فيه للزواج قصير وفرحتها فيه تكون غير بوجود اهلها حوالها

السموحه على الاطاله ولكن صدق ظاهره تبط الجبد وياليت فرقه حسبه الله هذي اللي مع المعرس تنقرض للابد

eXpert*

23-07-2009, 06:21 PM

والمعرس بعد الفروض ما يدخل وجهة نظر

أنا أأيدك . المفروض محد يدخل .:nice:

يزفون العروس لين باب القاعة ويستلمها زوجها من عند الباب ويتوكلون في حال سبيلهم .:victory:

لله الحمد

23-07-2009, 06:29 PM

احنا حتى المعرس ما ندخله القاعه

بس ابو العروس واخوانها يزفونها

خمس دقايق ويطلعون فقط

وهذي العادة الحين صاير نقاش عليها

على شان ما تستوي ..

يالله عسى يمنعونها

QATAR 11

23-07-2009, 06:41 PM

ضد و بشدة..

و هذا من مبدأ الوقاية..

صج زمان غريب عجيب سبحان اللي ما يتغير

لماذا نجد من يؤيد دخول الرجال؟

أكيد بالمقابل هناك من يؤيد دخول الرجال بصورة عبثية و لا يكترث بما هو محرم أو غير جائز

و إلا لما إستمرت هذه الظاهرة و لما وجدناها تنتشر شيئاً فشيء للاسف تواصل السم.. حتى

بدأء ينخر في الجسد .

دمتم بخير..

في أمان الله..

غير البشر

23-07-2009, 07:20 PM

http://up4.m5zn.com/9bjndthcm6y53q1w0kvpz47xgs82rf/2009/7/23/09/shbbr64oi.gif (http://games.m5zn.com) http://up4.m5zn.com/9bjndthcm6y53q1w0kvpz47xgs82rf/2009/7/23/09/shbbr64oi.gif (http://games.m5zn.com) http://up4.m5zn.com/9bjndthcm6y53q1w0kvpz47xgs82rf/2009/7/23/09/shbbr64oi.gif (http://games.m5zn.com)

ولامره دخلت

ولد الشحانية

23-07-2009, 07:22 PM

هاذي عاده قديمه

وشي عادي اشوفها

الطيبة كلها

23-07-2009, 07:33 PM

عادي يدخلون والحريم متغطين وهذي عادات هل قطر ومن سنين مب جديدة - ولا علشان التركيبه السكانيه مثل ما كتب احد الاعضاء

الغفير

23-07-2009, 07:50 PM

Riku3

23-07-2009, 08:35 PM

:omg::omg:

شدعوه كلكم معارضين

عيل اللي صاير في الاعراس شنو

يجوز بعد انه ذيلا كلهم مب قطريين :rolleyes2:

وقت الصج الزوج يدخل وهو ساكت :nice: .. انا كنت من المعارضين لدخول اي شخص في البداية ولكن بعد ما خطبت وسارت السالفة صج وزواجي قرب، تقبلت الفكرة شوي وقلت مب مشكلة وبالفعل تم الحفل من ست شهور ودخلت انا ووالدي وسمحت لوالد واخوان العروس ان يدخلون لانهم صغار اصلاً 9 - 15 - 18 .. وكلهم كانوا منحرجين :shy: .

لو سمحتي لا تغلطين على اعضاء المنتدى بالذات الذكوور...

حرام عليج لا تظلمينهم...

ماتعرفين انهم في المدينة الفاضلة ... ذوي المثاليااات..... كل اللي ردوا على الموضوع ومتزوجين صدقيني اخوانهم مادخلوا القاعات ... مساكين:secret:
هههههه ..

ما ادري عن البقية .. بس اشوف ان سالفة دخول اخوان المعرس ماتنبلع كللللش .. وما ادري كيف يقبلها الناس ! ..

عندنا في العادة فقط الزوج ووالده(عم العروس) ووالد العروس واخوانها الصغار علشان يسلمون عليها ويصورون وياها فقط .. وفي عرس احد اخواني محد دخل كلش والعروس تم استقبالها على الباب .... وعمرنا مادخلنا اعراس اخوانا وكنا نسلم قبل دخلوهم للقاعة ونمشي خلاص ! .

اما بالنسبة للي يقول ان الحريم متكشفات فهالكلام غير صحيح .. واصلاً المعرس بيكون متوهق وماراح تلف عينه يمين ويسار وبيكون مشغول بالسوالف مع هله وزوجته وتهاني اهله من والدته وخواته وعماته وخالاته وكل شوي الفلبينيه الي تصور تقولك طالع هنا وتصوووووووور ..وبالنهاية بيطلع وهو مب مصدق ان هالنص ساعة خلصت بهالسرعه ! .

الرايــق

23-07-2009, 08:59 PM

مالهم حق
يدخلون
لا اخوان العروس
ولا اخوان المعرس
حدهم البااااااااااااااااااااااب
ويتوكلون على الله

100%>>>

عبدالرحمن

23-07-2009, 09:08 PM

alla ystr 3lehm
ashof kl hashy mala da3y la ydsh ho ola 7d
y6rshon lh almra albeet o5la9

بوخالد911

23-07-2009, 09:21 PM

ما له دااعي

يسلم عليها قبل لا تطلع من البيت

qdalwatan

23-07-2009, 09:25 PM

مالها داعي .. ولا يجوز

بنت الرجال

23-07-2009, 10:40 PM

نعـم ... عـااده دخيلـه على المجتمـع القطـري ...

في عرفنـا و سلوومنـا ... العـرووس هي اللي يزفونهـا ...
و لا جااا المعـرس و ابـووه و اخـواانـه و أهله يستقبلهـم ابوو العـروس و اخواانهـا و يدخلـوونهـم (( الخلـه )) ...
و بعديـن يزفـوون العـرووس ...
لا معـررس يدش ولا ابوه و لا هم يحزنـوووووووون ...

شاللـي غير هالعااده الحلـووه ...؟؟
طبعـآ العولمـه و فلااان يقلـد فلااان ((هالتقلييد الأعمـى)) لينن صاااروا على قولت البعض إذا ما دش المعـرس بيفكـروون الحريييم ان بينهـم عدم وفااق او ماشااابه ...!!!
و كلام النـااس مايخلـص ...

ياجمااعـة الخيـر مااايجـووز المعـرس بكبـره يدش على الحريـم حتـى لوتغطـواا لابـد بتطيـح عينـه على احـد ...

أنـا رأيي حـرااام و مااايجـوووز .... و شكـرآ ...

nouar

23-07-2009, 10:59 PM

هيبه للعروس..

شارع الأصمخ

24-07-2009, 01:10 AM

الصراحه اخوان العروس يدخلون ما فيها حاجه وبالعكس شيء وايد حلو
اما اخوان المعرس ما اعتقد ان دخولهم ضروري بالعكس يخرب ويعكر العرس
اصل الزفه ان المعرس يدخل على عروسته ويشوفها وياخذها شلون يدخلون اخوان المعرس ....................... يعني لازم يغطون العروس وما اعتقد انه شيء حلو

راي شخصي

انا حره

24-07-2009, 01:33 AM

صراحه انا مع وضد

المعرس دايما يدخل معاه اخوانه واخوان العروس فشله يدخل بروح وبعدين النسوان متغطيات مافيه شي

والعروس يدخل ابوها ولا اخوها معاها وخاصه اذا متوتره زياده اتحب ان احد يدخل معاها

بس بعض الشباب الله يهديهم يدخلون ويرقصون وخاصه الشباب الي ماعرسو عشان يشوفونهم البنات وينقبلون فيهم لارحو يخطبون ههههه

ابن قطر

24-07-2009, 02:55 AM

!الشايمه!

24-07-2009, 03:07 AM

كل واحد ينام على الجنب الي يريحه

عادة قديمة كانت وما زالت وليس من الشرع

وعلينا ان نتحدث ان القبائل القطرية ايضا تختلف فيما بينها ؟؟؟

وفالسابق كانوا يرمون العروس بسجاد وما يشوفها الا ليلة العرس

والحين تلقاه شبع من الشوفة

عموما حياة سعيدة لكل المعاريس في قطر

:eek5:افا يا ذا العلم....عادة دخيلة على المجتمع القطري...

واحنا من سلومنا ....العروس يحطونها في زوليه <<< مب سجاده بعد :)
ويدزونها على المعرس من فوق الجدار اتطيح على السطح
بعدين تدخل من الدريشة الى الخلة دايركت.....

يازين الكلام الحلو بس .....

المهم...بس بغيت اقول.....عودا حميدا يا ابن قطر..
وان شاء الله قضيت اجازة سعيدة :)

تحية لك

ريم المدينة

24-07-2009, 03:44 AM

يدزونها من فوق الجدار@_@

قطو هاي مب عروس..

k9911

24-07-2009, 03:50 AM

شدعوه الحريم متكشفااااااااات ..!!!

يعني المعرس حلال يشوف والباقي حرااام ..!!

طول عمرنا نحضر اعراس والحمد لله نتغطى عدل قبل لا يدخل المعرس ..
سواء دخل بروحه ولا هله معاه ..
اعتقد ما تفرق دخل بروحه ولا مع اخوانه يعني اش بيسوون اخوانه بيوصلونه لين داخل وبيصورون كم صورة وهم طالعين ..
اكثر من 95 % من اعراس قطر صاير فيها هالشي ..
لا تقولون ما يصير ..
شفت هالشي في كل الاعراس اللي حضرتها ..
من غير تحديد ..
//
هالشي صار عادي ..
لكن سالفة رقص الرجااااااااااااااااااااااال بين النسوان ..
بصراحة ........!!!!!!
يعني هالشي اللي يبط الجبد ويضايق ..
ييجي المعرس ويسحب معاه العائلة الكريمة بكبرها ..
كل شباب العيلة والجيران يمكن ..
وشوف الرقص ..
اغنية ورا اغنية ..
وين الرجولة ..؟؟

وسالفة جديدة طالعة بعد ..
يعني انا من استويت وانا اسمع ان ابو العروس ما يحضر عرس بنته ..
وهالشي يعتبر عيب ..!!
لكن هالايام اول واحد يدش ابو العروس ..!!!

ذربة ألكلام

24-07-2009, 08:18 AM

ماله داعي ....
والي يبي يدخل مع اخته خله يدخل
بس الاحسن مايدخلون...

ولد النواخذه

24-07-2009, 08:49 AM

غريبة؟؟!! كل الاراء مع صاحب الموضوع .. بس انا اللي اعرفه كل الاعراس في قطر يدخلون اخوان العروس واخوان المعرس..اذا كل اعضاء المنتدى مو مؤيدين الفكرة عيل اللي نشوفهم في الاعراس منو ذووول؟!!!!

فضلت اقتبس هالرأي وارد لانه فيه تعميم غير صحيح لان قبل يومين كان عرس أخوي وعلى الرغم من أن أحنا اخوانه 5 وأخوان العروس 3 مادخل مع المعرس غير الوالد فقط والوالد رجال كبير فالسن الله يطول بعمره وغير الوالد احنا مانرضى ندخل ونتكشف على بنات الناس لان مانرضى أحد يتكشف على خواتنا....
عادات شاذه علينا ولازم نوقف لها

شموخ العز

24-07-2009, 03:06 PM

مالهم حق
يدخلون
لا اخوان العروس
ولا اخوان المعرس
حدهم البااااااااااااااااااااااب
ويتوكلون على الله

عدل عدل

اصلن دخول صلاه الحريم يتعبر قله ادب وانفتاح غير طبيعي ماهو من عادانتا وتقاليدنا

كلن على حسب اصله وفصله( يعني اقلب الحله على فمها تطلع البت واخونها حق امهم)

مناحي السادس عشر

24-07-2009, 03:29 PM

كلن يرى الناس بعين طبعه ... ^-*

صح لسانك يا فلفل حار

طماطه

24-07-2009, 03:30 PM

saddawi4ever

24-07-2009, 03:42 PM

مب حلوه

العداله

24-07-2009, 06:41 PM

عاده دخيله اتمنى ان تختفي

الطيبة كلها

24-07-2009, 08:45 PM

عدل عدل

اصلن دخول صلاه الحريم يتعبر قله ادب وانفتاح غير طبيعي ماهو من عادانتا وتقاليدنا

كلن على حسب اصله وفصله( يعني اقلب الحله على فمها تطلع البت واخونها حق امهم)

انا اختك هذا اولا ثانيا كلامه واضح
بعدين شوفوا الردود الاخرى مثل هذا الرد وغيره وغيره المعنى واضح

عزووز قطر

24-07-2009, 10:32 PM

بصراحه ومن وجهة نظري ما اشوف الموضوع محتاج للتقاش لهدرجة ....

واخوان المعرس والعروس من حقهم يدخلون .... ويفرحون ....

انا يوم عرسي طلبت حتى من عمامي انهم يدخلون .... وصورت معاهم ( يعني هالفرحه كم مره بتكرر ) ؟؟

واذا جااااات على الحرام والحلال .... فالعرس بكبره وبالاسراف والطق والنقوط ( حراااااااام ) ....

ومافي عرس حضرته الا واخوان العروس والمعرس داخلين .... << حتى ام المعرس تستانس ....

اما سالفه الرقص جدام الحريم .... انا ما اايدها .... لانها تقلل من شان الريال ....

يعني اذا العرس بكبره حرااام تكملينها وتخلين الرجال يدخلون على حريم !؟؟؟
شي غريب

وبعدين صحيح ان هالعادة موجودة بس اللي يفكر صح مايسويها
يعني اذا الناس حذفوا نفسهم في البحر بتلحقونهم !؟؟
ليش اللي مأيد دخول الرجال مايقتدي بالاعراس المحللة والمباحة في الشرع ؟؟

طماطه

24-07-2009, 11:29 PM

يعني اذا العرس بكبره حرااام تكملينها وتخلين الرجال يدخلون على حريم !؟؟؟
شي غريب

وبعدين صحيح ان هالعادة موجودة بس اللي يفكر صح مايسويها
يعني اذا الناس حذفوا نفسهم في البحر بتلحقونهم !؟؟
ليش اللي مأيد دخول الرجال مايقتدي بالاعراس المحللة والمباحة في الشرع ؟؟

الحين الرجاجييل اذا ادخلوا ابي اعرف شبيسوون عشان تعارضون ؟؟؟؟

ودخولهم مب عيب ولا بحرام من وجهة نظري ...

وانا من اشد المؤيدين لهالعاده ... والي وايد فيه غيره وحميه ... يخلي هله يطلعون من العرس قبل دخلة المعرس وانتهى الموضوع ... محد مجبور يقعد لاخر العرس ... مع ان المعرس مو متفرغ لاي شي كفاااااايه الارتباك ... ونفس الشي اخوان العروس << ماراح يشوفون اختهم الا على الكوشه ويصورون معاها وتتم فرحه كبيره وذكرى ...