المساعد الشخصي الرقمي

مشاهدة النسخة كاملة : الأسعار تنخفض في كل مكان إلا في قطر..


عايش زمانه
23-07-2009, 10:07 AM
وهذا ما يحدث فعلا، فأسعار السلع هبطت في كل مكان نتيجة للأزمة العالمية وتراجع الطلب خاصة من أكبر مستهلك وهو الولايات المتحدة التي بلغت نسبة البطالة فيها 5ر9%، وكلنا يعرف أن سعر البترول انخفض واصبح 62 دولارا للبرميل بعد أن تجاوز المائة، وبالطبع مع انخفاض سعر البترول انخفض سعر الشحن ..

طيب وين الخلل ليش مانكون مثل العالم..
jassas
23-07-2009, 10:10 AM
اي والله اما هذي صدقت
bo_hamad
23-07-2009, 10:27 AM
الدوحة صغيرة وثرواتها عالية وأغلبية الشعب القطري غني ولله الحمد واستثماراتها كبيرة في شتى المجالات
حراير قطر
23-07-2009, 10:36 AM
وهذا ما يحدث فعلا، فأسعار السلع هبطت في كل مكان نتيجة للأزمة العالمية وتراجع الطلب خاصة من أكبر مستهلك وهو الولايات المتحدة التي بلغت نسبة البطالة فيها 5ر9%، وكلنا يعرف أن سعر البترول انخفض واصبح 62 دولارا للبرميل بعد أن تجاوز المائة، وبالطبع مع انخفاض سعر البترول انخفض سعر الشحن ..

طيب وين الخلل ليش مانكون مثل العالم..

شكل اللي يحطون اسعار السلع

متأثرين بمقولة " خالف تعرف "

فقاموا يطبقون هالمقولة

هم ينزلون وهنيه يرفعون

واذا هناك ارفعوا هنيه بينزلون

وهاي حال الدنيا

وعيش زمانكـ

:victory:
عايش زمانه
23-07-2009, 10:57 AM
jassas
شاكر لك على المرور

وتحياتي لك





bo_hamad
وأغلبية الشعب القطري غني

حط تحتها خط احمر وكثر منها

قول دخل محدود يمكن

وبعدين لاتنسى اخوانا المقيمين..

وتقبل من التحايا؟؟





حراير قطر

كلامك صحيح ميه بالميه

والنار ماتحرق الا رجل واطيها..
حراير قطر
23-07-2009, 11:13 AM
المشكلة اخوي بالصحافة

اللي سوت من الحبة قبة

يوم زيدوا الرواتب صجه بالصحافة غير طبيعية

ويوم قصوا من الرواتب ما سمعنا ولا نفس منهم

او معارضة الله كريم بس ،،،

واللي عندنا ما صدقوا خبر وارفعوا علينا الاسعار ...

والمفروض ما تنتشر هالاخبار في الصحافه
كاتم الاسرار
23-07-2009, 11:15 AM
مرحباا ولا في امل تنزل الاسعار الا يزيدووون الاسعار ما يشبعوووووووووووون اكل ؟؟؟؟؟
الله يصبرنا
عايش زمانه
23-07-2009, 11:26 AM
كاتم الاسرار
هلا بك

بس لازم يكون فيه حل..
بوعلي 78
23-07-2009, 11:42 AM
لأن دائما عندهم ان قطر ماتأثر بأي شي
لا ازمه اقتصاديه،،،، ولا انفلونزا الخنازير،،،، ولا اي شي
وكأن قطر موجوده على كوكب ثاني غير الكره الارضيه
عايش زمانه
23-07-2009, 12:08 PM
ابوعلي..

حلو التفاؤل بس مو على طول..

بعدين بنقعد نبكي على اللبن المسكوب..
ام عبدالله ~
23-07-2009, 12:16 PM
استغلال ^_^
راعي ال VXR
23-07-2009, 01:14 PM
اي والله لا زلنا نعاني من غلاء الاسعار .....
Gentleman
23-07-2009, 01:17 PM
عندنا المسؤول هو نفسه التاجر.
الأسعار ما راح تنزل إلا غصب وبعوامل خارجية.
Salman911
23-07-2009, 01:20 PM
عندنا المسؤول هو نفسه التاجر.


بالضبط نفس اللي كنت بقوله
براتزية برازيلية
23-07-2009, 01:36 PM
الله يصبرنا
مطيع الله
23-07-2009, 02:07 PM
التجار مساكين
خايفين ينزلون الاسعار تروح الحكومة ترفع الرواتب
بس لو الحكومة حفظها الله تؤكد لهم ان ما فيه رفع رواتب في المستقبل وتريحهم كانت الاسعار ارخص

ايسكريم سعره 6 ريال
سألته ليش هالسعر؟
قال المورد يبيعني بسعر 5.75

هل كذب العامل؟
جرير
23-07-2009, 02:16 PM
المشكله فينا احنا . . . احنا اللي عطيناهم مجال . . . اي شي مالنا حاجه فيه
لازم نحصله ليش لان فلان اشترى نفسه . . . ليش لان العالم طايحين فيه
والمشكله . . . ليش لانه بالحجز مع انه موب محتاجينه . . . اشياء وايد في قطر
تدبلت اسعارها والسبه احنا . . . وغير هذا ما عندنا صبر على اي شي
حتى لو احتجنا شي راح ندفع فيه مبلغ اكثر من قيمته
مشكلتنا نحب نتقتني اي شي وباي شكل من دون ادنى تفكير هل لنا
حاجه في هالشي . . . للاسف كل ما رحنا نبي نشتري شي
نحصل لسته طويله وبالحجز
عايش زمانه
23-07-2009, 02:16 PM
اخوي عبدالله

تقدر تقول استغلال طمع شجع استهتار..

سمة اللي تبي..بس لازم حلول..









راعي ال VXR

بس لا متى بيستمر الوضع..تفتكر
عارف حتى العقارت والفنادق ارخصت بدول الخليج الا عندنا




Gentleman

عندنا المسؤول هو نفسه التاجر.
الأسعار ما راح تنزل إلا غصب وبعوامل خارجية.

انت تقول هالكلام بس وين دورنا من هالشي لازم يكون لنا وقفة مع التجار..
والعوامل الخارجية صارت وحصلت بس مامرت علينا هذا اللي مستغرب منه




Salman911

مرحبا بك..وانا بعد نفس الكلام كان في بالي..



براتزية برازيلية

امين بس لا متى بنصبر للصبرحدود

لازم نعدل من ثقافتنا الاستهلاكية ونضغط على التجار...شوي
عايش زمانه
23-07-2009, 02:19 PM
مطيع الله

انا مايهمني كذب ولا ماكذب

يتحملون المسؤولية المورد والبائع..




جرير

حلو طرحك

عشان كذا قلت لازم نعدل من سلوكياتنا وثقافتنا الاستهلاكية

وشاكر لك مرورك
فلفل حار
23-07-2009, 02:23 PM
دايما تلاقي بالجرايد وبالصفحه الاولى ...!

( دخل المواطن القطري الأعلى دخلاً في العالم )



وجاي يالحبيب وتقول ليش الاسعار ماتنزل ..!! :anger1:

مب انت قطري ..؟! خلاص ادفع وامش وأنت ساكت ...:secret:


جذي يبونا ...:weeping:
عايش زمانه
23-07-2009, 02:28 PM
فلفل حار

اجابتك تقلب المواجع ..

والصحف تقول هالكلام مو لازم ناخذ بكلامها شوف من اللي يشتغلون فيها

ويكتبون هالكلام..

بعدين ليش مكتوب علينا نصير انهزاميين واستسلاميين..

شكرا على مرورك
عايش زمانه
23-07-2009, 02:38 PM
جاء في الأثر أن الناس في زمن الخليفة عمر بن الخطاب - رضي الله عنه - جاءوا إليه وقالوا:

نشتكي إليك غلاء اللحم فسعره لنا, فقال: أرخصوه أنتم؟

فقالوا: نحن نشتكي غلاء السعر واللحم عند الجزارين ونحن أصحاب الحاجة فتقول: أرخصوه أنتم؟ فقالوا: وهل نملكه حتى نرخصه؟ وكيف نرخصه وهو ليس في أيدينا؟ فقال قولته الرائعة: اتركوه لهم.

بل إن علي بن أبي طالب رضي الله عنه يطرح بين أيدينا نظرية أخرى في مكافحة الغلاء وهي إرخاص السلعة عبر إبدالها بسلعة أخرى ؛ فعن رزين بن الأعرج مولى لآل العباس قال: غلا علينا الزبيب بمكة فكتبنا إلى على بن أبى طالب بالكوفة أن الزبيب قد غلا علينا,فكتب أن أرخصوه بالتمر) أي استبدلوه بشراء التمر الذي كان متوفرا في الحجاز وأسعاره رخيصة فيقل الطلب على الزبيب فيرخص. وإن لم يرخص فالتمر خير بديل.

والقاصي والداني يعرف ما حصل لبعض البضائع الدنمركية عندما قاطعها الناس واستبدلوها بسلع أخرى كيف تهاوت أسعارها بشكل كبير حتى وصلت إلى النصف تقريبا.

...وانا من هذا المنبر اطالب بتفعيل هذا الموضوع ومشاركة الجميع ليصل لأكبر شريحة من المجتمع ونعتبره وقفة احتجاج وعتاب للمسؤولين عن الغلاء الفاحش
وشكرا