حملة مرورية لضبط ( السائقين الغير ملتزمين بالحزام)

[شاعر المليون]

لا حظت في الأيام الأخيرة خصوصا في الفترة الصباحية

دوريات المرور تخالف السائقين الغير ملتزمين بلبس حزام الأمان

عند اشارات المناصير و دوار الساعة سابقا ( عند سكن موظفي مستشفى حمد)

ويتم تحرير المخالفات مباشرة وتسليم السائق ( التيكت الأصفر)


سؤالي لأعضاء المنتدى كم مرة خذيت مخالفة حزام ؟ وكم كانت قيمة المخالفة؟

[QatarProv]

الله يجزاك خير ع الموضوع ,,
,,
,,

وبخصوص المخالفات خالفوني مره وحدة الحمدالله ^_^ ,,

[شاعر المليون]

الله يجزاك خير ع الموضوع ,,
,,
,,

وبخصوص المخالفات خالفوني مره وحدة الحمدالله ^_^ ,,

حتى أنا اليوم تمت مخالفتي وهذي المرة الرابعة بس للأسف ماقدر أتعود على ربط الحزام

[ALRAYYAN]

3 مرات مره كانت 100 ريال على النظام القديم
ومرتين 500 على النظام الجديد

حاولت اتعود عليه بس مامشى الحال

[الرايــق]

الحمد لله
بعد 6 سنوات من حصولي على الليسن:shy:
ولا مرة مخالفة حزام
خلاص الواحد تعود على الحزام ولله الحمد
يعطيهم العافية رجال المرور

[متفاءل]

الحمد لله

ولا مره:nice:

[برشلوني قطر]

واحد من الربع بيته فالمطار..ومن كم يوم يقولي يبي يروح الممركز الصحي وبينه وبين المركز

دقيقتين وهو دايما يحط الحزام بس لان مشوار بسييط جدااا ماحطه والا متلقينه ف الشارع التجاري..

وبدون مايوقفونه بس اشرله ع الحزام..واليوم الثاني مطرااش << الله المستعان

اعتقد مرره وحد خالفوني ع الحزام...والحمدلله ع كل حال

[وطن]

الحمدلله ولا مره خالفوني على الحزام
في طول مدة سواقتي


مخالفاتي رادار
والله يقدرني ان شاء الله واتحاشى الرادارات وما يصيدوني

وترى الحزام لسلامتكم عشان جذي هم مشددين عليه
:secret:

[هذلان]

مره وحده خالفوني ٥٠٠ ريال قبل شهر .. القهر انه في الدوار كانو واقفين فوق ١٥ سياره .. خالفني انا بروحي ؟؟ مش معقوله كلهم لابسين الحزام !!

[الوفـى طبعي]

الحمدالله انا على شوي شوي قاعد اتعود اربط الحزام

[العقل الحر]

ولا مره في حياتي من سنه 2003 وانا احط الاحزام

[المهجور]

مرتين
500+500= 1000 :(

[rashid alkubaisi]

مره وحده والشرطي واقف قبل الدوار بشوي حاولت اسكر لحزام بس قفل

وسكرته بعدها لكنه شافني

وكانت 100 ولله الحمد على النظام القديم والله يبعدنا ويبعد المسلمين عن النظام الجديد لانه وايد

[خيال شمر]

انا من خذيت الليسن سنة 95 بس مره وحده على القانون الجديد يــــــــــــــــــــارب يلغونه مجلس الشورى لأنه للحين مطبق بس معلق ... مع التحيه

[بن درويش]

مرتين على النظام القديم 100 ريال
ومرتين على النظام الجديد 500 ريال
والمفروض ايخلون الاحزام على الطرق السريعه مو بالزحمه وعند الاسواق والمستشفيات والشارع التجارى

[theeb_qatar]

الحمـدلله

ولا مره لبستــه ...
ولامـره خالـفووني ...

[الخارجية]

3 مرات

[لولوتي]

ما أحبه كلش :(

ومره وحده، ومره سماح :nice:

[ابن الجزيرة]

من لا يحترم القانون لا يحترم نفسه

[_بوشهاب_]

الاماكن الي فيها الحمله
دوار البريد
دوار المسرح -الكورنيش
دوار المرخيه
دوار التفزيون
اشارات نادي قطر
اشارات رمادا

اماكن الثبوت في الليل
تكويعه ازغوه قرب بيت سريع الكعبي
دوار الشرتون
دوار الشمال
خط الريفيرا
خط الخور الجديد
خط مسيعيد الدوحه
دوار المايل



خذوا الحذر

_بوشهاب_

[BURBERRY]

مره سماااح

و مرتييين خالفوني ..

حاولت اتعود على الحزام لكن ماقدرت .. :(

[فلفل حار]

وألي مايداني الحزام ...:telephone:

[العودي V.X.R]

انا عن نفسي ولله الحمد اول ما سويت بيمتي من عقب 7 شهور مطنش :eek5: (( شكوني )) على طول :anger1:

والله الفرحه ماتمت :weeping:

[aziz735]

شكرا على الموضوع

[ahmad3]

هي لو يات بس على حزام الأمان .. تهون

يا إخوان اليوم حاطيّن الرادار المتحرك على خط الشمال على سرعة ((( 60 كيلو متر:anger1: )))
إي والله ... السرعة على خط الشمال 60 كم ،، طبعاً حالياً السرعة متفاوته على خط الشمال مابين 60كم و 80كم وأعلى سرعة مسموح فيها على خط الشمال ((( 80 كيلو متر ))) بسبب التحويلات اللي ما أظن أنها تنتهي قبل أربع سنوات !!!، بعد ما كانت 120كم في السابق!
(((( شارع به مسارين وطوله أكثر من 96 كيلومتر والسرعة عليه 60كم و 80كم )))))
يعني اللي ناوي يتمشى على الخط أو يمر على ربعه في مدينة الشمال لازم يودّع أهله في الدوحة وياخذ معاه دلّة القهوه علشان ما ينام على الخط :rolleyes2: ويقول دعاء السفر لأنه بيوصل الشمال في خلال ساعتين أو يمكن أكثر :omen2:

[القاضي 8]

وترى الحزام لسلامتكم عشان جذي هم مشددين عليه
:secret:

الحزام مشددين عليه

شيوديهم داخل الفرجان يسونلج ثبوت

او ف الباركنات

انا خالفوني ف ممرات الباركنج حق اللاند

والله حاله

[vib قطر]

انا مرة عطوني مخالفتين حزام + تلفون :telephone:
وانا معاهم لان احنا مخطيين

[فلفل حار]

هي لو يات بس على حزام الأمان .. تهون

يا إخوان اليوم حاطيّن الرادار المتحرك على خط الشمال على سرعة ((( 60 كيلو متر:anger1: )))
إي والله ... السرعة على خط الشمال 60 كم ،، طبعاً حالياً السرعة متفاوته على خط الشمال مابين 60كم و 80كم وأعلى سرعة مسموح فيها على خط الشمال ((( 80 كيلو متر ))) بسبب التحويلات اللي ما أظن أنها تنتهي قبل أربع سنوات !!!، بعد ما كانت 120كم في السابق!
(((( شارع به مسارين وطوله أكثر من 96 كيلومتر والسرعة عليه 60كم و 80كم )))))
يعني اللي ناوي يتمشى على الخط أو يمر على ربعه في مدينة الشمال لازم يودّع أهله في الدوحة وياخذ معاه دلّة القهوه علشان ما ينام على الخط :rolleyes2: ويقول دعاء السفر لأنه بيوصل الشمال في خلال ساعتين أو يمكن أكثر :omen2:

ههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه

:eek5::eek5:


مشكله والله ...:rolleyes2:

[الجوكر90]

السلام عليكم
انا من 2007 اسوق بس ولا مره خالفوني حزام
لان هالمخالفه شوي 500
اصلا انا ماحب اخالف وايد حتى ماحب اصف موتري مكان غلط حتى لو مافي مكان احس ان مب شي حضاري
وانا من النوع اذا ماتجيني مخالفات كلش بس مره وحده 3 مخالفات مع بعض
ولا كل مخالفه 1000 لان المصايب تجيني مره وحده
بس اكثر من مره مشوني ع الحزام طبعا جبت الشرطي باسلوب راقي ومشاني وخالف الي جدامي
الله يعينه
بس الحمدلله ع كل شي
واذا ع المخالفه انا اشوفها وايد اوكي ترى والله الحزام ينفع حق الي يسوقون بدون خبره وبستهتار ولو بيدي اخلي المخالفه نفس ماهي 500 مازيدها ولا انقصها
اما باقي المخالفات خل ينقصون منها لانها من قلب وايد
وتسلم اخوي ع الموضوع

[ابو لمى]

ينبغي حقيقة التشديد على مثل هالمخالفات:
قطع اشاره
سرعه
عكس طريق
عدم اعطاء اشارات الدوران وغيره
عدم وجود الانوار الامامية والخلفية والاشارات
كثرة خروج الدخان من الشكمان (تكون السيارة مبوشه)
اما شغلة الحزام وتطويف الرخصه او الاستماره ايام او حتى اسابيع فهذي الاشياء ماتضر الفرد او المجتمع مثل المخالفات اللي فوق
ولا يجوز التضييق على المسلم بأخذ ماله او سجنه بسبب حزام او ماشابه ذلك. والذي اراه إن الحزام يكون شي اختياري ... إلا على الخطوط السريعه ... فيمكن الزام السائق بذلك دون التضييق عليه.
هذا رأي أنا شخصياً ... ولا احد ملزوم به. شكرا

[النهار]

ينبغي حقيقة التشديد على مثل هالمخالفات:
قطع اشاره
سرعه
عكس طريق
عدم اعطاء اشارات الدوران وغيره
عدم وجود الانوار الامامية والخلفية والاشارات
كثرة خروج الدخان من الشكمان (تكون السيارة مبوشه)
اما شغلة الحزام وتطويف الرخصه او الاستماره ايام او حتى اسابيع فهذي الاشياء ماتضر الفرد او المجتمع مثل المخالفات اللي فوق
ولا يجوز التضييق على المسلم بأخذ ماله او سجنه بسبب حزام او ماشابه ذلك. والذي اراه إن الحزام يكون شي اختياري ... إلا على الخطوط السريعه ... فيمكن الزام السائق بذلك دون التضييق عليه.
هذا رأي أنا شخصياً ... ولا احد ملزوم به. شكرا


انا معك في ان الحزام مفروض يكون اختياري داخل المدن

[الهاجري001]

انا والله صادوني عند اشارات المناصير وشكوني بدون مجادله
الله المستعان