ابي مساعده من اهل الخبره [الأرشيف] - منتديات شبكة الأسهم القطرية

مشاهدة النسخة كاملة : ابي مساعده من اهل الخبره

alfahad1

24-07-2009, 12:24 AM

بغيت اسافر لماليزيا المشكله ما عندي خبره بالسفرات خصوصا لما اسافر مع الاهل
يعني اروح شركه سياحيه في الدوحه اشترك في برامجهم السياحيه ولا اروح ماليزيا
واذا وصلت اقول راعي التكسي بالفندق ألي ابي اروحله ولا احجز من الدوحه......
بس ابي نصيحتكم ..............................يعني اذا واحد بيسافر وشهي الترتيبات للسفر
وهل ماليزيا ترشحوها لي للسفر وشكرا

ولد الشقب

24-07-2009, 12:56 AM

ماليزيا حلوه وامان ومتخاف على الاهل لوانزلوا بروح
احجز فندق في كالالمبورمدة يومين على شان تريح عقب تعب المطار
عقب ابدا بترتيب الرحله جنتك يوم وبعدين الجزر كل جزيره يومين او ثلاث
وذا مامعك اطفال خل التنقل بالسياره احلى

alfahad1

24-07-2009, 02:25 AM

مشكور اخوي ولد الشقب

بغيت اعرف هل الشركات السياحيه تسهل عملية ترتيب الرحله وتستاهل واحد
يشترك فيهم

ليــث قطر

24-07-2009, 06:46 AM

أخوي نصيحتي لك ..

لا تحجز رحلات سياحية من الدوحة لأنك بتدفع هنيه وبتتقيد بجدولهم ..

أنت روح ماليزيا وعقب ما تسكن في الفندق تنزل تحت وتقولهم أبي كل الرحلات اللي عندكم

تشوفها وتختار براحتك وتتشاور ويا هلك وتحط جدولك هناك ..

وإذا حسيت بتعب تكنسل الرحلة ولو بنفس اليوم وترجع فلوسك كاملة وانت مرتاح

طبعاً الرحلات السياحية لها سلبيات وايجابيات ..

السلبيات: التقيد ببرنامج ووقت .. بعض الاحيان يكون في البرنامج زيارة اماكن انت مب حاب تروح لها (مثلا يوم رحنا جنتنج ودونا عقبها معبد بوذا اعوذ بالله زين ان الزيارة كانت بس ربع ساعة وقعدنا انا وهلي في الباص ننطرهم والجو كان حلو) .. الخصوصية اقل طبعا بحكم انه باص

الايجابيات : مرشد سياحي .. سعر ارخص وغالبا يشمل الاكل وتذاكر الدخول وكل شي .. أمان أكثر من التكاسي (لأنها شركة سياحية ومتفقة مع الفنادق) خاصة اذا الرحلات بعيدة ..

هذا اللي عندي تقريبا .. انا سكنت في مندرين اورينتال كوالامبور بجانب البرجين وخذت الرحلات السياحية عن طريق الشركة اللي تتعامل معاهم عند موظفي الكونسيرج .. ومتعاونين جدا جدا

alfahad1

25-07-2009, 06:59 AM

مشكور اخي ليث بس وشسالفة الفيزا لازم ادفع بالفيزا كارد في مطار ماليزيا الكاش ما يقبلونه ولا
اقدر ادفع من الدوحه(لاني ما عندي فيزا كارد).......... واذا وصلت هناك اقول راعي التاكسي يوديني للفندق اللي ابيه وبعدين
في نفس اليوم اروح لأقرب مكتب سياحي اتفق معاهم على برنامج سياحي .......... طيب الفنادق
أللي سكنتها هل حجزتها انت ولا المكتب على كيفهم ........... وهل المكتب يعطونك رقم ماليزي ولا لازم اشتري
عشان اتواصل مع المرشد السياحي

فلفل حار

25-07-2009, 07:11 AM

دامكـ رايح أول مره

خذ باكيج كامل من السفريات

يرتبون لكـ الروحات والجيات وكل يوم مكان ...:thumbup1:

شالفايده لو تسافر وتخسر الالالاف ومجابل طووف الفندق ...:tease:

وهالله هالله بالتقارير المصوره ...:pic:

تروح وترجع بالسلامه الشيخ ...:victory:

alfahad1

25-07-2009, 07:19 AM

اخوي فلفل بس اي سفريات اهنيه ولا هناك افضل

فلفل حار

25-07-2009, 07:51 AM

والله ماعندي خلفيه ماقد سافرت هالبلدان ...:weeping:

بس ألي أعرفه انه الشباب ياخذون من سفريات الدوحه ...

مثل ريجنسي والمتحده ...:telephone:

وشوف مواضيع الاعضاء ألي سافرو ... مب غلط تاخذ فكره عامه ...:discuss:

http://www.qatarshares.com/vb/showthread.php?t=259456

والسموحه على القصور يالغالي ... ^-^

غناتي1

25-07-2009, 10:25 PM

اللي بيروح ماليزيا يتوكل على الله -- ويحجز السياحة من هناك

ولد الشقب

26-07-2009, 01:20 AM

مشكور اخوي ولد الشقب

بغيت اعرف هل الشركات السياحيه تسهل عملية ترتيب الرحله وتستاهل واحد
يشترك فيهم

توكل على الله وروح ولابغيت جولات سياحيه من الليل رتب مع الفندق
مثلا جنتك قول لهم انك بكره بتطلع جنتك الساعه الفلانيه بس قبلها بوقت بيكلمونك على شان تنزل وتكنسل الغرفه ليله وتبيت في جنتك اذا بغيت وباقي الشنط خلها في امانات الفندق واخذ معك هندباك

وكل مره نفس الطريقه

شيزكيك

26-07-2009, 01:53 AM

نا رحت مالييزيا من سنتين ومالقينا حجز الا على الاماراتيه وطبعا غنيه عن التعريف

اول شي كنت ادخل منتدى المسافرون العرب واقرا تقارير المسافرين لماليزيا

وهم مرتبين جداول حق الاماكن والمطاعم والجزر والملاهي والمجمعات ووايد استفدت

منهم وحتى الفنادق حجزناها من النت

وهناك كنت عارفه وين بنروح كل يوم فكنا نستعين بالكونسيرج حق حجز الباص

شي مهم

اذا حجزت فندق واحذاه ملاهي راح يعطونك خصم للتذاكر

اماكن حلوه

الاكوريم روعه واليهال بيستانسون فيه

جتننق

ملاهي فوق الجبل تروحون لها بالتلفريك روعه

سن وي لاقون

ملاهي مائيه حلوه ومرتبطه بالفندق

رحنا جزيره بيانق بالسياره بس الرحله متعبه 5 ساعات وماحبيتها وايد

العاصمه احلى شي

المطاعم العربيه غاليه ومطاعم الفاست فود رخيصه

البلد آمان ونظيف

شارع العرب بعد حلو

alfahad1

26-07-2009, 10:05 AM

مشكورين على المرور
رحت سفريات المناعي هناك فيه شركه اسمها توماس كوك هناك سوولي برنامج....... عليهم كل شي
ما عدا الغدا والعشاء طلعلي ب 7800 للشخص وفيه فنادق 5 و 4 نجوم وسائق خاص

اعتقد ان هالسعر مقبول ولا اشرايكم والبرنامج بصراحه اعجبني

بوخالد911

26-07-2009, 12:17 PM

رحتها من قبل

نظييفة

رووح
العاصمة

جنتنغ = برااد وجووها حلوو

جزيرة بيننغ = يبييلها 3 أيام

ولا تنسى سفاري بالعاصمة

مووفقيين