المساعد الشخصي الرقمي

مشاهدة النسخة كاملة : هل تساهم بتربية اولادك؟؟


ابن قطر
24-07-2009, 03:21 AM
قد يكون العنوان غريب بعض الشي ولكن هل تملك الوقت الكافي ايها الاب والام بتربية الابناء وخاصة

المشوار بو خمسة دقائق بالسابق تغير الى ساعة وكل شي اصبح ضدك سواء مسلسلات تلفزيونية

او النت

او المنتديات

او الهوايات بالنسية للاباء البحر والحداق والمقناص

والامهات الحصول على اخر صيحة من الازياء وحضور الاعراس والتحدث مع الصديقات

وهنا يبقى السؤال من يربي الابناء ....ماري او تامي ومن يعوض دور الاب راجو ؟؟؟؟؟؟؟؟
مناحي السادس عشر
24-07-2009, 03:28 AM
الحمد الله يا بن قطر للحظه هذي الخدم مادخلوا بيتي
لان من يوم قررت اتزوج حطيت في بالي ان المره مكانها البيت عشات تربي عيالي واساعدها طبعا بتربيتهم
وهذا هو جوابي على سؤالك ..
والله لا يجيب اليوم اللي اشوف ماري وتالي وووو في بيتي
موضوعك رهيب يا بن قطر
بنت الرجال
24-07-2009, 03:53 AM
الحمـدلله رب العاالمييين .. عيـالنـااا احنـا اللي نربيهـم .. لا كاااني و مااانـي و لا رااجوو حتـى ما يسااعدونا في تربيتهـم ..

لأنـهم أمانـه في رقـابناا و بننسـئل عنهـا يوم الديـن .. و لازم نربيهـم التربيـه الصحيحـه ..

الخـدم انا من وجهـة نظـري لشغـل البيـت وبـس و ليـس لتربيـة الأطفـااال .. و اللي يحـب عيـاااله ماظـن يهملهـم عنـد خـداامه او ساايـق و الله انا قلبـي يعـوورني من أشووف يااهل مع خداامـه او دريـوول جااي ياخـذ ولـد صغير من المـدرسه و هو عمـره ماتعـدى الـ5 سنيين .. وين أهلـه هـذا ابي اعـرف ..!!
ويـن قلـب الأم اللي يـرحــم ..!!

وإذا الأم وراها مشواار تخليهـم عنـد والدهـم << لازم الأبـو يشـاارك و إذا هـو بعد مشغوول تخليهم عند والدتهـا أختهـا عمتهـا خالتهـا ليين ترجـع من مشوارهـا و لا أخليهـم مع خدامــه ماترحـم و ماادري شنهي بيئتهـا اللي هي جااايه منهـا ..
عيـاالنـا أهـم من أي شي في الدنيـااا لا مشواايـر و لا أعرااس و لا أزيـااء و لا صديقاااااات ..



صـدقواالأولييين يوم قالـوا (( من همـّل أهتمـَل )) ..

يعطيك العاافيـه على الموضـوع ...
نورFROM قطر
24-07-2009, 05:27 AM
قول يمسكونهم يساعدونا ف البيت اوكي،،، بس مره رحت عياده خاصه وجلست انتظر وانتظر،،، والا ينادون على رقم معين،،، واتقوم الام الخدامه وهي ماسكه الولد وف الطريق الى غرفه الطبيب،،، انصدمت قلت حق الممرضه هذي جاي بدون امه،،، قالت جاي مع خدامته،،، وطلعت من غرفه الطبيب وقعدت تسال الممرضه عن العلاج كيف تعطيه،،،مادري اشلون قلوبهم ماتعورهم الولد حالته حاله ومخلينه يروح العياده مع خدامه ولا ياليتها فاهمه قاعده تدور وتسال ايش كتب الطبيب وكيف ياخذ العلاج....لاحول ولا قوه الا ب الله
Qt.1
24-07-2009, 09:23 AM
اشكرك بن قطر على موضوعك المهم بصراحه

انا عن نفسي وقتي كله حق بيتي وحق بناتي ولاافي شي في الدنيا يقدر يشغلني عنهم....واذا في طلعه ويا الشباب والاا تمشي ويا الشباب ايكون بس في الويكند بس مثلاا الجمعه

واما عن الخدم فشغلهم بس تنظيف البيت ومساعدة الااهل.
sendarala
24-07-2009, 09:33 AM
انا كل همي عيالي وبيتي حتى خذت تقاعد من الشغل علشانهم
وفي نهاية المطاف صادني الديسك بس الحمدلله على حال
لاني حسيت اني اديت مهمه وواجب مب ندمانه عليه
Qt.1
24-07-2009, 09:57 AM
انا كل همي عيالي وبيتي حتى خذت تقاعد من الشغل علشانهم
وفي نهاية المطاف صادني الديسك بس الحمدلله على حال
لاني حسيت اني اديت مهمه وواجب مب ندمانه عليه

الله ايخلي لج اعيالج وايحفظهم من كل شر يارب
فلفل حار
24-07-2009, 06:56 PM
قول يمسكونهم يساعدونا ف البيت اوكي،،، بس مره رحت عياده خاصه وجلست انتظر وانتظر،،، والا ينادون على رقم معين،،، واتقوم الام الخدامه وهي ماسكه الولد وف الطريق الى غرفه الطبيب،،، انصدمت قلت حق الممرضه هذي جاي بدون امه،،، قالت جاي مع خدامته،،، وطلعت من غرفه الطبيب وقعدت تسال الممرضه عن العلاج كيف تعطيه،،،مادري اشلون قلوبهم ماتعورهم الولد حالته حاله ومخلينه يروح العياده مع خدامه ولا ياليتها فاهمه قاعده تدور وتسال ايش كتب الطبيب وكيف ياخذ العلاج....لاحول ولا قوه الا ب الله

...!! :omen2:
مرتبش
24-07-2009, 10:16 PM
موضوع مهم
اولويات الناس اختلفت عن اول.. تشوف الاكثرية مهتمة بجمع المال وبكل الطرق..اللي يشتغل في الحكومة الصبح وبعد العصر في تجارته
والحرمة اللي تشتغل الصبح وبعد العصر اسواق وطلعات وزيارات.
فأكيد بنشوف الخدامة تودي الطفل المستشفى وبنشوف الدريول يوصل اليهال المدرسة ويروح المطعم وياهم يجيبون عشا..
وفي جانب اخر للموضوع في ناس تدور وناستها وبس.. واليهال يزعجونهم ويعورون روسهم.. يلعبون الياهل شوية ويقومون عنه ويخلونه ويا الخدم..

انا يوم صغير ما كنت اسمع كلمة خدامة.. وكبرنا شوي وقمنا نسمعها.. والحين حل مكانها المصطلح الجديد "الخدم"
الله يستر علينا
جير قطر
25-07-2009, 01:40 AM
دور الأب والأم مهم في تربية الأبناء ولان في عصرنا هذا من الصعب من الأب او الأم ان يكون عندهم وقت فاضي لتربية الأبناء لان كل واحد منهم مشغول في عمله ف في هذا الحال يبدأ دور الخادمه في تربية الأطفال
الفيلسـوف
25-07-2009, 02:42 AM
يعطيك العافية وبارك الله فيك واشتقنا لمواضيعك المميزة

عن الموضوع: الزمن هذا هو زمن المطلوب تدخل مباشر من الاب والام في تربية الابناء

لكثرة المفاسد وانتشار الرذيلة وتشويه الدين من قبل بعض الجهلة

فوجود الاثنين مهم جدا