لوسمحتوا دقيقه من وقتكم..

[omabdulla]

اعتذر عن استقبال اي طلبات بخصوص الخبز الرقاق بسبب سوء معامله ومكالمة اكثر المتصلات لي .. طبعا مافي وحده اتصلت الا وهليت بها وكنت مؤدبه معاها لابعد الحدود لاني بنت ناس ومتربيه عدل.. واذا على مبلغ ال500 الله الغني عنها .. والله العالم اني كان قصدي اني اخفف على بعض الناس الضغط والغلى اللي يعانون منه .. وال500 ولا شي برع تنباع مب اقل من 800 ويمكن اكثر .. وانا كان عندي وقت فراغ وكنت ابي اضيعه في عمل الخير .. بس جزاي عندي ربي سبحانه وتعالى..طبعا لازم اقول لكم الشي اللي حدني اني اتراجع عن الخبز..اتصلت احدى الخوات وكانت تتكلم معاي بطرف خشمها واتامرني باشياءغريبه غسلي يدج قبل لاتخبزين على باللي تضحك تراها من صجها والثانيه ماراح اعطيج نص المبلغ شالي يثبت لي انج بتسلميني الخبز لازم ادل بيتج (اشدخلج في بيتي طلبج وبيوصلج لين بيتج ) واللي ضحكتني اكثر وحده الله يهداها تبي تشوف نظافت مطبخي .. وطبعا هذي شي بسيط من معاناتي من اللاتصالات اللي حدتني اني الغي الفكره والله يجزيني خير على نيتي ويهدي ويسامح كل اخت عاملتني باسلوب اسميه مب حضاري لين اللحين في ناس على بالهم ان الناس شغاله عندهم ترى الموضوع من البدايه كان عرض وطلب وانا ماضربت احد على يده وقلت له اتصل لي واطلب وتشرط ..

[$.$.$]

ماعليج منهم يام عبدالله والله يوفقج

[غناتي1]

ولا يهمج يا ام عبدالله منهم

فيه ناس ما تراعي غيرها بالكلام

ترى الكلمة الطيبة صدقة -- وبعدين لو تشوفين اشكثر اللي يشترون

من السوق المركزي عند البلوش وهو ما يعرفون مدى نظافتهم

وهم بعد من حقهم يتأكدون من النظافة بس -- بأدب وبطريقة ما تظتيقج

لو اني ما أشتري من كراتين الواحة كان سويت عندج لأنه كانوا فيه

هنود ايجون البيت ويخبزون قدام عينج وسعرهم مناسب لأن كل شئ عليج

من غاز الى طحين --- الخ وهم ايجيبون التاوة بس

على العموم الرزق بيد رب العالمين -- وما ينصك باب الا وربي يفتح غيره

الله يوفقج اختي

[ommohamad]

الله يوفقج ان شاء الله

[قناص الخليج]

الناس اجناس

يعني الحين هم يدشووون مطابخ المطاعم قبل لاياكلون

ماعليج منهم والى يكثرها قولي له الله يحفظك

موفقة ان شاء الله

[حياة]

مرحبا ام عبدالله شلوونج..

أنا بقوول وجهة نظري أنا أحس المبلغ بالعكس مناسب

أنا من 3 سنين كنت اسوي عند هندي يجي للبيت وبـ500

وأصلا شغلج بيكون شرف لكل وحده أن وحده من بنات البلد اهي اللي تسوي الرقاق وتكفيهم العباله ولا انها تسوي عند هندي

الله يوفقج ويرزقج

وهذي التجاره وانا عانيت مثلج من اصناف هالناس

[rashid alkubaisi]

يا ام عبدالله لو انج بنقاليه ولا هنديه كان ترجوج تسوين الخبز قبل رمضان

ولا وبيعطونج زود بعد علشان تخلصينهم وماخلو حد في قطر ماعطوه رقمج ومدحوج لكن ربعنا ونعرفهم عدل

بس ماعليج منهم والله كريم

[Miss.qtr]

حبيبتي ام عبدالله

الرزق بيد الله موب بيدهم

وماعليج من الكلام اختي وسعرج فعلا مناسب يكفي تعب التاوه وحرارتها والجلسه وكسرة الظهر

والله يهدي الاخووات اللي دقوا واللي تحسينها شايفتن عمرها فديتج قولي لها الله يحفظج وخبزي بروحج

وربي يوفقج اختي .. مشكله عائلتي صغيره ولا ياكلون ثريد ماغيري وامي ترسل لي كرتون صغير ع قدي

ولا كان طلبت من عندج

ولا يهمج اختي ولا تقطعين رزقج عشان فلانه وعلانه

وربي يوفقج

[BeYoNd]

انا بصراحة بعد ها الكلام من الاخوات ماعندي كلام اقولة غير الله يوفقج ويزقج ان شاءالله لانه مثل مايقولون الناس اجناس ....... خليهم يرحون حق ها الهنود والبنغلين .... يسون عندهم خاصة ان الامراض منتشرة في ها الوقت ومايدرون نضافتهم شلون .....

[shaikha ma]

اعتذر عن استقبال اي طلبات بخصوص الخبز الرقاق بسبب سوء معامله ومكالمة اكثر المتصلات لي .. طبعا مافي وحده اتصلت الا وهليت بها وكنت مؤدبه معاها لابعد الحدود لاني بنت ناس ومتربيه عدل.. واذا على مبلغ ال500 الله الغني عنها .. والله العالم اني كان قصدي اني اخفف على بعض الناس الضغط والغلى اللي يعانون منه .. وال500 ولا شي برع تنباع مب اقل من 800 ويمكن اكثر .. وانا كان عندي وقت فراغ وكنت ابي اضيعه في عمل الخير .. بس جزاي عندي ربي سبحانه وتعالى..طبعا لازم اقول لكم الشي اللي حدني اني اتراجع عن الخبز..اتصلت احدى الخوات وكانت تتكلم معاي بطرف خشمها واتامرني باشياءغريبه غسلي يدج قبل لاتخبزين على باللي تضحك تراها من صجها والثانيه ماراح اعطيج نص المبلغ شالي يثبت لي انج بتسلميني الخبز لازم ادل بيتج (اشدخلج في بيتي طلبج وبيوصلج لين بيتج ) واللي ضحكتني اكثر وحده الله يهداها تبي تشوف نظافت مطبخي .. وطبعا هذي شي بسيط من معاناتي من اللاتصالات اللي حدتني اني الغي الفكره والله يجزيني خير على نيتي ويهدي ويسامح كل اخت عاملتني باسلوب اسميه مب حضاري لين اللحين في ناس على بالهم ان الناس شغاله عندهم ترى الموضوع من البدايه كان عرض وطلب وانا ماضربت احد على يده وقلت له اتصل لي واطلب وتشرط ..

الله يوفقج ان شاء الله فديتج
ويرزقج باللي احسن منه ..

ومثل ماقلتي في نااس عبالها ان الناس تشتغل عندها .. بس ان شاء الله الله يهديهم

[Amigo]

والله ماعليج منهم وكملي شغلج اهم شي رضاج ورضى الناس الي يغلونج ويقدرونج
واصابع يدج ماهي سوى والناس اجناس
صج مايستحون حلوه هاي غسلي يدج ولا تعالي بشوف مطبخج
سايبه هي وكاله من غير بواب ولا مغصوبين يشترون من عندج ؟؟؟؟؟؟
الله يوفقج ويبارك لج في حلالج يارب
ومبروك عليج شعبان وبعده رمضان وينعاد عليج بصحه وعافيه
تقبلي مروري اخوج الصغير
Amigo

[shahd]

ماعندهم سالفه
الحين من نظافة المطاعم
ام عبدالله طنشيهم وان شالله الله يوفقك حبيبتي

[NOORA2008]

موفقه ان شالله

[لمسات نيره]

بالتوووفيق للجميع ,,الله يرزقج الرزق الحلال

[محـqatarـــمد]

جزاج عند رب العالمين

[albadawi1]

الله يوفقج ان شاء الله اختي ام عبدالله ويرزقج باللي احسن منه

[مستثمر بالأسهم]

ماعليج منهم والله كريم

[لوليتا قطر]

بالعكس انتي قمة في الذوووووووووووق بصرااااحة الواااحد ينعررف من اسلوووبة وكفاااية انج بنت البلد وشااايفة خير

الحمدالله انا طلبت منج وطلبيتي بكرررة بتوووصل واكيد رااح انزززل تجرربتي

الله يوووفقج وهذولا اللي يسوون فيج جذية مااعندهم سااالفة ماعليج منهم حساااد اعووذ بالله

وسعي الصدر والله يسر لج اموووووووووورج

ولا تنسيني ياا ام عبدالله

[omabdulla]

الله يجزاكم خير .. على هالردود..

[future maker]

الله يوفقج انتي انتي وكل من يطلب الحلال والي يحط نفسه في هالمجال طبيعي بيلاقي من الناس اشكال واجناس بس الواحد لازم يكون واثق من نفسه ويعرف هالشي ان ممكن يصير ما في حد مثالي واتوقع ان من حق الناس تتاكد بعد لان اولا مب ببلاش وثانيا الحق حق وما يزعل بس لازم ان يكون بطريقة مودبة ولطيفة
وموفقة اختي ولا تخلين هالشي يأثر عليج

[الفوز]

الله يوفقج ويأم عبدالله ويعطيج رزق بعيد عن امهات نفوس خايسه,الوحده فيهم يوم انها تحب النظافه سوت في بيتها وماطلبت من بره وتتشرط وتهين الناس,حتى الشغاله ماحد يهينها,حبيبتي رزقج على الله ولاتخلين يأثرون فيج وتسكرين باب رزقج وتعتدرين عن وقف طلب الخبز الا استمري ولا عليج منهم والله بيرزقج والنظيفه فيهم تقعد في بيتها وتخبز
والله يعطيج ويرزقج يارب والصرحه 500 ريال فوق المناسب هالايام ويحمدون ربهم يلقون بهالقيمه

[umhend]

ماشاءالله الاخوان والاخوات كفو ووفو يا ام عبدالله والله تستاهلين دعاوي الناس الطيبه
والله اني عورني قلبي وانا اقراء موضوعج :( اعوذ بالله في ناس بهالجراءة مع غيرهم
لاحول ولا قوة الا بالله والحمدالله الذي عافانا من ما ابتلا به غيرنا.. وموفقه اختي

[قطررررية]

صج ماعندهم سالفه يوم ان النظافة ذابحتهم ليش مايسوون خبز رقاق بنفسهم الحين لو اجنبي كان عطته الفلوس وهي شاقه الحلج

[غيمة مطر]

والله يام عبدالله مادري شقول

انا كلمتج ومن طيبج وكلامج العسل احرجتيني لدرجه قلت حق امي عنج قلت لها يمه لين الحين في ناس طيبه وتحب تساعد
وماشاء الله والله انج بنت اصل ولاعليج من هالبنات خلهم يولون ... متعقدين الحمدلله والشكر

ولو بتوقفين صديقيني بيستانسون لانهم عديمين الاحساس ...

الله يوفقج يارب

[البيت بيتك]

الله يوفقج وشيك على الخاص