عملية ليزك !! .. من سواها ..

[كيلو حديد]

تحية صباحية حلوه


ناوي بإذن الله وتسهيلاته أسوي عملية ليزك الشهر الجاي

بس محتار وين أسويها ومن الجراح والإستشاري الأفضل

الأكثرية نصحوني بالبحرين

فبغيت أعرف من اللي تنصحوني به ؟
وشنهي الترتيبات وأهم الأمور اللي المفروض أسويها والنصايح اللي أتبعها ؟
وكم تكلف العملية ؟

فاللي عنده معلومات الله لا يهينه يمدني بها والجميع بإذن الله يستفيدوا

وما تشوفوا الشر الغاليين

[Phenomenon]

فبغيت أعرف من اللي تنصحوني به ؟

أنصحك بدكتور خالد الشريف دايمن يجي في مركز العيون التخصصي

وشنهي الترتيبات وأهم الأمور اللي المفروض أسويها والنصايح اللي أتبعها ؟

قبل العملية:
- اول شي لازم تسوي كل الفحوصات والتحاليل وتتأكد ان عيونك تصلح لعملية الليزك
- اذا الفحوصات أكدت انك ممكن تسوي العملية ... لازم تريح عينك لمدة اسبوع او اسبوعين قبل العملية ... يعني اذا كنت تلبس عدسات لازم تشيلهم قبل باسبوع او اسبوعين على حسب كلام الدكتور

بعد العملية:
- بيعطونك قطره تستعملها لمدة يومين بعد العمليه
- وبعدها قطره ثانية تستعملها لمدة 3 شهور كل ما حسيت ان عيونك ناشفه
- تحاول في هالفترة انك ما تقعد جدام الكمبيوتر لمدة طويله
- تحاول انك تقعد بعيد عن شاشة التلفزيون عشان الاشعاع ما يأثر على عيونك .. ولو تحاول انك ما تقعد وايد جدام التلفزيون بعد احسن
- لو تلبس نظارة شمسية في البداية يكون احسن ووايد بتفيدك
- لا تفرك عيونك لان ممكن تخرب كل اللي سووه في العملية

وأحلى مافي الموضوع انهم بيعطونك اجازه مرضيه لمدة اسبوعين :nice:

وكم تكلف العملية ؟

انا يوم سويتها من 3 سنين تقريبا كلفتني 9,000 ريال قطري

[بوخالد85]

مرحبا اخوووي ..

انا سويتها عند الدكتور "رمزي البشارة" كان في مستشفى العمادي والحين عنده عيادة خاصة في مجمع الكندي

اتكلف حدود 8000 ريال ..

نصيحتي روح افحص وشوف وعقب قرر ..

[بوخالد911]

هلا

سوويتها بقطر


مركز العيون التخصصي
د خالد الشريف

التكلفة = 9000 ريال

الفحوصات = 650 ريال

اول اسبوع تحاسب من :-

السجود :omg::eek5::eek5::omg:
التعرض بشكل مباشر للشمس
التعرض المباشر للماي أثناء الاستحمام
عدم السباحة في بركة السباحة + البحر
التقليل من استخدام الكمبيوتر



تحررص كل الحرص ع استخدام قطرة العين ؛ حماية لك من الجفاف


تحياتي قبل أن تجف كلماتي
؛؛؛


مسيوو / بوخالد911

[حراير قطر]

http://www.qatarshares.com/vb/showthread.php?t=277088

[كيلو حديد]

فبغيت أعرف من اللي تنصحوني به ؟

أنصحك بدكتور خالد الشريف دايمن يجي في مركز العيون التخصصي

وشنهي الترتيبات وأهم الأمور اللي المفروض أسويها والنصايح اللي أتبعها ؟

قبل العملية:
- اول شي لازم تسوي كل الفحوصات والتحاليل وتتأكد ان عيونك تصلح لعملية الليزك
- اذا الفحوصات أكدت انك ممكن تسوي العملية ... لازم تريح عينك لمدة اسبوع او اسبوعين قبل العملية ... يعني اذا كنت تلبس عدسات لازم تشيلهم قبل باسبوع او اسبوعين على حسب كلام الدكتور

بعد العملية:
- بيعطونك قطره تستعملها لمدة يومين بعد العمليه
- وبعدها قطره ثانية تستعملها لمدة 3 شهور كل ما حسيت ان عيونك ناشفه
- تحاول في هالفترة انك ما تقعد جدام الكمبيوتر لمدة طويله- تحاول انك تقعد بعيد عن شاشة التلفزيون عشان الاشعاع ما يأثر على عيونك .. ولو تحاول انك ما تقعد وايد جدام التلفزيون بعد احسن
- لو تلبس نظارة شمسية في البداية يكون احسن ووايد بتفيدك- لا تفرك عيونك لان ممكن تخرب كل اللي سووه في العملية

وأحلى مافي الموضوع انهم بيعطونك اجازه مرضيه لمدة اسبوعين :nice:

وكم تكلف العملية ؟

انا يوم سويتها من 3 سنين تقريبا كلفتني 9,000 ريال قطري


تسلم الغالي على المعلومات الطيبه

بالنسبه لما قبل العمليه أنا ما ألبس عدسات بس ألبس نظارات وش السواة
أخليهم أسبوعين ولا بشوف شئ ..

الكمبيوتر بنصبر عليه رغم إن الواحد ما يصبر على فراق الأحبه هني ..
التلفزيون سهل لأني ما أشوفه وايد الكمبيوتر مآخذ الوقت كله

النظاره الشمسيه أكيد خل نكشخ شوي زهقنا من الطبيه

الإجازه أسبوعين وااااااااااااو تخليني أفكر أأجل العمليه لعقب الإجازه والعودة للعمل
خل نريح بعد .


تسلم الطيب على كرم تواجدك

[*عبدالله*]

انا سويتها عند د.خالد الشريف من 5 سنوات والحمدالله كل شئ تمام

[كيلو حديد]

مرحبا اخوووي ..

انا سويتها عند الدكتور "رمزي البشارة" كان في مستشفى العمادي والحين عنده عيادة خاصة في مجمع الكندي

اتكلف حدود 8000 ريال ..

نصيحتي روح افحص وشوف وعقب قرر ..

هلا والله

نصيحه حلوه
وحلاته نشوف أكثر من خيار عشان الواحد يقرر ويفكر ويفحص
والله يجيب اللي فيه الخير




أخواني الله يرحم والديكم

اللي سواها أشلون نظره ألحين وكم يحتاج لين الأمور تصير طبيعيه ؟
وهل رجع النظر يضعف عقب العمليه ولا يبقى لفتره ؟

[كيلو حديد]

هلا

سوويتها بقطر


مركز العيون التخصصي
د خالد الشريف

التكلفة = 9000 ريال

الفحوصات = 650 ريال

اول اسبوع تحاسب من :-

السجود :omg::eek5::eek5::omg:
التعرض بشكل مباشر للشمس
التعرض المباشر للماي أثناء الاستحمام
عدم السباحة في بركة السباحة + البحر
التقليل من استخدام الكمبيوتر



تحررص كل الحرص ع استخدام قطرة العين ؛ حماية لك من الجفاف


تحياتي قبل أن تجف كلماتي
؛؛؛


مسيوو / بوخالد911



وقبل أن تجف كلماتك لك مورد عذب من التحايا العذاب ..

وشكرا على النصايح والتجاوب
وأشوف الدكتور خالد يمدحونه

كذلك مؤمن الريفي في البحرين

نشوف ونقرر والتوفيق من الله

[كيلو حديد]

http://www.qatarshares.com/vb/showthread.php?t=277088

هلا الطيبه

تسلمين على الرابط

وأكيد راح أقراه واستفيد


تشكرات طيبات

[شاي كرك]

http://qatarshares.com/vb/showthread.php?t=193144

:)

ان شاء الله الموضوع يفيدك ..

[كيلو حديد]

انا سويتها عند د.خالد الشريف من 5 سنوات والحمدالله كل شئ تمام

الحمد لله ويارب قوة البصر والبصيره دوم

والدكتور خالد موجود دايما ولا زيارات ..


ومشكور على المرور الجميل

[كيلو حديد]

http://qatarshares.com/vb/showthread.php?t=193144

:)

ان شاء الله الموضوع يفيدك ..


الله يجزيك خير يا رب

يبي له كرك مضبوط ومخمخه مع الموضوع عشان أقرر وأتوكل على الله

شاكر مرورك الهادئ

[بوخالد911]

د خالد الشريف يجي زيارات بالشهر

يسوووي العمليات
ويسافر بعدها

وتقدر تتابع مع الدكاترة بالمركز

[خالي مشاعر]

اخوي انا سويتها قبل خمس سنوات عند خالد الشريف بس في الاردن كلفتني 5000 ريال تقريبا
والحمدلله كل شئ تمام وانصحك الصراحه بهالدكتور لانه ممتاز وماشفت حد اشتكى منه
يعني عندنا 5 من عائلتنا كلهم سووها ومرتاحين الحمدلله

[الفتى]

أنا سويت العملية عن الدكتور خالد كذلك أخوي سوى العملية كمان

طبعاً التفاصيل جزاهم الله خير الأخوان ما قصروا

أما السجود عادي تسجد وما تأثر العملية

[Phenomenon]

تسلم الغالي على المعلومات الطيبه

بالنسبه لما قبل العمليه أنا ما ألبس عدسات بس ألبس نظارات وش السواة
أخليهم أسبوعين ولا بشوف شئ ..

الكمبيوتر بنصبر عليه رغم إن الواحد ما يصبر على فراق الأحبه هني ..
التلفزيون سهل لأني ما أشوفه وايد الكمبيوتر مآخذ الوقت كله

النظاره الشمسيه أكيد خل نكشخ شوي زهقنا من الطبيه

الإجازه أسبوعين وااااااااااااو تخليني أفكر أأجل العمليه لعقب الإجازه والعودة للعمل
خل نريح بعد .


تسلم الطيب على كرم تواجدك

اذا تلبس نظارة ما عندك مشكله ... خلك لابسها

بس حق اللي يلبسون عدسات ينصحونهم انهم يشيلون العدسات ويلبسون نظارة قبل العمليه باسبوع او اسبوعين لان العدسات ما تخلي العين اتنفس



اذا دخلت غرفة العمليات لا تخاف ... قوي قلبك وتذكر انهم بيعطونك اجازة مرضيه اسبوعين عشان اتشجع خخخخخ ...

انا يوم سويت العملية من 3 سنين ... سويتها قبل عيد الاضحى باسبوعين :nice: فطلعت لي اجازة راهيه عقب ما انشبكت مع اجازة عيد الاضحى هههههه :victory:

[HIGHNESS]

انصحك بشدة تتوكل على الله وتسوي العملية .. بتحس انها حياة ثانية بدون نظارة او عدسات ههههه
انا سويتها عند خالد الشريف في العيون التخصصي بـ 6000 تقريباً من سنتين .... و طبعاً اهم شي الفحوصات قبل العملية ... والكشف وكل شي بعدين يعطونك حبه تاكلها قبل العملية .... وبعدين العملية واايد بسيطه وسهله وتمر بسرعه بدون ماتحس بأي شي .... والكشف بعد العمليه كله ببلاش .. وبعدها بكم يوم ترجع حياتك طبيعية .. بدون الم بدون شي ...
انا كنت استخدم الكمبيوتر وانا لابسه نظاره شمسية ههههههههه
الله يسهل امورك وان شاء الله تتوفق في العملية

[العداله]

ياخوي تراها سهله وماتخوف توكل على الله واستخير اذا الله كاتبها لك بتسويها
انا سويتها من 5 سنوات في مسقط والحمدلله ماندمت اني سويتها
واذا على الاحتياطات بعد العمليه تقدر تسأل الدكتور اللي بيسويها لك وهو يقولك ..

[أمير الذوق]

انا سويتها عند الريفي فالبحرين

[ورقــة أمــل]

بنت خالتي سوتها من شهرين تقريبا في البحرين
عند د. فاطمة الدوسري
اول شي راحت سوو لها فحوصات بخمسمية ريال تقريبا
وبعدها خذت موعد وسوت العملية ب 5000 ريال حق العينين
اول اسبوع او اسبوعين تشوف الاشياء مضببه شووي
وبعدها كلشي واضح

[فلفل حار]

جميع مواضيع الليزكـ في المنتدي من تجارب الاعضاء ...:nice:


بسم الله ...


http://www.qatarshares.com/vb/showthread.php?t=277088&highlight=%E1%ED%D2%DF

http://www.qatarshares.com/vb/showthread.php?t=277486&highlight=%E1%ED%D2%DF

http://www.qatarshares.com/vb/showthread.php?t=273934&highlight=%E1%ED%D2%DF

http://www.qatarshares.com/vb/showthread.php?t=238983&highlight=%E1%ED%D2%DF


تعريف أهمية عملية الليزكـ ...
http://www.qatarshares.com/vb/showthread.php?t=250914&highlight=%E1%ED%D2%DF

http://www.qatarshares.com/vb/showthread.php?t=178666&highlight=%E1%ED%D2%DF

http://www.qatarshares.com/vb/showthread.php?t=135501&highlight=%E1%ED%D2%DF

http://www.qatarshares.com/vb/showthread.php?t=90427&highlight=%E1%ED%D2%DF


تحذير لمستخدمي العدسات لمنتج اسمه محلول (( Renu))
http://www.qatarshares.com/vb/showthread.php?t=85995&highlight=%E1%ED%D2%DF

http://www.qatarshares.com/vb/showthread.php?t=68839&highlight=%E1%ED%D2%DF

http://www.qatarshares.com/vb/showthread.php?t=62175&highlight=%E1%ED%D2%DF

http://www.qatarshares.com/vb/showthread.php?t=33771&highlight=%E1%ED%D2%DF

http://www.qatarshares.com/vb/showthread.php?t=210879&highlight=%E1%ED%D2%DF


وبس ...:tooth:


ولك مني احلى كركـ ... ^-*

http://alforqan.googlepages.com/DSC0387565.jpg



وسلامة عيونكـ يالغالـي ...:victory:

[بنت الرجال]

هلا والله

نصيحه حلوه
وحلاته نشوف أكثر من خيار عشان الواحد يقرر ويفكر ويفحص
والله يجيب اللي فيه الخير




أخواني الله يرحم والديكم

اللي سواها أشلون نظره ألحين وكم يحتاج لين الأمور تصير طبيعيه ؟
وهل رجع النظر يضعف عقب العمليه ولا يبقى لفتره ؟

أنـا سويتهـا عنـد د.الريفـي الصراااحـه ممتـاااز .. في البحريـن قبـل 4 سنـواات .. و الحيـن نظـري من أحسـن ماايكون اللهـم لك الحمـد ..

و لازم قبلهـا تسوي فحوصـااات ..
أنـا سويتهـا في قطـر عنـد الدكتـور القحطانـي و قالـي لازمـج ليـزك بيضبـط معـااج ..
و للعللـم انا كـان نظـررري بالمااينـس يعنـي ماا اشووف متدنـي لآخر درجـه ...
و كاان معـاي استكماتزم (( أنحـراف في القرنيـه )) و اللي معاهـم هالشي ما يضبط معااهم الليـزك بس انـا كان بسييييط ..
فيه نااس معهاهم انحرااف شدييد ما ضبط معااهم الليزك كان علااجهم العدساات الصلبـه ..

و سوااها لي بـ5000 ريـااال و عملييه جـدآ سهللللله ..

يعطيـك بنـج قطراات للعين ماتحس بشي أبدآ و مجـرد يشـق القرنيـه بمشـرط و يحـط الليـزك عليهـا لمدة 5 دقاايق او اقل شووي و بعدها يرجعها لمكانهـا و هي برووحها تلتحـم ..

و إذا تبي نظـرك يرجع 100%100 اتببـع التعليمااات بحذاافيرهـااا لأنـه أي غلطـه بتعفـس اللي سويتـه كللـه ..

أول يـوم لازم الصـلاه تكون و أنت جااالـس لأنه الركووع و السجوود مب زيـن في أول يـوم لأن القرنيـه للحين ما التحمـت ..
ثاااني يوم تقدر تصلي عاادي ..
و ماتفـرك عينـك أبدآ لأسبـوع ..
و تستعمـل قطره مضااد حيوي اسبووع و بعدها تستمر على القطره المرطبه للعين لـ3 شهوور ..
انـا للحين استعملهااا ما تضر بالعكس ترطب العيين لأن الليزك يسبب شوية جفااف للعين ..

و النظـاره الشمسيـه استخدمتهـااا شهر يعني من اطلع النهاار البسها عن الشمس و إذا ابي اشوف التلفزييون يكوون من بعييد و علي النظاره و النور في البيت لازم يكوون خااافـت ..
و النت اقطعـه لأنـه يتعـب العين .. <<< هالكـلام كلـه سويتـه لمـدة شهـر ..

و نظـرك مابيرجـع الا بعـد الشهـر .. اول يوميـن او ثلاث أياام بتحس مثل الضباااب شووي بس عاادي بيخـف ..
و بعد الشهر يرجـع النظـر طبيعـي و بتشـوف النتيجه بعد هالشهـر ..

و الحييين نظـري عشره على عشره .. الحمـدلله مااخـف و توني مشيكـه عند الدكتوور القحطااني و قالللي نظـرج 6 على 6 فررق بين اول فحص قبل الليزك و بين الحين اللهم لك الحمـد ..

أنـت اول شي سوو الفحوصـاات و شـوف وش ينصحونـك فيه .. يمكـن الليـزك مايصلـح لـك .. و الله يوفقـك إن شاء الله و يتمم عليك الصحـه و العاافيـه ..

[ولد الشحانية]

الريفي اللي في البحرين احسلك

[معيذر جنوب]

بنت خالتي سوتها من شهرين تقريبا في البحرين
عند د. فاطمة الدوسري
اول شي راحت سوو لها فحوصات بخمسمية ريال تقريبا
وبعدها خذت موعد وسوت العملية ب 5000 ريال حق العينين
اول اسبوع او اسبوعين تشوف الاشياء مضببه شووي
وبعدها كلشي واضح

:omg::omg: اشدعوه في البحرين بس ب 5000؟؟؟؟؟؟؟؟؟ انتي متاكده؟؟؟؟؟

[بوخالد911]

وفي الأردن حوالي 2500 - 3000 ريال

بس لا تنسى تكلفة التذاكر + سكن + أكل وشرب


سوووها بقطر وتوكل ع الحي الذي لا يمووت

[بنت الرجال]

:omg::omg: اشدعوه في البحرين بس ب 5000؟؟؟؟؟؟؟؟؟ انتي متاكده؟؟؟؟؟

أي أخـوووي .. عنـد الدكتـور الريفـي أنـا مسويتهـا بـ5000 ريـااال ,,
و 500 فحوصـااات قبل العمليه ... هالكـلام من 4 سنـوااات تقريبـآ ..

[عبير وردة]

انصحك بشدة تتوكل على الله وتسوي العملية .. بتحس انها حياة ثانية بدون نظارة او عدسات ههههه
انا سويتها عند خالد الشريف في العيون التخصصي بـ 6000 تقريباً من سنتين .... و طبعاً اهم شي الفحوصات قبل العملية ... والكشف وكل شي بعدين يعطونك حبه تاكلها قبل العملية .... وبعدين العملية واايد بسيطه وسهله وتمر بسرعه بدون ماتحس بأي شي .... والكشف بعد العمليه كله ببلاش .. وبعدها بكم يوم ترجع حياتك طبيعية .. بدون الم بدون شي ...
انا كنت استخدم الكمبيوتر وانا لابسه نظاره شمسية ههههههههه
الله يسهل امورك وان شاء الله تتوفق في العملية

:nice: نفس الشي

أنا عملتها عند الدكتور خالد الشريف ( مركز الجبر لتكنولوجيا النظر ) سنة 2004 وكلفت 9500 ريال مع الفحص .... والصراحة أحلى ما اكتشفه الطب .... راحه ما بعدها راحه والحمد الله ... والله لا يحرمنا من نعمه البصر .................. وسلامات مقدما :)

[(وكراوية)]

يمدحون دكتور اسمه فهد القحطاني

في احد جربه ؟؟؟

أو سمع عنه شي ؟؟؟؟

لاني ناويه أستشيره قبل العمليه

[عبير وردة]

يمدحون دكتور اسمه فهد القحطاني

في احد جربه ؟؟؟

أو سمع عنه شي ؟؟؟؟

لاني ناويه أستشيره قبل العمليه

الدكتور فهد ... دكتور عيون كبير وله أسمه ... وكنت اتعالج عنده قبل ما عملت عملية الليزك
واستشرته قالي لا أنصحك بأن تعمليها ... قال إنه صحيح نسبة نجاحها 98% ولكن بنخاف من 2% الصراحة خالفت نصيحته ... وتوكلت على الله وعملتها وكانت أحلى شي بحياتي والحمد الله ....

[معيذر جنوب]

سؤال مهم: في حالة فشل العملية ماذا يحدث ماهي النتيجة؟

[بنت الرجال]

سؤال مهم: في حالة فشل العملية ماذا يحدث ماهي النتيجة؟

العمليـه في الأغلـب لا تفشـل .. لأنهـا تعتمـد على الفحـص قبـل العمليـه (( فحص البصر و سمااكـة القرنيــه ))و هالفحـص يحـد من فشـل العمليـه ..

و الليـزك يفشـل في حالـة الأستكماتزم اللي هو الإنحـرااف في هالحـااله ما ينصحـك الدكتـور أنـك تسويهـا لأن النظـر ماراح يتصحـح بالليـزك ..

و الدكتـور اللي عنـده ذمه و ماتهمـه المـااده ما يسويهـاا إذا كاان عـاارف أنهـا بتفشـل ..

و فشلهـاا يكـون بضعـف النظـر لآ غيـر .. يعنـي يتـم نظـرك ضعيـف ..

[بنت الرجال]

يمدحون دكتور اسمه فهد القحطاني

في احد جربه ؟؟؟

أو سمع عنه شي ؟؟؟؟

لاني ناويه أستشيره قبل العمليه

اي نعـم الدكتـور فهـد القحطانـي ممتـااز .. أستشيريـه ..

[بوخالد911]

ما شاء الله

يمكن نصف الاعضاء مسووين هالعملية

الله يحفظكم

[واقعية]

وحدة من ربعي عملتها الشهر الماضي عند (( الجبر )) و قالوا عندهم دكتورو دكتورة من مصر

مش الشريف

و للحين متوهقة و الدكتور يبي يعمل لها العملية مرة ثانية و لكن نصحوها بأن فتح اي جرح مرتين خلال فترة قصيرة يضعفها

يعني شكلهم يابوا ناس اي كلام بعد الشريف

سلامات
واقعية

[بوخالد911]

وحدة من ربعي عملتها الشهر الماضي عند (( الجبر )) و قالوا عندهم دكتورو دكتورة من مصر

مش الشريف

و للحين متوهقة و الدكتور يبي يعمل لها العملية مرة ثانية و لكن نصحوها بأن فتح اي جرح مرتين خلال فترة قصيرة يضعفها

يعني شكلهم يابوا ناس اي كلام بعد الشريف

سلامات
واقعية




بل
:rolleyes2:
لو مب د الشريف

خلاااص جان انسحبتوا وكنسلتوا

وهووو فييه اغلى من العيوون؟؟؟؟

:omg::eek5::eek5::eek5::omg:

[بنت الرجال]

وحدة من ربعي عملتها الشهر الماضي عند (( الجبر )) و قالوا عندهم دكتورو دكتورة من مصر

مش الشريف

و للحين متوهقة و الدكتور يبي يعمل لها العملية مرة ثانية و لكن نصحوها بأن فتح اي جرح مرتين خلال فترة قصيرة يضعفها

يعني شكلهم يابوا ناس اي كلام بعد الشريف

سلامات
واقعية

شدعـووه وين صاارت هذي تسوي عمليتين في شهـر ..!!!!!!! تتحذر انها تعيدها في شهر !!!!
يا أختـي أنصحـج بالدكتـور فهد القحطانـي رووحووا له يشيك عليهـااا ..

وإذا هـوو الدكتـور المصـري نفسه اللي في الجبـر كـان من 4 سنـوااات موجود(( نسيييت أسمـه )) فأنصحــج يا أختـي لا تسمعيين كلامـه تـرراااه أي شــي مثل مايقولون أنا مجربتـه مـع ولـدي ما ينفـع كـلللش ..

[خشوف]

شكلي راح اسويها معلومات وايد فادتني

[الجزوع]

بلا منازع مؤمن الريفي

تكلفته 5000 هالكلام من سنتين بس مادري الحين نفس التكلفه او لا

[ورقــة أمــل]

:omg::omg: اشدعوه في البحرين بس ب 5000؟؟؟؟؟؟؟؟؟ انتي متاكده؟؟؟؟؟

اي اخووي

اخووي بعد راح لها قبل اسبوعين وسوى الفحوصات وقالت له نفس السعر وان شاء الله بيسويها قريب عند الدكتورة فاطمة

[كيلو حديد]

د خالد الشريف يجي زيارات بالشهر

يسوووي العمليات
ويسافر بعدها

وتقدر تتابع مع الدكاترة بالمركز



تسلم حبيبي على هذا العطاء

وبإذن الله راح أسأل وآخذ موعد



اخوي انا سويتها قبل خمس سنوات عند خالد الشريف بس في الاردن كلفتني 5000 ريال تقريبا
والحمدلله كل شئ تمام وانصحك الصراحه بهالدكتور لانه ممتاز وماشفت حد اشتكى منه
يعني عندنا 5 من عائلتنا كلهم سووها ومرتاحين الحمدلله

ما شاء الله
الله يحفظ نظركم

ما تعبت أخي يوم سويت العمليه بالخارج
سفر وروحه وفنادق وتكاسي ومن هالأمور




أنا سويت العملية عن الدكتور خالد كذلك أخوي سوى العملية كمان

طبعاً التفاصيل جزاهم الله خير الأخوان ما قصروا

أما السجود عادي تسجد وما تأثر العملية

هلا الطيب

ومشكور على النصيحه والله يحفظ بصرك ويا أخوك والجميع يا رب

[الفارس]

انا مسوي ليزك عند الريفي اول مرة فشلت رجعتلة سواها مرة ثانية نجحت ----------------------------------------------- من افشل الدكاترة---------------------------------------------------

[الفارس]

من اسبوع كنت عند القحطاني قالي عندك العصب العين تعبان سبعين في المائة = امس جاي من الرياض رحت حق برا فسور قالي تثيرة عادي -----ياليت البرافسور عندنا في الدوحه كان الناس تشخيسهم زين

[السهم الجارح]

مرحبا أخوي أنا سويتها في تايلند ، في مستشفى روتانيين لورحت لهم راح تحمد ربك انك ماسويتها في أي مكان ثاني وخصوصا البحرين ، أذكر أحد الأعضاء كتب موضوع أنه رايح يعالج في لندن تقريبا ويبي يزرع قرنيه جديده في العين بسبب العملية الفاشله في البحرين . مجرد نصيحه نور العين ما في أغلا منه