المساعد الشخصي الرقمي

مشاهدة النسخة كاملة : ش رايـــكم وين افصــل مطبخ خارجي للبيت !!



الكايـــده
27-07-2009, 09:45 AM
السلام عليكم ورحمه الله وبركااته ..



اخواني وووين احسن مكان لمطابخ الستييل فالدوحه وكم اسعارها تقريبا وهل تنصحوني افصل فالسعوديه بصراحه اسعارهم روعه ويابلاش !!



فـ انتظاركم

العنان
27-07-2009, 10:14 AM
مرحبا اختي

طبعا المطابخ الخارجيه هي من الألمنيوم ويكون الباب دبل فايبر ، بخصوص المحلات هي كثيره في شارع سلوى وفي الحراج ، انا عن نفسي من شهر فصلت لي مطبخ خارجي مريت على المحلات في شارع سلوى وفي سوق الحراج ، طبعا اسعار المحلات في شارع سلوى نار مقارنة بأسعار المحلات في الحراج ، انا في البدايه كنت شايل من بالي اسوي في الحراج كان فكري ان شغلهم تعبان وعلشان جذي هو رخيص لكن لما مريت عليهم شفت ان شغلهم نفس شغل المحلات اللي في طريق سلوى بس المحلات اللي في طريق سلوى تغرج بديكور المحل والانارات ، المهم انا مريت على كذا محل في سلوس واذكر لج سعر محل اسمه المطبخ اللبناني او البيت اللبناني خلف سوق الخميس والجمعه قال بيسوي لي مطبخ ب21 الف ريال المنيوم دبل فايبر ، المهم رحت الحراج وافتريت على كذا محل لين توفقت مع محل اسمه الانتخاب قال بيسوي لي المطبخ ب11 ألف ريال ، يعني الفرق 10ريال ، مب شي بسيط .
وبالنسبه للمحلات في السعوديه انا سمعت ان شغلهم وايد حلو ورخيص وانا توني جاي من السعوديه وشفت مطابخهم من برع بس مادخلت المحلات .

وشكرا

طل القمر
27-07-2009, 10:19 AM
الاختصاصي

العنان
27-07-2009, 10:36 AM
الاختصاصي

الاختصاصي مريت عليه بعد شغله حلو بس سعره نفس الشي قال بيسويه لي ب22 الف

RAHA
27-07-2009, 12:16 PM
المطبخ الخارجي مطبخ كرف
مش مطبخ دلع و حركات
طبعا هذا يعتمد على صاحب البيت

الستانليس ستيل غالي جدا
و هو قابل للصدأ بعد فترة طويله إذا
هناك أي تسريب ماء

نصيحة مني
خل كبتات المطبخ الخارجي
عبارة عن فواصل طابوق
و فوقه جرانيت
و من الداخل مكسي بالسيراميك
و أبوابه ألومنيوم
طبعا هذا بيكون سهل التنظيف
يعني رش فيه ماي لين يتنظف عدل

إنتعاش
27-07-2009, 12:21 PM
مثل ما ذكر اخونا راحة بالنسبة للمطبخ الخارجي هو فعلا مطبخ كرف مش مطبخ دلع .

ارسلت لج اختي الكايده برسالة خاصة رقم فلبيني شغله نظيف للمطابخ الخارجيه

وموفقه ان شاءالله

عابر سبيل
27-07-2009, 02:21 PM
نصيحة مني
خل كبتات المطبخ الخارجي
عبارة عن فواصل طابوق
و فوقه جرانيت
و من الداخل مكسي بالسيراميك
و أبوابه ألومنيوم
طبعا هذا بيكون سهل التنظيف
يعني رش فيه ماي لين يتنظف عدل


نصيحتك عين العقل حق المعازيب...
بس مب شرط تاخذ ابها اكثر "ربات البيوت"...

هالايام..ترى كل شي في البيت و اللبس
و السفر..حق الفشخره و لمفوشر..
بل حتى في مستشفى الولاده...
الياهل ينقط على صوب..
و يتم التركيز على حلويات"فوشون"!!!

اشفيها حلويات "مكسرات ايران":secret:.

خلها على الله..
--------

المهم...دام ان اخونا العنان حط الاسعار...

ممكن من خبرتك ياخوي/راحه...
تعطينا تقديرك لهالنوعية من الخزانات
اللي بالصب و البلاط..

يعني التكلفه..ارخص ...اكثر...

لان هاي شي ينفع لاتخاذ القرار..

و اهم شي ان السالفه ما فيها "تشوين"::weeping:

تسلم يا راحة و كل من شارك او سيشارك
بمعلومات قيمة في هالموضوع...

الكايـــده
27-07-2009, 02:27 PM
مشكورين وماقصرتوا .. انتعاش بكم تقريبا مطابخ هالفلبيني وشلون دقته فالمواعيد ؟؟

r07
27-07-2009, 02:45 PM
مرحبا اختي

طبعا المطابخ الخارجيه هي من الألمنيوم ويكون الباب دبل فايبر ، بخصوص المحلات هي كثيره في شارع سلوى وفي الحراج ، انا عن نفسي من شهر فصلت لي مطبخ خارجي مريت على المحلات في شارع سلوى وفي سوق الحراج ، طبعا اسعار المحلات في شارع سلوى نار مقارنة بأسعار المحلات في الحراج ، انا في البدايه كنت شايل من بالي اسوي في الحراج كان فكري ان شغلهم تعبان وعلشان جذي هو رخيص لكن لما مريت عليهم شفت ان شغلهم نفس شغل المحلات اللي في طريق سلوى بس المحلات اللي في طريق سلوى تغرج بديكور المحل والانارات ، المهم انا مريت على كذا محل في سلوس واذكر لج سعر محل اسمه المطبخ اللبناني او البيت اللبناني خلف سوق الخميس والجمعه قال بيسوي لي مطبخ ب21 الف ريال المنيوم دبل فايبر ، المهم رحت الحراج وافتريت على كذا محل لين توفقت مع محل اسمه الانتخاب قال بيسوي لي المطبخ ب11 ألف ريال ، يعني الفرق 10ريال ، مب شي بسيط .
وبالنسبه للمحلات في السعوديه انا سمعت ان شغلهم وايد حلو ورخيص وانا توني جاي من السعوديه وشفت مطابخهم من برع بس مادخلت المحلات .

وشكرا

عندي سؤال الحين اذا الواحد بيسوي مطبخ خارجي من السعوديه اذا اضاف على سعر المطبخ تكلفة النقل وتكلفة السكن وشكثر بيكون وفر؟؟

الكايـــده
27-07-2009, 03:15 PM
السعوديه خالتي مفصله مطبخ 4 * 4 بـ 13 الف بس مع كامل اكسسواراته عجبني بس ماحس الالمينيوم ثقيل احسه اي كلام !!



يمدحون الاحساء والحلو فيهم هم يجيبونه لك ويركبونه يعني اضمن انه مايتخرب او يتكسر فالشحن

إنتعاش
27-07-2009, 07:12 PM
مشكورين وماقصرتوا .. انتعاش بكم تقريبا مطابخ هالفلبيني وشلون دقته فالمواعيد ؟؟

والله اختي ماذكر بالضبط كم اسعاره بس اخبر انها معقولة جدا مقارنة بأسعار الباقين

لكن شوفي هم الله يسلمج يجون عندج وياخذون مقاسات واللي تبين مواصفات

ويعطيج عرض سعر

وعنده بعد شبابيك المنيوم دبل قلاس و ابواب المنيوم للملاحق برا

ومواعيده 100%

موضي قطر
27-07-2009, 09:09 PM
الحراج أنا اشوفه زين وأسعاره معقوله نوعاً ما

العنان
27-07-2009, 11:56 PM
عندي سؤال الحين اذا الواحد بيسوي مطبخ خارجي من السعوديه اذا اضاف على سعر المطبخ تكلفة النقل وتكلفة السكن وشكثر بيكون وفر؟؟

النقل يكلف من 700 الى 1000 ريال ، والسكن انت وكيفك في شقق في الحسا حلوه ونظيفه على 300 ريال وعندك انتركونتنينتال الحسا حلو واحلى من اللي في قطر الليله على 900 ريال ، يعني خل نقول سكن 400 ريال + نقل 800 ريال + بترول للسياره 100 ريال + تأمين السياره في السعوديه ب 70 ريال = 1370 ريال زيدها على قيمة المطبخ الخارجي ، بس ماعندي فكره عن الاسعار هناك بكم المتر ، انا اللي فصلته في الدوحه حسب علي المتر فوق وتحت ب 1250 ريال .

اسيرالدوحه
02-08-2009, 08:47 PM
السلام عليكم ...

انا فصلت مطبخ المنيوم .... عند محل في طريق سلوى ,,,

شافه واحد راعي المنيوم ... كان عباله مطبخ خشب ....

المهم ... المطبخ كلف حوالي ...حول 60 الف ريال ...

بس مطبخ حلو .... والفينش حقه .... ممتاز ...

وعنده ضمان 5 سنوات ...

بيت ابوي فصلوا مطبخ المنيوم ... من عند محلات الالمنيوم العادية ...

وعطاهم ضمان اعتقد 10 سنوات ....

وصار فيه مشكله فالفواصل ... دفعهم فلوس ....

لو تبين مطبخ الفينش حقه فوق الممتاز ... هذا خير انه حق كراف ...

وكشخه ...

لازم تدفعين ....

اسم الشركه ... تنور ... وغيروا اسمهم الحين وصار ... كتشن استديو ...

محلهم على نفس خط المحلات اللي فيها دي اتش ال ...

بالتوفيق ان شاء الله ...

Limet UP
02-08-2009, 09:23 PM
السلام عليكم ..

لو سمحت اخوي انتعاش مكن رقم الفلبيني..

والمطابخ الي في السعوديه وين احسن مكان .. بصراحه الواحد خاطره في شغل حلو.. ومرتب.. نفس الي في التلفزيونات.. بس في نفس الوقت يستحم لاكرف والشغل..

والاهم يعد ان سعره يكون زين..

وبالتوفيق للجميع

بوناصروخالد
03-08-2009, 04:17 AM
انا بعد اخوي انتعاش بغيت رقم الفلبيني

شواروفسكي
03-08-2009, 08:30 AM
انتعاش بليز انعشنا برقم الفلبيني

غناتي1
03-08-2009, 11:20 AM
اذا ضامن شغل وتوصيل وتركيب السعودية -- توكل على الله وسووه في السعودية

مهما كان بيطلع السعر ارخص بوااااااجد

الله يوفقك

الكايـــده
03-08-2009, 12:53 PM
مشكورين ماقصرتوا باخذ لي لفه فالسعوديه واشووووف

بوناصروخالد
26-09-2009, 07:42 AM
انتعاش لو سمحت رقم الفلبيني

واقع
26-09-2009, 02:06 PM
http://www.qatarshares.com/vb/showthread.php?p=4838211#post4838211

اتمنى يفيدكم

fff
26-09-2009, 02:26 PM
الله يوفق الجميع

ممكن رقم الفلبيني وأسعاره؟ع الخاص

kenwood
27-09-2009, 09:50 AM
ولا تهونون يالربع ، افزعوا لي برقم الفلبيني..
شاكر لكم مقدماً.

hadi_2004
27-09-2009, 09:56 AM
أهم شي لاتسوون عند كتشن استوديو(تنور) طريق سلوى
من تجربة شخصية شغل نظيف ومعاملة ز................. لين تدفع المبلغ كامل قبل التسليم بعدها مايعرفونك!!!!!!!!

jassim72
27-09-2009, 10:04 AM
ولا تهونون يالربع ، افزعوا لي برقم الفلبيني..
شاكر لكم مقدماً.

الأميرة ملاك
02-10-2009, 04:38 AM
مثل ما ذكر اخونا راحة بالنسبة للمطبخ الخارجي هو فعلا مطبخ كرف مش مطبخ دلع .

ارسلت لج اختي الكايده برسالة خاصة رقم فلبيني شغله نظيف للمطابخ الخارجيه

وموفقه ان شاءالله


اختي ممكن رقم الفلبيني

Limet UP
03-10-2009, 07:19 PM
السلام عليكم ..

اختي انتعاش.. ممكن رقم الفلبيني.

عواااصف
12-10-2009, 08:42 AM
السلام عليكم اختي
ماعليج أمر ممكن رقم الفلبيني

المدهش
12-10-2009, 03:30 PM
انصحج تفصلين في السعودية ، روحي شارع الظهران في الاحساء ، بتشوفين انواع عجب ، واسعار خرافيه ، كله الا مشوار 3 ساعات ، ماراح تندمين
:nice:

عـلاء
12-10-2009, 05:05 PM
وانا كمان عاوز رقم الفلبيني لو سمحتوا

عواااصف
20-10-2009, 10:37 AM
اختي انتعاش مشكوره عالرقم
ورحنا انا وزوجي للفلبيني عشان نشوف شغله تقريبا الساعه اربع وتمينا ننطره عشر دقايق لما جانا وفتح المحل وكان المكان كله غبار وكانه من فتره طويله محد دشه و كان عنده نوعين يقول انه مسويهم من زمان وقلتله ابي ديزاين جديد قال ماعندي وطلبت صور وماعنده
ياريت اذا حد عنده فكره عن المطابخ الخارجيه وين اقدر اسويها والسعر يكون مناسب
وجزاكم الله خير

قطري !
20-10-2009, 11:09 AM
أختي انا انصحج ماتسوينها في قطر



الاحساء مشوار قريب وعندهم مطابخ اشكال والوان وجوده عاليه




لا وارخص تكلفه مع الشحن واصل للدوحه


انا انصحج تروحين ... مطابخ العليان في شارع الظهران



يفصل المطبخ وهو يشحنه ويركبه لج في الدوحه .... شتبين احسن من المعامله؟؟؟؟



وانصح اخواني الللي يشطبون بيوتهم بالذهاب الى الاحساء ....

مطابخ
سيراميك وبورسلان
رخام
ادوات صحيه واكسسواراتها
بلاط الحوش

qatary1
25-10-2009, 07:37 PM
انا بعد رحت للفلبيني في ورشته
الصراحه انصدمت من المكان كان مغبرررررررررررر والمطابخ المعروضه يمكن صار لها خمس سنين

ماعنده شيء جديد ولا عنده صور لشغله في المطابخ
حتى التصميم اللي مسويه لي كان عادي بالقلم
بس ماحط في ذمتي اذاكان شغله زين ولا... لا

بنت الصقور
10-02-2010, 02:02 AM
انتعاش بليز انعشنا برقم الفلبيني

مهره
11-02-2010, 02:37 PM
نابينا ممتاز