معروض وغير مبيوع.............ليش؟؟؟

[طواش]

يا جماعة فيه سؤال محيرني وخلنا نتناقش فيه .

المعروض من الأراضي والعقارات كثير ويهيلونه هيل .

لكن المبيوع بالكيل وبالقطرة والقطّارة .

ليش صورة السوق العقاري مشوشة عندنا وغير واضحة ؟؟؟

ليش الناس تعرض ولا تبيع ؟

ليش الناس تطلب ولا تشتري ؟؟؟

ليش الدلالوة والسماسرة والشريطية غير واضحين في أساليب عرضهم للأراضي والعقارات ؟؟

[طواش]

شالسالفة ما أحد ناقش الموضوع .

هاذي الحال مؤشر على أمر ما يسر .

[ذهب]

انا اشوف ما يقلون كلام جرايد هني عرض منتديات يعني مافيه مصداقيه

ايقولك علخاص ويطنشك وذا عطاك رقم التلفون لقيته مغلغ

[واقع]

شووووف اخووووي انت في المنتديات ماراح تحصل مصداقيه الا 15% وهذي النتيجه من واقع تجربه
تبي تبيع تبي تشتري روح اي مكتب بالدووحه
ونقطه ثانيه الدلالين مالهم خص اذا حبيت تشتري وتبيع اطلب من المكتب يواجهك بالمالك سولف براحتك وفاصل على السعر وعط المكتب 1% ومحد بيقولك شي

[التاجرالصغير]

أخوي بعض الدلالوه والسماسره اذا بيبيعون شئ يرفعونه فوق واذا يبون شئ منك ينزلون سعرك للأرض

[albadawi1]

هذي ما ينفي ان بعض السماسر والدلالوه يساعدون في البيع والشرء وبسرعة

[الزيبق]

انزين وعرضي على الفلل الي في الوكره كلهم خذو رقم المالك ورقمي ما شفت حد فيهم مع اني ما طلبت عموله الا الدعاء احين وين المصداقيه في البايع والا الشراي ترى ظاعت الحسبه اصدق من واكذب من

[طواش]

انا اشوف ما يقلون كلام جرايد هني عرض منتديات يعني مافيه مصداقيه

ايقولك علخاص ويطنشك وذا عطاك رقم التلفون لقيته مغلغ

لا حول ولا قوة إلا بالله العلي العظيم

[طواش]

شووووف اخووووي انت في المنتديات ماراح تحصل مصداقيه الا 15% وهذي النتيجه من واقع تجربه
تبي تبيع تبي تشتري روح اي مكتب بالدووحه
ونقطه ثانيه الدلالين مالهم خص اذا حبيت تشتري وتبيع اطلب من المكتب يواجهك بالمالك سولف براحتك وفاصل على السعر وعط المكتب 1% ومحد بيقولك شي

أي 15% إذا حصلت مصداقية 5% إحمد ربك .

يا أخوي الدلالوة مسويين تعتيم على أسامي الملاك ولا يواجهونك بهم .

[طواش]

أخوي بعض الدلالوه والسماسره اذا بيبيعون شئ يرفعونه فوق واذا يبون شئ منك ينزلون سعرك للأرض

يا أخوي ما أحد موقف حال البايع والمشتري إلا الدلالوة .

[بن درويش]

بالتوفيق ان شاء الله

[تدلل قطر]

الدلالوه ماعندهم خبرا كافيه وعلى سبيل المثال روح ام عبيرية على يسارك وعلى يمينك الاراضي للبيع تتصل ايكلمك طبعن المالك يقول السعر 75 وكي بعد يومين يكلمك واحد منهم؟؟؟؟؟؟؟؟؟ يقولك عندي ارض تروح معا ولا نفس الارض والفوت 85 شلون فلا تستقرب خلك طبيعي :anger1::anger1::anger1:بدون زعل

[حياتي2009]

الله المستعان

[طواش]

هذي ما ينفي ان بعض السماسر والدلالوه يساعدون في البيع والشرء وبسرعة

يا أخوي بعض الدلالوة واقفين في ويه رزق البايع والشاري .

ايش ميدك إن مجموعة دلالوة يييبون الأرض الوحدة بعدة أسعار ، ما نب بعارف أصدق من ولا

أكذب من .

[البطرانة]

حلو الموضوع..

وانا عن نفسي صادني اكثر من موضوع..

كلن يسأل ويبي التفاصيل.. وعقبها يتحججون باشيا...


يعني انا عن نفسي

طلبت

وعرضت

وسألت

ولكن ماحصلت اي مصداقيه الى الان... في كل الحالات..

الله اعلم العيب في من..؟؟؟؟؟؟؟؟؟؟؟؟

هل من الشاري ام البايع ام الوسيط...


والمفروض من الشخص يكتب اذا كان هو الشاري مباشره والا هو الوسيط

والبايع نفس الشي.. حتى اللي يطلب ..

عشان الكل يكون على بينه..


وانا معاكم في ان اغلب الوسطاء يرفعون من السعر.. عشان العموله..

يا الوسيط ترى انت ماراح تاخذ الا رزقك مهما رفعت السعر او نزلته..


لان البايع محتاج والمشتري بعد محتاج والي يطلب محتاج.. كلن له ضرفه

والوسيط ايضا محتاج.. فالمفروض ان ما نستغل حاجه الناس

ترى اذا ساعدنا البايع او المشتري لويه الله .. بنعوضه في شي ثاني ..

((من ترك شيء لله عوضه الله خيرا منه))

[طواش]

انزين وعرضي على الفلل الي في الوكره كلهم خذو رقم المالك ورقمي ما شفت حد فيهم مع اني ما طلبت عموله الا الدعاء احين وين المصداقيه في البايع والا الشراي ترى ظاعت الحسبه اصدق من واكذب من


المفروض لك حقك عند الشاري وعند البايع حسب الاتفاق .

الله يعوض عليك .