المساعد الشخصي الرقمي

مشاهدة النسخة كاملة : يوميــــــات عليان في اوصطراليا!! احم


The Master
27-07-2009, 04:05 PM
السلام عليكم ورحمة الله وبركاته
هلا ومرحب ومراحب ويالله حيهم(عربي على قطري على اللي هو احم)
وهلو(عنقليزي) اولا(بورتقيز) نيهاو(تشاينيز) كونيتشوا(جابانيز على وزن تشيليز اشدخل احم) (ياعيني على اللغات يعني ياناس شوفوني اعرف كم حرف احم)

المهم
حبيت في هالموضوع اني انقل لكم الاحداث اللي تصير لي وقد صارت لي هنا في اوصطراليا والمواقف اللي امر بها او مريت فيها ومنها اللي يضحك (اكيد بيضحك مدام انا فيها احم) واللي يحزن (ارجوكم لحد يشوف وجهي احم يابالفيت تدمع عيني احم) ومنها اشيا لازم تاخذون الحذر منها في سفراتكم
بس حاسبوا في كم قصه حق اللي من فوق ال 60 سنه فا نبغي مراقبه الله لا يهينكم(مشكله التفنتق احم)

وطبعا ما نتخلى عن ردودكم ومشاركاتكم وانفعالاتكم(عاد هذي كلمه صعبه توني مألفها احم قام يكذب الاخ)

وسيره ذاتيه عني كا بدايه (خبركم نحب الهياط احم)

ادرس في اوصطراليا من سنه 2003 وطبعا هي متقطعه مش متواصله وهالسنه باذن الله ناخذ الماجسطير والله يوفق وناخذ الطقطوراه (طبعا مجالي ماقدر اقوله خبركم انا انسان مرموق ولي مقامي في المجتمع( ارحم حالك بس احم)
والعمر لسه في ريعان وزهو وغسلان شبابي (غسلان؟؟ قام يخربط ابوالشباب احم)
الحمدلله متزوج وعندي شكشوكه
اتوقع هالمعلومات تكفي لسرد القصص
The Master
27-07-2009, 04:06 PM
اول سالفه حصلت لي هي سنه 2003 طبعا كنت عزوبي (اييييه تذكرت ايام العنفوان والطاقه الكامنه احم)

اسمها يوم النحس العالمي

توني واصل استراليا ماصار لي الا اسبوعين طبعا خبركم ربعنا بوعراب لعبتهم الترييح والارقاد لكن اخوكم ابد ماهو منهم (اي كفو بعدي والله) احب احوس وادور وفيني هياته شوي
المهم سمعت من مدرس اللغه ان في مول موجود في منطقه معينه قلت بس هذا هو ياعيني على الوناسه اخيرا باشوف مجمع(لا تستغربون من فرحتي لان المدينه اللي حنا فيها ريفيه وواجد عليك اذا شفت دكان احم قويه شوي) المهم قلت باروح هالمجمع
وطبعا اجازتنا السبت والاحد حددت مع الربع ان نروح السبت قالوا لا لا خله الاحد قلت الاحد الاحد وحنا ورانا حاقه جا يو الاحد ها يالربع يالله المجمع قالوا من صجك صدق ماعندك سالفه الناس تبغي تنام وانت تبغي تحوس (ايييييه داري فيكم مريتوا في هالموقف من قبل شنسوي هذول هم ربعنا كاسري المجاديف احم)
المهم مني مناك مافي فايده محد يبغي يروح قلت عندي وانا بوهندي(اشدخل احم يعني مسوي تشويق)
فا قلت باكشخ خبركم حق شسمه احم احم(اوش اوش ياعيني على الفاهمين) المهم كشخت حدي من فوق لتحت لبست البدله اللي شريتها من نابينا(بدون تعليق احم)
المهم المنطقه اللي فيها المجمع بعيده شوي يبغي تاخذ القطار وعقب تمشي 20 دقيقه لين توصل المجمع
رحت محطه القطار وواحد من الربع كان معطني كرت حق القطار وقال لي اي مكان تروح له هالكرت يكفي قلت ياعيني هذا هو المطلوب
ركبت القطار والكرت في المخبه وانا قاعد في القطار اشوف اللي يشيك على التذاكر يكلم واحد ماعنده تذكره وذاك شوي بيصيح وعطاه مخالفه وانا اطالع واهز راسي (يعني صدق تفهي كيف تركب قطار وماعندك تذكره ) اني صاير خطير والكرت في مخباي احس انه بيطلع لحاله
المهم وصل عندي المحصل قال لي وين التذكره وانا بكل ثقه اطالعه بطرف عين يابالفيت كلش وادخل يدي في مخباي واطلع الكرت شوي شوي لدرجه حسيت ان الكرت يشع (مشكله الخيال)
واعطيه الكرت قام يقرا قام يقلب فيه قام يفرفر فيه وانا بكل ثقه اقول ليكون حول هذا؟
المهم قال لي وين الختم؟؟!!! طبعا انا قمت اتلفت قلت له وشو قال لي ختم المحطه على الكرت
قلت له اي ختم قال لي الختم اللي تسويه للكرت قبل لا تدخل القطار؟! طبعا انا صار وجهي كستنه(تعبير مجازي للطماطه) قلت له مي نيو هير مي نو قود انجليش مي نو معلوم كيتار ترين ترين
قال لي مشكلتك عطني بطاقتك او اي شي يدل على الهويه وسجل علي مخالفه ابن الذينه وكانت 250 ريال (على الاقل كنت باكل فيها شورما وفلافل شهر احم ).

عقبها وانا محطم الفؤاد ومكسور الجناحين (من يلومني احم) وصلت المحطه رفعت راسي والا اشوف براحه وفضا يمين ويسار ومافي ولا مبنى قلت بخصوص المكان
قمت اتلفت يمين يسار مجمع هني هناك دور تحت الارض يمكن ابد مافي شي قلت لا بالله اني مغلط شيكت على الوصف طلع نفس المحطه
شفت لي واحد سالته عن المجمع قال لي اي اي واشر لي جهه وقال لي امش حول ال 25 دقيقه وتوصل قلت زين زين اهم شي صح مو مشكله المشي
طبعا المكان مافيه حياه ابد ولا حتى قطو في الشارع خبركم الاحد واصلا المكان خالي خضار في خضار, وانا امشي الا طنق على راسي؟! قلت يه وشو هذا والا طنق ثانيه وثالثه ورابعه
كان مطر والا حلبه؟! قلت لاحول ولا قوة الا بالله, حط رجلك يا ولد بس المشكله المسافه بعيده وانا فحيت خبركم اللياقه زيرو قمت امشي بس على استعجال(يعني سريع احم بس ماضنيت)
الوكاد ثيابي تبللت كلها ماي والكشخه حقت نابينا اختربت(تحسفت على ال 50 ريال اللي دفعتهم احم) وقمت احاتي اذا بيدخلوني المجمع ولا لا من البلل في ثيابي
وانا امشي لاح على مناظري(على وزن مسامعي احم) المجمع وقلت يالله الحمدلله على الاقل اني وصلت عقب هالبهدله وراح استانس واغير جو
وانا اقرب من المجمع ماشوف سيارات المواقف خاليه قلت والله حاله حتى الاستراليين طلعوا نفس ربعنا يحبون الترييح والارقاد,
وانا رايح صوب باب المجمع قربت من الباب الالكتروني مافتح قربت زود هم بعد مافتح قلت يه ليكون هالباب خربان رفعت معصمي ولوحت من بعيد على السينسر حق الباب هم بعد مافتح
قلت خلني اشيك على باب ثاني يمكن هذا عطلان وانا رايح والا التفت على لزقه على الباب تقول
ان المجمع مسكر يوم الاحد؟؟!!!

لبغيتوا الصدق ضحكت وتفاجأت وانصدمت وبعدين رجعت وضحكت وقلت قدر الله وماشاء فعل
وكان يوم النحس العالمي

اتمنى السالفه اعجبتكم ورسمت الابتسامه على وجيكم وطبعا لحد يفكر انها من وحي الخيال او منقوله لان الحمدلله اسلوبي معروف(يونيك احم)

المغزى من هالقصه ان الواحد يشيك قبل لا يسوي اي شي ويسوي واجبه عدل بالبحث والتخطيط والترتيب والا بياكل هوا مثل ما احم ماعلينا

وننتظر ارائكم وتعليقاتكم
صمت القلوب
27-07-2009, 04:44 PM
اتمنى السالفه اعجبتكم ورسمت الابتسامه على وجيكم وطبعا لحد يفكر انها من وحي الخيال او منقوله لان الحمدلله اسلوبي معروف(يونيك احم)

وااايد اعجبتنا ...:):):):) واسلوب فكاهي ومضحك جدا ....
اسلوبك يونيك :) ويعطيك الف عافيه على رسم ابتسامتنا ....


المغزى من هالقصه ان الواحد يشيك قبل لا يسوي اي شي ويسوي واجبه عدل بالبحث والتخطيط والترتيب والا بياكل هوا مثل ما احم ماعلينا
صدقت اخوي ...نصيحه قيمه جدا ....:)

اشكرك على طرحك الخفيف ...

وبانتظااار الباقي :)

تحياتي وتقديري لك ...

اختكـ
صمت القلوب
airbus
27-07-2009, 05:44 PM
المغزى من هالقصه ان الواحد يشيك قبل لا يسوي اي شي ويسوي واجبه عدل بالبحث والتخطيط والترتيب والا بياكل هوا مثل ما احم ماعلينا

وننتظر ارائكم وتعليقاتكم

كلامك صحيح المفروض تشيك على الطقس اول شي في مطر او ثلج
من ناحية المواصلات ادا في قطار تاكسي ميتروا الاتفاق سيكل :tease:

عندي سؤال ركبوك في القطار وانت مبلل ولا عادي ؟؟وتاني شي شني صار في البطاقه الصعود القطار بعد ماتبللت اختربت ولا لا ؟؟؟ولا عطوك تكت تاني ب250 وبعدين بيروح العشاء ((شاورما والفلافل)) لدمه شهر تاني !!!!!


وبالتوفيق اخوي وادا في قصه تانيه انا متابع وسلملي على اصطراليا :victory:
شويهينــه
27-07-2009, 07:01 PM
هههههههههههههههههههههههههههههه

والله سالفتك هذي عجيبه

صج يوم منحوس

وهذا جزات اللي مايسمع الكلام قالوا لك قر في مكانك ماسمعتهم
الخير كله
27-07-2009, 10:33 PM
حدك كومدي ..........تصلح نسميك عجيب دوت كوم
خخخخخخخخخخ.........وناسه ينطيك العافيه
The Master
28-07-2009, 02:30 PM
وااايد اعجبتنا ...:):):):) واسلوب فكاهي ومضحك جدا ....
اسلوبك يونيك :) ويعطيك الف عافيه على رسم ابتسامتنا ....


صدقت اخوي ...نصيحه قيمه جدا ....:)

اشكرك على طرحك الخفيف ...

وبانتظااار الباقي :)

تحياتي وتقديري لك ...

اختكـ
صمت القلوب

ياهلا ومرحب بالاخت صمت القلوب
والحمدلله انها ارسمت الابتسامه وهذا اهم شي
والشكر على الاطراء وعلى رايك الطيب
وانشاء الله ابشروا بالجديد القادم
ولج كل التقدير
والشكر على المرور الطيب
(طبعا صاير مؤدب فوق خبركم صايرة لي مراقبه مشدده من الحكومه في الرد على الجنس الناعم فا مافيش عبط احم)
مريديان
28-07-2009, 02:32 PM
:funny::funny: ههههههه احلى شي الكشخة اللي من نابينا,,, ليتك مصور:tease:


عليان سردك عجيب,,ننتظر جديدك :victory:
The Master
28-07-2009, 02:35 PM
كلامك صحيح المفروض تشيك على الطقس اول شي في مطر او ثلج
من ناحية المواصلات ادا في قطار تاكسي ميتروا الاتفاق سيكل :tease:

عندي سؤال ركبوك في القطار وانت مبلل ولا عادي ؟؟وتاني شي شني صار في البطاقه الصعود القطار بعد ماتبللت اختربت ولا لا ؟؟؟ولا عطوك تكت تاني ب250 وبعدين بيروح العشاء ((شاورما والفلافل)) لدمه شهر تاني !!!!!


وبالتوفيق اخوي وادا في قصه تانيه انا متابع وسلملي على اصطراليا :victory:

بخصوص الاساله انت لحالك يبغي لك صفحه عشان ارد احم
بس لو كنت ايرباص 380 كان رديت اما 320 الصغيره فا اسمح لي(معليش موقع عقد مع الاماراتيه احم)

واذا في قصه ثانيه ابشر في قصه عنوانها "البحث عن سيدي انيمي في اخر الليل" طبعا وانت تقرا خل في صوت نفس الهوا كذا يعني مؤثرات احم

وتشكر على المرور يالشيخ ولا هنت
The Master
28-07-2009, 02:37 PM
هههههههههههههههههههههههههههههه

والله سالفتك هذي عجيبه

صج يوم منحوس

وهذا جزات اللي مايسمع الكلام قالوا لك قر في مكانك ماسمعتهم

هلا بالاخت المستثمره
واشكرج على المرور الطيب
وهو منحوس من قلب وعن الجزا ماضنيت ان بيكون جزا لاني ما سمعت كلامهم (بروحهم تقهي وارقاد)
The Master
28-07-2009, 02:40 PM
حدك كومدي ..........تصلح نسميك عجيب دوت كوم
خخخخخخخخخخ.........وناسه ينطيك العافيه

هلا بالمبروكه
بخصوص عجيب دوت كوم؟! اتوقع هي مدح بس اذا مب مدح فيها علوم ثانيه احم
الله يعافيج والشكر للمرور اللي في مدينة خليفه (اشدخل احم)

بس احلى شي التوقيع واحد او مراهقه او وحده عيوز اوه قصدي ربة بيت(لحد يفلعنا بس)
ناصر العمادي
28-07-2009, 02:43 PM
وعليكم السلام ورحمة الله وبركاته

بصراحه أبدعت في سرد القصه :nice::nice:

أسلوب شيق وجميل وتستحق الأشاده بكل أمانه ..

أحداث عجيبه ومشوقه << كنت أظن بس أنا المنحوس طلع في غيري بعد مناحيس :tease:

تسلم أيدك على القصه الرائعه وعساك على القوه

بأنتظار جديدك المميز

الله يوفقك وينور دربك ويطول بعمرك ويرضى عليك يارب

كل الشكر والتحيه والتقدير والأحترام مني لك
biz-qtr
28-07-2009, 03:38 PM
بلللللللللللل حدكــــــــك مفهي ع كل هالمشوار والتعب طلع مسكر زين ما جاو الربع معاك وخربو رقدتهم كان كلت ضرررررررررررررررررب من الزين لوووووووووول

يالله كل طراق بتعلومه ياخوي

ودرس قيم الصراحه :) بس صراحه كلت هواااااااا لووووول

تسلم يمناك ويسراك ع الطرح والله استمتعت وانا اقراااااا عجبني اسلوبك :)
واقعية
28-07-2009, 10:58 PM
بل لو انا كان سويت مناحة اسبوع

تحياتي
الخير كله
28-07-2009, 11:35 PM
هلا بالمبروكه
بخصوص عجيب دوت كوم؟! اتوقع هي مدح بس اذا مب مدح فيها علوم ثانيه احم
الله يعافيج والشكر للمرور اللي في مدينة خليفه (اشدخل احم)

بس احلى شي التوقيع واحد او مراهقه او وحده عيوز اوه قصدي ربة بيت(لحد يفلعنا بس)

يا ربي عليك ...:).....تعال نكتب مسلسل :telephone:
قسم بالله تنجح :nice:...............................وربي انك عجيب دوت جم:tease:
The Master
30-07-2009, 05:40 PM
:funny::funny: ههههههه احلى شي الكشخة اللي من نابينا,,, ليتك مصور:tease:


عليان سردك عجيب,,ننتظر جديدك :victory:

هلا ومرحب السموحة ما شوفتش البتاع الرد ده الا طو(يعني تو يعني هسه يعني بسه احم)

اي لا نابينا على ايامنا مالها حل (احم قصده في التسعينات)

والشكر على الاطراء وعلى مرورك الطيب
وعلى ماقلت ان شاء الله باحاول اكتب اليوميه الثانيه اليوم او بكره ان كان في مجال
وهي ان شاء الله بتكون بعنوان "البحث عن سيدي انمي اخر الليل"

ويامرحبا بك
The Master
30-07-2009, 05:55 PM
وعليكم السلام ورحمة الله وبركاته

بصراحه أبدعت في سرد القصه :nice::nice:

أسلوب شيق وجميل وتستحق الأشاده بكل أمانه ..

أحداث عجيبه ومشوقه << كنت أظن بس أنا المنحوس طلع في غيري بعد مناحيس :tease:

تسلم أيدك على القصه الرائعه وعساك على القوه

بأنتظار جديدك المميز

الله يوفقك وينور دربك ويطول بعمرك ويرضى عليك يارب

كل الشكر والتحيه والتقدير والأحترام مني لك

وعليكم السلام ورحمة الله وبركاته

اسفرت وانورت واستهلت وامطرت واخيييرا شفتك يا شيبتنا (طبعا انت مستغرب في خصوص كلمه شفتك)
السبب الله يسلمك وانا في المنتدى لما اشوف توقيع اشوف شكرا بابا ناصر العمادي او شكرا الوالد ناصر العمادي او شكرا شيبتنا ناصر العمادي(خبرك لازم نألف شوي احم)
فا كنت اقول يا ترا من ناصر من فا لما شفت ردك في موضوعي عرفت من وتشرفت بمعرفتك يا الشيخ(عاد افهمها وضبطنا كذا بتوقيع ترتيب احم) مشكلة النغزات

نرجع لردك الطيب
تشكر على المدح ولا تهون يالشيخ
عن النحس اييي لا تحاتي في غيري وغيرك كثير خبرك (القراده قراده)

وابشر بالجديد الطيب
ويوفقك ويسلمك ودربك منور وعمرك طويل وعسى ربي راضي عليك (تشكر على الدعاوي الطيبه وجزاك الله خير)
ولك الشكر يالشيخ على المرور الطيب والشكر على التقدير والاحترام اللي نبادلك به وزود

بس بخصوص التوقيع ماله حل هم يجون باكيج ولا كل ورده لحالها (مشكله اللي يخفف دمه احم)
The Master
30-07-2009, 06:12 PM
بلللللللللللل حدكــــــــك مفهي ع كل هالمشوار والتعب طلع مسكر زين ما جاو الربع معاك وخربو رقدتهم كان كلت ضرررررررررررررررررب من الزين لوووووووووول

يالله كل طراق بتعلومه ياخوي

ودرس قيم الصراحه :) بس صراحه كلت هواااااااا لووووول

تسلم يمناك ويسراك ع الطرح والله استمتعت وانا اقراااااا عجبني اسلوبك :)

اي والله زين ماجاوو اي كنت باكل هوا الا عادي معلقيني فوق تحت من اعلى عماره في استراليا(معليش توني شايف فلم مرعب احم)

وبخصوص التفهي من قلب تفهي وراح تعرفون في اليوميه الثانيه(خبركم يابالفيت تشويق)

والشكر على المرور الطيب (بخصوص يمناك ويسراك؟؟ ليكون شايفتني وانا اكتب اممم صدق اني اكتب بصبع يعني حرف حرف وساعه على ما اخلص الرد ) بخصوص اني سويتها ماساه
الحمدلله ان القصه اعجبتكم
ويامرحبا بالحضور الطيب
The Master
30-07-2009, 06:19 PM
بل لو انا كان سويت مناحة اسبوع

تحياتي

يا مرحبا بحضورك الكريم
عاد مناحه الله يعينكم يالنسوان حنا رجال ماعندنا هالسوالف قدها وقدود(بخصوص اللي سواها عنصريه لا يسمعونا حقوق المرأه بس احم)

والشكر على المرور
صمت القلوب
30-07-2009, 08:48 PM
متــابعه وبانتظار الجــديد :)
غير البشر
30-07-2009, 08:55 PM
احم :sneaky:
شويهينــه
30-07-2009, 08:59 PM
احم :sneaky:

:funny::funny:

شكلك كنت معاه
غير البشر
30-07-2009, 09:00 PM
:funny::funny:

شكلك كنت معاه



هههههههههههههههههههههههههههههههه
انا اكثر منه بعد :tease:
وليه ماتردين على قطر فور اووول :waiting:
شويهينــه
30-07-2009, 09:14 PM
هههههههههههههههههههههههههههههههه
انا اكثر منه بعد :tease:
وليه ماتردين على قطر فور اووول :waiting:

؟؟؟؟ شفيه قطر فور اوول
The Master
31-07-2009, 05:09 PM
بخصوص اللي فوق يعني؟؟!!! ماعلينا

اليوم راح اقول لكم او احكي لكم او اروي لكم (كلها تنصب في قول واخلص علينا) سالفتي وكانت سنة 2004
بس قبل لا اقولها في نبذة تعريفيه وهي اني انا من عشاق الانمي(انمي اللي هو الرسوم الياباني طبعا للكبار مب حق البزران خبركم لازم نرقع لروحنا احم) وطبعا في ذاك الوقت كان التورنت(نظام جديد ويسمح للمستخدم ينزل من واحد ثاني عنده نفس الملف) لسه ما انتشر ومافي الا دايركت داون لود وكان صعب انك تنزل فيه الانمي.

بس قبل لا اسردها لكم تراها للكبار فقط من فوق ال 60 سنة فا اللي عندها عفافيط ينعزهم ولا يصرفهم احم
واليومية اسمها "البحث عن انمي في اخر الليل"

المهم في يوم من الايام وكانت ليلة باردة وقارصة ولادغة وسامة(اشدخل احم) ناس الله يهديهم(بتعرفون ليه قلت الله يهديهم بعدين) امدحوا لي شارع وقالوا لي انك راح تلقى كل اللي تبغيه هناك وانا كنت سائلهم عن محلات يبيعون السيديهات حقة الانمي فا قالوا لي هناك بتلقى مرادك.

عاد خبركم انا ذاك الوقت كنت لسه اطه مغمده(اي هين احم) رحت على وجهي ومن قرادة حظي كان الوقت متاخر (خبركم توني قاعد من النوم احم) طبعا رحت بالتكسي اول ما وصلت رفعت راسي وماشوف الا كم واحد والشارع مظلم فا خفت شوي , سالت واحد قلت له وين الشارع الفلاني(طبعا متحفظ على اسم الشارع عشان محد يروح له بعدين ,, كلششش) قال لي اول دخله يمين فيه دعوس ادخله وثاني دخله تجيك لف يمين (حشآ يوصف حق موتر احم) المهم بما اني رجال وشنب ماخاف اللهم اني شوي بغيت اصيح وقلبي وصل بطني بس كان الموضوع عادي

المهم دخلت الدعوس ومشيت على الوصف وكان بردددد وظلاااام والكيس اللي حاطه في مخباي عشان احط فيه السيديات يخرخش مسوي ازعاج(طوف طوف احم) شوي والا اشوف بصيص نور قلت فرجت فرجت
اول ما وصلت الشارع والا وييييييييييين عالم وناااااس
قلت الحمدلله زين في حياة , المهم قعدت ابصبص يمين ويسار على محل يبيع سيديات هني هناك شي ماشيات ابد ماعينت كل اللي كنت اشوفه بارات ومحلات خبري خبرك, قلت مالت بس وين جاي مالت على اللي مدليني
المهم قلت شكلي باطلع مافي شي هنا وانا امشي ملاحظ واحد من وصلت كان يلاحقني وين ماروح وراي وراي
انا شكيت قلت هذا وش بلاه يلاحقني؟؟!! بعدين قلت ليكون سمعني وانا اسال المحلات عن السيديهات فا هو عنده بس يبيع بالخش؟!(ياعيني عليك يا كونان احم)
كملت دربي وسفهته قلت يمكن وراه مشاكل ولا شي
وصلت عند تاكسي كان واقف في دعوس قلت له ابغي اروح المنطقه الفلانيه قال لي هالتكسي محجوز حق واحد طلع فوق وبينزل بعد شوي قال لي هذاك يقدر يوصلك واشر لي على واحد وراي
تتوقعون من؟؟!!
عفارم عليكم اي نعم هو اللي كان يلاحقني شوفوا يا محاسن الصدف(خوفي صدف بس احم)
قلت قبل لا اساله عن التوصيله باسأله اذا يعرف حد يبيع السيديات(للعلم راعي التكسي كان اسيوي واللغه مييييح) فا لما سالته ما فهم, سويت له بيدي حركه سيدي (عاد رقعها الحين احم)
قال لي شي مافهمت له قلت له مايبي (يعني يمكن ابوووك يالترجمه الفوريه احم) قال لي كم كم (تعال تعال)
قلت انا اوش اوش هذا هو المطلوب صدق ان مالك غير بوعيون مشخطه يخلصك

لحقته دعوس ورا دعوس ممر ورا ممر وانا مستانس امشي وراه لا وادق ارقبه بعد من الفرحه(تخيلو شكلي عااد احم) خبركم في سهره اليوم على انمي
المهم المكان قام يظلم ,الطريق صار يخوف شوي شوي والاخ ماسك لي ليزر احمر ويمشيني وراه لا وكل شوي قال لي كم كم (يعني تعال تعال) وانا وراه صادني خوف بس قلت مو مشكله شنسوي مالي غنى عنك يالسيدي
المكان صار فضى يعني مامن حد حوالينا هنا خفت بجد وهو ماقام يقول لي كم كم (يعني تعال تعال)
وانا اتلفت يمين يسار حد وراي ولا شي خبركم احتياط وكنت مبرز الفانيله احطها في حلجي حق الشرده(يعني حط رجلك احم على باله الاخ لابس ثوب)

المهم مره وحده وقف الرجال ووقفت وراه واشر لي يمين بالليزر يعني روح هنا
وكان ممر مظلم يخرع وضيق ولا قطو (تشوييق يابالفيت احم)
قلت له والله اللي مب حولك نينجا ينقز لي من ورا الطوفه ولا حد يطلع لي من تحت الارض(مو قلنا لكم متاثر بالانمي احم) قال لي نو بروبلم قلت له يو فيرست قال لي كم كم كم(يعني تعال تعال) قلت يا هالكم كم
لحقته وانا قلت نستحمل عشانك يا سيدي
المهم نهاية الممر كان في باب افتحه لي والا حوش صغير وفيه غرفه على جنب قلت امحق اي سيدي ينباع هنا؟!
المهم والا اشوف بنت مع امها وقال لي ابوالشباب ان هذول محتاجين فلوس ويبغون تتصدق عليهم(احم من قلب وتم التشفير لاسباب امنيه احم)
قلت لاحول ولا قوة الا بالله ورجعت شريط وفلم وفيديو والذكريات(على اساس اتاكد) وطلع من البداية اني انا المفهي من قلببببب
المشكله وين ان الحين عقب هالمشوار كله واقول مابغي اعطيهم صدقه باروح فيها (الزم ماعلي فلوسي اوه قصدي روحي احم)
فكرت فكرت وش اسوي وش اسوي وين الحيله وش الحيله جات على بالي فكرة اقول له اني لازم اسافر الحين
وهو مسندرني كم كم (يعني تعال تعال احم)
قلت له عندي طياره الحين ولازم اسافر قال لي الحين قلت له اي الحين وانا نسيت (بخصوص الكذبه احم وش نسوي لازم نرقع)
عطاني بنظرة احتقار واحس انه بيصطرني وقال لي اوكي انا باوصلك المطار؟؟!! احم بخصووووووص النكبه
اولا نسيت ان هو راعي تاكسي وثانيا وين يوديني المطار بروحه درب وغالي (قح من قلب)؟؟!!
فكرت فيها وقلت وش نسوي شي ابرك من شي
وطلعت معاه التكسي وسندرني في السياره انت وانت انت وانت قلت يالله مو مشكله انا اللي جبت هالكلام لنفسي

بس سبحان الله قول ربي" ومن يتق الله يجعل له مخرجا"

احم ادري بتقولون يالمفهي ويالدعله ويالفاج بس شاسوي ماركز الا في اخر اللحظات
وعشان كذا مسوي يوميات عليان (الا قول مفهيات عليان احم)

الزبده وهذا الاهم
حاسبوا ثم حاسبوا من عيال الحرام اللي مايبغون لكم الخير نفس اللي امدحوا لي الشارع وانا مفهي على وجهي ورايح وفاج حلجي
وحاسب تتعامل في السفر مع اي بائع في الشارع وخاصة راعين التكاسي لانهم في بعض او اكثر الدول راعين بلاوي
وركز باللي يصير حواليك اما اذا كنت مفهي نفسي عاد الله يعينك(يبغي لك دبل تركيز) احم
وحاول اذا بتطلع مكان بالليل يكون معاك خوي منها يسليك ومنها تحطه حائط صد وانت تحط رجلك (امحق خوي احم) اقصد 2 ابرك من واحد

وننتظر ارائكم وردودكم الطيبه ويا مرحبا بكم
بوخالد911
31-07-2009, 05:18 PM
مررحبا بك

مشكور للموضوع

وحياك شووف تقريري عن استراليا
زرتها العام 2008

مسيوو/ بوخالد911
The Master
01-08-2009, 02:10 PM
مررحبا بك

مشكور للموضوع

وحياك شووف تقريري عن استراليا
زرتها العام 2008

مسيوو/ بوخالد911

؟؟؟؟

لا من قلب مبين انك ولا تدري عن الموضوع خير شر
اخبارك بس واخبار استراليا؟!
يصلح لك موضوع موفق ويعطيك العافية
ناصر العمادي
02-08-2009, 01:47 PM
وعليكم السلام ورحمة الله وبركاته

اسفرت وانورت واستهلت وامطرت واخيييرا شفتك يا شيبتنا (طبعا انت مستغرب في خصوص كلمه شفتك)
السبب الله يسلمك وانا في المنتدى لما اشوف توقيع اشوف شكرا بابا ناصر العمادي او شكرا الوالد ناصر العمادي او شكرا شيبتنا ناصر العمادي(خبرك لازم نألف شوي احم)
فا كنت اقول يا ترا من ناصر من فا لما شفت ردك في موضوعي عرفت من وتشرفت بمعرفتك يا الشيخ(عاد افهمها وضبطنا كذا بتوقيع ترتيب احم) مشكلة النغزات

نرجع لردك الطيب
تشكر على المدح ولا تهون يالشيخ
عن النحس اييي لا تحاتي في غيري وغيرك كثير خبرك (القراده قراده)

وابشر بالجديد الطيب
ويوفقك ويسلمك ودربك منور وعمرك طويل وعسى ربي راضي عليك (تشكر على الدعاوي الطيبه وجزاك الله خير)
ولك الشكر يالشيخ على المرور الطيب والشكر على التقدير والاحترام اللي نبادلك به وزود

بس بخصوص التوقيع ماله حل هم يجون باكيج ولا كل ورده لحالها (مشكله اللي يخفف دمه احم)

جزاك الله كل خير على الكلام الطيب وماعليك زود والله ..

والشرف لي طال عمرك ..

بس ترى انا صغير مب شيبه ولا تلتفت للأشاعات المقرضه :weeping::weeping:

بخصوص التوقيع أبشر ومن عيوني أليوم يوصلك لباب البيت :tease::tease:

وماشاء الله عليك أسلوبك رائع ومميز في سرد الأحداث ..

عسى ربي يوفقك ويسعدك دنيا وأخره يارب