الى وزارة الخارجية مع التحية

[متابع عن قرب]

اخواني الاعزاء السلام عليكم ورحمة الله وبركاته


اخوكم من دولة الامارات العربية المتحدة


واول مرة اكتب موضوع في منتدى الاسهم القطرية


ولكني متابع قديم للمنديات واجد فيها كل ممتع ومفيد


المهم الموضوع ومافيه موضوع تجديد الجوازات


انتهى جواز زوجتي القطرية ورحت اجدده عند السفارة في ابوظبي أسوة بباقي سفارات الدول لدى الامارات :nice:

حولوني على القنصلية

وجيت القنصلية وشرحت الموضوع قالو مانقدر نجدد:eek5:ه

ليش ؟ قالو ماعندنا تجديد

نقدر نعطيك تصريح سفر لقطر ولمرة واحدة وتسافر لقطر وتجدد الجواز هناك:omg:

قلت لهم انا عندي سفر وانتوا تبغوني اسافر قطر وبعدين ارجع لأبوظبي وبعدين اسافر لوجهتي اللي ابغي اروح لها

حاولت فيهم قالو كلم القنصل:telephone: وكلمت القنصل:telephone: وهو رجال فيه خير وقالي قدم طلب علشان نرسله لقطر وبعدين يردون علينا والموضوع احتمال ياخذ 20 يوم قلت مافيه مشكلة انا موظف وبأجل الاجازة وبنتظر لين يخلص الموضوع

قدمت طلب واخرت اجازتي ومرت العشرين يوم وبعدها عشرين يوم وبعدها عشرين يوم وصار لي شهرين ما احد رد علي والطاهر القنصل خذ الطلب مني مجاملة لا اكثر ولا اقل وحطه فالشليدر اللي تبلع الاوراق:tease::tease::tease:

والزوجة الله يحفظها بطاقة الهوية حاطتها في قطر علشان تمشي امورها في قطر من اسهم وبنوك وما الى ذلك ولأنها مابتحتاج لها في ظل وجود الجواز :(:(:(

والحين قررت اكنسل البرنامج الصيفي بسبب الظروف العالمية من ازمة مالية وانفلونزا خنازير وبأروح قطر احسن لي وبأخذ فيها اسبوعين

لكن صادفتني مشكلة :secret:

انا ناوي اخذ في قطر اسبوعين ومحتاج لسيارتي وابغي اروح عن طريق البر يعني لازم امر على السعودية :(:(:(

والجوازات السعودية خبركم مقفلين مستحيل يفهمون منك اي تبرير او تفسير(( الجواز منتهي يعني منتهي)):anger1::anger1::anger1:

المهم

قلت لزوجتي كلمي الاهل يرسلون البطاقة علينا بال DHL طلعوا اهلها في العمرة ومابيرجعون قبل اسبوعينcrazycrazycrazy


وفالاخير النسيب الله يخليه لنا قرر يقضي اجازته في الامارات واستغلينا فرصة زيارته وقلنا له هات البطاقة معك:happy::happy::happy:

المهم النسيب ان شاء الله بيجي يوم الخميس ونقوله اللي يحييك ومرحبا بك مليون ولا تنسى البطاقة


لكن السؤال لو كانت اجراءات التجديد في قنصلية القطرية مثل باقي القنصليات السودانية والباكستانية والهندية وباقي الدول

اليس افضل من مسألة التصريح لأن التصريح عن طريق الجو بس

واللامركزية اسهل وايسر من المركزية التي تنتهجها في مسألة تجديد الجوازات

لأن القنصلية والسفارة وضعت لخدمة المواطن في دولته التي يقيم فيها ولا انا غلطان

ارجو منهم التنسيق مع وزارة الداخلية بهذا الخصوص

لأن المواطنين لهم حق في الخدمات اللي يحصلها ابناء الجاليات الاخرى

واقلها تجديد الجواز في القنصلية دون تجشم عناء السفر :nice:

اطلت عليكم

وهذه قصتي تنشر لأول مرة فأرجو ان تجد اذانا صاغية :victory:

ودمتم

[Hamad.911]

مرحبا أخوي قرأت قصتك ونصيحه مني لك إذا تبغي اللي يفيدك موقع العضيد
مع إحترامي لموقنا هذا لاكن مواضيع مثل هذي تذكرها في العضيد
لانه موقع أغلب المسؤولين يتابعونه وبالتوفيق للجميع ..

[almaf1a]

اخوي اعتقد ان قبل الموضوع كان عادي
اما اللحين فالجوازات القطريه تحولت الا جوازات الكترونيه
فاعتقد ان يوجب حظور الشخص لاخذ الصوره الالكترونيه مب صوره فوتوغرافيه نفس قبل
وبعدين الي اعرفه ان التنقل بين دول مجلس التعاون صار بالبطاقه حتى السعوديه
ياريت الاخوان يفيدونك

[متابع عن قرب]

مرحبا أخوي قرأت قصتك ونصيحه مني لك إذا تبغي اللي يفيدك موقع العضيد
مع إحترامي لموقنا هذا لاكن مواضيع مثل هذي تذكرها في العضيد
لانه موقع أغلب المسؤولين يتابعونه وبالتوفيق للجميع ..


العضيد بحثت عنه طلع لي اكثر من موقع ياليت تدز لياه خاص وشكرا على المعلومة

[سهم بن سهم]

مرحبا اخوي

السفارات القطرية بالخارج لاتجدد الجواز القطري لسبب واحد بأن السستم ليس مربوطا بوزارة الداخلية إدارة الجوازات وأيضا عملية تجديد الجواز القطري لاتاخذ منك سوى اقل من يوم واحد فقط يعني خلال اقل من نص ساعه يصدر لك جواز سفر قطري جديد وكل الاجراءات سهالات اخوي الحين مو زي قبل بالايام .

اخوي الكريم يجب ان تعلم بان اذا مر على اقامة زوجتك في الامارات خمس سنوات ولم تدخل قطر لن يجدد جواز سفرها لان ذلك يتطلب دخولها قطر مرة أخرى لتجديد جوازها واثبات اقامتها خارج الدولة .

زوجتك قطرية تقدر تسافر لدول مجلس التعاون بالبطاقة الشخصية اللي معاها وهذا امر سهل

أخي العزيز السفارة في الخارج مسؤلة عن كل مواطن قطري في حالة تعرضه لاي مشكلة وخصوصا في حالة سرقة الجوازات لاقدر الله وحسب ماقال لك سعادة القنصل بانه يعطيك تذكرة مرور ( جواز مرور مؤقت لقطر ) تدخل به قطر وهناك تحل أي مشكلة عندك .

فكل العملية سستم وزارة الخارجية غير مربوط بالداخلية من ناحية تجديد الجوازات القطرية بالخارج لان نادرا مايتجدد الجواز القطري من خارج الدولة ولاتنسى لايوجد جالية قطرية كبيرة في الخارج حتى يتم ربط هذا السستم بوزارة الداخلية وكل العملية اصبحت الان سهالات

لك تحياتي وسؤال بسيط ايش المشكلة في حضورها يوم واحد لقطر بالطيارة وتجديد الجواز وكل امور طيبه ؟؟

[الفا برافو]

اخوي ياهلا بك بقطر
يكون بعلمك انه تجديد الجوازات مايتم الا بقطر وكذلك البطاقه الشخصيه
وهذا القانون من زمان
وعلى فكره اذا زوجتك بطاقتها الشخصيه من النوع القديم ماتقدر تمر فيها عن طريق البر
لازم تكون بطاقتها الشخصيه من النوع الجديد ( البطاقه الذكيه )
فعاد خل المره تجي جوا ونت حياك برا :)

[متابع عن قرب]

اخوي اعتقد ان قبل الموضوع كان عادي
اما اللحين فالجوازات القطريه تحولت الا جوازات الكترونيه
فاعتقد ان يوجب حظور الشخص لاخذ الصوره الالكترونيه مب صوره فوتوغرافيه نفس قبل
وبعدين الي اعرفه ان التنقل بين دول مجلس التعاون صار بالبطاقه حتى السعوديه
ياريت الاخوان يفيدونك


المشكلة اذا الواحد يبغي يسافر خارج الخليج من ابوظبي رأسا

لازم يروح قطر ويجدد وعقب يرجع لأن البطاقة بس في الخليج

وشكرا

[متابع عن قرب]

مرحبا اخوي

الله يرحب بك

السفارات القطرية بالخارج لاتجدد الجواز القطري لسبب واحد بأن السستم ليس مربوطا بوزارة الداخلية إدارة الجوازات وأيضا عملية تجديد الجواز القطري لاتاخذ منك سوى اقل من يوم واحد فقط يعني خلال اقل من نص ساعه يصدر لك جواز سفر قطري جديد وكل الاجراءات سهالات اخوي الحين مو زي قبل بالايام .

ماعندي اي خبر بالاجراءات ونصف ساعة ما اعتقد يخلص فيها الجواز

اخوي الكريم يجب ان تعلم بان اذا مر على اقامة زوجتك في الامارات خمس سنوات ولم تدخل قطر لن يجدد جواز سفرها لان ذلك يتطلب دخولها قطر مرة أخرى لتجديد جوازها واثبات اقامتها خارج الدولة .

مامر عليها الا 4 اشهر من اخر زيارة لقطر وياليتني جددته قبل لا ينتهي يوم كنا في قطر لكني اجلت الموضوع لإعتقادي بأن السفارات ماتقصر

زوجتك قطرية تقدر تسافر لدول مجلس التعاون بالبطاقة الشخصية اللي معاها وهذا امر سهل

ياخوي حن مانبغي الخليج نبغي نطلع من الخليج يعني البطاقة ماتنفع

أخي العزيز السفارة في الخارج مسؤلة عن كل مواطن قطري في حالة تعرضه لاي مشكلة وخصوصا في حالة سرقة الجوازات لاقدر الله وحسب ماقال لك سعادة القنصل بانه يعطيك تذكرة مرور ( جواز مرور مؤقت لقطر ) تدخل به قطر وهناك تحل أي مشكلة عندك .

قال اعطيك تصريح تطلع به من الامرات وتد خل به قطر يعني سافر وجدد وارجع ابوظبي وسافر من ابوظبي لأي وجهة في العالم

فكل العملية سستم وزارة الخارجية غير مربوط بالداخلية من ناحية تجديد الجوازات القطرية بالخارج لان نادرا مايتجدد الجواز القطري من خارج الدولة ولاتنسى لايوجد جالية قطرية كبيرة في الخارج حتى يتم ربط هذا السستم بوزارة الداخلية وكل العملية اصبحت الان سهالات


هذا الواضح انه مافيه جالية يوم دخلت القنصلية كانت فاضية وما فيها احد الا انا والقنصل وموظف الكاونتر

لك تحياتي وسؤال بسيط ايش المشكلة في حضورها يوم واحد لقطر بالطيارة وتجديد الجواز وكل امور طيبه ؟؟

بالعربي الفصيح انا ابغي اسافر خارج الخليج ليش اروح لقطر واجدد وارجع مرة ثانية هذا بحد ذاته تكليف ماله داعي

[سهم بن سهم]

المشكلة اذا الواحد يبغي يسافر خارج الخليج من ابوظبي رأسا

لازم يروح قطر ويجدد وعقب يرجع لأن البطاقة بس في الخليج

وشكرا



اخوي ترى الامر سهل والامور سهالات ياخي تعال الصباح وجدد الجواز وارجع بالليل لبوظبي :)

اخوي انت في بوظبي مو في امريكا :)

مافي اي مشكلة ولا في اي تعطيل لبرنامجك

قلت لك السستم غير مربوط بالجوازات وهذا الشيء في المستقبل القريب راح يكون موجود في السفارات وبدأو الان عملية التاشيرات الالكترونية وجاري تحديث باقي الامور وتخيل 65 سفارة حول العالم يعني تاخذ العملية وقت .

[متابع عن قرب]

اخوي ياهلا بك بقطر
يكون بعلمك انه تجديد الجوازات مايتم الا بقطر وكذلك البطاقه الشخصيه
وهذا القانون من زمان
وعلى فكره اذا زوجتك بطاقتها الشخصيه من النوع القديم ماتقدر تمر فيها عن طريق البر
لازم تكون بطاقتها الشخصيه من النوع الجديد ( البطاقه الذكيه )
فعاد خل المره تجي جوا ونت حياك برا :)

بطاقتها جديدة صادرة 2008 والحين خلاص بروح قطر وبنتظار البطاقة توصل يوم الخميس وبسافر اجدد وبعدين لكل حادث حديث

[وثيقة قطرية]

أتمنى من الخارجيه القطرية با الإمارات يشوفولنا حل نقدر نسافر للإمارات
بالوثيقة القطرية

أو يمنحونا الجواز القطري مثل خلق الله

[الحبتور]

اخوي ..
الجواز الاماراتي نفس الشي يالغالي ..
نفس ماذكرت ..
زي السفاره التيباليه .. والسودانيه .. والباكستانيه

وتقبل مروري

[بنت الرجال]

عنـدي سـؤال محيرنـي لو سمحتـوا من اللي قريتـه في مقـال الأخ الفااضـل ...

الحيـن الأخـت متـزووجـه مـن إمـارااتـي .. شلـون جوازهـا للحيـن قطـري ..!!!!

يعنـي اللي اعـرفـه في بـلادنـا .. الغيير قطريـه لمـا تتـزووج قطـري يعطونهـا جـواز قطـري بحكـم الزوآج ..

هـم يختلفـووون عنـا و لا شلـوون ..!!؟؟؟

يعنـي على حسـب علمـي يكـون جوازهـا إمـاراااتـي ..!!

[ALRAYYAN]

عنـدي سـؤال محيرنـي لو سمحتـوا من اللي قريتـه في مقـال الأخ الفااضـل ...

الحيـن الأخـت متـزووجـه مـن إمـارااتـي .. شلـون جوازهـا للحيـن قطـري ..!!!!

يعنـي اللي اعـرفـه في بـلادنـا .. الغيير قطريـه لمـا تتـزووج قطـري يعطونهـا جـواز قطـري بحكـم الزوآج ..

هـم يختلفـووون عنـا و لا شلـوون ..!!؟؟؟

يعنـي على حسـب علمـي يكـون جوازهـا إمـاراااتـي ..!!

اختي اذا هي تبي تاخذ الجواز الاماراتي تقدر بحكم الزواج
لكن وايد قطريات متزوجات ومن سنين طويله وللحين جوازاتهم قطرية

حد يتنازل عن العنابي فديته ؟!!

[بنت الرجال]

اختي اذا هي تبي تاخذ الجواز الاماراتي تقدر بحكم الزواج
لكن وايد قطريات متزوجات ومن سنين طويله وللحين جوازاتهم قطرية

حد يتنازل عن العنابي فديته ؟!!


أنـا فكـرت هالشـي ألـزاامــي مادري انـهم مخيريــن ..

شكـرآ على التوضيـح أخــوي ..

[الكلاسيكي]

أتمنى من الخارجيه القطرية با الإمارات يشوفولنا حل نقدر نسافر للإمارات
بالوثيقة القطرية

أو يمنحونا الجواز القطري مثل خلق الله

معقولة في وزارة خارجية قطرية بالإمارات:eek5:
ونرجو من اي عضو انه لايبخص بحق قنصليتنا في دبي المشهود لها بالكفاءة في إداء مهامها

اخوي احنا لدينا بعثتين دبلوماسيتين لدى دولة الإمارات العربية المتحدة
الأولى سفارة في أبوظبي تعني بتطوير وتوطيد العلاقات الثنائية بين البلدين الشقيقين
الثانية قنصلية تعنى بكل مايتعلق من أمور قنصلية تتعلق بمنح تأشيرات والتصديق على التصديقات ومتابعة مشاكل القطريين ...الخ

مثل ماذكر احد الزملاء البعثات القطرية في الخارج لاتصدر جوازات سفر لان الجوازات السفر تصدر مباشرة عن طريق وزارة الداخلية ولها مواصفات وشروط معينة محكومة باخذ بصمة العين والاصابع، ولذلك يتعذر على البعثات الدبلوماسية اصدار جوازات سفر قطرية. ولها الحق في إصدار تذكرة مرور فقط.

والجماعة ماقصرو معاكم قالو لك بيعطونك تذكرة مرور بس مشكلتك انك ماتبغي تروح قطر وثاني شي ان بطاقة زوجتك في قطر
وكان عليك انك تنتبه لموضوع انتهاء الجواز بفترة كافية

[رأس بروق]

اخــــــوي حــــــــــتي السفاره الامارات باقطــــــــــر لم تجـــــــــي تبي تجدد جواز الاماراتي يبيلـــــــك شهــــر لمـــــــــا تستلمـــــــــــــه .

صارت مشكله من فتــــــــــــره مع السفاره بخصوص الجواز الاماراتي وتجديده بقطــــــر راح الشخص واتصل استديو واحــــــــد عندكم وشتكى على السفاره يمكن سمعت الشكوى ع الهواء :nice:

دمـــــــــــــت ابــــــــــــــود .. كـــلنا بالهــــــــوا ســــــــــــوى :victory:

[جوال 11]

حاليا الجواز مدته خمس سنوات ويتم تغييره بالكامل وهذه الميزة لا توجد الا في الجوازات حيث تأخذ بصمة العين، وبعض سفارات الدول جوازاتها صالحة لأكثر من خمس سنوات ويعمل تمديد الفترة في الجواز نفسه .
والخطأ يقع على صاحب الجواز لابد التأكد من صلاحية الجواز قبل السفر خارج البلاد ،والبطاقة القديمة لاتصلح الا بالسفر جواً حيث المملكة لا تسمح بالمرور بالبطاقة القديمة .
والله يوفقك ويعينك .

[وطن]

أخوي بسيطة
ارسل زوجتك بالطيارة عند اهلها يستقبلونها
وانت روح بالسيارة

:)

[الدستور]

عفوا ،،

يمكن ان تبديل الجواز السفر القطري والشخص فــــي الخــارج لعده ظــروف

منها الدراســه والعــلاج وللمــرأه القطريــه المتزوجــه من شــخص خليجــي وبعض الحالات

الأجراء يــكون
1 / ان تتقدم صاحبه الجواز بطلب تجديد الجواز السفر الخاص بـهــا
الى السفاره او القنصليــه الموجوده في البلد التي فـيـهـا ..

2 / يتم تعبئـه الفـورمــه الخاصـه بـ تجديد الجواز مع أرفاق صـور شخـصـيه لصاحبه الجواز
ويجب ان تكون صور حديـثـه وبشرط ان تكون الخلفيـه رماديـه أو رصـاصـيـه

3 / ارفـاق الــرســوم المقرره لأبدال الجـواز وهــي 100 ريال قطــري او ما يعادلها بعمله الأجنـبـيـه

4 / ارفاق ما يثبت ان الشخص في رحله علاج أو دراســه او ما يتعلق بتعثره
للرجوع الى البلاد لتجديد الجواز وبنسبه للمتزوجات من الخليجين ارفاق عقد الزواج

بعد ذلك تتكفل السفاره أو القنصليـه بأرسال الجواز الى وزاره الخارجيـه في قـطـــر

بغرض ارساله الى وزاره الداخـلـيه ( اداره الجوزات ) لأبدال الجواز وتجديده ومن ثم اعاده

الجواز الى وزاره الخارجيــه ومن ثم يـرسل مره اخــرى الى القنصليه او السفاره

لتسليم صاحبه العلاقــه الجواز بـعد التجـديــد ..


مـــلاحــظـــه : لا يشترط حضور الشخص نفـسـه لتجديد الجواز

اتمنى ان اكون اوفيت في الـــرد


وبتوفيق للجمـيــع ان شاء الله

[Hamad.911]

العضيد بحثت عنه طلع لي اكثر من موقع ياليت تدز لياه خاص وشكرا على المعلومة
هذا الرابط ويامرحبابك : http://www.moi.gov.qa/AlAdeid/arabic/