الحق ما تلحق بيخلصون الفيمتو

[عروة]

في كل سنة وقبل بداية رمضان بايام قليلة ننطلق كلنا للجمعيات ومراكز التسوق الكبيرة مثل اللولو وكارفور والمخازن الكبرى نتزاحم بالمواقف وكان نهاية الدنيا بكرة ونتسابق على السلع وكانها اخر انتاج للشركات وتحصل الزوج والزوجة كل واحد قدامه عربة تسوق واحيانا يستعينون بعيالهم علشان عربة ثالثة او رابعة او خامسة ومن قسم الى قسم ينتقلون ويترسون العربات بما لذ وطاب من ماكولات رمضانية واحتياجات اساسية للبيت وكل مامرينا على رف شفطنا الى فيه معكرونة وشوربة وكريم كراميل وحتى قمر الدين الى نشترية كل سنة ولا نعرف نطبخة ولا نعرف طعمه بس نشترية علشان البيت مايكون ناقصه شيء ونوصل المحاسب وندفع دم قلوبنا على المشتروات ويوم نرجع البيت نكتشف ان اغلب المشتروات فايضة عن الحاجة ونكتشف انه نسينا اهم شيء وهو الفيمتو المشروب الرسمي لرمضان ونتفق نرجع ثاني يوم علشان ندور الفيمتو ويوم نرجع البيت ثاني يوم بعد التسوق نكتشف انه رجعنا بعربة ثانية ونراكم الاشياء والمشتروات بدون اي منطقية او استخدام للعقل في حساب مشترواتنا وكان الشهر الفضيل يعمي عيونا عن هذي المصاريف والتكدس في المواد بافراط غير طبيعي والمفترض ان يكون هذا الشهر للعبادة في الدرجة الاولى ومن ثم الاكل ويكون فرصة لالتقاط الانفاس والدخول في جو روحاني جديد يريح اعصابنا ونفوسنا بعد عناء وثقل الحياة الي تعبتنا وهدت حيلنا ولكن هيهات وبكرة نلقاكم في المخازن ان شاء الله

هل انت مستعد للشهر من ناحية المشتروات الاساسية والا تنطر قبل رمضان بيوم علشان تستعد ؟
وهل لرمضان استعدادت خاصة لشراء الماكولات وغيرها من اللوزام والا رمضان يمر مثله مثل غيره ؟
وهل تفكر بعقلك والا قلبك وانت تدز عربة التسوق في المجمع ؟

وسلامتكم

[الرميله]

[
وهل تفكر بعقلك والا قلبك وانت تدز عربة التسوق في المجمع ؟

وسلامتكم[/quote]

يفكرون ببطونهم وهم يدزون العربه
وشكرا على موضوعك المفيد

[OTOsan]

هل انت مستعد للشهر من ناحية المشتروات الاساسية والا تنطر قبل رمضان بيوم علشان تستعد ؟
وهل لرمضان استعدادت خاصة لشراء الماكولات وغيرها من اللوزام والا رمضان يمر مثله مثل غيره ؟
وهل تفكر بعقلك والا قلبك وانت تدز عربة التسوق في المجمع ؟

وسلامتكم

مادري اخوي عروه .. بس هل شهر رمضان له بالفعل (مشتروات اساسيه ) .. ولا المفروض يكون كغيره من الشهور بالنسبة للاكل .. ولكنه يختلف عن غيره من الشهور بالنسبة للعبادة ؟؟

يعني الفيمتو .. ماينشرب الا في رمضان ؟ :)

يعطيك العافيه اخوي عروه على هالموضوع .. وعلى مواضيعك السابقة الرائعه :)

[الخير كله]

الكركديه ابرك من الفيمتو...........اتمنى الكل يجربه واذا حبيتو افضل طريقه لعمله انا حاضره

[الامانه]

للامانه من كم سنه ما ادخل المجمع الا اول يوم من رمضان بس اخذ المقسوم ولا ازيد
كنت قبل اجر العربانات بلهبل
والحمد لله بعد فتره اقتنعت ان كل اللي اسويه كان تبذير
والحين اذا نقص عندي شي رجعت الجمعيه وشريت
وعن الفيتو اخذ بالكارتون وعلى طول موجود في البيت
وهاي الصراحه
كنت قبل مبذره اخذ اللي ابي واللي ما ابي

[الكايـــده]

انا استغرب اللي يروحون الجمعيه قبل رمضان ويخمون الخضر والياابس انزين رمضان حاله حال اي شهر بالنسبه للاكل والمطبخ عادي بروح اخذ اللي لازمني ولي خلص برد اخذ مب اني اترس 5 قواري واجي مستانسه بلفيت مب راده الجمعيه عقب !!

[usa_market]

رائع اخ عروة , مع ان اسمك قديم و حلي , بس فكرك عصري و تكانة . عنوان المقال بسيط و نغازي لكن المعنى كيبر جدأ , لانة موشر بين الفهم الصحيح للشهر و الحياة بشكل عام و بين الهبل و التخلف الفكري و التقليد الاعمى و سوء الفهم لرمضان و لغيرة .

ليش مانشوف الخطاء و المبالغة الي نسويها كل سنة ؟ و ليش هاذي الامور مايركز عليها في خطب الجمعة و حلقات الحديث ؟ ليش اصف 7 او 8 انواع من الاكل غير الفواكهة و المشروبات و بعدين مجرد تذوق و ينكب في الزبالة ؟ و اللة انك ضربت على الجرح لكل انسان عندة شوية فكر و انسانية , لانة بدون فكر ننزل درجة مابي اقولها .

هذا الموضوع بس لو الناس استوعبت فكرتة , تخيل المردود الاقتصادي و الفكري و الروحي .
الواحد حدة وجبة وحدة في رمضان و شيء خفيف اذا يقدر عند السحور . شلون مانفهم اشياء بسيطة لها معنى كبير . الي يستوعب هاذي الفكرة يستحق التهنئة اما الي لا
, فهو مسلم بالاسم و لا يفقة شيء من معنى الشهر .

احيأنن , كلمات بسيطة تعبر عن معنى كبير , ولا تستغرب اني لما اشوف مثل هاذي الامور احس شكثر تعليمنا و فهمنا للحياة متخلف .

[العداله]

قال تعالى : (ان المبذرين كانوا اخوان الشياطين )

[ضوى]

الصراحة مشترواتي هي هي في رمضان زي اي شهر عادي ولكن ازيد كراتين الدجاج واللحم والرز ، نقصة الجيران ضرورية برمضان احس لازم كل بيوت الفريج تذوق اكلنا :)

بالنسبة للفيمتو مو ذاك الزود عادي يعني موجود والا ن عصير الليمون طول السنة ببيتنا الله مكثر شجر الليمون عندنا ن مخزون سنوي والحمد لله الحياة ماشية

تحياتي اخت عروة او اخ عروة

[جهام]

رمضان شهر عباده

[sara_qatar]

سبحان الله الناس جنه بيموتون يوع في رمضان


مادري ليش يصير سباق في الجميعات الخير وايد بس هم يرووحون


شهر اكل مو شهر عبادات وطاعه


وكل وحده تتفننن بالاكلات على حساب طاعتها

[فلفل حار]

ههههههههههههههههه الله يرحم ايام جمعية اليرموكـ والكوبونات كل سنه في رمضان ...


ايام والله ... ^-^



تسلم يا عروة ومعاكـ حق بألي قلته والله ... :)








الصراحة مشترواتي هي هي في رمضان زي اي شهر عادي ولكن ازيد كراتين الدجاج واللحم والرز ، نقصة الجيران ضرورية برمضان احس لازم كل بيوت الفريج تذوق اكلنا :)



يالله تكونين ساكنه في الغرافه ...:shy:

[HIGHNESS]

اهم شي محد ينسى الفقارى والمحتاجين تراهم واايد .. موبس الجيران الي بيتهم متروس اكل مثلنا هههههههههه
رمضان العام وااحد باكستاني شيبه مسكين طااق باب الجيرااان يقولهم مابي فلووس بس ابي شي اكله انا جوعان ... والله انكسرت قلوبنا عليه.. . والناس تترس هالعربانات كأنه رمضان شهر أكل مو كأنه عشان نحس بجوع المحتاج والفقير ...... وشهر عباده وخير ...
اللهم لك الحمد ....

[مرتبش]

اهم شي التطبيق
لان كلامكم كله جميل وماقدرش اقول حاجة عنه

[نجود]

قال الرسول صلى الله عليه وسلم من دخل السوق
فقال ( لا إله إلا الله وحده لا شريك له له الملك وله الحمد يحي ويميت وهو حي لايموت بيده الخير وهو على كل شئ قدير)

[وطن]

رمضان حاله من حال باقي الأشهر
ليش نزيد الأكل فيه

والحمدلله ما اشرب الفيمتو :)

[نجود]

:victory:

[doha2012]

سلام عليكم
الصراحه الموضوع حلو والناس تزيد شوي علشان التقسيم والشياب والشباب في المجلس واصلا هو شهر كريم تكثر في الزيارات وصلة الارحام
وجزاك الل ير ان شاء الله

[عروة]

[
وهل تفكر بعقلك والا قلبك وانت تدز عربة التسوق في المجمع ؟

وسلامتكم
يفكرون للطونهم وهم يدزون العربه
وشكرا على موضوعك المفيد


وهذا اساس البلا التفكير بالبطن وترك العقل علشان كذا اغلب القرارات في هذي الحالة ماتكون موضوعية وشاكر لك المشاركة


مادري اخوي عروه .. بس هل شهر رمضان له بالفعل (مشتروات اساسيه ) .. ولا المفروض يكون كغيره من الشهور بالنسبة للاكل .. ولكنه يختلف عن غيره من الشهور بالنسبة للعبادة ؟؟

يعني الفيمتو .. ماينشرب الا في رمضان ؟ :)

يعطيك العافيه اخوي عروه على هالموضوع .. وعلى مواضيعك السابقة الرائعه :)

احيانا في ناس مايطبخون الا برمضان يااوتسان وفي بعض الاكلات مانشوفها الا برمضان علشان كذا مشتروات هذا الشهر تكون استثنائية جدا هذا غير انك تقط اي شيء بالعربة بدون ماتفكر انت محتاجه ام لا والدليل نظرة بسيطة لاقرب مركز تجاري حولك وشاكر لك المشاركة والكلام الطيب


الكركديه ابرك من الفيمتو...........اتمنى الكل يجربه واذا حبيتو افضل طريقه لعمله انا حاضره

الى اسمع انه مفيد بس ماقط جربناه يمكن رمضان هذا بنجربه وشاكر لك المشاركة

[عروة]

للامانه من كم سنه ما ادخل المجمع الا اول يوم من رمضان بس اخذ المقسوم ولا ازيد
كنت قبل اجر العربانات بلهبل
والحمد لله بعد فتره اقتنعت ان كل اللي اسويه كان تبذير
والحين اذا نقص عندي شي رجعت الجمعيه وشريت
وعن الفيتو اخذ بالكارتون وعلى طول موجود في البيت
وهاي الصراحه
كنت قبل مبذره اخذ اللي ابي واللي ما ابي

اهم شيء مانستمر في الخطأ اكثر وكل ماكتشفنا الخطأ بدري احسن واحسن وشاكر لك الامانة والمشاركة يالامانة


انا استغرب اللي يروحون الجمعيه قبل رمضان ويخمون الخضر والياابس انزين رمضان حاله حال اي شهر بالنسبه للاكل والمطبخ عادي بروح اخذ اللي لازمني ولي خلص برد اخذ مب اني اترس 5 قواري واجي مستانسه بلفيت مب راده الجمعيه عقب !!

يمكن يتوقعون الاشياء بتخلص مع انه مافي داعي لكل هالهوجه والتسرع والازدحام المجمعات بتبيع برمضان وبغير رمضان وشاكر لك المشاركة

[هتـان قطر]

قبل كنا صح نشتري اللي نبي واللي ما نبي..

اما في الثلاث سنوات الاخيرة اصبح عندنا نوع من الوعي

وصرنا نشتري لرمضان نفس بقية الاشهر..اللهم زيادة شوي :)

[بنت ابوها 19]

تحسسووني انه شهر اكل مو شهر عباده

[!الشايمه!]

رمضان شهر...شهر جمعة الاهل..والتواصل مع الاهل
والجيران..والمعارف البعيدين..والقريبين
والمساجد اللي في الفريج..والعمال اللي قريبين
من الفريج...

لذا...شئ طبيعي تزيد مؤونة البيت في هذا الشهر..

عادي تلقى المائدة اللي بباقي الاشهر عليها اربع اشخاص
في رمضان..تلقى 25 شخص متجمعين على
الفطور :shy: << ماشاء الله تبارك الله

نعم كثير من العوائل تبالغ...في المشتريات لكن اعتقد في
هذه السنين خاصة مع ظاهرة الغلاء..اصبح
الكل يحاسب ويشتري الشئ اللازم..

وسواء في رمضان او غيره...هناك ضمير يقول حرام
ينرمي الاكل الزايد..ودايم يتصرفن فيه امهات
البيوت...لاقرب ناس محتاجينه....

فان شاء الله....كل البيوت عندهم هذا الضمير..والوعي

ذكرتونا برمضان :) ......الله يبلغنا اياه بالخير والطاعة
تحية

[hemoud123]

رمضان شهر مبروك وشهر عباده , وفي نفس الوقت شهر يزيد التواصل فيه بين الارحام والاصدقاء , كذلك الامهات والزوجات يتفننون في جعل البيت عامر من ما لذ وطاب لاهل البيت ولكل زائر وهذا من الاشياء اللي تميز شهر رمضان عن باقي اشهر السنه , لذلك المصاريف تزيد

[غناتي1]

الله يعينا على صيامه وقيامه

اللي ضحكني في الموضوع انه صدق حتى قمر الدين نشتريه مع انا لا نعرف انسويه

ولا حد من البيت ياكله اصلاً -- اي والله عجييييبه هالمشتريات اللي ما لها اي لزوم

[ام نصوري]

شهررررررررررر عبادة

[عروة]

رائع اخ عروة , مع ان اسمك قديم و حلي , بس فكرك عصري و تكانة . عنوان المقال بسيط و نغازي لكن المعنى كيبر جدأ , لانة موشر بين الفهم الصحيح للشهر و الحياة بشكل عام و بين الهبل و التخلف الفكري و التقليد الاعمى و سوء الفهم لرمضان و لغيرة .

ليش مانشوف الخطاء و المبالغة الي نسويها كل سنة ؟ و ليش هاذي الامور مايركز عليها في خطب الجمعة و حلقات الحديث ؟ ليش اصف 7 او 8 انواع من الاكل غير الفواكهة و المشروبات و بعدين مجرد تذوق و ينكب في الزبالة ؟ و اللة انك ضربت على الجرح لكل انسان عندة شوية فكر و انسانية , لانة بدون فكر ننزل درجة مابي اقولها .

هذا الموضوع بس لو الناس استوعبت فكرتة , تخيل المردود الاقتصادي و الفكري و الروحي .
الواحد حدة وجبة وحدة في رمضان و شيء خفيف اذا يقدر عند السحور . شلون مانفهم اشياء بسيطة لها معنى كبير . الي يستوعب هاذي الفكرة يستحق التهنئة اما الي لا
, فهو مسلم بالاسم و لا يفقة شيء من معنى الشهر .

احيأنن , كلمات بسيطة تعبر عن معنى كبير , ولا تستغرب اني لما اشوف مثل هاذي الامور احس شكثر تعليمنا و فهمنا للحياة متخلف .

جزاك الله خير على كلامك الطيب والمفروض نبدأ نغير سلوكنا ونحاول نتلائم مع صعوبات الحياة الى طلعت لنا وشاكر لك المشاركة

[عروة]

قال تعالى : (ان المبذرين كانوا اخوان الشياطين )

صدق الله العظيم وشاكر لك المشاركة

[عروة]

الصراحة مشترواتي هي هي في رمضان زي اي شهر عادي ولكن ازيد كراتين الدجاج واللحم والرز ، نقصة الجيران ضرورية برمضان احس لازم كل بيوت الفريج تذوق اكلنا :)

بالنسبة للفيمتو مو ذاك الزود عادي يعني موجود والا ن عصير الليمون طول السنة ببيتنا الله مكثر شجر الليمون عندنا ن مخزون سنوي والحمد لله الحياة ماشية

تحياتي اخت عروة او اخ عروة

هذا المفروض الى يصير لانه رمضان بالنسبة للمشتروات مثل غيره ومايمنع نزيد حبتين حق الجيران والى حولنا بس باعتدال واتزان وشاكر لك المشاركة

[عروة]

رمضان شهر عباده

وانا معاك وشاكر لك المشاركة والله يبلغنا رمضان ان شاء الله

[جاكم الأعصار]

لن اختلف معك ياصاحب الموضوع عن كون فئه كبيره للاسف من الناس تفكر في بطونها قبل رمضان..

ولكن ليس كل الناس تفكر ي بطونها ان رايتها تملا العربات بالمشتريات من صنوف الاطعمه والمكونات ..
فبعضهم ينتهج عاده طيبه في رمضان الا وهي تبادل الاطباق الرمضانيه لزياده اواصر المحبه والتكافل مع الاهل والاقارب وان كانوا بعيدين مكانيا ..وهذا يتطلب احيانا الاستزاده من بعض المكونات لاحياء هذه العاده الطيبه ..

[عروة]

سبحان الله الناس جنه بيموتون يوع في رمضان


مادري ليش يصير سباق في الجميعات الخير وايد بس هم يرووحون


شهر اكل مو شهر عبادات وطاعه


وكل وحده تتفننن بالاكلات على حساب طاعتها

المشكلة ترس البطون يعمي القلوب والعقول ويكسل الانسان عن العبادة وشاكر لك المشاركة

[عروة]

ههههههههههههههههه الله يرحم ايام جمعية اليرموكـ والكوبونات كل سنه في رمضان ...


ايام والله ... ^-^



تسلم يا عروة ومعاكـ حق بألي قلته والله ... :)









يالله تكونين ساكنه في الغرافه ...:shy:


الله يرحم ايام هدية رمضان من يوم جاتنا سالفة الشركات والتخصيص والمجمعات الكبيرة حتى الجمعية ماقمنا نروح لها وشاكر لك المشاركة اخوي

[عروة]

اهم شي محد ينسى الفقارى والمحتاجين تراهم واايد .. موبس الجيران الي بيتهم متروس اكل مثلنا هههههههههه
رمضان العام وااحد باكستاني شيبه مسكين طااق باب الجيرااان يقولهم مابي فلووس بس ابي شي اكله انا جوعان ... والله انكسرت قلوبنا عليه.. . والناس تترس هالعربانات كأنه رمضان شهر أكل مو كأنه عشان نحس بجوع المحتاج والفقير ...... وشهر عباده وخير ...
اللهم لك الحمد ....

لا حول ولا قوة الا بالله والحمدالله على كل حال وصدقتي التبادل يكون مع الجيران وبنفس الوقت ماننسى المحتاجين والمساكين حتى لو كانوا بعيد عنا وشاكر لك المشاركة الى تعور القلب

[عروة]

اهم شي التطبيق
لان كلامكم كله جميل وماقدرش اقول حاجة عنه

احنا نتكلم ومانقدر نجبر حد على التطبيق في الاخير الانسان محاسب قدام رب العباد وقدام ضميره هو الحكم وشاكر لك المشاركة

[عروة]

قال الرسول صلى الله عليه وسلم من دخل السوق
فقال ( لا إله إلا الله وحده لا شريك له له الملك وله الحمد يحي ويميت وهو حي لايموت بيده الخير وهو على كل شئ قدير)

صدق رسول الله وشاكر لك المشاركة الطيبة

[عروة]

رمضان حاله من حال باقي الأشهر
ليش نزيد الأكل فيه

والحمدلله ما اشرب الفيمتو :)

لا الفيمتو هو مصيدة للموضوع علشان نجر رجول الاعضاء هنيه بس ترا هو المشروب الاساسي في رمضان واغلب الناس مايشربونه الا برمضان وشاكر لك المشاركة

[عروة]

سلام عليكم
الصراحه الموضوع حلو والناس تزيد شوي علشان التقسيم والشياب والشباب في المجلس واصلا هو شهر كريم تكثر في الزيارات وصلة الارحام
وجزاك الل ير ان شاء الله

وجزاك الله بمثله وشاكر لك كلامك الطيب وكل شيء بالاتزان حلو وان شاء الله نوصل ارحامنا باكل وبدونه يارب وشاكر لك المشاركة

[عروة]

قبل كنا صح نشتري اللي نبي واللي ما نبي..

اما في الثلاث سنوات الاخيرة اصبح عندنا نوع من الوعي

وصرنا نشتري لرمضان نفس بقية الاشهر..اللهم زيادة شوي :)

وهذا الى نبي نوصل له الوعي والتركيز على روحانيات الشهر مثل مانركز على الكماليات والقشور وشاكر لك المشاركة

[عروة]

تحسسووني انه شهر اكل مو شهر عباده

الاكل هو الطاغي والدليل برامج طبق اليوم ماتطلع الا برمضان وشاكر لك المشاركة

[&ام عبدالله&]

السلام عليكم الموضوع مميز جدا
وفعلا الاحظ كثير من العائلات يشترون اشياء بطريقة رهيبة وملفتة للنظر
وبالاخص فى شهر رمضان بالكراتين دياى وكراتين بيض وكراتين حليب
اللى يشوفهم يقول مشتريين تموين سنة مب شهر

وانا بعد اشترى بس مب بهالطريقة الجنونية
واكثر الاوقات ارجع البيت واشوف اكثر مشترياتى بدون اى فايدة
واندم انى شريتها

بس والله مافى اى شيء كرهنى بالتسوق الا الفيمتو
اكرهة من قلب
وسبب لى عقدة نفسية
لاننا نشترى فيمتو بالايام العادية بالاربع كراتين كل شهر
وفى رمضان بال6 كراتين ماشاء الله علينا وايد بالبيت 12 فرد

والله انى تعقدت منة
ان شاء الله ينقطع هالسنة من كل الماركات واستريح منة

ادرى الحين بتذبحونى بردودكم الطيبة

[عروة]

رمضان شهر...شهر جمعة الاهل..والتواصل مع الاهل
والجيران..والمعارف البعيدين..والقريبين
والمساجد اللي في الفريج..والعمال اللي قريبين
من الفريج...

لذا...شئ طبيعي تزيد مؤونة البيت في هذا الشهر..

عادي تلقى المائدة اللي بباقي الاشهر عليها اربع اشخاص
في رمضان..تلقى 25 شخص متجمعين على
الفطور :shy: << ماشاء الله تبارك الله

نعم كثير من العوائل تبالغ...في المشتريات لكن اعتقد في
هذه السنين خاصة مع ظاهرة الغلاء..اصبح
الكل يحاسب ويشتري الشئ اللازم..

وسواء في رمضان او غيره...هناك ضمير يقول حرام
ينرمي الاكل الزايد..ودايم يتصرفن فيه امهات
البيوت...لاقرب ناس محتاجينه....

فان شاء الله....كل البيوت عندهم هذا الضمير..والوعي

ذكرتونا برمضان :) ......الله يبلغنا اياه بالخير والطاعة
تحية

ان شاء الله يكون هالضمير صاحي في رمضان هذا ولو الاكل يناكل او يتوزع مب مشكلة لكن المشكلة الكبيرة هي في الاندفاع وشراء اشياء ازود من الحاجة الطبيعية حتى بعد التوزيع والعزايم يعني اشوف الاتزان زين ويزيد ولا ينقص ياليت تتغير الى يزيد شوي ولا ينقص وشاكر لك المشاركة الطيبة

[عروة]

رمضان شهر مبروك وشهر عباده , وفي نفس الوقت شهر يزيد التواصل فيه بين الارحام والاصدقاء , كذلك الامهات والزوجات يتفننون في جعل البيت عامر من ما لذ وطاب لاهل البيت ولكل زائر وهذا من الاشياء اللي تميز شهر رمضان عن باقي اشهر السنه , لذلك المصاريف تزيد

ما ختلفنا على الزيادة بس تكون طبيعية مب زيادة مبالغ فيها يعني الشراء يكون بعقل ولو في زيادة معقولة مب شراء بس علشان اشتري وشاكر لك المشاركة والله يبلغنا رمضان معاكم

[عروة]

الله يعينا على صيامه وقيامه

اللي ضحكني في الموضوع انه صدق حتى قمر الدين نشتريه مع انا لا نعرف انسويه

ولا حد من البيت ياكله اصلاً -- اي والله عجييييبه هالمشتريات اللي ما لها اي لزوم

هذا الى كنت اقصده بالموضوع في مشتروات نشتريها واحنا مالنا حاجه فيها كلش فالاتزان زين والله يبلغنا الشهر بخير وصحه وشاكر لك المشاركة

[عروة]

شهررررررررررر عبادة

شاكر لك المشاركة والله يبلغنا الشهر بصحة وعافية

[عروة]

لن اختلف معك ياصاحب الموضوع عن كون فئه كبيره للاسف من الناس تفكر في بطونها قبل رمضان..

ولكن ليس كل الناس تفكر ي بطونها ان رايتها تملا العربات بالمشتريات من صنوف الاطعمه والمكونات ..
فبعضهم ينتهج عاده طيبه في رمضان الا وهي تبادل الاطباق الرمضانيه لزياده اواصر المحبه والتكافل مع الاهل والاقارب وان كانوا بعيدين مكانيا ..وهذا يتطلب احيانا الاستزاده من بعض المكونات لاحياء هذه العاده الطيبه ..

ياليت ماتنقطع هالعادة على الاقل التواصل يزيد ولكن بالعقل والاتزان مب اطبخ حق الفريج وفي الاخير نص الاقل يكون مصيره ينقط وشاكر لك المشاركة الطيبة

[عروة]

السلام عليكم الموضوع مميز جدا
وفعلا الاحظ كثير من العائلات يشترون اشياء بطريقة رهيبة وملفتة للنظر
وبالاخص فى شهر رمضان بالكراتين دياى وكراتين بيض وكراتين حليب
اللى يشوفهم يقول مشتريين تموين سنة مب شهر

وانا بعد اشترى بس مب بهالطريقة الجنونية
واكثر الاوقات ارجع البيت واشوف اكثر مشترياتى بدون اى فايدة
واندم انى شريتها

بس والله مافى اى شيء كرهنى بالتسوق الا الفيمتو
اكرهة من قلب
وسبب لى عقدة نفسية
لاننا نشترى فيمتو بالايام العادية بالاربع كراتين كل شهر
وفى رمضان بال6 كراتين ماشاء الله علينا وايد بالبيت 12 فرد

والله انى تعقدت منة
ان شاء الله ينقطع هالسنة من كل الماركات واستريح منة

ادرى الحين بتذبحونى بردودكم الطيبة

وهذا الى كنت اقصده بالموضوع الشراء بدون وعي او ادراك وفي حلول حق هالنوع من الشراء بس ماتحضرني الحين اما من ناحية الفيمتو حتى لو نقطع في ماركات ثانية نفس الطعم يعني مامنه مفر وشاكر لك المشاركة

[قناص مستثمر]

حد منكم لاحظ كم ارتفع الفيمتو؟؟؟

[HAMAD2008]

عاد هذا موضوع في ذمتك ..فيمتو عاد ..فاتح موضوع عشان فيمتو..والله حاله

[احمــــد]

رمضان شهر العباده والقران وليس شهر الأكل

[عروة]

حد منكم لاحظ كم ارتفع الفيمتو؟؟؟

للحين محد راح الجمعية علشان يلاحظ ناطرين قبل بداية رمضان شاكر لك المشاركة

[عروة]

عاد هذا موضوع في ذمتك ..فيمتو عاد ..فاتح موضوع عشان فيمتو..والله حاله

وانت عاد هذا رد ترده اقرأ الموضوع مرة ثانية وشاكر لك المشاركة

[عروة]

رمضان شهر العباده والقران وليس شهر الأكل

وهذا الى نقوله والله يبلغنا رمضان ان شاء الله وشاكر لك المشاركة