ابغي احسن شقق للعائلات فقط في البحرين

[السد]

ابغي احسن شقق للعائلات فقط في البحرين
يعني شق ما عندهم خرابيط
شرب او ديسكو او عاهرات
ابغي شقق محترمة بمعنى الكلمة

قبل كم سنة الله يسامحه مكتب سفريات دلني على شقق ايقول عنها محترمة
واخرتها بنات هوى للاسف في الشقق !!

[(عبدالله)]

أفضل شقق عائلية في البحرين هي الشقق التابعة لمجموعة اليت Elite

تقريباً 7 أو 8 شقق متنوعة في المنامة في مناطق حيوية، وتتميز انها عائلية

وما فيها أي نوع من أنواع الخربطة..

إذا حجزت عن طريق الانترنت أو مكتب سفريات يطلع لك أرخص

من الحجز المباشر عن طريقهم..

في شقق عائلية جربتها اسمها ايواء Ewa للشقق المفروشة تتميز بموقعها عند السوق المركزي جنب رامز ومجمع اللؤلؤ ومجمع سنتر بوينت..

وبالله التوفيق

[الســـهم]

افضل شقق تسكنها وانت متطمن من كل النواحي اليت , واخص فيها اليت رويال بالجفير اذا بغيت ثلاث غرف , واليت سبا على جسر المحرق القديم اذا بغيت غرفتين او اليت غراند خلف السيتي سنتر وبعد غرفتين , وتطمن الشقق عائليه وهاديه جدا ونظامها فندقي واعلى مستوى من اغلب فنادق الخمس نجوم , والحمدلله انه ولا شقه من شقق اليت يقدمون فيها الكحول بكافة انواعه , وانا اقولك من واقع خبره بالشقق بالبحرين ..

[خذاني الشوق]

بالنسبه لي انا جرررررررررررررررب ومنت بخسران انا من اروح مع عايلتي مالنا غير شقق رامي صج صج محترمه وجديده ونضيفه ورااااااااقيه انصحك راح تشكرني والله وسعرهم روعه الليله ب450 ولا فيها خرابيط تجنن تجنن اذا انت وعايلتك اخذ شقق رامي وبتشكرني عليها في كذا واحد في رامي 1 ورامي2 وفي رامي 3 اعتقد انت من تروح اسال عن شقق العائليه لان في وحده منهم مالت خرابيط بس الباقي لا والله عائلية من قلب بتحصل الشقق عند المسجد الكبير اللي في الجفير

[إنتعاش]

اخر مرة من سنتين تقريبا زرت فيها البحرين سكنت في ميركور جراند السيف
وكانت شقق فندقية نظيفة و راقية ماعلى اهلك خوف ان شاءالله فيها .
موقعها : خلف مجمع السيف مباشرة يعني ممكن لو الجو حلو تمشي للسيف والعالي
تقريبا 300 متر فقط لداخل المجمع



هذا موقعهم اخوي

http://www.mercure.com/gb/hotel-5685-mercure-grand-hotel-seef-all-suites/index.shtml

موفق

[5ial al3lya]

تروحون و ترجعون بالسلامه

[theeb_qatar]

عزيزي

انت قبل لاتدخل اي شقه اسأل للعائلات او لاء ...

وبعدين نص الاسبوع
امورك فالسليـــم ...

[ورقــة أمــل]

شقق اليت نظيفة ومافيها خرابيط
غرفتين وحمامين وصالة ومطبخ ب 400 من عند مكتب السفريات
وفيه اليت سويز بعد فخم وراقي
بعيد عن الخربطة

[غبيش]

السلااااام عليكم
انا معا اخوي عبدالله المكان مافيها ازعاج

[رداد]

فيه شقق ( إليت قراند ) خلف سوق الستي سنتر موقعها ممتاز قريبه من الستي سنتر والسيف والعالي، وعائليه وفيها أحجام مختلفة، وإذا بتمر الخبر فيه شاليهات الهوليدي إن جو عائلي ممتاز على شاطىء الهاف مون.

[وكراوي]

شقق قصر الريفيرا روعه بصراحه

[(وكراوية)]

ماجستك في المنامه

نظيف وما فيه خرابيط

[العنان]

شوف اخوي تبي شي محترم ونظيف عندك خيارين ، اليت جراند خلف الستي سنتر او شقق الدبلومات وبس

[Sharshooooor]

شقق قصر الريفيرا روعه بصراحه

:nice:

شي روعة و100% للعائلات حتى مكانه مميز وبعيد عن الخرابيط

بس مشكلته شوي غالي :anger1:

[القلم الصريح]

عندك شقق لؤلؤة الجفير او شقق السولدير شقق هاديه ومحترمه ومافي خرابيط اسعارها مقبوله

[فلفل حار]

http://www.qatarshares.com/vb/showthread.php?t=282032

:):)

[السد]

شقق قصر الريفيرا روعه بصراحه

وين مكان هذه الشقق؟

[سوق واقف]

تبي رخيص او غالي

[theeb_qatar]

اخوي ...
شقق السـوليـدير
حلوه ونظيفه ...

فيها شباب وفيها عوايل ..
وكل طابق فيه شقتـين

اليوم بـ 500 .. وساعات بـ 450

[سوق واقف]

تبي رخيص روح رورو

[سوق واقف]

350ريال في اليوم

[KHALID1]

بغيت شقه بغرفتين تأجير مده طويله من سبتمبر 2009 الى يونيو 2010 كيف اقدر احصل على سعر خاص !!!

[فلفل حار]

بغيت شقه بغرفتين تأجير مده طويله من سبتمبر 2009 الى يونيو 2010 كيف اقدر احصل على سعر خاص !!!

من ادارة العماره نفسهم ... :)

اختارلكـ مكان يعجبكـ وحط في بالكـ عدة نقاط ...!


1 - سهولة وسرعة الوصول للغرفه خاصة انها بتكون سكنك لفتره طويله
2 - سهولة الحصول على موقف ويفضل لو تختار عماره يعطونكـ موقف خاص لرقم شقتكـ
3 - في مكان بعيد شوي عن الجفير مثلا تختار مدينة عيسى او قريب من النادي الاهلي عن زحمة المكان في الويكـ اند
4 - توافر سوبرماركت للتموين ومطاعم والاهم مغسلة ملابس ...




وحتي الفنادق يعطونكـ اسعار خاصه للفترات الطويله ...

... شوف لكـ فندق 3 أو 4 ستـار ...
مب غلط ... :)

[المناصير]

قراند الييت حده راقي وعائلات ومافيه خربطه..موفق يالشيخ

[الديمها قطر]

اليت سبا اكثر من رائع تونا جاين من البحرين فخم وسعره زين شقه غرفتين وعلى البحر غير السومنغ بول وملعب تنس وسله بس 1200 ريال وموقعه روعه خمس دقايق من سوقالمحرق و تقريبا عشر دقايق من السيف و خمس دقايق من مجمع الشيراتون اومودا مول وسوق المنامه ومجمع يتيم وجنب الكورنيش والمتحف واقل من عشر دقايق من شارع المعارض

[راعي الغزيل]

يالغالي روووح صوب مستشفى ابن النفيس هناك في شقق ليت ترتيب او روح الجفير عند البحر كل ماتبعد عن الناس وتروح صوب لبحر بتحصل شقق عواتيل