ابشروا اسعار العقارات نزلت ....

[Silver.Ocean]

اسعار العقارات نزلت بشكل ملحوظ ....
و في اعتقادي السبب هو امتناع الكثير عن شراء او استئجار العقارات ...
يعني بالعربي اضراب عام ....

البيوت الشعبية قبل سنه كانت ب 10000 و الحين صارت 7500
الفلل كانت ب18000 و 20000 و الحين ما تتعدى 15000
و اسعار البيوت اللي كان بمليوين صار بمليون و 800 او مليون و 500

و ان شاء الله النزول مستمر ...

[vip-qtr]

اميييييييييييييييييين في نزول مستمر

[wiseman]

مصـائـب قـومٍ عـنـد قـوم فـوائـد . . .

[gxr-f]

والله وايد ناس عانو من هالارتفاع ووايد ناس استغنو من هالارتفاع في الاسعار

دمتم بود

[سهم مضطرب]

انشالله النزول مستمر ..

[العودي V.X.R]

ماتوقع انا ينزل بعد خاصة عقب نزول القروض اللي ماتيب حتى خبز

[diab911]

ان شاء الله

[qatarman8008]

ماتوقع انا ينزل بعد خاصة عقب نزول القروض اللي ماتيب حتى خبز

ابشرك اخوي امس قاعد مع احد اكبر مكاتب العقار وقال لي ان هناك فاااااااااااائض فالمعروض والشراء يكاد يكون معدود عالاصابع لان ما احد يبي يجازف بها لقرض اللي ينزل مرة بالعمر

[rashid alkubaisi]

ان شالله تنزل اكثر واكثر واكثر

[دانه الدنيا]

:weeping::weeping:انشاء الله تنزل اكثر لان والله انه انعاني من هالايجارات يعني يجي واحد ويأجرلك الملحق غرفتين ب7000 وعليك قسط مثلا 5000 شيبقى للواحد ولعياله
الله المستعان
:weeping::weeping:

[عابرة سبيل]

الله كريم

[shmokh]

نعم كلامك صحيح

اكثر اهل المكاتب العقارية يعانون من قلة الطلب

ولكن للاسف هناك من لا يزال يكابر على الواقع خصوصا السماسرة لانه انخفاض العقار ليس في صالحهم لانه العمولة نسبة مع سعر البيع بالتالي كل ما ارتفعت الاسعار كل ما زادت نسبتهم

ولكن هذي دورة اقتصادية دخلنا طفرة العقارات وخلصنا والدورة تكمل دورتها الى قطاع اخر في الاقتصاد

[عساف]

:weeping::weeping:انشاء الله تنزل اكثر لان والله انه انعاني من هالايجارات يعني يجي واحد ويأجرلك الملحق غرفتين ب7000 وعليك قسط مثلا 5000 شيبقى للواحد ولعياله
الله المستعان
:weeping::weeping:

عندي ملحقين كل ملحق 3 غرف ومطبخ وحمام

كل ملحق بـــــ 4500 ريال

تقدر تتواصل معاي على الخاص

[المها]

اي حتى انا لاحظت في الوسيط منزلين اسعار الايجار وبصراحه شي حلو كـ بدايه لانه في ناس وايد محتاجين

وان شاء الله تنزل اكثر ويراعون ظروف الناس ومايكون همهم المال

وبشرك الله بالخير يا سلفر :)

[bo_hamad]

اسعار الايجارات بتنزل ، أما أسعار الفلل والأراضي بترتفع في الاشهر القادمة تدريجياً

[Bo-7assan]

لان الخمسه الكبار في سوق العقار 3 منهم وقفوا عن اخذ اي عقار سواء شراء او بيع او ايجار فبقت بس شركتين في السوق اللي يشترون وياجرون , وازيدك من الشعر بيت هالثلاث شركات قامت تنزل من اسعارها , بس في احتمال كبير ارتفاع الاسعار الفتره الجاية بشكل مؤقت بسبب عملية الهدم في الاصمخ لعمل مشروع قلب الدوحه اللي بيخفض المعروض والناس بتطلع بدور على شقق بديله تسكن بها , يعني السوق لنهاية السنة بيكون شبه مستقر لكن الله المستعان السنه الجايه .

[تدلل قطر]

محد بيدوخ الا شريطية العقار انشاء الله في نزول

[قناص الخليج]

ماعتقد نزلت لهل المستوى انا ادور لي بيت للبيع كلها من مليون ونص وانت طالع

الله يوفق

[العودي V.X.R]

ابشرك اخوي امس قاعد مع احد اكبر مكاتب العقار وقال لي ان هناك فاااااااااااائض فالمعروض والشراء يكاد يكون معدود عالاصابع لان ما احد يبي يجازف بها لقرض اللي ينزل مرة بالعمر
ان شاء الله علشان الواحد يقدر ياخذ له بيت

[بوخليفة3]

ماعتقد نزلت لهل المستوى انا ادور لي بيت للبيع كلها من مليون ونص وانت طالع

الله يوفق

غلطان اخوي

البيوت على افا من يشيل واكثر مبلغ مليونين
وكلهم تحت المليونين
دور انت بسس وفالك التوفيق

[واقع]

ابشرك اخوي امس قاعد مع احد اكبر مكاتب العقار وقال لي ان هناك فاااااااااااائض فالمعروض والشراء يكاد يكون معدود عالاصابع لان ما احد يبي يجازف بها لقرض اللي ينزل مرة بالعمر

اللي اشوفه شخصيا في حركه بالسجل العقاري وبيع ومشترى وفي طلب جامد على الفلل والاراضي ؟؟ :omen2:

[واقعية]

اللي اشوفه شخصيا في حركه بالسجل العقاري وبيع ومشترى وفي طلب جامد على الفلل والاراضي ؟؟ :omen2:

الخوف ان الكبار يشترون الفلل الجديدة و يرجعون يتحكمون بالسوق

الله يرحمنا برحمته

[الشاااهين]

اميييييييييييييييييين في نزول مستمر


تذكرون لما كلن اجار الشقق 3000 !!!