عاجل .............................جدا [الأرشيف] - منتديات شبكة الأسهم القطرية

مشاهدة النسخة كاملة : عاجل .............................جدا

rashid alkubaisi

29-07-2009, 10:45 AM

السلام عليكم ورحمة الله وبركاته

شباب ابغي كراج ينزل قير الهمر

لان عندي مشكله بسيطه فالقير والوكاله شغل يدهم بس لتبطيل القير 4800 ريال

بدون تصليح وبدون القطع

اللي يعرف اي حد فالصناعيه ولا اي مكان يعرف حق الامريكي او الهمر لا يبخل علي

علشان العصر اودي الموتر

بوسيف الهاجري

29-07-2009, 10:47 AM

مرحبا
عندك كراج ترايستار شارع 24

rashid alkubaisi

29-07-2009, 10:49 AM

مشكوور وارحم الله والديك ...................................

GENIUS

29-07-2009, 10:56 AM

عندك كراج المنطقة الصناعية الحديث ( كراج حربي ) مقابل وكالة التويوتا في شارع 7 في لبناني عنده إسمه خليل شغله في الجير ممتاز.
سؤال الهمر h2 أو h3

rashid alkubaisi

29-07-2009, 10:59 AM

>>>>>>>>>>>>>>>>>>>>>>>>>>>>>h3

rashid alkubaisi

29-07-2009, 11:02 AM

بس شباب انا ماعندي خبره في هذي السوالف

لكن اللي ابغي اعرفه سعر الوكاله عادي ولا شوي غالي ولا مبالغ فيه

هو قالي المشكله عندك يمكن ربلات ويمكن مادري شنو طلع لي كذا شي

وقالي بناخذ على فك وتركيب القير تقريبا 4800 ريال

بدون قيمة التصليح وبدون القطع......................انتوا شرايكم

GENIUS

29-07-2009, 11:03 AM

جرب إنك تمر على الكراج ويشوف لك الوضع يمكن العملية ما تحتاج تنزيل وفك الجير لأن الوكالات عندنا ما يعرفون إلا غير وبدل ما في تصليح والله يعينك وراسلني على الخاص إذا بغيت مشورة أو مساعدة .

rashid alkubaisi

29-07-2009, 11:08 AM

بن درويش

29-07-2009, 11:45 AM

مريت على اسي دلكو
وفى كراج مقابل شركه التويوتافى الصناعيه شارع 6 يعرف للامريكي
وعندك كراج العون طريق سلوى بعد التضامن للسياارت مره عليه وبيدليك مكان تمام للهمر

rashid alkubaisi

29-07-2009, 11:51 AM

جزاك الله خير

وان شالله اول شي بروح اخذ الموتر من الوكاله وبمر على حربي هو اقرب واحد

وان شالله يصلح الموتر ويفكني من لدواره من كراج لي كراج

الخارجية

29-07-2009, 12:37 PM

الله يعينك

sos 12

29-07-2009, 12:40 PM

تقريبا المشكلة عندك من الجيب الي يوصل لين الكمبيوتر ممكن محتاج تبديل وفي هذي الحالة لازم ينزل القير بدون لايفتح الهاوزنق لان مكان الجيب في ظفيرة القير ويكون فوق القير وهذي تقريبا سعرها من 1500 لين 3000 ...نصيحتي لك لاتعب عمرك مع الكراجات لانهم يحبون ينصبون على الناس انا جربتهم من سنتين صارلي نفس الي عندك ورحت لهم الي قالي 12 الف والي قالي 20 الف وقعدوا يراوني اصور موانر اشتغلوا عليها وكلف كذا وكذا ... وفي الاخير رحت حق كراج وقالي الجيب لازم يتبدل وماكلفني الا 2000 مع الشغل والبرمجة والايل بعد .... بما ان موترك امريكي ودى الوكالة احسن لك ويعطونك ضمان علية .. واذا حاب انك اتروح الكراجات قولهم ابي فحص على القير وتكلفتة 200 ريال واذا قالو نفس كلام الوكالة صلح موترك في الوكالة ابرك لك صج انا غالي شوي بس احسن من عوار الراس والنصب.

فهد111

29-07-2009, 03:46 PM

الله يعينك

rashid alkubaisi

29-07-2009, 05:30 PM

مشكوورين على التفاعل

واليوم طلعت الموتر من الوكاله وديته عند كراج الحربي

وبكره ان شالله بيقولي شسالفه

بس دعواتكم لي ان مايكون فيه شي كبير

فلفل حار

29-07-2009, 09:13 PM

شباب المشكله اللي عندي

ان الموتر مايمشي اذا حطيت القير عال d ولا يمشي على الـ3

لكن يمشي على الـ2 والـ1 واذا مشى وحركة القير يصير الموتر عادي ومشيت فيه لي الـ140 مافي اي شي

بس اذا وقفت عند ايشاره لزم ارده 1 او 2 وبعدها ارجعه على d

انا صارت لي نفس المشكله مع كروزر وكان لفيوز محترق

بس الوكاله قالي يمكن فيوز ويمكن ربلات ويمكن مادري شنو.... وقال الاحسن نفك القير كامل

ونشوف اذا في شي او لا بس المشكله انهم بدون مايدرون شسالفه يبغون قيمة فك القير

يعني باعربي تبتدي الفاتوره من الـ5000 وبعدها شوف التصليح بـ500 ولا انشالله 10000 مايهمهم

اهم شي عندهم خذو المضمون اللي هي فك القير.....................شتقول عنهم

صحيح اخووي ... لاتستعيل يمكن العله مب بالقير ... :)

جايز في مشكله في كهربا القير ... يعني مايحتاج تبطيل ...!

ويمكن تغير كم فيوز وبرمجه ... وخلاص ...!

هالمواتر صعب يخترب قيرها بسرعه ... خاصة لو كان استعمالك مب دفش ...:rolleyes2:

اسأل عن متخصص في برمجة وفحص المواتر ... وابعد عن أي سي دلكوو في هالسوالف الكبيره مثل القير والمكينه ... لانه شغل يدهم نار وقريب سعر الوكاله ...!!

عيل ذاكـ اليوم سألتهم بكم يغيرون سفايف الكروزر يقوول بـ250 مادري 300 ... ليش ان شاء الله ..؟؟

ليكون في Tax حق يشترون جل وخرابيط الشعر حق هالبوفلبن ألي عندهم ...:anger1:

جرب تسأل عـوون ألي في العزيزيه ... :nice:

كان ودي أفيدكـ بس ماعندي خلفيه في الامريكي ...:)

مالكـ الأ الذيــب اخوونــا X4X

رجال نشمي ولعبته المواتر الامريكيه ما شاء الله عليه ... وراح يشور عليكـ ان شاء الله ... ^-^

rashid alkubaisi

30-07-2009, 03:04 AM

والله اسي دلكو و شركة المناعي

كلهم نار

انا من اسبوعين مبدل سفايف الهمر قدام ورى

قيمة السفايف 1000 ريال وشغل يدهم 700 ريال

وفلتر هوى وبلاكات وسير المكينه ومشاشات سعرهم كامل بعد بـ1000 ريال

ماظن منهم فايد اروح لهم

وحتى ونا اطلع الموتر من الوكاله بعد مصرين يقنعوني انهم ينزلون القير ويشوفون

اول مره اشوف خدمة المناع بهذي الطريقه اهم ش عندهم ينصبون ويدفونك قد مايقدرون قبل معاملتهم
احسن بوايد

فلفل حار

30-07-2009, 03:20 AM

ماجربت تحاججهم بالضمان ..؟!

rashid alkubaisi

03-08-2009, 08:43 PM

مشكوووورين على التفاعل

وبصراحه حبيت اشكركم على وقفتكم معاي جزاكم الله خير

الحمدلله ودية الموتر عند كراج حربي ونزل القير وغير البرنقات + الكلتش +فلتر القير

والحمدلله من يومين استخدمت الموتر ومافيه شي لاصوت ولا طقه ولا غيره لله الحمد

بس بقى اغسله غسيل جيك بعد الكراج كله ايل الموتر

واشكركم مره ثانيه على المساعدتكم لي

وطبعا شكر خاص جدا لاخوي genius ماقصر معاي على الخاص ولين اليوم يراسلني ويسالني

عن الموتر وشلي صارله بس المشكله كل مارديت عليه مايستقبل الرسايل الخاصه

وبعد الشكر لاخوي الغالي الخارجيه على التوصيله لي الصناعيه :nice:

واخر شي اقولكم جزاكم الله خير وارحم الله والديكم.....................................

خالد الخوري

03-08-2009, 11:29 PM

تراي ستار وبس

eXpert*

03-08-2009, 11:35 PM

1) كراج ترايستار متخصص بالقير الاوتوماتيك الامريكي ،، لكن سعره لك عليه شوي.

2) كراج منصور في الصناعية ، ممتاز وانا متعامل معاه أكثر من مره سعره جداً معقول .

3) كراج الأرز ،، في شخص لبناني خبرة في القير ،، بس الله يعينك على الزحمة عنده .

الخارجية

04-08-2009, 12:01 AM

أخو عزيز -rrr - اي خدمة أنا حاضر