المساعد الشخصي الرقمي

مشاهدة النسخة كاملة : حوار بين حر و حر: ليانشتها طاحــت على روس الاصباع***تمشي ذليله وانــت مرماك صــايــب


عابر سبيل
29-07-2009, 03:06 PM
اعتذر للحباري و الكراويين و الاارانب...


http://hierofalcons.com/images/Gyr%20on%20houbara.jpg


ياطير ياللي لازهقت نفسك القاع
شلت الجناح وطرت فوق الهبايب

ثم ارتفعــت وصــرت بالجو طـــلاع
تنطح مطالعيك جفان السحايب

مركب تشق الموج وجناحـــك شراع
ومرساك روس النايفات الرحايب

طلعتك عــز ونزلتــك سيف قعقاع
وحــومك شــمــوخ وفــي هــيامك عجايــب

هجمتك شـــروى الذيب لا جاع
وصرختك ..صرخة جاز عين النوايب

لك مخلب لاجا على الخرب قطاع
ولك غــارة ترعــب قــلــوب الـدوايب

ليانشتها طاحــت على روس الاصباع
تمشي ذليله وانــت مرماك صــايــب

قطعتها ثم صارت انصاف وارباع
ياحر ياشــف الرجــال الذرايـــب

وأنا سجين الارض في كل الاوضاع
أكفخ جــنــاح الحظ والحظ عايب

قيدي شــديـد ومرقدي كله اوجاع
وقتي بــخــيــل والخــيــر جزل المصايب

الــوي ذراع الــوقـــت ويلويلـــي ذراع
والمشكله مــاكن حولـــي صــحـــايب

ان صحت ماحد لي من الناس فــــزاع
والصمت يشعل في خفوقي لهايب

أحبس هموم الــنــفـس مابين الأضلاع
وبي جرح ماظنه مع الوقت طايب

صبرت لين الصبر من حسبتي ضـــاع
وهمي كبر واصــبـح من الكبر شايب

اقسى بوجـــه الضيـــم وانــســى وانــصــاع
واذكــرك وابكـي واترك الفكر سايب

لانك حظيـــظ وحظــي النــحــس ماطـــاع
سيفك حسام وسيف يمناي خايب

ان جيــت ترقـــى منــزلـــك روس الاتـــلاع
ولاجيــت ابرقـــى قــابلتـنـي صعايب

شوفك حــديـــد ومحــجــرك بـــرق لـــمـــاع
وشوفــي ســـراب ودمع عيني سكايب

مانتـــه لـــعــــذل الـــنـــاس موحــــي وســـمــــاع
ولا كـــدرت مشـربــــك مثلي شوايب

مايسألك ربـــي عن الذنب والــطـــاع
وانا حسابي بيـــن عـــاصي وتــايـــب

أحســـدك يا طيــــر والانسان طمـــاع
والحسد لاصحابه يجـــيــب النكايب

ياطير انــا بانصحــك لا تقــرب الـــقــــاع
مــادمت فــوق الــنــاس مانتـــه بهــايــب

ابعــد عن القنـــاص وانيــاب الاسباع
لايقضبــك ياطير شــبــك النــشــايــب

تصبــح بــعـــد عــزتــك للنــاس خـــضـــاع
وتدفــع ثــمـــن نزلتـــك قـــيــد وضـــرايب

تصــيــر سلعــه بين شــاري وبــيـــاع
فــي ســوق تجـــاره بعضهــم زلايـــب

حطوا على جبهتك وعيونك قنــــاع
جـــردت من شـــوفـــك بلـــيــا سبايب

ثم ســـجـــنــوك بغرفـــة مابهـــا وســـاع
عــقــب الــســـمــا تــســكن بــضــيــق الخرايب

مربوط فــي وكـــرك ولا تمشـــي الـــبــــاع
مثل السـجـين اللـــي جــفـوه القــرايـــب

تقــنـــص على كـــف الرجاجيل مطــــواع
وان صــدتهــا يسبـــون صـيدك غصــايــب



يا الحر يا "فلان"...
http://forum.brg8.com/image.php?u=141274&dateline=1221787361

هذاني جيتك عالوعد... قدام


لاجلك بس...
انا اليوم نازل القاع.. أسلّم....و مسالم!.

انتظر طلعة فلان..و معه كل ربعه..و الخلان!!..

و انا على طول عالوعد...........قدااااااام




http://www.twincitiesdailyphoto.com/2007/bald_eagle-03.jpg
هتـان قطر
29-07-2009, 04:33 PM
بما ان القصيدة بين حر وحر..او بالاخص بين الاخوين الكريمين

عابر سبيل..وزقرتي مزاجي..الا ان روعة القصيدة جعلتني

اقتحم الموضوع لاثني على كاتبها ..صح السانه

اعجبتني القصيدة جدا وذكرتني بقصيدة محمد بن فطيس

اللي يقول فيها..:


اندوج بأشقر صافي الظهر والذيل ..
.. مطروح قد ريشة ظهره محروقه

يطلع وطلعه لا طلع .. طلع دربيل ..
.. زود على طلعه وطبعه .. لحوقه

له هيبة في الجو قبل المحابيل ..
.. فرخ العقاب ايخاشره في حقوقه




هناك بيت واحد فقط..اعتقد والله اعلم انه مكسور..ومحتاج الى تصحيح الوزن

تصــيــر سلعــه بين شــاري وبــيـــاع
فــي ســوق تجـــاره بعضهــم زلايـــب
عابر سبيل
29-07-2009, 11:17 PM
بما ان القصيدة بين حر وحر..او بالاخص :nono: بين الاخوين الكريمين

عابر سبيل..وزقرتي مزاجي..الا ان روعة القصيدة جعلتني

اقتحم:pardon: الموضوع لاثني على كاتبها ..صح السانه



.. فرخ العقاب ايخاشره في حقوقه




هناك بيت واحد فقط..اعتقد والله اعلم انه مكسور..ومحتاج الى تصحيح الوزن

تصــيــر سلعــه بين شــاري وبــيـــاع
فــي ســوق تجـــاره بعضهــم زلايـــب


ترى حتى الحرار..
لين اظلمت ...هقوتي
ان مالها بد تدل طريقها..
الا ان تهتدي..ابـ
"نجمة سهيل" :nice:

المكان للكل...بس
"فلان" و "فلان"....
الحكاية ان بينهم سلسلة اسمها
"الوعد قدام"!!!...

تحري عنها في هالقسم بتعرفين انها بدت من مدة
قصيرة..بس يشهد الله...كإن المعرفة
بينهم..من زماااااااااااان!.

يعني...هو قدامي..
و انا اتبعه ..
يا فلان...سلام..
بس انا و دي اعرفك..من انت..

تعرفين ايش ايرد علي يا/هتان؟؟

يذبحني..ايقول: انا فلان؟

اقوله..يالخو..تراني انا اللي اسمه: فلان!!

ايقول خلاص..تبي العلم..

اقول له اي و الله..

ايقول...اجل ابشر..الوعد قدام!.

وهذانا اليوم جيناه على اخر موعد بيننا..قدام...

بس تشرف زود هالمكان...
يوم ان اول من زاره نجمة سهيل...هتان!.

------
مالي مثلج يا شيخة العارفين في البحور
و لا الاوزان..

بس اعتقد ان الكلمة اللي اشكلت عليج
في هالبيت هي كلمة "تجاره"؟؟

ان كانت هي...حطي بس الشده وسطها..
اتصير "تجـّاره"...و يمكن يضبط
الوزن و اتصير..تمام:shy:.

عالعموم الشاعر اسمه /رعد بن عبدالله..
و هذا مكانه و العنوان:http://www.abyat.com/poem.php?uid=758&id=27433

---------

اما بن فطيس...
و بالذات هالشطر..
" فرخ العقاب ايخاشره في حقوقه"

ما فيه حييييله...من احلى البيات اللي دايم ارددها
من قصايد بن افطيس..او "المحيط الهادي"!!.


مرحبا بج مرة ثانية وبالكل؛ الف و ياهلا ....
و المكان للكل...

موب بس
حق "فلان و فلان";)
a.a.a.qatar
30-07-2009, 04:31 PM
عابر سبيل .. :)
ايش هالزين ... صح الله لسانك إذا أنت كاتبها ... وإذا لا ... تسلم على هالنقل الحلو .. كالعاده .. في اختياراتك .. مبدع ..
عابر سبيل ... "قبل ما تعلق .. ترى خير الكلام ما قل ودل ."
وتحياتي
limited
31-07-2009, 12:40 AM
اولا احب اثني على القصيده الرائعه واشكرك اخوي على الاختيار الجميل بس لي تعليق على البيت اللي يقول:

هجمتك شـــروى الذيب لا جاع
وصرختك ..صرخة جاز عين النوايب

لان الشطر الاول مكسور وبينجبر لو قلت :

هجمتك شروى هجمة الذيب لا جاع
وصرختك صرخة جاز عين النوايب

وتقبل شكري وتقديري
زقرتي ومزاجي
31-07-2009, 01:26 AM
اعتذر للحباري و الكراويين و الاارانب...


http://hierofalcons.com/images/gyr%20on%20houbara.jpg


ياطير ياللي لازهقت نفسك القاع
شلت الجناح وطرت فوق الهبايب

ثم ارتفعــت وصــرت بالجو طـــلاع
تنطح مطالعيك جفان السحايب

مركب تشق الموج وجناحـــك شراع
ومرساك روس النايفات الرحايب

طلعتك عــز ونزلتــك سيف قعقاع
وحــومك شــمــوخ وفــي هــيامك عجايــب

هجمتك شـــروى الذيب لا جاع
وصرختك ..صرخة جاز عين النوايب

لك مخلب لاجا على الخرب قطاع
ولك غــارة ترعــب قــلــوب الـدوايب

ليانشتها طاحــت على روس الاصباع
تمشي ذليله وانــت مرماك صــايــب

قطعتها ثم صارت انصاف وارباع
ياحر ياشــف الرجــال الذرايـــب

وأنا سجين الارض في كل الاوضاع
أكفخ جــنــاح الحظ والحظ عايب

قيدي شــديـد ومرقدي كله اوجاع
وقتي بــخــيــل والخــيــر جزل المصايب

الــوي ذراع الــوقـــت ويلويلـــي ذراع
والمشكله مــاكن حولـــي صــحـــايب

ان صحت ماحد لي من الناس فــــزاع
والصمت يشعل في خفوقي لهايب

أحبس هموم الــنــفـس مابين الأضلاع
وبي جرح ماظنه مع الوقت طايب

صبرت لين الصبر من حسبتي ضـــاع
وهمي كبر واصــبـح من الكبر شايب

اقسى بوجـــه الضيـــم وانــســى وانــصــاع
واذكــرك وابكـي واترك الفكر سايب

لانك حظيـــظ وحظــي النــحــس ماطـــاع
سيفك حسام وسيف يمناي خايب

ان جيــت ترقـــى منــزلـــك روس الاتـــلاع
ولاجيــت ابرقـــى قــابلتـنـي صعايب

شوفك حــديـــد ومحــجــرك بـــرق لـــمـــاع
وشوفــي ســـراب ودمع عيني سكايب

مانتـــه لـــعــــذل الـــنـــاس موحــــي وســـمــــاع
ولا كـــدرت مشـربــــك مثلي شوايب

مايسألك ربـــي عن الذنب والــطـــاع
وانا حسابي بيـــن عـــاصي وتــايـــب

أحســـدك يا طيــــر والانسان طمـــاع
والحسد لاصحابه يجـــيــب النكايب

ياطير انــا بانصحــك لا تقــرب الـــقــــاع
مــادمت فــوق الــنــاس مانتـــه بهــايــب

ابعــد عن القنـــاص وانيــاب الاسباع
لايقضبــك ياطير شــبــك النــشــايــب

تصبــح بــعـــد عــزتــك للنــاس خـــضـــاع
وتدفــع ثــمـــن نزلتـــك قـــيــد وضـــرايب

تصــيــر سلعــه بين شــاري وبــيـــاع
فــي ســوق تجـــاره بعضهــم زلايـــب

حطوا على جبهتك وعيونك قنــــاع
جـــردت من شـــوفـــك بلـــيــا سبايب

ثم ســـجـــنــوك بغرفـــة مابهـــا وســـاع
عــقــب الــســـمــا تــســكن بــضــيــق الخرايب

مربوط فــي وكـــرك ولا تمشـــي الـــبــــاع
مثل السـجـين اللـــي جــفـوه القــرايـــب

تقــنـــص على كـــف الرجاجيل مطــــواع
وان صــدتهــا يسبـــون صـيدك غصــايــب



يا الحر يا "فلان"...
http://forum.brg8.com/image.php?u=141274&dateline=1221787361

هذاني جيتك عالوعد... قدام


لاجلك بس...
انا اليوم نازل القاع.. أسلّم....و مسالم!.

انتظر طلعة فلان..و معه كل ربعه..و الخلان!!..

و انا على طول عالوعد...........قدااااااام




http://www.twincitiesdailyphoto.com/2007/bald_eagle-03.jpg







هلا والله ... عابر سبيل .... هلا والله بـ ملبي الوعد


امتعنا اختيارك ... لدرجة اننا ذهبنا بمعاني القصيده بعيداً
جعلتنا نتمعن ونتمعن .. الى ان ادركنا حقيقه اختيارك الجزل

عابر ... رائع انت كــ عادتك .... وكــ عادته وفائك للوعود
وانك خير ما يوفي الوعد



عابر نلتمس منك عذرا ... وكـ غير عادتنا لم نستطيع
ان نرد عليك بالسرعه الممكنه




كلمة اخيرة ... لا تجعل سلسلة الوعد قدام تنتهي
وخل الحساد يموتون

الى الامام ... والوعد قادم

http://tbn1.google.com/images?q=tbn:ClKlOuEkXuoRpM:http://4photos.net/photo/2small_1225979615.JPG
عابر سبيل
01-08-2009, 12:18 AM
عابر سبيل .. :)
ايش هالزين ... صح الله لسانك إذا أنت كاتبها ... وإذا لا ... تسلم على هالنقل الحلو .. كالعاده .. في اختياراتك .. مبدع ..
عابر سبيل ... "قبل ما تعلق .. ترى خير الكلام ما قل ودل ."
وتحياتي


حاضر...
و انا تحت امرج..
و بسوي اللي تبينه..
----

بس لو تذكرين...انا اول من طلب...
ان تاخذين بيده...و اتعلمينه..

قلتيلي ..عابر ابتسم...هذاني ابتسم:)

يا عابر اختصر..
هذاني اكرر..تامرين امر!

---

اتركج مو بس مع الشعر...
الا كللللللللل الحجي
الي احتوتها الصور...

و انتي يا شيخة العارفين...اكثر من تفهمين...
بس ما تبين تصديقين ...
اني بالفعل اعتقد ان هالقسم... و انا اولهم..
يحتاج دروس..تكتبها لنا...يد..امينه!.
a.a.a.qatar
01-08-2009, 04:03 AM
حاضر...
و انا تحت امرج..
و بسوي اللي تبينه..
----

بس لو تذكرين...انا اول من طلب...
ان تاخذين بيده...و اتعلمينه..

قلتيلي ..عابر ابتسم...هذاني ابتسم:)

يا عابر اختصر..
هذاني اكرر..تامرين امر!

---

اتركج مو بس مع الشعر...
الا كللللللللل الحجي
الي احتوتها الصور...

و انتي يا شيخة العارفين...اكثر من تفهمين...
بس ما تبين تصديقين ...
اني بالفعل اعتقد ان هالقسم... و انا اولهم..
يحتاج دروس..تكتبها لنا...يد..امينه!.


ولو يا عابر سبيل ... :) عمر العين ما تعلى على الحاجب ..
احنا نتعلم منك ونتأسس
البنـدري
01-08-2009, 03:59 PM
أخي عابر سبيل اشكرك على هذه القصيدة

ولا شك ان الحر يستاهل :)

ولكن لدي ملاحظه

وان هناك بعض الابيات التي تحتاج الي تعديل الوزن

ومنها


هجمتك شـــروى الذيب لا جاع
وصرختك ..صرخة جاز عين النوايب
عابر سبيل
01-08-2009, 10:21 PM
اولا احب اثني على القصيده الرائعه واشكرك اخوي على الاختيار الجميل بس لي تعليق على البيت اللي يقول:

هجمتك شـــروى الذيب لا جاع
وصرختك ..صرخة جاز عين النوايب

لان الشطر الاول مكسور وبينجبر لو قلت :

هجمتك شروى هجمة الذيب لا جاع
وصرختك صرخة جاز عين النوايب

وتقبل شكري وتقديري


أخي عابر سبيل اشكرك على هذه القصيدة

ولا شك ان الحر يستاهل :)

ولكن لدي ملاحظه

وان هناك بعض الابيات التي تحتاج الي تعديل الوزن

ومنها





الاخ limited و الاخت البندري...

يا هلا و مرحبا و تشريف للموضوع مو بس مروركم...
الا الاهم هو لمحاتكم و التنبيهات اللي تنم على
علوم غزيرة..


فيا حي الله هالطلات و نستبشر ابها و لا تبخلون
على هالمكان و كل من به بعلومكم الطيبه..
و الناس للناس!.

انا اشوفكم اثنينكم اجمعتوا على ان هالبيت
يحتاج له تضبيط بالوزن.

الاخ لمتد اعطانا اقتراح..
اما الاخت البندري فهي لمحت ان به
اكثر من هالبيت و اكتفت بالاشارة
لنفس البيت اللي جا عليه /لمتد..

عالعموم..مثل ما رديت على اختنا الكريمه/ هتان اعلاه..
ان القصيدة منقولة و انا حطيت اسم الشاعر و الموقع اللي يحوي
اكثر قصايده..

بس اذا ما انكلف عليكم ( و اي حد اخر في مثل علمكم)...

ممكن شوية شرح و تفصيل..
كيف الواحد يعرف البيت اللي به
نقص او كسر ...
هل هي فقط بحاسة الذوق..و لا به شي
من علوم او قواعد نقيس عليها
الابيات عشان نعرف صحتها من ضعفها..


كمثال...البيت اللي جات على ذكره الاخت/هتان..
مدري حد انتبه لردي عليها...
انا اقترحت ان نحط شده على الحاء...

و بعدين تفكرت..و قلت لو خلينا الهاء تاء مربوطه..
ممكن هم ينصلح البيت (اذا انا مو غلطان)...
و اتصير "تجارة" بعضهم بدلا من "تجّاره" او "تجاره"!.

هاي بس اقتراحات مني بليا اساس علمي او حتى اي
تجربه شعريةحقيقية...

عالعموم...من يجد في نفسه القدرة على افادتنا
و تقويم قدراتنا...فنقول له...نتمنى ان تكرمنا
و لو بحرف يفيدنا و يزيد من معرفتنا..
و للكل ...
جزاكم الله خير
عالمرور او المشاركة او اعطاء النصيحة!.
البنـدري
01-08-2009, 11:16 PM
الاخ limited و الاخت البندري...

يا هلا و مرحبا و تشريف للموضوع مو بس مروركم...
الا الاهم هو لمحاتكم و التنبيهات اللي تنم على
علوم غزيرة..


فيا حي الله هالطلات و نستبشر ابها و لا تبخلون
على هالمكان و كل من به بعلومكم الطيبه..
و الناس للناس!.

انا اشوفكم اثنينكم اجمعتوا على ان هالبيت
يحتاج له تضبيط بالوزن.

الاخ لمتد اعطانا اقتراح..
اما الاخت البندري فهي لمحت ان به
اكثر من هالبيت و اكتفت بالاشارة
لنفس البيت اللي جا عليه /لمتد..

عالعموم..مثل ما رديت على اختنا الكريمه/ هتان اعلاه..
ان القصيدة منقولة و انا حطيت اسم الشاعر و الموقع اللي يحوي
اكثر قصايده..

بس اذا ما انكلف عليكم ( و اي حد اخر في مثل علمكم)...

ممكن شوية شرح و تفصيل..
كيف الواحد يعرف البيت اللي به
نقص او كسر ...
هل هي فقط بحاسة الذوق..و لا به شي
من علوم او قواعد نقيس عليها
الابيات عشان نعرف صحتها من ضعفها..


كمثال...البيت اللي جات على ذكره الاخت/هتان..
مدري حد انتبه لردي عليها...
انا اقترحت ان نحط شده على الحاء...

و بعدين تفكرت..و قلت لو خلينا الهاء تاء مربوطه..
ممكن هم ينصلح البيت (اذا انا مو غلطان)...
و اتصير "تجارة" بعضهم بدلا من "تجّاره" او "تجاره"!.

هاي بس اقتراحات مني بليا اساس علمي او حتى اي
تجربه شعريةحقيقية...

عالعموم...من يجد في نفسه القدرة على افادتنا
و تقويم قدراتنا...فنقول له...نتمنى ان تكرمنا
و لو بحرف يفيدنا و يزيد من معرفتنا..
و للكل ...
جزاكم الله خير
عالمرور او المشاركة او اعطاء النصيحة!.



أخي عابر سبيل

أشكر لك هذا الترحيب المميز الذي لا يأتي إلا من "حر بن حر"

وسأسرد هنـا بعض الشروح والتفصيلات التي لي بها خبرة


كيف الواحد يعرف البيت اللي به
نقص او كسر ...

أخي العزيز هناك عدة طرق لمعرفة ما اذ كان ذلك البيت به نقص أو كسر أو عجز ومنها :

التلحين :وهو تلحين قصيدتك بيت بيت فإذا رأيت أن هناك خللاً في أحدى الابيـات أو الاشطـر فأعلم أن هناك خلل.

التفاعيل :وهو أخذ كل حرف من كل كلمة وجعل الحرف الساكن منه حرف ( o )والحرف المتحرك منه "شخطه" ( \ ) , وهكذا حتى يتسنى لك الانتهاء من الشطر الاول ليتساوى مع الشطر الثاني, وهكذا حتى تنتهي من جميع الابيات. ( لدي موضوع عن طريقته من كتابتي , ولكن ليس معي الان لذا سأنقل لكم من بعض المواقع المجاورة )



هل هي فقط بحاسة الذوق..و لا به شي
من علوم او قواعد نقيس عليها
الابيات عشان نعرف صحتها من ضعفها

هناك من يستطيع أن يشعر بها بمجرد سماعه لذلك البيت أو قراءته ومن "العلوم" ما أوردتها لك أعلاه



كمثال...البيت اللي جات على ذكره الاخت/هتان..
مدري حد انتبه لردي عليها...
انا اقترحت ان نحط شده على الحاء...

و بعدين تفكرت..و قلت لو خلينا الهاء تاء مربوطه..
ممكن هم ينصلح البيت (اذا انا مو غلطان)...
و اتصير "تجارة" بعضهم بدلا من "تجّاره" او "تجاره"!.

الشطر الثاني لا تستطيع وزنه حتى تغير بعض الكلمات

ولك هذا التغيير مع بعض المساعدة :)


تصــيــر سلعــه بين شــاري وبــيـــاع
فــي ســوق كله يانشــــــــــاما زلايب

واي استفسار اختكم حاضره :)
عابر سبيل
01-08-2009, 11:48 PM
هلا والله ... عابر سبيل .... هلا والله بـ ملبي الوعد


امتعنا اختيارك ... لدرجة اننا ذهبنا بمعاني القصيده بعيداً
جعلتنا نتمعن ونتمعن .. الى ان ادركنا حقيقه اختيارك الجزل

عابر ... رائع انت كــ عادتك .... وكــ عادته وفائك للوعود
وانك خير ما يوفي الوعد



عابر نلتمس منك عذرا ... وكـ غير عادتنا لم نستطيع
ان نرد عليك بالسرعه الممكنه

مسموح ياللي تعذر..
مسموح لو ما تعذرت...
بس حقيقة.."في غيبتك كم تأثرت"




http://tbn1.google.com/images?q=tbn:clklouekxuorpm:http://4photos.net/photo/2small_1225979615.jpg




ما شا الله عليك...
انا تخرعت منك ...ناشب بلحبارى تملش بريشها
و لا كن حد قدك في كل الوديان؟...

انا اليوم يا فلان..عندي لك علوم تبيلها حد
واعي وحد فهمان...

اولها،
من ايشوفك على هالوضع و و بهالمكانة
يا رفيع الشان....يفرح و يسترجي البشارة
من اللي وضبك باحسن تدريب..
البشارة حق راعي الحر..
شيخ له في العرب شان..

طيرك يا شيخ جاك على ما تشتهي...
ثرى هذا الطير - يا زقرتي و مزاجي-
اللي الكل يردد شعر شيخه فيه يوم انه ايقول:


"

ياطير وضبتك ابتدريب ... ابغي اصاوع بك هدادي ..
لي طارن ((الربد)) المهاريب ... لي ذايرات من العوادي ..
القفلهن عساك ماتخيب ... ..واقصد لقايدهن عنادي ..
خمه براسه خمت الذيب .... ....وعليك ماظنيه بادي
وخل الهبوب تروح وتييب ... ريش شعيع عقب المصادي
واللي سبق طيره بلاطيب ... بيتم في حزنه ينادي ..
عند اخويانا والاصاحيب .... كلن بخبره بايسادي ..
وان ماضوى ودوله الجيب .. تزهاب والطبخه عنادي .

زايد بن سلطان ( الله يرحمه)
"




مدري شاقول..
يا هني الشاعر بطيره ...و لا يا هني الطير براعيه!
و لا يا هني الشعر بشاعره....و لا يا هني الشاعر بشعره!!

بصريح العبارة...
في كل الاحوال.....انت المقصود بكل معنى زين يا "فلان"..
افرحت العربان...
و لا ناس بنقول لها...العلم تاخذه مني
في الرد التالي...قدام
عابر سبيل
02-08-2009, 12:29 AM
كلمة اخيرة ... لا تجعل سلسلة الوعد قدام تنتهي
وخل الحساد يموتون

الى الامام ... والوعد قادم :nice::nice::victory:

http://tbn1.google.com/images?q=tbn:ClKlOuEkXuoRpM:http://4photos.net/photo/2small_1225979615.JPG


عزيزي...الحسد و هله لهم واحد من 3:


الاوله..نحسن فيهم الظن و نخطي اعمارنا و نغض الطرف
عن "جهالتهم"...و انمد الايادي بالسلام و الطيبه لهم!

الثانيه:
ان ما اجْدَتْ حسن الفعايل ممن هو مثلك يا فلان..و تمادى البعض
منهم و لا غيّر من عباطته..
قلنا ..همْ انتجمّل ونصبر ونستعذر...
و ازيدك...هم نعلن حبنا لهم و ننصحهم باسلوب راقي...
شملنا فيه اعتابنا للاثنين...
"للحاسد و المحسود (http://www.qatarshares.com/vb/showthread.php?t=284778)" و حطيناه
بالبونت العريض جدام اعيونهم " منت بسوأ منه و يمكن مهو بخير منك (http://www.qatarshares.com/vb/showthread.php?t=284778)"!!
http://www.qatarshares.com/vb/showthread.php?t=284778


اما الثالثة يا زقرتي:
فهي خلاص....أعذَرْنا لهم و ليعذرنا من بيشوف
المكافخ بيننا و بينهم!

هذاهم ايشوفنك فوق يالحر و ايشوفون فعايلك بالحباري...
عشان تتعلم الجرابيع و السحالي من اللي قدامهم...
و من يقرا و يفهم الشعر و زين الكلام...
انقول له..تفضل هالديوان " مسرا و مهجر (http://www.qatarshares.com/vb/showthread.php?t=274345)"
http://www.qatarshares.com/vb/showthread.php?t=274345
هدية من الغالي/بوضاري...ثمييينه
بس هالمره ..كعربون محبه...بالمجان!!.

يا فلان..
انا ما جيت اهنيه الا و قدام عيني امرين...
"طيبتك و هدوئك..و السكينه و الامان حق اختك و اختنا الكريمة/ امينه"
و كل اقصراكم -بليا حصر- من اهل هالمكاااااااان...
و طبعا نفس الشي لكل من ياتي زابن و لا ضيف زاير ...

اماهل "الغوغائية" و التطنطن..
لعقاب ..بعد اذنك حومه على كل راس نايف...
هُــم و انت و الكل – بلا فخر- شايف...
كفخنا في الاخبار و اسهم قطر و نقاش القتصاد..
نطوا لنا بطنطنات و تصفيق ((متصنّع)) باااايخ!

زرناهم في استراحتهم و سولفنا مع هل الكورة عندهم...
حتى اسال راعية توقيعك و الذيب العود"مغرور" و كل هل
الريان و العرباوية معهم...حبينا الربع و انشا الله ان الكل
حبوا سوالفنا معهم...
غظناهم( و الله مدري:))..
بس ابشرك الجمنا غيظهم و دبرنا عنهم باحسن من استقبالهم لنا!

عالملا و في العام....خل الناس تتكلم احسن اللستة اتطول و نخسر
ما نرجوه منربنا الرحمن...مب من مثلهم و شرواهم!

زِبَنّا عندك يا الشيخ و والله حبينا هالمكان و كل من به بهدوءه
و طيبة هله و كل الرياحين اللي معك تحلى "خواطرنا"...

اتجيكم في الاخير يا الغالي شوشرة من هالـ"غوغائية" المرضية...
بسبة اخوتنا لكم....و لا حقدهم على كل ناجح منكم؟؟؟

شالحل اهنيه يا طويل العمر:discuss:

زهبّنا روحنا و قلنا...يالله...هذي الحرار والعقبان..
ان ما تعرفون المعاني...انجيب صورها لكم:secret:

------

نرجع لسوالفنا يا "فلان"..
انا تحت امرك...و بتبعك وين
ما تحب ايكون الوعد..
تبينا نرجع و رى..نرجع..
و ارجع لك الفارس اللي حب ايتوارى
بسبة حكم ذاااااتي... "اعدام"!

بس اذا تسمع الشور....خل الوعد قدام...
ثراني مجهزها " بركان"...

شبكت شاعر المليون مع الذيب و ليلي...
مو مع المجنون..قيس ليلى..

قصة و شعر..احلى من "الف ليله و ليله"...
بس صبرك...اذا حان الاوان...
امرين مالنا بد من الصبر عليهم...
اول شي...نَصَّف شعبان و تقريبا دخل ارمضان..
باستسمحك..
الوعد ايكون -بامر الله- ورى العيد بعد شهر الصيام!

و الثاني....
فارس الغدير غط لانه حياوي كثير...
مدري بيطاوعني ويتكلم بذرابه في "الغواني" عالملا...
و لا يمكن ايخيبني....
و ارجع لكم "عابر" كسير!

هذا الكلام...بيطرب له كل من ايحبك و ايدانيك
يا صقر من صقور هالميدان....

و غيرهم...نقولهم
ترا اول و تالي..
اقصر الشر...
و خل الغيرةو الحسد...
جايكم شهر الصيااااااااااام!!!.

هذا بسسسسسس...اول الكلام
والسلام عليكم..
و عليكم السلام!:)
~~ الدانـه ~~
02-08-2009, 03:58 PM
تسلم ايدك عابر على المجهود الطيب


انا مدري على ايش اعلق عالقصيده ولا موضوع الحسد ولا الوعد قداام ولا الغوغائيه ولا

ديوان مسرى ومهجر ولا فارس الغدير ولا ولا ولا كل الي تكلمت عنه .....ورب البيت حاولت

انسقه واختصره وافهمه .... عجزت

لكني على يقين انك ماتكتب اي حرف عبث ...... الا ماتكون قاصد من وراه شيء ذو اهميه






دمت بقلب ابيض .
عابر سبيل
04-08-2009, 12:49 AM
عجزت

لكني على يقين انك ماتكتب اي حرف عبث ...... الا ماتكون قاصد من وراه شيء ذو اهميه


دمت بقلب ابيض .


ما به شي..

ببساطة...ايقولون اللي قلبه ابيض...
فاللي في قلبه على السانه...

و انا الحين في قلبي هالكمن بيت للشبرمي...
ممكن انها توضح اي معنى مبهم...
و لا اظن ابها عبث و لا " chat" تشويش او غبش!

يقول الشبرمي:


"
من زرع تين شوكي ماجنا تين شام
..........................وبكْرٍ العام جلدت هالسنه ترجمي
لا تعدى الحدود ولا تعض البهام
...........................الله اللي بخلقه والعباد اعلمي
وكانها زله وزلت وراحت سلام
..........................طعني ابعد ولا تنبش ولا تردمي
واعرف اني على العيّال شرس انتقام
.........................وافهم اليعربي واترجم الأعجمي
تكرم ديار لاجل عيون يا ابن الكرام
..........................وناس من شان ناس اتقدّر وتحشمي
ومن تبصر تعلم والليالي علام
...........................والزمن مدرسه ودروس ومعلمي
والمواقف تجارب والعرب ما تضام
...........................كم غشيمٍ فهم لوكان ما يفهمي
قال انا الذيب الامعط والخلايق نعام
...........................وسن نابه وخلوه الرجال اثرمي
احذر العاقبه والعاقبه بالختام
.........................تلعق الدبس والا تجرع العلقمي

"
عاشق النيسان
04-08-2009, 02:35 AM
طلعتك عــز ونزلتــك سيف قعقاع
وحــومك شــمــوخ وفــي هــيامك عجايــب

صح السانك يا عابر سبيل
عابر سبيل
05-08-2009, 01:50 PM
طلعتك عــز ونزلتــك سيف قعقاع
وحــومك شــمــوخ وفــي هــيامك عجايــب

صح السانك يا عابر سبيل


و لسان الشاعر و السانك يا عاشق النيسان..
انا بس عابر و "ناقل"!.

مرورك مقدر..
و انت من الناس اللي انتظر (للحين)
اشوف اسهاماتهم بهالقسم...
احساسي يقول ان وراك...شي..
و مميز بعد:secret:

ننتظر و انشوف!.
راعي ال VXR
06-08-2009, 08:30 AM
شوفك حــديـــد ومحــجــرك بـــرق لـــمـــاع
وشوفــي ســـراب ودمع عيني سكايب

مانتـــه لـــعــــذل الـــنـــاس موحــــي وســـمــــاع
ولا كـــدرت مشـربــــك مثلي شوايب

مايسألك ربـــي عن الذنب والــطـــاع
وانا حسابي بيـــن عـــاصي وتــايـــب

أحســـدك يا طيــــر والانسان طمـــاع
والحسد لاصحابه يجـــيــب النكايب

ياطير انــا بانصحــك لا تقــرب الـــقــــاع
مــادمت فــوق الــنــاس مانتـــه بهــايــب[COLOR="Red"][B]
اخوي عابر سبيل احسنت .... وابدعت في نقلك الرائع ............والله انك فنان
عابر سبيل
10-08-2009, 12:23 AM
ياطير انــا بانصحــك لا تقــرب الـــقــــاع
مــادمت فــوق الــنــاس مانتـــه بهــايــب[COLOR="Red"][B]

اخوي عابر سبيل احسنت .... وابدعت في نقلك الرائع ............والله انك فنان


اخوي الكريم و العزيز "بو شيخه":victory:
افرحني ان هالقصيدة تنال اعجابك...

و في انتظارك دايم ياخوي راعي الVXR...
لاثرائنا من سابق خبراتك في هالباع...
لو تداري بس ما فيك حيله...نبي من اختياراتك
و لا يمكن حتى من ابداعاتك؟؟!!.

يسعدني دائما ان اشوف حظورك في هالقسم وين ما كان!.
عابر سبيل
13-08-2009, 01:53 AM
ننشد عن الحر اللي غدى و ما عود لهالقاع...
عسى ما شر...و كل عذر مقبول يا فلان...
الا الانقطاع...
بتعود تراك معذور...و لا الحر ما يفز
من حومة البوم و لا الخفافيش!

ترى الخير وااااجد و به زود على زووود.


و مثل ما يقول صايد البيرق الاول
راعي الشعر و الاخلاق و حلو المبسم

و يكفيه انه بيبقى الاول اول وتالي
وكل من بعده..هو مهما رقى...التالي...

عدل يا فلان يا بو مواعيد (قدام)

ايقول بن فطيس



مانيب من ياتي ولا يدرابه
شطر حفظته ماعرف كتابه

شطر يناسبني لمثل الليله
واشوفني في ذالمكان اولى به


الحمد لله واثق(ن) من روحي
وان كنت ذيب فالرجال ذيابه

ما اقول انا اشعر واحد فالدنيا
لكن قصيدي كفو وانا ادرابه


والافكار صيد وكل شاعر قانص
وكلن يدسم شاربه مخلابه

احد(ن) خياله حر واحد(ن) وكري
واحد(ن) خياله كوبجن بقطابه

وانا خيالي كل ماهديته
حول على الوادي وصاد عقابه



حر هاج به التفكير و حب ايحرك جنحانه...

و يكتب شي مما بهالليله طرا له...

من تشوفه لفلان و كل من له في هالمكان رفيع الشان...

و صلوا على النبي محمد الهاشمي ابن عدنان...
عذوبـة قلم
14-08-2009, 02:00 AM
.♦. ♠ .♦
:
♥
:

لا اعلم لما جاء في ذهني هذا البيت .. وانا اقرأ هذه الترانيم
ان رافقت رافق طير حر .. يرقي بيك لافوق السحاب

..:: وقفـه مع روعـة الاقتبـــاس ::..

أحســـدك يا طيــــر والانسان طمـــاع
والحسد لاصحابه يجـــيــب النكايب

ياطير انــا بانصحــك لا تقــرب الـــقــــاع
مــادمت فــوق الــنــاس مانتـــه بهــايــب

ابعــد عن القنـــاص وانيــاب الاسباع
لايقضبــك ياطير شــبــك النــشــايــب

تصبــح بــعـــد عــزتــك للنــاس خـــضـــاع
وتدفــع ثــمـــن نزلتـــك قـــيــد وضـــرايب


.. عابر سبيل ..
تغرد من لدن نقلك .. روعة الاختيار

http://www.xx5xx.com/vb/images/smilies/9965.gif
:
♥
:
.. ع ـذوبـة الـ ق ـلم ..
عابر سبيل
16-08-2009, 12:33 AM
.♦. ♠ .♦
:
♥
:

لا اعلم لما جاء في ذهني هذا البيت .. وانا اقرأ هذه الترانيم
ان رافقت رافق طير حر .. يرقي بيك لافوق السحاب

.. عابر سبيل ..
تغرد من لدن نقلك .. روعة الاختيار

http://www.xx5xx.com/vb/images/smilies/9965.gif
:
♥
:
.. ع ـذوبـة الـ ق ـلم ..



كلماتك اسعدتني
و حقيقة...مطلع مشاركتك..اعجبني و فادني...

معاني قد تكمل ما جاء في سياق
الموضوع..خاصة عندما يقول:

اوصاف الصقر اللي بيها انشهر
و زيد عليها حبه للصعاب


اما خاتمته فهي...مدري..خلني احطها و بس:

الله الله يا قهرت الحر
انكانه طاح في صحبة كلاب


اسعدني ان يأتي بك لهذا المكان ..شيء من اختياري..
يا / عذوبة قلم!