الى عملاء فودافون - اعلنت انسحابي وبارجع كيوتلي ابرك تبون تعرفون ليش؟ [الأرشيف]

بواردي

30-07-2009, 10:22 PM

رغم انتقادي الحاد لكيوتل واساليبها في الترويج لعروضها وذلك بتلحيفها وتبطينها
واختيار عناوين رنانة تخفي غير ما تظهر

الا انها الافضل

من كم يوم قلت بروح اشري لي كرت فودافون واجرب خدمتهم

خذيت فليكسي بو 55 ريال ( قحي من قلب)

قلت اجرب يمكن اقتنع واترك كيوتل

اليوم خلصت الرصيد وطرشوا لي مسج انه تم اعادة شحن رصيدك

قلت خلني اتفلسف عليهم واتصل

رد علي واحد كلامه مكسر خبص باللغة العربية شر تخبيص شكله من اخواننا مواليد الدوحة
شوي عربية فصحة شوي قطري شوي عجمي انقلش

المهم فهمت منه التالي:

:eek5:كل ما خلص الرصيد وبشكل تلقائي يعبون لك على حسب اشتراكك. زين ياخي انا ما ابي اشحن رصيد غصب السالفة؟
:eek5:واذا ما خلصت الرصيد خلال شهر بيعبون لك رصيد غصب عنك بداية الشهر الجديد. امنا بالله ما قلنا شي ؟
:eek5:واذا ما خلصت الدقايق المجانية خلال الشهر تحلم انها تترحل لك على الشهر الجاي. ليش؟
:eek5:واذا اتصلت في رقم فودافون وانت عندك رصيد بيخصمون عليك وانت تضحك. وين المجانية يافوفو ؟
لانهم بس يسمحون لك تتصل برقم فودافون داخل الدوحة ببلاش في حال ما عندك رصيد. لف ودوران
:eek5:وغير هذا ما في شي اسمه خط مجاني بتدفع عليه 50 ريال اول ما تبي تطلع رقم.

الزبدة
مو بس كيوتل تلف وتدور طلعت فوفو مو بسهلة
بكنسل فوفو وبارجع لكيوتل

خلك على مجنونك

وسلامتكم

برزان1

30-07-2009, 10:48 PM

انتظر لين تنزل الخدمة الجديدة "Red" لا تستعجل توهم في بداية السلم

hamoor4ever

30-07-2009, 11:05 PM

اصبر عليهم شوي اخوي ، لاتنسى ان كيوتل الحين مافكرت تغير سياستها الا مع دخول فوفو يعني تخيل طول الوقت كيوتل كانو يقدرون يعطونا الدقيقه ب 29 درهم لكن مايبون لكن الحين غصب عنهم نزلو السعر ، ماقول الا مشكورين يافوفو خليتو كيوتل يركضون ورانا بالنهايه صدقني ورغم سلبيات فوفو الا انهم بيكونون الافضل مع انهم لعوزوني انا الحين مسافر ومب قادر اشغل خطهم مع اني عملت له ابديت وقبل يومين بغيت اتصل من الفوفو خارجي ماشبك معاي واتصلت من خط كيوتل ، عموما بكل الدول اول مااشتغلت الفوفو كانت خدمتهم تعبانه بس بعدين راح يتحسنون اكثر وبيصيرون الفوفو هم الافضل واهاهاه عورت راسكم بالفوفو

حنان الدنيا

30-07-2009, 11:11 PM

قلتها من قبل وبرجع اقولها (يود مجنونك ليجيك االاجن منه) :)

ALRAYYAN

30-07-2009, 11:19 PM

اخوي .. فودافون اعلنت بدل المره 1000 مره أن مجرد ينتهي الرصيد بينسحب من الفيزا او من حسابك في البنك نفس المبلغ اللي انت مختاره
يعني اذا ماتبيهم يسحبون لاتخلص الرصيد .. خلك على آخر ريالين في الرصيد ومابيسحبون منك اي مبلغ لين تكمل الشهر

ثانياً الدقايق المجانية تترحل للشهر اللي بعده وانا من اول المشتركين وهذا الشي يصير معاي
الرصيد يترحل للشهر الثاني لكنه مايترحل للشهر الثالث .. يعني نفس نظام الباقات مال كيوتل

ثالثاً أكيد بيخصمون عليك لين اتصلت باي رقم سواء فودافون او كيوتل .. ومن ضمنها الدقايق المجانيه
مثلاً .. أنت مشترك بباقة 100 ريال ويعطونك رصيد 250 ريال يعني 150 ريال مكالمات مجانيه مخصومه وهذا العادي

اصبر على فودافون وبتعرف الفرق بينهم وبين كيوتل .. فودافون يعطونك خدماتهم على بلاطه .. لا لف ولا دوران

Bu Rashid

30-07-2009, 11:20 PM

صدقت اخوي فلترمان ..

لا تنسى ان سعر سهم فوفو ما وصل 11 ريال و كوكو 148 ريال

hamoor4ever

30-07-2009, 11:27 PM

اخوي .. فودافون اعلنت بدل المره 1000 مره أن مجرد ينتهي الرصيد بينسحب من الفيزا او من حسابك في البنك نفس المبلغ اللي انت مختاره
يعني اذا ماتبيهم يسحبون لاتخلص الرصيد .. خلك على آخر ريالين في الرصيد ومابيسحبون منك اي مبلغ لين تكمل الشهر

ثانياً الدقايق المجانية تترحل للشهر اللي بعده وانا من اول المشتركين وهذا الشي يصير معاي
الرصيد يترحل للشهر الثاني لكنه مايترحل للشهر الثالث .. يعني نفس نظام الباقات مال كيوتل

ثالثاً أكيد بيخصمون عليك لين اتصلت باي رقم سواء فودافون او كيوتل .. ومن ضمنها الدقايق المجانيه
مثلاً .. أنت مشترك بباقة 100 ريال ويعطونك رصيد 250 ريال يعني 150 ريال مكالمات مجانيه مخصومه وهذا العادي

اصبر على فودافون وبتعرف الفرق بينهم وبين كيوتل .. فودافون يعطونك خدماتهم على بلاطه .. لا لف ولا دوران

صادق اخوي كيوتل وايد يلعبون ومن ظمنهم نظام شهري للعلم على حسب ماانا سألت قالوا لي اذا اشتركت ماتقدر تلغي الخدمه واذا لغيت الخدمه تدفع مبلغ السنه كامله ، اما فودافون اذا مب عاجبك الغي الخط كامل وماعندك اي مشاكل بالعكس هم يقولون لك لو حاولو يسحبون مره ومالقو الرصيد بيلغون الخط اتوماتيكا ، اما كيوتل والله راح اتم وراك لين تدفع المبلغ ولا بيحطونك في البلاك لست وانسي تحط لك تلفون بيت او انترنت مستقبلا الا لين اتسدد اللي عليك ، كيوتل وايد يتلاعبون والدليل انهم يعطونك دقايق مجانيه وصدقني محد يدري هل فعلا استهلك الدقايق ولا يتلاعبون عليه ، اما فودافون يعطونك رصيد فعلي وتقدر كل ثانيه ودقيقه اتشيك على رصيدك وانت مرتاح وتدري شنو اللي لك واللي عليك الفرق ان كيوتل ادارتها عربيه وزلمات ولبنانيز علشان جذيه تلاقيهم اساتذه في اساليب التحايل اما فودافون اداره اجنبيه واضحين معاك من البدايه شنو اللي لك وشنو اللي عليك

Sharshooooor

30-07-2009, 11:34 PM

اخوي .. فودافون اعلنت بدل المره 1000 مره أن مجرد ينتهي الرصيد بينسحب من الفيزا او من حسابك في البنك نفس المبلغ اللي انت مختاره
يعني اذا ماتبيهم يسحبون لاتخلص الرصيد .. خلك على آخر ريالين في الرصيد ومابيسحبون منك اي مبلغ لين تكمل الشهر

ثانياً الدقايق المجانية تترحل للشهر اللي بعده وانا من اول المشتركين وهذا الشي يصير معاي
الرصيد يترحل للشهر الثاني لكنه مايترحل للشهر الثالث .. يعني نفس نظام الباقات مال كيوتل

ثالثاً أكيد بيخصمون عليك لين اتصلت باي رقم سواء فودافون او كيوتل .. ومن ضمنها الدقايق المجانيه
مثلاً .. أنت مشترك بباقة 100 ريال ويعطونك رصيد 250 ريال يعني 150 ريال مكالمات مجانيه مخصومه وهذا العادي

اصبر على فودافون وبتعرف الفرق بينهم وبين كيوتل .. فودافون يعطونك خدماتهم على بلاطه .. لا لف ولا دوران

والله صادق اخوي
الجماعة متعودين يتكلمون لين الرصيد يفضى ويتوهقون ويروحون اي بقالة يعبون رصيد
يعني بالعقل انت تبي تتكلم اكثر من ماتدفع؟

صدقت اخوي فلترمان ..

لا تنسى ان سعر سهم فوفو ما وصل 11 ريال و كوكو 148 ريال

ههههههههههههه

ماله شغل سعر السهم في الخدمة
يعني فودافون اسهمها مطروحة من اقل من 10 ايام
والا عشان خسران زعلان الحين

الرايــق

30-07-2009, 11:43 PM

بالنهاية كيوتل وفودافون بيتفقون على العميل المسكين

hamoor4ever

30-07-2009, 11:45 PM

^^^^^^^^^^
هاذه الخوف وشكله اخرتها بيصير هالشي

بو نايف

30-07-2009, 11:52 PM

انا صارلي موقف اخس !!

انسرق تلفوني ,, وكنت اتصله مسكر ,,

بعدين جاني مسج من الفيزا انه انخصم مني !!

وكلمت فوفو < رد علي هندي مكسر ,, قلتله اقطع الخدمه ,,

قالي اوكي قطعته ,,

والتلفون ما توقف الا ثاني يوم ,, الظهر بعد ما كلمت لبنانيه من فوفو ,,

ميزه كيوتل الوحيده في نظري ,,, انها مننا وفينا << تساهم في المجتمع !!

مثل مركز الكلى

ومخيمات سيلين

Abu Deeb

31-07-2009, 12:07 AM

والله ياخوي شوف الشي المناسب لك سواء فودافون أو كيوتل
المهم أنت تكون مرتاح بالنسبة لي انهم يخصمون من الحساب أفضل بمليون مرة أن أوقف بالطابور
أو أدورلي مكينة لدفع الفواتير وبعض الأحيان تكون الماكينة ماتشتغل وحصلت مرة معاي

بالنهاية حدد شاللي ممكن تستفيد وتوفر منه كيوتل أو فودافون وأستخدمه
لان لاكيوتل ولا فودافون بالنهاية رح تستفيد منهم إلا الخدمه

eXpert*

31-07-2009, 12:10 AM

خير ما فعلت بـ طلاقك من فوفو و عودتك لـ كوكو :nice:

BuFaisal

31-07-2009, 12:11 AM

السلام عليكم

ما زالت الشركة في اول الدرب وليس غريبا ان تكون لها اخطاء وغيره
والدليل على هذا اني مكتتب بفودافون لكني لم اشترك باي من خدماتهم حتى الان وانتظر تحسّن خدماتهم
لكن مجرد وجود فودافون بالساحه اجبر كيوتل تنزل اسعارها وهذا بس لوحده يكفي ان نشكرالله ثم فوفو عليه
انتوا حلمتوا بحياتكم ان كيوتل تخلي الاتصال الدولي اقل من ريال ؟
عن نفسي جوابي لا .. والفضل بعد لله هو لفوفو

اتمنى ما نغني على الوطنية ومخيمات سيلين وغيره للمقارنة ..
كيوتل سنين تسرقنا وتتعامل معانا باسلوب وقح وما همهم الوطنية .. الحين بنغني على الوطنية !!
الوطنيه والفزعه و"حنا رجالها" ما لها داعي بموضوع الاتصالات وفوفو وكوكو
سعرهم بالسوق لا يعني شيء .. اهم شيء ماذا يقدمون لنا

وموفقين ان شاء الله

hard to get

31-07-2009, 12:12 AM

انا صارلي موقف اخس !!

انسرق تلفوني ,, وكنت اتصله مسكر ,,

بعدين جاني مسج من الفيزا انه انخصم مني !!

وكلمت فوفو < رد علي هندي مكسر ,, قلتله اقطع الخدمه ,,

قالي اوكي قطعته ,,

والتلفون ما توقف الا ثاني يوم ,, الظهر بعد ما كلمت لبنانيه من فوفو ,,

ميزه كيوتل الوحيده في نظري ,,, انها مننا وفينا << تساهم في المجتمع !!

مثل مركز الكلى
ومخيمات سيلين

يتم خصم هذه المبالغ من ارباح المساهمين ياعزيزي

بو نايف

31-07-2009, 12:13 AM

اخوي حنا ما نغني على الوطنيه ولكن هذا واقع

شفت مستشفى غسيل الكلى

من فلوسنا >>>>واتصالاتنا ,,

تتقوع فودافون تسوي كذا ...!!

ali-alhamadi

31-07-2009, 12:15 AM

والله احنا ضايعين بين فوفو وكوكو 0بنشوف

Abu Deeb

31-07-2009, 12:15 AM

الملاحظة السيئه على فودافون أن موظفين الليل هم باكستانين أو ايرانيين يتكلمون عربي كأني أكلم واحد من الشبرة وعلى العكس كيوتل الموظفين عرب الحمدلله لكن عيبهم حبهم للفلسفة

يعني بالنهاية فودافون لابيفهم عليك بالضبط وش تبي واللي بكيوتل بيتوهك وتحس نفسك ضايع

وهذا الكلام عن تجربة

برزان1

31-07-2009, 12:19 AM

السلام عليكم

ما زالت الشركة في اول الدرب وليس غريبا ان تكون لها اخطاء وغيره
والدليل على هذا اني مكتتب بفودافون لكني لم اشترك باي من خدماتهم حتى الان وانتظر تحسّن خدماتهم
لكن مجرد وجود فودافون بالساحه اجبر كيوتل تنزل اسعارها وهذا بس لوحده يكفي ان نشكرالله ثم فوفو عليه
انتوا حلمتوا بحياتكم ان كيوتل تخلي الاتصال الدولي اقل من ريال ؟
عن نفسي جوابي لا .. والفضل بعد لله هو لفوفو

اتمنى ما نغني على الوطنية ومخيمات سيلين وغيره للمقارنة ..
كيوتل سنين تسرقنا وتتعامل معانا باسلوب وقح وما همهم الوطنية .. الحين بنغني على الوطنية !!
الوطنيه والفزعه و"حنا رجالها" ما لها داعي بموضوع الاتصالات وفوفو وكوكو
سعرهم بالسوق لا يعني شيء .. اهم شيء ماذا يقدمون لنا

وموفقين ان شاء الله

صح لسانك :nice:

فهد111

31-07-2009, 01:00 AM

اخوي حنا ما نغني على الوطنيه ولكن هذا واقع

شفت مستشفى غسيل الكلى

من فلوسنا >>>>واتصالاتنا ,,

تتوقع فودافون تسوي كذا ...!!

:nice: عجبني ردك

مجاهد النفس

31-07-2009, 01:17 AM

هذا وفودافون للحين في اول الدرب

الله يعينج يا كيوتل

hamoor4ever

31-07-2009, 01:21 AM

ابشركم انا مسافر واشتغل خط الفوفو مع انه امس كان منفصل مدري ليش لكنه اليوم اشتغل الظاهر على حسب المزاج ولا يمكن امس مريح نفسه وماخذ اجازه من تعب السفر خخخخخ

المهم انه اشتغل ، الى الامام يافوفو صحيح ان كوكو وفوفو وجهان لعمله واحده بس الحمدلله وجودهم في صالحنا حاليا على الاقل قبل مايتفقون علينا

بوخالد911

31-07-2009, 01:40 AM

سلامي الى

فوفو

و

كوكو

والله اسماء غريبة

!!@@!!

الغريب3

31-07-2009, 02:12 AM

ياخوي كلهن شركتين للحكومه النصيب الاكبر والحكومه دايما الدور العسر للمواطن (القطري) وتاكد انه مافيه منافسه بتكون بين ثنين اخوان كوكو ياما خذة منا والدور والباقيى الحين حق فوفو

موقف مع فوفو: حجزة رقم من عندهم بــــ 1500 ريال بس ماخذته على شان مشكله في بطاقة الفيزا المهم بعد ما إنته العرض رحت لهم اسال عن الرقم ولقيته موجود والبطاقه جاهزه وباخذه بس طلع السعر 5000 ريال وطبعا سالتهم ليش ارتفع سعره قالوا انه الناس تشتري أرقام من عندنا وتروح تعرضها للبيع بسعر أعلى وشرايكم في هذا الرد .................. عضية ثوبي وطلعة عرض من عندهم على المواقف .

رجل الجزيرة

31-07-2009, 09:33 AM

رغم انتقادي الحاد لكيوتل واساليبها في الترويج لعروضها وذلك بتلحيفها وتبطينها
واختيار عناوين رنانة تخفي غير ما تظهر

الا انها الافضل

من كم يوم قلت بروح اشري لي كرت فودافون واجرب خدمتهم

خذيت فليكسي بو 55 ريال ( قحي من قلب)

قلت اجرب يمكن اقتنع واترك كيوتل

اليوم خلصت الرصيد وطرشوا لي مسج انه تم اعادة شحن رصيدك

قلت خلني اتفلسف عليهم واتصل

رد علي واحد كلامه مكسر خبص باللغة العربية شر تخبيص شكله من اخواننا مواليد الدوحة
شوي عربية فصحة شوي قطري شوي عجمي انقلش

المهم فهمت منه التالي:

:eek5:كل ما خلص الرصيد وبشكل تلقائي يعبون لك على حسب اشتراكك. زين ياخي انا ما ابي اشحن رصيد غصب السالفة؟
:eek5:واذا ما خلصت الرصيد خلال شهر بيعبون لك رصيد غصب عنك بداية الشهر الجديد. امنا بالله ما قلنا شي ؟
:eek5:واذا ما خلصت الدقايق المجانية خلال الشهر تحلم انها تترحل لك على الشهر الجاي. ليش؟
:eek5:واذا اتصلت في رقم فودافون وانت عندك رصيد بيخصمون عليك وانت تضحك. وين المجانية يافوفو ؟
لانهم بس يسمحون لك تتصل برقم فودافون داخل الدوحة ببلاش في حال ما عندك رصيد. لف ودوران
:eek5:وغير هذا ما في شي اسمه خط مجاني بتدفع عليه 50 ريال اول ما تبي تطلع رقم.

الزبدة
مو بس كيوتل تلف وتدور طلعت فوفو مو بسهلة
بكنسل فوفو وبارجع لكيوتل

خلك على مجنونك

وسلامتكم

وهاذي بوسة على خشمك، الصراحة أنت تعجبني.

روميت

31-07-2009, 09:58 AM

السلام عليكم

ما زالت الشركة في اول الدرب وليس غريبا ان تكون لها اخطاء وغيره
والدليل على هذا اني مكتتب بفودافون لكني لم اشترك باي من خدماتهم حتى الان وانتظر تحسّن خدماتهم
لكن مجرد وجود فودافون بالساحه اجبر كيوتل تنزل اسعارها وهذا بس لوحده يكفي ان نشكرالله ثم فوفو عليه
انتوا حلمتوا بحياتكم ان كيوتل تخلي الاتصال الدولي اقل من ريال ؟
عن نفسي جوابي لا .. والفضل بعد لله هو لفوفو

اتمنى ما نغني على الوطنية ومخيمات سيلين وغيره للمقارنة ..
كيوتل سنين تسرقنا وتتعامل معانا باسلوب وقح وما همهم الوطنية .. الحين بنغني على الوطنية !!
الوطنيه والفزعه و"حنا رجالها" ما لها داعي بموضوع الاتصالات وفوفو وكوكو
سعرهم بالسوق لا يعني شيء .. اهم شيء ماذا يقدمون لنا

وموفقين ان شاء الله

كلام منطقي جداً

م. عبدالعزيز

31-07-2009, 10:31 AM

شباب، كل واحد يختار اللي يناسبه ، ، مانبي فودافون تكون كوبي بيست لكيوتل ..
نبي كل وحده مختلفه عن الثاني علشان يكون عندنا خيارات أكثر

مب عيب اني اختار المشغل اللي يناسبني .. كلها بالنهايه جوال واتصل له !

بواردي

31-07-2009, 11:29 AM

شباب الموضوع هنا لمناقشة سلبيات فوفو
اللي عنده اي سلبية ياليت يذكرها
وبعد اللي عنده شي يبي يوضحه لنا بخصوص فوفو وينورنا
وبالنسبة لكيوتل حنا ندري انها تلف وتدور بس انا اشوفها ابرك وايد من فوفو

الحسنة الاكبر لفوفو
هي انها جبرت كوكو على تبديل سياستها واعادة النظر في عروضها والتحفظ على عملائها

كوكو بعد سلبياتها وايد
مثلا يوم الاربعاء
بدلت نقاط نجوم (3000) نقطة ب رصيد 110 ريال
وحتى كتابة الرد
لم يصلني اي رصيد
يعني نجوم اسم على مسمى ما قدرنا نوصل لها

بواردي

31-07-2009, 11:30 AM

وهاذي بوسة على خشمك، الصراحة أنت تعجبني.

منور الموضوع
رجل الجزيرة دائما مميز

بواردي

31-07-2009, 11:32 AM

اخوي .. فودافون اعلنت بدل المره 1000 مره أن مجرد ينتهي الرصيد بينسحب من الفيزا او من حسابك في البنك نفس المبلغ اللي انت مختاره
يعني اذا ماتبيهم يسحبون لاتخلص الرصيد .. خلك على آخر ريالين في الرصيد ومابيسحبون منك اي مبلغ لين تكمل الشهر

ثانياً الدقايق المجانية تترحل للشهر اللي بعده وانا من اول المشتركين وهذا الشي يصير معاي
الرصيد يترحل للشهر الثاني لكنه مايترحل للشهر الثالث .. يعني نفس نظام الباقات مال كيوتل

ثالثاً أكيد بيخصمون عليك لين اتصلت باي رقم سواء فودافون او كيوتل .. ومن ضمنها الدقايق المجانيه
مثلاً .. أنت مشترك بباقة 100 ريال ويعطونك رصيد 250 ريال يعني 150 ريال مكالمات مجانيه مخصومه وهذا العادي

اصبر على فودافون وبتعرف الفرق بينهم وبين كيوتل .. فودافون يعطونك خدماتهم على بلاطه .. لا لف ولا دوران

هلا اخوي
تشرفت بمرورك
بس الكلام اللي ذكرته حرفيا من موظف فودافون
يعني ماجبت شي من عندي
وانا من اكثر الناس انزعاج من كيوتل ولكن الحق يقال

بواردي

31-07-2009, 11:35 AM

انتظر لين تنزل الخدمة الجديدة "red" لا تستعجل توهم في بداية السلم

هذا بيت القصيد
وانا ما ابي يكون ظهري هو هالسلم اللي يبي يطلعون عليه

الشاااهين

31-07-2009, 02:50 PM

الشركة في بداياتها ولا بد من مطبااااااات وعقباااااااات وسوء تصرف وتخطيط

الله يعيننا على الاثنين

الصيـاد

31-07-2009, 04:29 PM

ياليت الواحد يتأكد قبل ما يشتط يتأكد من معلوماتة

- الدقائق المجانية تترحل للشهر القادم
- من فوفو الي فوفو يحسب لك من الدقائق المجانية
- اما سافة الرصيد حلوة وانتظر حتي يحطون نظام اخر

انا يوم اشتركت عطوني خصم 400 ريال رقم +اشتراك

doha70999

31-07-2009, 06:47 PM

طلعت فودافون بس دعايات حمرة لول:victory:

بواردي

31-07-2009, 06:51 PM

ياليت الواحد يتأكد قبل ما يشتط يتأكد من معلوماتة

- الدقائق المجانية تترحل للشهر القادم
- من فوفو الي فوفو يحسب لك من الدقائق المجانية
- اما سافة الرصيد حلوة وانتظر حتي يحطون نظام اخر

انا يوم اشتركت عطوني خصم 400 ريال رقم +اشتراك

انا ماجبت شي من عندي موظف فودافون بالحرف الواحد قالي هالكلام

اتصل فيهم واتاكد بعدين تعال تفلسف
انا اتكلم عن فليكسي
ياليت تقرا الموضوع عدل

تعرف ليش انا ما ابي اكتب اي موضوع الا بعد ما اتاكد
عشان مافتح مجال لامثالك
ابي اسالك انت مساهم في فودافون؟؟؟؟؟

abdulla999

31-07-2009, 07:04 PM

الناس تستعجل في كل شئي المفروض نانطر فوفو ونشوف الاجابيات والسلبيات فوفو لين الحين ماعجبتني لان تخفيضاتهم كلام في كلام نفس كيوتل المفروض نانطر سنة ولاسنتين علشان نحكم

غناتي1

31-07-2009, 07:16 PM

اصبروا عليهم اشوي -- وبيسركم انضمامكم لها

قناص الخليج

31-07-2009, 07:19 PM

لاتستعجلووووووووون على فودفون

اقل فائده كسبناها ان كيوتل صارت تسوووي عروض تروجيه وتخفيض بالمكالمات

فلفل حار

31-07-2009, 07:59 PM

لاتستعجلووووووووون على فودفون

اقل فائده كسبناها ان كيوتل صارت تسوووي عروض تروجيه وتخفيض بالمكالمات

:):nice::)

فلفل حار

31-07-2009, 08:00 PM

اخوي حنا ما نغني على الوطنيه ولكن هذا واقع

شفت مستشفى غسيل الكلى

من فلوسنا >>>>واتصالاتنا ,,

تتقوع فودافون تسوي كذا ...!!

ممكن توضيح ولا عليكـ أمر الشيخ ..؟؟

:)

Riku3

31-07-2009, 08:09 PM

اخوي حنا ما نغني على الوطنيه ولكن هذا واقع

شفت مستشفى غسيل الكلى

من فلوسنا >>>>واتصالاتنا ,,

تتقوع فودافون تسوي كذا ...!!
والله انك :nice: ..

انا مع الوطنيه من اول يوم سمعت فيه عن بوقافون ! .. وفلوس ارباح الشركة كل سنة يتم التبرع فيها لخير البلاد والحمد لله وان شاء الله بنشوف المزيد من هالامور عن طريق كيوتل علشان تثبت للجميع انها وطنيه هدفها اكثر من مجرد الكسب المادي مثل بوقافون! .

مبروك عليك العودة لكوكو ! .

الصيـاد

31-07-2009, 08:38 PM

انا ماجبت شي من عندي موظف فودافون بالحرف الواحد قالي هالكلام

اتصل فيهم واتاكد بعدين تعال تفلسف
انا اتكلم عن فليكسي
ياليت تقرا الموضوع عدل

تعرف ليش انا ما ابي اكتب اي موضوع الا بعد ما اتاكد
عشان مافتح مجال لامثالك
ابي اسالك انت مساهم في فودافون؟؟؟؟؟

انا ابي اعرف انت تفهم بالمقلوب ؟؟؟ وثاني مرة عط الناس معلومات صحيحة مب مضللة

انا متصل 10 مرات وردهم واحد

- الدقائق المجانية تترحل للشهر القادم
- من فوفو الي فوفو يحسب لك من الدقائق المجانية
- اما سافة الرصيد حلوة وانتظر حتي يحطون نظام اخر

هو يقول لك لم تخلص الدقائق المجانية بيحسب لك من الرصيد مب العكس يافهيم

قال ايش متأكد :rolleyes2:

BuFaisal

31-07-2009, 10:27 PM

لاتستعجلووووووووون على فودفون
اقل فائده كسبناها ان كيوتل صارت تسوووي عروض تروجيه وتخفيض بالمكالمات

السلام عليكم

ما زالت الشركة في اول الدرب وليس غريبا ان تكون لها اخطاء وغيره
والدليل على هذا اني مكتتب بفودافون لكني لم اشترك باي من خدماتهم حتى الان وانتظر تحسّن خدماتهم
لكن مجرد وجود فودافون بالساحه اجبر كيوتل تنزل اسعارها وهذا بس لوحده يكفي ان نشكرالله ثم فوفو عليه
انتوا حلمتوا بحياتكم ان كيوتل تخلي الاتصال الدولي اقل من ريال ؟
عن نفسي جوابي لا .. والفضل بعد لله هو لفوفو

------------------------------

بواردي

31-07-2009, 11:59 PM

انا ابي اعرف انت تفهم بالمقلوب ؟؟؟ وثاني مرة عط الناس معلومات صحيحة مب مضللة

انا متصل 10 مرات وردهم واحد

- الدقائق المجانية تترحل للشهر القادم
- من فوفو الي فوفو يحسب لك من الدقائق المجانية
- اما سافة الرصيد حلوة وانتظر حتي يحطون نظام اخر

هو يقول لك لم تخلص الدقائق المجانية بيحسب لك من الرصيد مب العكس يافهيم

قال ايش متأكد :rolleyes2:

الشيخ اعصابك
ولا تطيح الميانة بيننا

انا اتصلت في فودافون وسويت بلاغ ضد الموظف اللي تفلسف اذا المعلومات غلط لازم يتحاسب عليها

الاتصال يوم الخميس 29 - 7 2009
ما بين الساعة السابعة والثامنة مساء
اسم الموظف عوض

ولا تتفلسف وايد يمكن ماشفت الصورة الرمزية الي حاطها انا

وقبل ما تكتب رد راجعه مرة مرتين
شوفه يوحي للقارئ انك شخص محاور تحب النقاش
ام شخص يزاحم على وضع رد لزيادة عدد ردوده في المنتدى

الفاخر

01-08-2009, 11:43 AM

لاتقولي كيوتل ولاتقولي فودافون
تقدر تقول وبالعربي الفصيح
وجهين لعملة واحدة

rma1g

01-08-2009, 11:50 AM

كيوتل ارحم

بنت الخور

01-08-2009, 01:08 PM

اعجبتني التسميه

فوفو وكوكو :nice:

فلفل حار

01-08-2009, 01:43 PM

خلكم كوكاكيين ...:tooth:

وانتوا الكسبانين ... ^-*

nawara2

01-08-2009, 02:23 PM

صدقت اخوي فلترمان ..

لا تنسى ان سعر سهم فوفو ما وصل 11 ريال و كوكو 148 ريال

الـجـنـاحـي

01-08-2009, 08:02 PM

بالنهاية كيوتل وفودافون بيتفقون على العميل المسكين

:nice::nice::nice::nice:

بواردي

01-08-2009, 08:18 PM

المهم يتم التنافس بينهم
وما يتفقون علينا

غلا قطر

01-08-2009, 11:40 PM

رغم انتقادي الحاد لكيوتل واساليبها في الترويج لعروضها وذلك بتلحيفها وتبطينها
واختيار عناوين رنانة تخفي غير ما تظهر

الا انها الافضل

من كم يوم قلت بروح اشري لي كرت فودافون واجرب خدمتهم

خذيت فليكسي بو 55 ريال ( قحي من قلب)

قلت اجرب يمكن اقتنع واترك كيوتل

اليوم خلصت الرصيد وطرشوا لي مسج انه تم اعادة شحن رصيدك

قلت خلني اتفلسف عليهم واتصل

رد علي واحد كلامه مكسر خبص باللغة العربية شر تخبيص شكله من اخواننا مواليد الدوحة
شوي عربية فصحة شوي قطري شوي عجمي انقلش

المهم فهمت منه التالي:

:eek5:كل ما خلص الرصيد وبشكل تلقائي يعبون لك على حسب اشتراكك. زين ياخي انا ما ابي اشحن رصيد غصب السالفة؟
:eek5:واذا ما خلصت الرصيد خلال شهر بيعبون لك رصيد غصب عنك بداية الشهر الجديد. امنا بالله ما قلنا شي ؟
:eek5:واذا ما خلصت الدقايق المجانية خلال الشهر تحلم انها تترحل لك على الشهر الجاي. ليش؟
:eek5:واذا اتصلت في رقم فودافون وانت عندك رصيد بيخصمون عليك وانت تضحك. وين المجانية يافوفو ؟
لانهم بس يسمحون لك تتصل برقم فودافون داخل الدوحة ببلاش في حال ما عندك رصيد. لف ودوران
:eek5:وغير هذا ما في شي اسمه خط مجاني بتدفع عليه 50 ريال اول ما تبي تطلع رقم.

الزبدة
مو بس كيوتل تلف وتدور طلعت فوفو مو بسهلة
بكنسل فوفو وبارجع لكيوتل

خلك على مجنونك

وسلامتكم

مرحبا اخوي اسمحلي ارد على استفساراتك

-في البدايه السحب من بطاقتك الائتمانية او من حسابك يكون شهري على حسب باقة فلكسي اللي اخترتها

- الدفع الشهري هو دفع الكتروني من بطاقتك الائتمانيه او من حسابك

- مافيه شي اسمه تعبئه في فودافون حالياً لأن في فودافون للحين ما نزل المسبوق الدفع اللي بيكون اسمه red لما ينزل تقدر تختار انك تعبي او ما تعبي الرصيد

- حاليا تقدر تتصل تكنسل الخط اي وقت مجانا بدون اي رسوم

- مدة الباقة الفعليه هي 60 يوم يعني كل باقه مدتها 60 يوم سواء كان رصيد او دقايق

- لو كان باقي لك رصيد او باقي لك دقايق تترحل من الشهر الاول الى الشهر الثاني

- اذا اتصلت من رقم فودافون إلى رقم فودافون في البدايه تتكلم بعدد الدقايق المجانية اللي عندك لكن لما تخلص الدقايق المجانية يبدأ ينخصم من رصيدك

- اما بخصوص 50 ريال تدفعها للشريحه نفسها وطبعا الخمسين ريال هذي الكل يدفعها سواء كان الشخص ماخذ رقم مجاني او كان ماخذ رقم غير مجاني ومثل ما الكل عارف ان فيه ارقام بفلوس

يعني لو حبيت تاخذ رقم سعره 500 ريال مثلا بتدفع قيمة الرقم + 50 ريال قيمة الشريحه + قيمة باقة فلكسي اللي اخترتها

اما لو كان الرقم مجاني فإنت راح تدفع 50 ريال قيمة الشريحه + قيمة باقة فلكسي الي اخترتها

لكن سؤالي لك اخوي انت اشلون خذيت الرقم بدون ما تعرف كل هالمعلومات ؟

ليش احتجت انك تتصل على الكول سنتر تسألهم ؟

المفروض انك تكون عارف كل شي قبل ما تاخذ الخط صح ولا لا ؟

غلا قطر

01-08-2009, 11:45 PM

صدقت اخوي فلترمان ..

لا تنسى ان سعر سهم فوفو ما وصل 11 ريال و كوكو 148 ريال

اخوي سؤالي لك اشلون تقارن شركه ما صار لها نازله في سوق الاوراق الماليه 10 ايام بشركه صارلها سنين؟

ما فيه وجه مقارنه اصلا

الناس يبغون الارباح السنويه وفودافون اعلنت ان الارباح بتنزل بعد كم سنه مب الحين عشان كذا سعر السهم نازل

اما كيوتل فأرباحها تنزل سنويا

انتظر لما فودافون تنزل ارباحها للمساهمين وبعدين سو مقارنه عشان المقارنة تكون عادله

لان المساهمين وهوامير البورصه همهم الوحيد هو الارباح

غلا قطر

01-08-2009, 11:52 PM

اخوي حنا ما نغني على الوطنيه ولكن هذا واقع

شفت مستشفى غسيل الكلى

من فلوسنا >>>>واتصالاتنا ,,

تتقوع فودافون تسوي كذا ...!!

ليش لا اخوي ؟

لكن فودافون تو الناس عليها يبيلها شوية وقت لين ما توقف على رجلها وبإذن الله بتشوفون اللي يسركم

بعطيكم مثال

مثل ما الكل عارف ان فودافون موجوده في اكثر من 42 دولة

شوفوا اعمالها الخيرية في هالدول

مثلا مصر

شوفوا اعمال فودافون مصر الخيرية في مصر

شوفوا اعمال فودافون الهند الخيرية في الهند

شوفوا اعمال فودافون الخيرية في كل الدول المتواجدة فيها

وفودافون قطر ما راح تكون اقل من اي شركة فودافون حول العالم بالعكس

لكن يبيلها وقت شوي

الشركة توها ما كملت اسبوعين من فتح اول فرع

ما يصير تقارنونها بكيوتل اللي صارلها اكثر من 14 او 15 سنه صح ولا لا ؟

غلا قطر

02-08-2009, 12:00 AM

ياخوي كلهن شركتين للحكومه النصيب الاكبر والحكومه دايما الدور العسر للمواطن (القطري) وتاكد انه مافيه منافسه بتكون بين ثنين اخوان كوكو ياما خذة منا والدور والباقيى الحين حق فوفو

موقف مع فوفو: حجزة رقم من عندهم بــــ 1500 ريال بس ماخذته على شان مشكله في بطاقة الفيزا المهم بعد ما إنته العرض رحت لهم اسال عن الرقم ولقيته موجود والبطاقه جاهزه وباخذه بس طلع السعر 5000 ريال وطبعا سالتهم ليش ارتفع سعره قالوا انه الناس تشتري أرقام من عندنا وتروح تعرضها للبيع بسعر أعلى وشرايكم في هذا الرد .................. عضية ثوبي وطلعة عرض من عندهم على المواقف .

اخوي سؤالي لك من اللي رد عليك هذا الرد ؟

بما ان في فودافون حاليا ً ما فيه شي اسمه تغيير ملكية الرقم من شخص الى شخص ثاني شلون اي موظف يقولك تعرضها برا للبيع بسعر اعلى ؟

اصلا للحين مافيه تغيير ملكية الارقام من شخص الى شخص

صحيح فيه ارقام اسعارها ارتفعت

لكن ماله شغل في ان الارقام تنعرض للبيع بسعر اعلى

وبصراحه انا ما اقدر اجاوب اي عميل يسألني عن سبب رفع الاسعار لأن اصلا انا ما اعرف السبب

اتمنى تجاوبني وتقول لي من اللي رد عليك هذا الرد اخوي

غلا قطر

02-08-2009, 12:02 AM

شباب، كل واحد يختار اللي يناسبه ، ، مانبي فودافون تكون كوبي بيست لكيوتل ..
نبي كل وحده مختلفه عن الثاني علشان يكون عندنا خيارات أكثر

مب عيب اني اختار المشغل اللي يناسبني .. كلها بالنهايه جوال واتصل له !

كلامك منطقي جداً اخوي

غلا قطر

02-08-2009, 12:04 AM

شباب الموضوع هنا لمناقشة سلبيات فوفو
اللي عنده اي سلبية ياليت يذكرها
وبعد اللي عنده شي يبي يوضحه لنا بخصوص فوفو وينورنا
وبالنسبة لكيوتل حنا ندري انها تلف وتدور بس انا اشوفها ابرك وايد من فوفو

الحسنة الاكبر لفوفو
هي انها جبرت كوكو على تبديل سياستها واعادة النظر في عروضها والتحفظ على عملائها

كوكو بعد سلبياتها وايد
مثلا يوم الاربعاء
بدلت نقاط نجوم (3000) نقطة ب رصيد 110 ريال
وحتى كتابة الرد
لم يصلني اي رصيد
يعني نجوم اسم على مسمى ما قدرنا نوصل لها

اي والله اخوي انا اضم صوتي لصوتك

اتمنى من الاعضاء يكتبون سلبيات فودافون قطر ويكتبون اقتراحاتهم وانا اوعدكم اني راح اوصلها للي فوقي واللي فوق اللي فوقي بعد

بواردي

02-08-2009, 12:08 AM

اختي غلا
انا قلت وجهة نظر
والمعلومات اللي ذكر تها حرفيا من موظف فودافون تابعي الردود بتعرفين السالفة عدل

غلا قطر

02-08-2009, 12:14 AM

هذا بيت القصيد
وانا ما ابي يكون ظهري هو هالسلم اللي يبي يطلعون عليه

لا اخوي ظهرك مب هو السلم اللي بتطلع عليه فودافون ولا ظهر اي احد من العملاء

لكن اخوي الشركه توها فاتحه اصبر عليها شوي

شوف اخوي تخيل ان الشركه طفل صغير توه بما ان عمرها اسبوعين من بداية افتتاح اول فرع

الطفل الصغير يتعلم شوي شوي اشلون يحبي وبعدين اشلون يتخطى ويطيح ويتخطى ويطيح ويتعلم شوي شوي اشلون يمشي وبعدين نشوفه يركض صح ولا لا ؟

فودافون توها جديده في السوق اصبر عليها اخوي وبإذن الله ما راح تشوف غير اللي يسرك منها

الموضوع يبيله شوية صبر

غلا قطر

02-08-2009, 12:16 AM

انا ماجبت شي من عندي موظف فودافون بالحرف الواحد قالي هالكلام

اتصل فيهم واتاكد بعدين تعال تفلسف
انا اتكلم عن فليكسي
ياليت تقرا الموضوع عدل

تعرف ليش انا ما ابي اكتب اي موضوع الا بعد ما اتاكد
عشان مافتح مجال لامثالك
ابي اسالك انت مساهم في فودافون؟؟؟؟؟

واخوي انا موظفه في فودافون واقولك ان الدقايق تترحل الشهر اللي بعده

مثل ما قلتلك من شوي ان كل باقه من باقات فلكسي قيمتها الفعليه 60 يوم سواء دقايق او رصيد

بواردي

02-08-2009, 12:18 AM

لا اخوي ظهرك مب هو السلم اللي بتطلع عليه فودافون ولا ظهر اي احد من العملاء

لكن اخوي الشركه توها فاتحه اصبر عليها شوي

شوف اخوي تخيل ان الشركه طفل صغير توه بما ان عمرها اسبوعين من بداية افتتاح اول فرع

الطفل الصغير يتعلم شوي شوي اشلون يحبي وبعدين اشلون يتخطى ويطيح ويتخطى ويطيح ويتعلم شوي شوي اشلون يمشي وبعدين نشوفه يركض صح ولا لا ؟

فودافون توها جديده في السوق اصبر عليها اخوي وبإذن الله ما راح تشوف غير اللي يسرك منها

الموضوع يبيله شوية صبر

صدقتي اختي
بس انا مالي خلق نكون حقل تجارب لين تضبط معاهم الخدمة
هالكلام تقولينه اذا كانت شركة غير فودافون توها داخلة السوق
موبفودافون اللي لها فروع في عدد من دول العالم
مفروض هم يعرفون السلبيات والايجابيات
وموصعبة انهم يخلون خدمات كيوتل معيار ويطورونه للافضل

غلا قطر

02-08-2009, 12:20 AM

انا ابي اعرف انت تفهم بالمقلوب ؟؟؟ وثاني مرة عط الناس معلومات صحيحة مب مضللة

انا متصل 10 مرات وردهم واحد

- الدقائق المجانية تترحل للشهر القادم
- من فوفو الي فوفو يحسب لك من الدقائق المجانية
- اما سافة الرصيد حلوة وانتظر حتي يحطون نظام اخر

هو يقول لك لم تخلص الدقائق المجانية بيحسب لك من الرصيد مب العكس يافهيم

قال ايش متأكد :rolleyes2:

اخوي كلامك سليم 100%

-الدقايق المجانيه تترحل للشهر القادم مثلها مثل الرصيد
-من فودافون لفودافون يخصم من الدقايق ولما تنتهي الدقايق يبدأ يخصم من الرصيد
-النظام المسبوق الدفع راح ينزل قريباً

غلا قطر

02-08-2009, 12:23 AM

صدقت اخوي فلترمان ..

لا تنسى ان سعر سهم فوفو ما وصل 11 ريال و كوكو 148 ريال

ارجع واقول

اخوي سؤالي لك اشلون تقارن شركه ما صار لها نازله في سوق الاوراق الماليه 10 ايام بشركه صارلها سنين؟

ما فيه وجه مقارنه اصلا

الناس يبغون الارباح السنويه وفودافون اعلنت ان الارباح بتنزل بعد كم سنه مب الحين عشان كذا سعر السهم نازل

اما كيوتل فأرباحها تنزل سنويا

انتظر لما فودافون تنزل ارباحها للمساهمين وبعدين سو مقارنه عشان المقارنة تكون عادله

لان المساهمين وهوامير البورصه همهم الوحيد هو الارباح

غلا قطر

02-08-2009, 12:25 AM

اختي غلا
انا قلت وجهة نظر
والمعلومات اللي ذكر تها حرفيا من موظف فودافون تابعي الردود بتعرفين السالفة عدل

اخوي انا متابعه الردود قبل ما ابدأ ردودي للموضوع

والمعلومات اللي انا قلتها انا متأكده منها 100%

غلا قطر

02-08-2009, 12:38 AM

صدقتي اختي
بس انا مالي خلق نكون حقل تجارب لين تضبط معاهم الخدمة
هالكلام تقولينه اذا كانت شركة غير فودافون توها داخلة السوق
موبفودافون اللي لها فروع في عدد من دول العالم
مفروض هم يعرفون السلبيات والايجابيات
وموصعبة انهم يخلون خدمات كيوتل معيار ويطورونه للافضل

اخوي محشوم انت ومحشومين كل عملاء فودافون انتو مب في حقل تجارب اخوي

الشركه تعرف السلبيات والايجابيات ولله الحمد

لكن الشركة ما زالت في طور تركيب الشبكة حول قطر كامله وللحين ما انتهت من تركيب الشبكه (ادري بتقول كان المفروض انها ما تفتح افرعها بما ان شبكتها ما تركبت بشكل كامل) لكن اخوي بالعكس هالشي يساعدنا على تركيب الشبكه في كل مكان ممكن العميل يحتاج له لأن بكل بساطه لو العميل اتصل وقال ما فيه ارسال في (اي مكان مثلا) بعدها بفتره بتلقى ارسال في هالمكان

وفي الاخير هذا بينفع العملاء بنفسهم لأنهم بإذن الله راح يلقون الشبكة في كل مكان تقريباً

اخوي تم تشغيل الشبكة في شهر 3 يعني من 5 شهور

وغير كذا اخوي لو الشركة نزلت كل خدماتها مره وحده والشبكة للحين ما غطت 100% من دولة قطر راح تطيح الشبكة وفي الاخير العملاء هم الخسرانين

بس بإذن الله قبل نهاية السنة الشبكة بتكون غطت 98% من قطر كامله

انتظروا شوي وبتشوفون كل اللي يسركم من فودافون وبتشوفون العروض اللي تسركم وترضيكم

العروض جايه في الطريق

والمسبوق الدفع جاي في الطريق

وخدمات البلاك بيري جايه في الطريق

وخدمات الاي فون جايه في الطريق

والكثير الكثير جاي في الطريق

بس الموضوع يبيله صبر

يعني انت متحامل على الشركه اللي ما صارلها اسبوعين من يوم افتتاح اول فرع لها

انتظر شوي وصدقني بتشوف اللي يسرك ويرضيك

وانت قلتها بنفسك

فودافون لها افرع في دول العالم

ولو كانت فودافون فشلت في اي من الدول صدقني كان ما شفتها منتشره هذا الانتشار في اكثر من 42 دولة

وما كان لها شركاء في اكثر من 65 دولة حول العالم

وترى فودافون حاطين كيوتل معيار ولازم بيقدمون الاحسن بإذن الله

بس لا تقارن شركة صارلها شهور مع شركة صارلها 14 او 15 سنه

انتظر شوي الشركة يبيلها عالاقل سنة وبعدين احكم عليها

وصدقني بإذن الله ما بتلقى الا اللي يسرك ويرضيك

بواردي

02-08-2009, 12:43 AM

اختي
فودافون شركة عالمية
انا ما قلت شي
بس مفروض تكون البداية اقوى
وخصوصا خدمة العملاء
ليش ما حطولنا عرب نفهم منهم
كل ما اتصلت رد لي واحد عربيته مكسرة توه ابجد هوز

غلا قطر

02-08-2009, 12:56 AM

اختي
فودافون شركة عالمية
انا ما قلت شي
بس مفروض تكون البداية اقوى
وخصوصا خدمة العملاء
ليش ما حطولنا عرب نفهم منهم
كل ما اتصلت رد لي واحد عربيته مكسرة توه ابجد هوز

اخوي البدايه قويه ولله الحمد

اما ليش ما حطو عرب اخوي ترى في الكول سنتر فيه عرب ولغتهم مفهومه

صحيح ما فيه قطريين لكن موجودين عرب

وانا للاسف مب موظفه في الـ HR والتوظيف مب بيدي :weeping:

ولو ماحبيت تتصل عليهم واحتجت اي شي اخوي او حبيت تستفسر عن شي انا قطريه وبنت البلد وتقدر تسألني عن اي شي لو حبيت برسالة خاصة وانا راح ارد عليك بإذن الله

براتزية برازيلية

02-08-2009, 09:28 AM

فودافون و بس

eyad

02-08-2009, 09:31 AM

والله صادق اخوي
الجماعة متعودين يتكلمون لين الرصيد يفضى ويتوهقون ويروحون اي بقالة يعبون رصيد
يعني بالعقل انت تبي تتكلم اكثر من ماتدفع؟

ههههههههههههه

ماله شغل سعر السهم في الخدمة
يعني فودافون اسهمها مطروحة من اقل من 10 ايام
والا عشان خسران زعلان الحين

شو سعر فودافون في بورصات العالم بتعرف قيمتها

pepsi55

02-08-2009, 11:11 AM

كفيتي ووفيتي ياأختي غلا قطر ,,, كلام موزوووووووون بالذهب ,,,
(( في مجال طلعين لي رقم ممييييز )) هديه !!!!!!!!! وبإسمج !!!!!!!!!!!!!!!!!! :nice:
ع البلااااااااااااااااطه الاخ !!!!!!!!!!!!:secret:
الله يوفقج ,,, دعاااااااااااااابه دعاااااااااااااابه :tease:

بيانو

02-08-2009, 12:58 PM

أنا مش فاهم الناس ليه مستعجل

وفودافون الكل عارف انها لسه جديده

لماذا هى فقط اللى تطالبونها ان ما يكون فيها سلبيات

وكيوتل بقالها عمر بطوله وللحين مليانه سلبيات

تعرفون الحل ايه
انهم يشيلو فودافون وترجعون على كيوتل زى الاول وما حد يقدر يفتح فمه بالإحتكار

لولا فودافون ما كنا شوفنا عروض من كيوتل

وما حد يقدر ينكر انه يوجد سلبيات بفودافون

ولاكن كلها سلبيات بسيطه للبدء فى السوق
مثل الفيزا لانهم لسه ما طلعو كروت مسبقه الدفع مثل كيوتل

مستعجلين على فودافون ليه مش فاهم

فــــــــــودافــــــــــــــــون رقم 1 :victory:

بيانو

02-08-2009, 01:00 PM

اخوي كلامك سليم 100%

-الدقايق المجانيه تترحل للشهر القادم مثلها مثل الرصيد
-من فودافون لفودافون يخصم من الدقايق ولما تنتهي الدقايق يبدأ يخصم من الرصيد
-النظام المسبوق الدفع راح ينزل قريباً

والله ان فودافون من ساعة ما جبت الخط وانا مرتاح وبتكلم براحتى جدا

وانا مع فودافون مها حصل ومها قالو عنها

لانها الافضل

الكاسب

02-08-2009, 01:09 PM

اللي موعاجبه كوكو ولا فوفو ينتظر نونو.!!!

بواردي

02-08-2009, 11:18 PM

أنا مش فاهم الناس ليه مستعجل

وفودافون الكل عارف انها لسه جديده

لماذا هى فقط اللى تطالبونها ان ما يكون فيها سلبيات

وكيوتل بقالها عمر بطوله وللحين مليانه سلبيات

تعرفون الحل ايه
انهم يشيلو فودافون وترجعون على كيوتل زى الاول وما حد يقدر يفتح فمه بالإحتكار

لولا فودافون ما كنا شوفنا عروض من كيوتل

وما حد يقدر ينكر انه يوجد سلبيات بفودافون

ولاكن كلها سلبيات بسيطه للبدء فى السوق
مثل الفيزا لانهم لسه ما طلعو كروت مسبقه الدفع مثل كيوتل

مستعجلين على فودافون ليه مش فاهم

فــــــــــودافــــــــــــــــون رقم 1 :victory:

هلا اخوي
كل شخص حر يختار
فوفو او كوكو
في الاخير التنافس لمصلحة العميل

بوريان

03-08-2009, 12:35 PM

البقاء للاقوى (كيوتل)