المساعد الشخصي الرقمي

مشاهدة النسخة كاملة : ممكن مساعده بخصوص السيارت الجديده بالمعارض


khaldoon
31-07-2009, 09:09 AM
السلام عليكم و رحمة الله و بركاته

سمعت انه في معارض تبيع سيارات جديده اصفار باسعار اقل من الوكالات و احيانا تكون وارد من الخليج و تقدر تحصل على ضمان الوكاله في حالة دفع مبلغ 5000-10000 ريال لضمان 3 سنوات


هل مواصفاتها اقل من مواصفات السيارات القطريه

ما مدى صدق هذه المعلومه


و هل في صعوبات من خلال هذه الطريقه او انكم تنصحون فيها

اتمنى ممن لديه معرفه ان يتكرم باخباري عن اسماء هذه المعارض

و جزاكم الله كل خير سلفا
مجاهد النفس
31-07-2009, 09:27 AM
كل وارد له مواصفات خاصه مب شرط تكون اقل او اكثر
وطبعا يكون فيه فرق في السعر

عندك يا طويل العمر وارد البريمي في معرض البريمي
ووارد السعودية في معرض باريس

تقدر تفتح للسياره ملف في وكاله عبدالغني بس مادري الملف هو كضمان او للتشيك بس

وبالتووفيق
سهم حلو
31-07-2009, 02:09 PM
الغالي بتدفع خمس آلاف بس لمجرد فتح الملف ولا يشمل الضمان يعني لو حبيت اتغير آيل وفلتر 200 ريال تقريبا لازم تفتح الملف بخمس آلاف وعقب يغيرون لك الآيل
khaldoon
31-07-2009, 03:12 PM
كل وارد له مواصفات خاصه مب شرط تكون اقل او اكثر
وطبعا يكون فيه فرق في السعر

عندك يا طويل العمر وارد البريمي في معرض البريمي
ووارد السعودية في معرض باريس

تقدر تفتح للسياره ملف في وكاله عبدالغني بس مادري الملف هو كضمان او للتشيك بس

وبالتووفيق


الغالي بتدفع خمس آلاف بس لمجرد فتح الملف ولا يشمل الضمان يعني لو حبيت اتغير آيل وفلتر 200 ريال تقريبا لازم تفتح الملف بخمس آلاف وعقب يغيرون لك الآيل


الغالي مجاهد النفس و سهم حلو جزاكم الله كل خير على التوضيح و كثر الله خيركم و الله يكثر من امثالكم :nice::nice:
رآعي موآجيب
01-08-2009, 12:19 PM
السيارات اللي تنباع في المعارض وهي اصفار و وارد قطر تكون أقل من سعر الشركه بــ 3000 إلى 4000 كحد أقصى

وأغلبها تكون مبيوعه على أكثر من بنك والسياره واقفه وما تحركت

( يشترونها عملاء البنوك الأسلاميه من المعرض ويستلم المعرض الشيك ويعطي صاحب القرض فلوسه وهو ياخذ عمولته حوالي 2000 ريال )

والموتر يبقى بالمعرض لين يسوون هالحركه مع أكثر من زبون

وإذا انحرق كرت الموتر في أغلب البنوك باعوه بسعر الكاش بأقل من الشركه بمبلغ بسيط


أما بالنسبه لوارد البريمي أو السعوديه أو أي وارد ثاني

تفتح ملف بالشركه بقيمة 5000 ريال

ويكون الملف للسماح بالصيانه في الشركه فقط

يعني ما يكون فيه ضمان على الموتر نهائياً


وسلامتك والبقا في عمرك :)
فلفل حار
01-08-2009, 02:51 PM
ماقصر اخونا نمر قطر ...:victory:




وأحب ازيد عليه ملاحظه بسيطه ...:nice:

بعض المعارض يشترون كميه كبيره من بعض انواع السيارات ... ( ألي لها رغبه في السوق حزتها )

ويبيعونها ويعرضونها عندهم بأقل من سعر الوكاله بمبلغ حلوو وبعد كسبانين ... لأنهم ياخذون خصم خاص من الوكاله على الكميات ... :)

وطبعاً الخصم يفرق على حسب علاقات راعي المعرض بأصحاب الوكالات نفسهم ...

اذكر سنة 2006 واحد من ربعي شرا نيسان فور ويل من معرض بأقل من سعر الوكاله بـ 12 الأف تقريبا ...!

كان وارد الدوحه ... وأصفـار ...

يوم سألنا راعي المعرض ليش اسعاره أقل من الوكاله ... قالنا بهالشي ...




وبالتوفيــق يا خلدوون ...:):nice:

علمنا عن الموتر ألي بخاطركـ ...

حاضرين ... بنسأل لكـ يالغالي ... ^-^
بن درويش
02-08-2009, 02:05 AM
معرض البريمي عنده وارد البريمي
معرض باريس عنده وارد السعوديه
معرض الفاخره عنده وارد السعوديه ووارد البريمي
معرض المشترك عنده وارد قطر
وكل المعارض تحصلهم على طريق سلوى مر عليهم وشوف وقارن بالمواصفات