هل هناك عقاب لرجل المرور الذي يخطي ..!! [الأرشيف]

مشاهدة النسخة كاملة : هل هناك عقاب لرجل المرور الذي يخطي ..!!

المتألق

31-07-2009, 04:41 PM

السلام عليكم ورحمه الله وبركاته

عمي كبير في السن وفيه سكر وكان عنده موعد في العياده الخارجيه

المهم كان موقف سيارته في المواقف المخصصه للمعاقين مع العلم ان عنده بطاقه الي تلزق في الجامه المخصصه للمعاقين

وبعد ماطلع حصل عليه مخالفه مع انه حاطه لزقه بالمعاقين في الجامه الاماميه ..!!

مادري شنو الحل ..

وادري انه اذا راح للمرور بيشلونها .. ولكن السؤال هل هناك عقاب للشخص الي حاط المخالفه ؟

ومشكله المرور انهم مايعرفون روح القانون .. يعني فيه اشياء مش لازم يتخالف عليها الشخص
اما بسبب الزحمه الي في المكان .. مثل جوازات الغرافه زحمه واغلبيه الناس صافطين جنب الرصيف ومش مسببين عرقله للطريق ..

انا كان لي موقف في جوزات الغرافه .. كنت صافط جنب الرصيف المهم كانت واقفه دوريه سألتها قلت انا موقف غلط اغير مكاني قال لي اهم شي ماتكون معرقل الطريق قلت له لا
قال احنا نتجاوز وخاصه في الجوزات بسبب قله المواقف وكثره المراجعين ..

المهم بعد اربع ايام وقفت في نفس المكان ونزلت .. اول مارجعت حصلت مخالفه علي ..!!

مادري شنو السبب .. وليش كل واحد له راي في المرور

لكن انا قلت في خاطري اكيد الي عطاني مخالفه مش قطري .. لو قطري كان عرف ان المكان زحمه والمراجعين كثار . وكان طبق روح القانون

وشكراً

ولد الشحانية

31-07-2009, 04:56 PM

اخوي الاستكر مال المعاقين له تاريخ له في ناس تشتري من زينة السيارات وتركبه ....تقدر تدخل للخرجي وان شاء الله يشيلها لك....ويوم والدك وقف بالموقف يعني الحمد لله ماكان معاه شخص معاق....
يعني اكيد في ناس احوج بالموقف
كما تلاحظ صارت ازمة مواقف سيارات عندنا والاجانب مسوين زحمة
ومناديب الشركات
وياليت يخلون جوازات امسمير او الصناعية للاجانب والمقيمين والناديب وصدقني بتخف الزحمة

ولد الشحانية

31-07-2009, 05:00 PM

اما للعقاب
الانسان مب معصوب من الخطاء

ومانحب الشر لحد

فلفل حار

31-07-2009, 05:03 PM

وعليكم السلام ... :)

مشاكل المرور ماتخلص *-*

مستغرب شلون مرور البحرين هالبلاد الصغيرهـ ماخذ جوائز دوليه في صرامة قوانينهم ... ومرورنا ماخذ راحات وواسطات فلان وعلان من تحت الطاوله ...! :secret:

// مقدمه بسيطه عن ألي بخاطري ... :weeping:

قلت في خاطري اكيد الي عطاني مخالفه مش قطري .. لو قطري كان عرف ان المكان زحمه والمراجعين كثار . وكان طبق روح القانون

اسمحلى يالغالي ... هـ الفقره الاخيره بخصوص القطري أو اجنبي ... مالها علاقه في المخالفه ...:)

اخلاقيات رجل المرور هي تحكمه وليس جنسيته ... ولنا من المواقف الكثير ...:shy:

بخصوص النقطه الثانيه ...

مادري شنو السبب .. وليش كل واحد له راي في المرور

الزين في عساكر المرور هالفتره الأخيره أنه الأغلبيه شباب ... ويقدرون ويمشونها لو كانت بسيطه وماتعرقل الغير مثل ماقلت انت ذكرت بنفسك ... ^0^

حتي في بعض الامور البسيطه مثل المخفي بنسبه بسيطه ... <<< أزمة المخفي ألي مالها حل ...:secret:

أو حزات مريت عليهم وانت مهب لباس الحزام وهم واقفين على الدوار ... كأنهم ماشافوا ... :whistling:

والبعض يطبق القانون بحذافيرهـ ... كأن القانون نازل من السما ومافيه اغلاط ...!crazy

وبالنسبه لأستفساركـ عن شيل المخالفه ... اي نعم تنشال بس يتطلب حضور عمكـ الشخصي عند الضابط في مرور خليفه ...

لأنها صارت للوالد مره وراح كان بيشتكى على الشرطي والضابط صرح له بالحق ... بس الوالد تنازل وما حب انه هالشرطي ينضر وغلطه تافهه منه ( أو تعنطز ) تضره في مستقبله وترفيعاته ...

واغلب رجال المرور متفاهمين ... بس لو يعدلون في نظام المرور شي بسيط ...:tease:

وسلامة عمكـ يالغالي ...:nice:

ضوى

31-07-2009, 07:43 PM

ولد الشحانية

31-07-2009, 11:20 PM

ليش ياخوي ؟؟ والقطريين اللي بالمناطق القريبة وين يروحون ؟؟؟ مب لازم تفكر فيهم ؟؟؟يعني احنا نتوهق عادي مابه مشكلة ؟؟؟

اختي مافهمتي قصدي شكلج

HIGHNESS

01-08-2009, 06:16 PM

زحممممه يانااااس زحممممه ساعاااات احس اني في مصررررررررررررر... لازم كل مكاااان يسووون موواقف كبيرة الي فيها 4 طواابق او اكثرررر عشان تخف الزحمة ... بالذات مثل الجوازات والمستشفيات في وااايد حلول بس ماافي عقوول تشتغل وتفكر ....

صمتي حزن

01-08-2009, 07:30 PM

لاحول ولا قوه الا بالله
يقدرون على الشياب لكن على اليهالو المتهورين مايقدرون
لمبركيني فراري بورش وغيره يهال 20 سنه يمر عليك اتقول بطير لا وبعد متجاوز يمين ومسرع وب رابط الأحزام ويهاوشك يقولك وخر لا والا اجي موقع اتحصله موقف ابو الشباب موقفين ليش يقولك خايف على سيارته هههههههههههههههه بزوره

صمتي حزن

01-08-2009, 07:32 PM

هذيله يبيلهم من يردعهم ،،،،، مب واسطه وخرابيط لا يقولونلي ولد فلان ولا ولد فلتان وخير ياطير يبه احنا نبي انفسنا مانبي انموت وحنى اصغار علي يد يهالو ،،،،،