المساعد الشخصي الرقمي

مشاهدة النسخة كاملة : استفسار عن تصريح لمدير المرور؟؟


Realistic
01-08-2009, 12:48 AM
السلام عليكم ورحمة الله وبركاته

عندي استفسار بسيط يا جماعه


امس اسولف مع واحد من الربع واقول له ان صادني رادار متحرك على شهر 2 الي طاف

والرادار كان مخشوش ورا سدره ( السدره الي شالوها الحين الي في الطريج بين دوار اكاديمية الجزيره ودوار السوق المركزي)

فرفيجي قال لي ان مدير المرور تكلم قبل فتره في برنامج لكم القرار.. وقال ان من شروط الرادار المتحرك .. إنه يكون واضح للعيان !!!! :eek5:


طيب الحين هل اقدر استغل هالشغله لصالحي؟
إن الرادار كان منخش ورا السدره ؟
واذا بكلم حد .. اكلم من ؟

انا معترف بغلطي وإني كنت مسرع .. لكن ليش هالتضارب بين اقوال مدير المرور والافعال الي يفعلونها افراد المرور ؟؟؟
Bu Rashid
01-08-2009, 12:50 AM
ما ادري شاقولك ... واخوي جاسم مختفي هاليوميين
تدري روح ادفع المخالفه ابرك لك ... والله يعينك :)
BURBERRY
01-08-2009, 01:43 AM
انا بعد صادني ردار متحرك مرتيين ..

و كان مخشوش تحت السياره .. عند التاير .. يعني غير واضح للعياااان !!
ولد الشحانية
01-08-2009, 02:08 AM
اللي يحطونه علي طريق الشحانية ودخان مخشوش ومايبين
نبي الحل من ادارة المرور
ANONYMOUS
01-08-2009, 02:31 AM
اصلا اذا الرادار واضح للعيان.. ماله فايده..

عشان لبريكات عند الرادار.. وعقبه.. تزيد السرعه
Realistic
01-08-2009, 03:07 AM
يعطيكم العافيه اخواني ..


اصلا اذا الرادار واضح للعيان.. ماله فايده..

عشان لبريكات عند الرادار.. وعقبه.. تزيد السرعه

اوكي انا معاك في هالشي
لكن دام في تصريح من مدير المرور .. << لاحظ كلمة مدير المرور باللون الاحمر ..

فليش مايلتزم افراح المرور بهذا التصريح ؟
وله التصريح مجرد كلام اعلامي لاسكات البعض؟؟؟؟
شيء غريب الصراحه
الحبتور
01-08-2009, 03:08 AM
لا تتعب عمرك .. وتبح صوتك !!!

ادفعها .. ابرك لك ..
ALRAYYAN
01-08-2009, 03:17 AM
الله يهديك بس

انت شفت برنامج لكم القرار واجابات مدير المرور على الاسئلة

والله تمنيت انهم ماستضافوه عشان مايحرجونه اكثر من جذي

ولا سؤال جاوب عليه جواب منطقي .. وكان وايد ضعيف في المواجهه

لا تتعب نفسك اخوي
فلفل حار
01-08-2009, 03:33 AM
ما ادري شاقولك ... واخوي جاسم مختفي هاليوميين
تدري روح ادفع المخالفه ابرك لك ... والله يعينك :)


وهذا ألي بيصير ...:)



عاد مرورنا ... خل وخل ... ^-^
zeknon
01-08-2009, 04:45 PM
والله ياخوي هالرادار ماعرفنالة
لاهي قوانين عالمية يمشوووون عليها ولا شي معروووف كلن ايعرفة ويعتبر عرف
انا صادني امشي 91 والغرامة 700 ريال ليش مادري
الضاهر يبونا نمشي 30 علشان محد يسوي حادث ولا يدعم الحريم والعليمية في الطريق
HIGHNESS
01-08-2009, 05:26 PM
يعني انت تبي بس مدير المرور يلتزم بكلمته ؟؟؟؟
خلاص انت بعد التزم بالسررعة المحددة ( لصالحك ) ... ...
أنا اسووق من زمان ولا قد خالفت او صادني رادار ... لاتدورون اعذار حق اخطائكم :)
غناتي1
01-08-2009, 05:32 PM
بس على فكرة من بيصدقك انه كان مخشوش ورا السدرة --

ما دام انهم شالوها الحين

ولو بتحتج منيه لين بكره بيقولون لك اول شئ ادفع بعدين احتج
برق الجنــوب
01-08-2009, 05:50 PM
يعني انت تبي بس مدير المرور يلتزم بكلمته ؟؟؟؟
خلاص انت بعد التزم بالسررعة المحددة ( لصالحك ) ... ...
أنا اسووق من زمان ولا قد خالفت او صادني رادار ... لاتدورون اعذار حق اخطائكم :)


:nice::nice::nice::nice:
الـجـنـاحـي
01-08-2009, 07:27 PM
الله لا يهينك باكر الصبح روح واستفسر
Realistic
02-08-2009, 03:49 AM
يعني انت تبي بس مدير المرور يلتزم بكلمته ؟؟؟؟
خلاص انت بعد التزم بالسررعة المحددة ( لصالحك ) ... ...
أنا اسووق من زمان ولا قد خالفت او صادني رادار ... لاتدورون اعذار حق اخطائكم :)


اخوي انا مادورت عذر لخطئي

لاحظ اني قلت اني معترف بالخطأ ..

وبعدين انا اذا مالتزمت بشغله .. راح اضر نفسي .. لكن مدير المرور .. اذا مالتزم بكلام قاله .. راح يضر بسمعة المرور كله

انا وضحت من قبل اني غلطان لما سرعت ..
لكن استفساري كان عن تصريح لمدير المرور .. ومخالفة افراد المرور لهذا التصريح
عـ العبيدلي
02-08-2009, 04:35 AM
بيقولون لك هاي رادار لخويا مب المرور ..

لكل سؤال بتحصل مليون عذر ..
لا تعور راسك ..
ادفع المخالفه دفعة بلا .. وله تعور راسك ..

ونفس الشي من كم يوم فالوكره حاطين الـ X-Trail البنفسجيه بين المواتر يعني ما تبين .. فالمواقف
والرادار داخل الموتر .. ونفس الموتر هاي حصلته في خط سلاح الجو .. والرادار داخل الموتر
وين الواضح للعيان فالسالفه .. @.@
ســـهم
02-08-2009, 04:45 AM
شرايك تدفع 15 الف حق محامي

ولا تدفع بالكثير 700 مخالفة رادار

لانك حتى لو خذيت محامي راح تطلع بدون نتيجه

بعض المرات اتذكر الجمهوريات :(
Realistic
02-08-2009, 05:09 AM
بيقولون لك هاي رادار لخويا مب المرور ..



لخويا @@

لخويا اشلهم خص في الرادارات ومخالفات السرعه @@

ياخي الواحد في هالبلاد صار مايعرف "من" مسؤول عن " شنو" !!! @@
Realistic
02-08-2009, 05:13 AM
وقال الخرجي نحن ضد أن يكون الرادار مخفيا للعيان مشيرا إلى أن سياسة إدارة المرور ليست إخفاء الرادار عن العيان بل إظهاره للحفاظ على الأرواح. . وناشد مدير إدارة المرور كافة المواطنين إذا شاهدو رادارا مخفيا الاتصال بإدارة المرور لاتخاذ الإجراءات اللازمة لإظهاره للعيان.
:telephone:

http://sharq.netdesignplus.com/articles/print.php?id=148726
حمود قطر
02-08-2009, 11:29 AM
ههههههههههههههههههههه

بما اني كل يوم كنت أمر على هالرادر .. بحكم انه بيتي قريب منه ..

بس أحسه صج مثل الكمين .. خاشينه عن العالم ( يبون فلووووس ) ..

اشكره ورى السدرة .. لولا اني سريع الانتباه .. جان الحين ولا فووق مليون

مرة صادوووني .. بس ما قدرو علي هههههههههههههههههههههههه


ما عليك من كلام ادارة المرور .. كم مرة صادني الرادار على طريق الوعب ..

بالخش حاطينه مادري وين .. وبدون فلاش .. وأتفاجأ يجيني مسج انه علي مخالفة ..
BIG-VEGA
02-08-2009, 11:46 AM
يمكن قصدهم واضح للعيان للي جاي رانسيد:nice: خخخخخ

رانسيد: كلمة عاميه تعني الاتجاه الخاطئ (عكس السير) والاصل انجليزي (wrong side)
الموضوعي
02-08-2009, 11:51 AM
انا صادني ردار كان مخشوش ورا زبالة الله يكرم القارئ شوفوا وين وصل تفكيرهم بالمرور
jassas
02-08-2009, 12:25 PM
ما ادري شاقولك ... واخوي جاسم مختفي هاليوميين
تدري روح ادفع المخالفه ابرك لك ... والله يعينك :)


:nice:
::.Silent.::
02-08-2009, 12:28 PM
تعالوا شوفوا رادار راس لفان

ما يبين .. حاطينه ورى لوحة الارشادات
ANONYMOUS
02-08-2009, 08:07 PM
بخصوص ردي اللي ذهب مع الريح.. :)

الله كريم
الأميرة ملاك
02-08-2009, 11:05 PM
ياجاعة انتو اتأذنون في خرابة
نبغي من المدير افعال مب اقوال وبس
الله المستعان