عندك فوجي -fj - او مفكر تشتريه دش ما تندم ...

[بواردي]

السلام عليكم ورحمة الله وبركاته


بداية خلنا نتكلم على العيوب:

عيوب السيارة طبعا كلها جماليات وكماليات ولكن كسيارة بر وشباب ما عليها كلام


* مشكلة الابواب :باب ونص نفس سيارت البكاب الشفر وغيرها
والباب الصغير ما يتبطل الا اذا بطلت الباب الي قدام

* مافيه مكيف خلفي -فيه فتحة تكييف صغيرة وراء يعني اللي بيقعد وراء اصابع رجوله بس يصيدها المكيف؟؟

*البريك ياكل سفايف كل فترة لازم تشيك البريك

* دبة البترول - تانكي البنزين - صغير يادوب ياخذ 90 لتر مع الاحتياط يعني مع المكيف انسى انك تمشي اكثر من 350 كيلو متر.

*ليت امامي فوق المرايا مافيه - يعني لازم تشغل الليت مال الابواب

*تكاية للمرافق ما فيه؟

*حساساته اللي ورا بس في الوسط وعددها 2 مفروض تكون 3 على الاقل

* مافيه فتحة سقف

* مافيه ثلاجة

* تانكي البترول في موديل 2008 ما يقفل بمفتاح يعني اي حد يبطله
بس تقدر تشري غطاء ب100 ريال مع مفتاح

* السرعة القصوى 185 ويفصل الطبلون

*الكراسي نازلة يعني اذا السواق قصير الله يعينه



الميزات :


* سيارة خشنة تنفع للبر والتطعيس وتنفع لشوارع الدوحة - كانهم صمموها لشوارع اشغال
* عزم على كيفك دوس مع اي موتر 6 سلندر فور ويل واتحداه يطلع عليك بالقومة
* سيارة شبابية وشكلها كلاسيكي جذاب - اتحداك تمر صوب شلة ومايطالعونه - لانها سيارة تحدي
اذا الموتر نظيف تجيب المية من الصفر - ست ثواني ونص - يجاري السيارات الرياضية
* مكينته وقيره نفس ال جي والجي اكس والجي اكس ار - ستة سلندر- يقوم عليهم كلهم
رح سالين ونسم توايره 15 وافصل الاي تراكشن وحط الدبل الخفيف والقير على الرابع
وشوف شلون الموتر يناقز


وياليت من الاخوة اللي جربوا الموتر يشاركونا تجربتهم

طبعا الموضوع كله من واقع تجربة شخصية

[الخارجية]

والله الموتر مش طبيعي ومب صاحي يعني اللي يسوق الموتر ينربش قصب عنه

[بوعبدالله100]

ركبت الاف جي وجربته ..ومعتبره مثل موتري الهمر الكبير بس باب واااحد هههههههه .. عزمه كويس مش بطاال على سته سلندر .. وحبتين وعر بالشارع

[بواردي]

ركبت الاف جي وجربته ..ومعتبره مثل موتري الهمر الكبير بس باب واااحد هههههههه .. عزمه كويس مش بطاال على سته سلندر .. وحبتين وعر بالشارع

بو عبود لاتقارن الهمر الكبير بالفوجي
تبي تكون عادل قارنه بالهمر اتش 3
بتلاقي ان الهمر افضل من الفوجي بالميزات والكماليات
بس من ناحية القوة والقومة الهمر ما يكل خبز مع الاف جي

[بواردي]

والله الموتر مش طبيعي ومب صاحي يعني اللي يسوق الموتر ينربش قصب عنه

والله صادق

[بوعبدالله100]

بو عبود لاتقارن الهمر الكبير بالفوجي
تبي تكون عادل قارنه بالهمر اتش 3
بتلاقي ان الهمر افضل من الفوجي بالميزات والكماليات
بس من ناحية القوة والقومة الهمر ما يكل خبز مع الاف جي

الاتش ثري يااخوي تراه سيكل .. مااينفع بشي ..وعزمه تعبان ..اوكي يطعس ..بس كنه واااحد مسوي زفير وماله انياط يكمل ههههههههههه المقارنه اخووي كاانت من نااحية قعدة السايق والمقصوره احسها نفس الواجهه بالضبط بس الاتش كرسيه اوسع .. بس لاتفكر تقارن الثمانيه سلندر و 6200 سي سي 441 حصان مع الاف جي :nice: نسم له 15 ولا تشغل دبل وونس القعده :nice: متى ايي موسم التخيم بس

[بواردي]

الاتش ثري يااخوي تراه سيكل .. مااينفع بشي ..وعزمه تعبان ..اوكي يطعس ..بس كنه واااحد مسوي زفير وماله انياط يكمل ههههههههههه المقارنه اخووي كاانت من نااحية قعدة السايق والمقصوره احسها نفس الواجهه بالضبط بس الاتش كرسيه اوسع .. بس لاتفكر تقارن الثمانيه سلندر و 6200 سي سي 441 حصان مع الاف جي :nice: نسم له 15 ولا تشغل دبل وونس القعده :nice: متى ايي موسم التخيم بس

ههههههههههههههههههههههههههههه
والله بو عبود شكلك معسكر في سيلين

[فتى الجود]

والله انا كان خاطرى أخذلي واحد من فترة
لكن اللى خلانى أهون موضوع الثلاجة والمكيف الخلفي

لانى مالى غنى عنهم

لكن الموتر مشاء الله تبارك الرحمن طلقة

[مزيون الدوحه]

مافي مقارنه بين الاف جي والهمر h3

شوف وتمتع وانا عارف اللي
بيشوف المقطع بيكرره 10 مراااات

http://www.youtube.co/watch?v=t5oPzllCtk8

طبعا اضافة حرف : m على com :victory:

[al.wafe]

يا جماعه عندي اف جي مديل 2009


واللون اسود والموتر نضييييييييييف في حد له خاطر يشتري ؟

[بواردي]

مافي مقارنه بين الاف جي والهمر h3

شوف وتمتع وانا عارف اللي
بيشوف المقطع بيكرره 10 مراااات

http://www.youtube.co/watch?v=t5opzllctk8

طبعا اضافة حرف : M على com :victory:

اخوي

مافي مقارنة
الهمر قرمبع على قولة بو عبود سيكل
هههههههههههههههههههههه
الاف جي ميزته خفيف

[بواردي]

والله انا كان خاطرى أخذلي واحد من فترة
لكن اللى خلانى أهون موضوع الثلاجة والمكيف الخلفي

لانى مالى غنى عنهم

لكن الموتر مشاء الله تبارك الرحمن طلقة

اخوي اذا عندك عايلة ما انصحك

اذا انت راعي تطعيس وتحب المغامرة
مالك الا الفوجي

[نجم سهيل]

السلام عليكم

صدقت .. وتستاهل هالصور من تصويري

http://img354.imageshack.us/img354/7585/301821035804cde820a5ode1.jpg

http://img522.imageshack.us/img522/553/fj056lq0.jpg

http://img399.imageshack.us/img399/5884/fj585md4.jpg

وهذي مسكهم

http://img150.imageshack.us/img150/1844/999888777.jpg

[مساهم متوهق]

السلام عليكم
بالنسبه fj ماعليها كلام بس فيه ملاحظه بسيطه اذا انت رايح خط وعليك هواء ماتسوى اتم اتبدل يطيح العزم فيها اما غيرها ماعليها كلام سيارة شبابية احسن من الهمر1000000000 مره

[SmartMan]

بصراحة السيارة كأنها سحارة طماط وكوسة ...وإذا ركبت السيارة الكرسي نازل والمكيف بوجهك على طوول
يعني تصلح تكشت فيها وتروح فيها للبحر بس...و لاتحط في بالك أنك تكشخ فيها !

[بواردي]

شدخل سحارة طماط؟؟
تشبيه غريب
شوف لك شي ثاني غير سحارة الطماط
هههههههههههههههههههههههههههه

وجهة نظر احترمها

[نيساني]

من مميزاته الوزن الخفيف اللي مساعده في القومه

ومن عيوبه ماينزل عندنا جير عادي ويسمونه (فاطمه جاسم)

ويسلموووووووووو

[العابر]

ما أقول ألا موتر ماعلي كلام وكسواقة احسن من الجي أكس وسواقتة بصراحة ممتعه وسلامتكم

[إنتعاش]

موتر رهيب في امكانياته و تصميمه و عزمه
واللي يقول مب كشخه
ما اخبر ان تويوتا قالو ان هذا الموتر للمواكب الرئاسية والاميرية !
ياخي هذا بوحوض جيب لكن ستايل جديد وبس
لا اكثر
يعني ان توصخ داخل بهوز ماي ترشششش لين ما ينظف كل شي
سلاااااااامي على الفوجي