مكفولي خرج من البلاد وهو هارب مني !!ّ

[فابريغاس]

السلام عليكم ورحمة الله وبركاته

مساكم الله بالخير

كان عندي دريول وهرب مني من 3 سنوات تقريبآ

وقدمت عليه بلاغ ومن يومها مالقيته وقلت مرده بينصاد


قبل كم يوم وصلني مسج ان المدعو فلان الفلاني هندي الجنسيه
قد غادر البلاد :eek5:

شلون غادر الله أعلم

أتصلت ع البحث والمتابعه
قالي الموظف يمكن عدل وضعه !!
قلت له شلون يعدل وضعه وهو هارب مني
قالي في مهله حق تعديل الأوضاع
قلت له ياغالي الشخص هارب مني شلون تعدلون وضعه وانا مادري
بعدين انا أطالبه بمبلغ من المال من بيردها لي اذا انتوا عدلتوا وضعه وانا مادري

توهق الأخ الكريم وقال أنا مادري تعال وراجعنا أحسن

ممكن حد يفيدني الله يرضى عليكم

شلون الهندي طلع من البلاد وهو هارب مني ؟؟

[بواردي]

لي رجعه اخوي
بس يمكن اتصلوا فيك وانت ما رديت ؟
افضل شي تروح يمهم وتسال
لان الموضوع يمكن يكون له تبعات اخرى وتروح عليك

[فابريغاس]

^
ناطرك

[Toomy]

كان المفروض لما بلغت تخبرهم إذا لقوه ينادونك لان هو خلاص يجمع ثمن التذكرة و يروح لهم ياخذ الجواز علشان يسافر وهم مايهمهم تطالبه والا ما تطالبه,أحنا صارت معانا بعد ..ماخذينها سياحة عندنا

[حالي الذوق]

متى جاك المسج

اذا توه الحين تقدر تلحق عليه في المطار لان المسج يجيك عن طريق مطراش اول ما موظف الجوازات يدخل اسمه في الكمبيوتر .. يعني يبي له اقل شي ساعه الى ساعه ونص قبل لا يركب الطياره

[فابريغاس]

^
لازم اقولهم عطوني خبر اذا صدتوه @@

ماظن أخوي
المفروض هم اللي يطلبوني

[ANONYMOUS]

طالما وصلك مسج.. معناته مازال على كفالتك

والله اعلم

انا من رايي تقول لهم مابيه يرد لبلاد... يسون عليه بلوك.. اذا يصير..

ولاتنبش.. خلاص الله فكك منه

[فابريغاس]

حالي

المسج للأسف وصلني الأسبوع اللي راح وكنت مسافر :(

[Toomy]

^
لازم اقولهم عطوني خبر اذا صدتوه @@

ماظن أخوي
المفروض هم اللي يطلبوني

والله يا خوي صارت مع أخوي نفس السالفة وهم يروحون بها باردة و بصراحة الدولة مافيها قانون يحمي الكفيل كلش..

أختك Toomy

[فابريغاس]

طالما وصلك مسج.. معناته مازال على كفالتك

والله اعلم

انا من رايي تقول لهم مابيه يرد لبلاد... يسون عليه بلوك.. اذا يصير..

ولاتنبش.. خلاص الله فكك منه

ومن يرد لي حقوقي من عنده !!
واذا بالقانون شلون يسفرونه وكفيله مايدري !!

[بواردي]

^
ناطرك

هلا اخوي

افضل شي تروح عندهم
باجر ينقزون لك ويقولون عليه مخالفات وغرامات ومدري شنو؟

والله يعينك باجر محد يجيك يقولك متسلف مني
او يطلع عليه شيكات

واسالهم شلون سمحوا له يطلع وهو عليه التزامات
وعطنا خبر

[فابريغاس]

والله يا خوي صارت مع أخوي نفس السالفة وهم يروحون بها باردة و بصراحة الدولة مافيها قانون يحمي الكفيل كلش..

أختك toomy



صدقتي والله أختي

الله يعين
بس ابي أتاكد
هل طريقة سفره قانونيه من دون علم الكفيل ولالا

[Toomy]

دامك بلغت وسلمت الجواز خلاص مالك شي ..للأسف هذا اللي صاير في بلادنا

[فابريغاس]

هلا اخوي

افضل شي تروح عندهم
باجر ينقزون لك ويقولون عليه مخالفات وغرامات ومدري شنو؟

والله يعينك باجر محد يجيك يقولك متسلف مني
او يطلع عليه شيكات

واسالهم شلون سمحوا له يطلع وهو عليه التزامات
وعطنا خبر

أن قالوا عليه مخالفات أو غرامات
بقول بسماحكم له بالخروج من البلاد يعتبر تنازل من قبلكم

واللي يطالبه بشي بعطيه رقم السفريات وبقوله الحقه وطالبه

[حالي الذوق]

حالي

المسج للأسف وصلني الأسبوع اللي راح وكنت مسافر :(

الله يعين ان شا الله

واسمحلي ما دققت في موضوعك مع انه مذكور انه من كم يوم .


روح البحث والمتابعه واسالهم من الي موقع على كفالة الخروج لانه ممنوع يسافر من غير توقيعك على ورقة مغادره

[Toomy]

الله يعين ان شا الله

واسمحلي ما دققت في موضوعك مع انه مذكور انه من كم يوم .


روح البحث والمتابعه واسالهم من الي موقع على كفالة الخروج لانه ممنوع يسافر من غير توقيعك على ورقة مغادره

أخوي من قال لك ممنوع..اخوي قاعد عندنا وجاه المسج ..تم تسجيل حركة خروج فلان الفلاني..

[فابريغاس]

بروح بكره وبشوف شسالفه

[professonal]

اخي العزيز عندما تقدم بلاغ هروب تكون انت امام القانون اخليت مسؤليتك عنه لو حدث فيه اي شي القانون مايعاقبك وعند العثور عليه يتم ابعاده دون الجو الى الكفيل لانه مخالف لنظام العمل بالدولة والمفروض انت اتقدم فيه بلاغ في اقرب مركز شرطة بانك تطالبه بمبلغ من المال في هذي الحالة المركز يقدم مذكره للبحث والمتابعة في حال العثور علية انه مايبعدونه الا بمراجعتهم اولا .

الله يعوضك خير ان شاء الله

[Toomy]

اخي العزيز عندما تقدم بلاغ هروب تكون انت امام القانون اخليت مسؤليتك عنه لو حدث فيه اي شي القانون مايعاقبك وعند العثور عليه يتم ابعاده دون الجو الى الكفيل لانه مخالف لنظام العمل بالدولة والمفروض انت اتقدم فيه بلاغ في اقرب مركز شرطة بانك تطالبه بمبلغ من المال في هذي الحالة المركز يقدم مذكره للبحث والمتابعة في حال العثور علية انه مايبعدونه الا بمراجعتهم اولا .

الله يعوضك خير ان شاء الله

هذا اللي أقوله والشي الوحيد اللي سواه اخوي أول ماشرد انه كنسل ليسنه.:victory:

[Meero]

انا بعد نفس الحاله

طلع وانا مادري

ووصلني مسج

مثلك بالضبط


:|

[فابريغاس]

انصدمت والله
يوم شفت مشكلتي شائعه مثل ماقالوا الأخوان

المكفول محمي اكثر من الكفيل
يهرب بالسنين وانا أطالبه واخرتها يطلع من البلاد
بلاحسيب ورقيب يردعه !!

وحق الكفيل المسكين ليش ماأبلغوه !!

حسبي الله ونعم الوكيل

[غناتي1]

الله يعوضك -- عليه العوض ومنه العوض

ما اظني بتلقا الفلوس

قانون الكفالة الحين في صالحهم -- ويشجعهم على الشردة

[المشط]

^
لازم اقولهم عطوني خبر اذا صدتوه @@

ماظن أخوي
المفروض هم اللي يطلبوني

اي لازم تقول لهم

لان اكيد هم قالو لك تبي شي منه واكيد في البلاغ انت قالت لهم لا

وامسكوه وسفروه

اول كانو يتصلون على الكفيل علشان يدفع التذكره .. وبهذ الطريقه بيكون عندك خبر

لكن القانون الجديد الهارب يتحمل تحاليف السفر وبما انك ما طلبت منهم يتصلون لك امسكوه وسفروه


وفي قانون سمعت عنه ان ممكن احد يدفع غرامه وينقل كفالت العامل الهارب عليه ويتم العامل في قطر على كفاله الشخص الجديد !! هل هذا الشي صحيح او لا ؟

[قطري عصامي]

هذا وفيه قانون كفاله ، اجل لو يلغون قانون الكفاله اش بنسوي؟؟؟؟
ما اقول الا الله يعينــــــا

[ودي أكون]

مثل ماقالوا الاخوان يوم اتبلغ عنه وتسلمهم الجواز اتكون اخليت مسؤوليتك منه ..

كم أطالبه يعني :tooth:

[الخير كله]

سلم لي على التروماي .............
انا لو كنت اجنبيه كنت ما اشتغلت الا بقطر
كفايه انه المواطن مهب كفو يكون مواطن قدامي

[صمتي حزن]

ثلاث سنين وتوه طالع من الدوحه

هذا صار super viser هههههههههههههههههههههههه

[abdulla999]

ههههههههههههههههههههههههههه صج حلوة حنا نجيب وغيرنا يسفر

[الموضوعي]

نصيحة لوجه الله ارفع قضية على وزارة الداخلية وطالبهم 3 ملايين ريال تعويض عن كل سنة مليون ريال ، لو الغلط عليك كان نتفوك وذوبوك في ماي وشربوك لاتخلي حقك يروح ولا تصير ساذج وطيب اكثر من اللزوم خلك ذيب:anger1:

[بوعلي 78]

نصيحة لوجه الله ارفع قضية على وزارة الداخلية وطالبهم 3 ملايين ريال تعويض عن كل سنة مليون ريال ، لو الغلط عليك كان نتفوك وذوبوك في ماي وشربوك لاتخلي حقك يروح ولا تصير ساذج وطيب اكثر من اللزوم خلك ذيب:anger1:

ايوووووه

عطاك الحل روح ارفع قضيه وطالبهم 3 ملايين :omen2:
بس الخوف لا انت إلي تدفع 3 ملايين :tease:

الله يكون في عونك اخوي

[براتزية برازيلية]

الله يكون في عونك

[(الفيصل)]

الفيصل في هذه المسئله هي
ورقة بلاغ الهروب
فاذا كنت قد وقعت هذه الورقة على انه هارب وعليه التزامات مالية
فلايحق لوزراة الداخلية اخراجه من البلاد الا بموافقتك .. فأن هي فعلت غير ذالك فيجوز لك مقاضاتها برفع دعوى عليها امام المحاكم المختصة.

اما اذا كان بلاغك لهروبه (لم يتضمن انك تطالبه بشيء) اي ليس عليه التزامات مالية .. فبالتالي يحق لوزارة الداخلية ابعاده عن الدولة على نفقته الخاصه .. وهذا هو المعمول به حاليا ... واتوقع بنسبة 99% أنك عندما بلغت على هروبه . لم تشر إلى انه عليه التزامات مالية .. او انك تطالبة بشيء ... وبالتالي قامت الوزارة مشكوره بابعاده على نفقته الخاصه .

والداخلية أصبحت تقوم بمثل ذالك حتى تخفف على البلا د من العمالة السائبه (الهاربة) ومايشكله ذالك من خطر على الامن العام.

الخلاصة :
الهارب (اذا كان لايطالبه كفيله بشيء ) يستطيع أن يحضر تذكرته للابعاد .. ويطلب السفر .. وهنا الداخلية امام خيارين اما ان تبعده مباشرة .. او ان تقدمه للمحاكمة لمخالفته قانون اقامة الاجانب .. فاذا تمت ادانته في المحكمة يقضي عقوبته ومن ثم يغادر البلاد .

كما لها (بالطبع ) ان لاتقدمه للمحاكمة وترسله على أول طائرة لبلاده:)
وعلى ضوء ماذكرته لك تستطيع الان تحديد وضعك من الاعراب
وتحياتي لك

[فابريغاس]

^
ليش ماصرت ضابط فالبحث والمتابعه والله كان نفعت العالم

عطيتني الموضوع بكل أختصار وبأسلوب راقي

اتصلت لهم اليوم اقولهم انا اطالبه يقولون لي مشكلتك @@

عمومآ يزاكم الله خير

العوض على الله عزوجل

[(الفيصل)]

^
ليش ماصرت ضابط فالبحث والمتابعه والله كان نفعت العالم

عطيتني الموضوع بكل أختصار وبأسلوب راقي

اتصلت لهم اليوم اقولهم انا اطالبه يقولون لي مشكلتك @@

عمومآ يزاكم الله خير

العوض على الله عزوجل

مارحت بعيد انا ضابط افكار ومعاني:) ولله الحمد والمنه
المهم
ماجاوبتني يوم قدمت بلاغ الهروب هل ذكرت انك تطالبه بشيء ولا ؟ بس قدمت بلاغ هروب (خالي)؟؟؟
انتظر اجابتك لقطع الشك باليقين
والله يعوضك خير من قبل ومن بعد

[كرستال]

هذا اللي أقوله والشي الوحيد اللي سواه اخوي أول ماشرد انه كنسل ليسنه.:victory:


اشلون اقدر اني اكنسل ليسن الدريول الهارب

اذا كانت الداخلية تشرط علي اني اخلي الليسن معاه اذا هو يسوق بالاهل وما يحق لي احتجز حتى بطاقته الشخصية او ليسنه

[فابريغاس]

ماجاوبتني يوم قدمت بلاغ الهروب هل ذكرت انك تطالبه بشيء ولا ؟ بس قدمت بلاغ هروب (خالي)؟؟؟


لاوالله ياخوي خالي للأسف محد قالي اني لازم اسوي له منع سفر
انا ماأعتب على ادارة البحث والمتابعه
هذا قانون مب حديث العهد

الجماعه اللي مثلك وشرواك فهموني الوضع وطلع ينطبق علي المثل
(القانون لايحمي الذيابه =) )

بس المشكله الرئيسيه فالقانون نفسه يحمي المكفول اكثر من الكفيل

[jajassim]

^
ليش ماصرت ضابط فالبحث والمتابعه والله كان نفعت العالم

عطيتني الموضوع بكل أختصار وبأسلوب راقي

اتصلت لهم اليوم اقولهم انا اطالبه يقولون لي مشكلتك @@

عمومآ يزاكم الله خير

العوض على الله عزوجل

الله يعوضك أخوى ،، :shy:

[aljaber1]

تحمد الله انه دفع تذكرة لو ماعنده كان تصلوا فيك ودفعوك
بعد ذلك انت من تبلغ عليه يعطونك بدل منه
ومايردونه لك ولا يحق لك التنازل عنه الطرف اخر

[ALJokar]

طيب انا صارت لي عندي سواق جبته علي كفالتي وهرب وبلغت عليه

في يوم كنت خارج البلد جاتني رساله من مطراش انه خرج من المطار سافر

يعني لو انقول انه اقل القليل سرق مني مبلغ جامد وش اسوي انا اطقع اصبع

للاسف الشديد ما ادري من الي واقف مع الهندي او المكفول هذا احس الحق دايم في صوبه والكافل يتحاسب ويلعن خامس خامسينه

يعني صعبه عليهم يدورن عليه لا موصعبه في وطني الحبيب صباح الخير فيه واحد قال اقتراح الا الحين في اذوني اقتراح يحل المشكله هذي بسهوله جدا
انه تعميم صغير لسته اسامي الي هاربين من كفلاهم على جميع المحلات التحويل والبنوك بعد اذا يبون يسكرون عليهم اي واحد هارب من كفيله على طول من المحل او البنك الي السجن الابعاد علي طول
منها العماله الزياده بالبلاد الي مسويه زحمه تخف ومنها حليت مشاكل كثيره منها السرق والقتل ووووووو الخ
لكن مثل ماقالوا عمك اصمخ

[القيادي]

اخي العزيز نفس حالتي وكنت اطلبه مبلغ بس الحمدلله بسيط وتفاجأت برسالة ان مكفولي غادر من البلاد وبعد ماستفسرة قالوا هذا الإجراء مدامك بلغت عن هروبه مالك اي دعوه الا مثلا يقلولك ادفع تذكرته حتى لو هارب منك سنوات او اذا كنت تطلبه لكن مع الاسف ماتصلواعلي

[قناص الخليج]

اذا كنت تطالبه بمبلغ من المال لازم تخبرهم عشان اذا مسكوه يحولونه المركز

اما عن الهروب فمجرد انه يسلم نفسه ويحضر تذكرتة فيبعدوونه على طول دون الرجوع الى الكفيل

[alrheeb2020]

ومن يرد لي حقوقي من عنده !!
واذا بالقانون شلون يسفرونه وكفيله مايدري !!


اخوي عادي توقع اي شي ..

كل شي ملخبط..

مافي قانون يحمي الكفيل :anger1: