الخريطيات .. ازغـــوى .. الغرافة و الصالونات النسائية !!

[::.Silent.::]

السلام عليكم ورحمة الله و بركاته



انا من سكان احد هذه المناطق

و يوم عن يوم قاعدة تزيد الصالونات النسائية بالمنطقة .. للأسف: انه في سوق تجاري بالخريطيات .. لكن حاطين نفسهم وسط البيوت .. يعني اشكره .. جيرانا صالون نسائي و شوف الناس اللي داخله و طالعه ..

و صالون حذاه بالضبط خيمة شباب .. !!

و صالون وسط بيوت قاعدة تنبني .. و كلها عمال ..

الحين احنا ابتعدنا عن المحلات و خذنا بيوت بعيده عن كل الاشياء تروحون وتأجرون بيوتكم حق الصالونات؟!!

تقريبا وصل عدد الصالونات اكثر من 10 صالونات غير اللي في السوق التجاري

انا اشوفها غلط .. و لازم يحطون حد لهالشي ..


رأيكم الكريـــم ؟
و بس

[وطن]

اشتكوا عند البلديه اخوي
وهم ما بيجددون لهم

[::.Silent.::]

اشتكوا عند البلديه اخوي
وهم ما بيجددون لهم


يعطونج الإذن الصمخــــة



=(

[Sharshooooor]

هم ماخذين تصريح من البلدية
والشكوى في هالحالة لازم تكون على الصالون اذا في اي مخالفات
اكثر من جذيه ماتقدر تسوي شي وخلهم يترزقون والله بيفتحها عليك دنيا واخره
وتخيل نفسك انت صاحب الموضوع وترى الحصول على ترخيص وفيلا مو بالساهل وراها مصاريف تقطع الوسط

الله كريم

[aldouha]

صح كلامك اخوي ياخي الشخص يحاول يبتعد عن المحلات وهالاماكن التي تجيب عوار الراس

[nouar]

والله الشكوى لله في الخريطيات ما فيها 300 متر الا تلاقي صالونات ..


كنه ما في شغل ولا مصلحة في الخريطيات غير الصالونات ..

وحتى جنب المسجد صالون ..

والله صدق كلامك اخوي ياريت يعملوا حد للموضوع ..

ومب ميشان الصالونات كمان لو تشوف الحريم الشغالات في الصالونات ايش يلبسون ويطلعون في الشارع،

[وطن]

يعطونج الإذن الصمخــــة



=(

انت جرب

:)

[الخارجية]

صح كلامك أخوي

[The Watcher]

انا ما اشوف اي مشكلة في الموضوع

[مضارب جديد]

فعلا البلدية ماعندها اي نوع من التنظيم


قبل فترة عزمنا احد الاخوان على العشاء في مجلسة و جيرانهم صالون نسائي!!!!!

بصراحة كان الوضع في غاية الاحراج من الاشكال الي تمر علينا !!! مع العلم بأن المنطقة سكنية !!

و الصالون اساسا فيلا سكنية !!

انا ما أعرف كيف منطقة سكنية تمارس فيها انشطة تجارية و البلدية ساكتة

يقول احد رواد المجلس ان بعض الاشخاص في التراخيص بالبلدية يدهم تحكهم و يمشون التراخيص

[خوي الشوق]

خلو الناس تترزق الله بس يبيلها تنظيم

[خوي الشوق]

خلو الناس تترزق الله

[nouar]

بس اللي ناظر مكان الصالون ما يصدق انه البلديه موافقه

الصالون بجانبه مسجد ومركز تحفيظ القرأن والجهة الثانيه مجلس رجاجيل..

لو الواحده تتصور نفسها تطلع متعدله على يمينها مجلس رجاجيل ويسارها مسجد..

شوف لوين الاحراج

بصراحة مكانه غلط بشكل وغريبه البلديه ساكته

[براتزية برازيلية]

هم ماخذين تصريح من البلدية
والشكوى في هالحالة لازم تكون على الصالون اذا في اي مخالفات
اكثر من جذيه ماتقدر تسوي شي وخلهم يترزقون والله بيفتحها عليك دنيا واخره
وتخيل نفسك انت صاحب الموضوع وترى الحصول على ترخيص وفيلا مو بالساهل وراها مصاريف تقطع الوسط

الله كريم

انا مع كلام الأخ

[الخير كله]

انتو على كل شي تعترضون ...................
ليت الصوالين تسكر ويفتحون مكانهم خبابيز علشان نسوانكم يااكلون وما في تعدل
خخخخخخخخخ
لا تزعل

[bu 3li]

والله انا اشوف نظام التجميع وايد زين
يعني بـ معنى انهم يجمعون الصالونات في اماكن قريبه من بعض
والمطاعم يكونون قراب من بعض .. يعني كل محل يشتغل في مجال معين
يكون قريب من محل ثاني يشتغل في نفس مجاله
منها نفتك من دوارة الشباب عند الصالونات والزحمه الفاضيه
ومنها نبعد عن ريحة المطاعم والعفيسه اللي تصير هناك والقراطيس المنثره
وبالمره عشان مايطلع لنا صالون نفس اللي فـ الخريطيات
" الناس طالعين من المسجد رايحين سياييرهم و وحده واقفه ورافعه يدينها عن الحنه لا توصخ عبايتها "

[ضوى]

جارتي تقول اذا الجار بيأجر بيته لعيادة والا صالون والا اي مرفق عام لازم ياخذون اذن الجيران وبعدها يعطونه الرخصة ، لانه كانوا يبون البيت اللي جنبهم عيادة ورفضوا لانهم راح ينزعجون من الداش والطالع

[ضوى]

وبعدين ياخوي شنو المزعج اكثر لما يكونون جنبك عزاب اسيوين والا صالون نسائي ؟؟ هذولا اشلون معانتهم مساكين ؟؟ عزوبية محاصرينهم ؟؟ انا اشوف الصالون اهون وبمرااااااحل

[nouar]

يعني اقول ضوى بصراحه تعالي الخريطياات وشوفي بعينك الصالون، بعدها تعالي احكمي

[خشوف]

عرفت بيتكم وين حتى زوجي قال نفس الكلام صالونين عدال المجلس الشباب

وعلى فكره في صالون واحد صاحبه واحد من الكعبي في ظني

[الشاااهين]

الله بلخير بلديتنا الموقرة

[La Bella]

عيل الصالونات الي بالمجمعات التجارية الندمارك وفلاجيو وش لوون حالها

[HIGHNESS]

مافي تخطيط او تنظيم ...سواءً للصالونات او بيوت العزاب او اي شي .. المفروض يكون اسمها ( مناااطق سكنية ) مب تجااارية ...!!!!!!!!!!!!!!!
وهالمحلات المفروض تكون في شوارع تجارية مب لازم جنب بيوت خلق الله والناااس تتضايق !!!
بصراااحه الي يأجر بيته حق صالون او سكن عزوب او اي شي تجاري.. او يسوي زريبه او عزبة او خرابة ... ومايراعي الناس الي قاعدين حول هالمكان .. انساااااان ماعنده ذوووق بصرااحة ... ومايعرف السنع !!! ذكرتني في المجمع الي جدام بيتنا كله عزووب عرب + اسيوين وكل يوم واحد فاتح الشباك ولابس فوطه او يدخن ويتفرج اشكالهم قررف بصراحه .. الشرهه عالي ماعنده نخوه الي مأجر لهم البيت عند عوايل وعيال ناس .. شكلي طلعت برى الموضوع ....
الله المستعااان :anger1:

[واقعي وصريح]

انا اقول احسن عشان الزحمة الحريم يروحون الصالونات ويردون بسرعة بيوتهم بدال صالونات السد والنصر
على الاقل قريب بيتها

وخلوا يزيدون الصالونات نبي البنات تكشخ ما يغلى عليهم بنات الدوحة يستاهلون

[غناتي1]

انا لفت نظري توقيعك -- وانج ليم الحين متذكر هالتاريخ المؤلم

فالله يرحم حسن الكعبي وكل مسلم يا رب

وانا مثلك وحاس باللي انت حاس فيه

الله يرحمج يا نوره رحمة واسعه ويدخلج الجنة بلا عذاب

هي ووالدينا --وموتاكم وموتى المسلمين اجمعين

[هدوء 2]

لا تعليق

[qatari1]

عرفت الصالونات التي تقصدها أخي الكريم، ولكن المشكلة أنها على شوارع تجارية يعني من الناحية القانونية والتنظيمية لا توجد مشكلة، وبالتالي لا نستطيع لوم البلدية المختصة، وهي بلدية أم صلال.

أما العزاب فستحل مشكلتهم عما قريب، وأقصد العمال، إذا سيصدر قانون جديد في الأشهر القليلة القادمة بنقلهم إلى المنطقة الصناعية حالما تنتهي بروة من مشروعها هناك.

[فلفل حار]

الله يسهل ... ^-^