خبزتوا رقاق رمضان..والا بتشترونه جاهز..؟؟

[هتـان قطر]

خبز الرقاق..يذكرنا على طول بشهر رمضان..مع ان الطحين متوفر والتاوة موجودة

الا ان خبز الرقاق ما نخبزه الا في رمضان لعمل الثريد ..ليه ما ادري..؟:rolleyes2:

مازالت بعض البيوت هم اللي يخبزون خبز الرقاق..في حين اتجه الاغلبية الى

شراء خبز الرقاق جاهز..وانا وحدة منهم :shy:..



طبعا اعتقد كل بيت في رمضان ما يخلى من هالطبق حتى لو ما ياكلونه..

:)

http://www.qatargallery.com/arabic/data/media/248/DSC_001sssopy.jpg

http://www.qatargallery.com/arabic/data/media/248/DSC_0033333copy.jpg

http://www.qatargallery.com/arabic/data/media/248/DSC_0027rrrrrrcopy.jpg

http://www.qatargallery.com/arabic/data/media/248/IMG_52sssssopy.jpg


وهذا هو الطبق الاساسي في رمضان..الثريد

http://www.oman0.net/uploads/3ffcc1da8b7ede1122a6d0d33eab0.gif


موضوع خفيف..حبيت اذكركم فيه باهم أكله شعبيه يعرفها الصغير والكبير

[الخير كله]

جربي الكورن فليكس..........

[الورده]

باشتريه جاهز

[حياة]

نسويه في البيت واحلى منه مافيه

[البائع]

العالم الحين طايحين بالرقاق الأسمر
شغل عدل:nice:

[غيمة مطر]

نشتريه جاهز ...

صورة الثريد مالها حل طاح في خاطري بالقووو

شكلي بسوي عشاي اليوم ثريد ههههههههه

[عابر سبيل]

ليش...في حد يشتري خبز لرقاق...
الله اكبر..احنا في قطر..

فيه بيت ما عندهم"تاوه"!

ابشرج..عندنا "رقاق" اسمر..
حق هل السكر..
وصتني على طحينه "تاج راسي"
يوم اخر مره زرت الحسا...


و الحمد لله... "الفلبنيات" تربية
ابركة البيت...بتخليهم كالعاده...
ايخبزون حق 7 ابيوت!!

لازم العيايز ايوزعون خبزهم..
منها من باب التهادي و صلة الرحم والجيران..
و منها..استعراض ما بين
ام افلان و ام فلتان..

شحلاة هالاستعراض..
موب استعراض "......":secret::secret:


المهم..بالمبارك على الكل ارمضان...

تسلمي يا راعية المواجيب....هتان!.

[السنافية]

يا حلاااة الثريد الاكله رقم 1 برمضان
دووم نسوي الرقاق بالبيت وللفريج بعد
الله يعود الشهر الكريم عليج السنة وكل سنة وانتي بصحة وعافية
وعلى جميع المسلمين 00امين يا رب

[][ الوحيد ][]

يازين خبز البيت والله ..
وبودي معاي في كرتون أمريكا :(

[هتـان قطر]

جربي الكورن فليكس..........

تمزحين والا جادة يالمبروكة..؟؟

كورن فلكس وصالونه...!!!!!!!!!!!!!

:secret:


باشتريه جاهز

للاسف انا للسنة الثالثة اشتريه جاهز من مخابز الواحة

الصراحة نفس خبز البيت



نسويه في البيت واحلى منه مافيه

اتفق معك ولكن لكل بيت ضروفه الخاصة..

[Bu Rashid]

الله يذكرك بالخير دوووووم ان شاء الله اختي هتان
الله يبلغك برمضان السنه ولك سنه ان شاء الله

الوالده الحين ما تقدر الحين تخبز ولكن في انتظار وصووول الطباخ بعد يوميين
وكل يوم الوالده ( الله يعطيها الصحة والعافية) تتحنده علي وتقول متى راح يرجع صار له ثلاث شهووور في بلاده
وأقول لها ان شاء الله يمه راح يوصل قريب راح الكثير ما بقى غير القليل

قولي ان شاء الله يوصل ولا الوالده بتخليني انا اخبز :rolleyes2:

[هتـان قطر]

العالم الحين طايحين بالرقاق الأسمر
شغل عدل:nice:

بس طعمه حلو والا علشانه ما فيه سعرات حرارية كثيرة..؟؟؟





نشتريه جاهز ...

صورة الثريد مالها حل طاح في خاطري بالقووو

شكلي بسوي عشاي اليوم ثريد ههههههههه

فيه العافيه..الحين فيه ناس يجربون الاكلات علشان يطبقونها في رمضان..

[فارس الكلمة]

كم سعر خبز الرقاق الجاهز للكرتون ..؟

[وطن]

خاطري اعرف السر
هو شلون ينشال من ع التاوه
ما يلزق

:)

احنا نسويه بس بطريقه مودرن
مو ع التاوه

على جهاز البان كيك

شكله جذي الجهاز

http://www.e-house.gd.cn/Upload/PicFiles/IMG_4353.JPG

ويطلعون صغار

:)

[هتـان قطر]

كم سعر خبز الرقاق الجاهز للكرتون ..؟



كرتون الواحة العام اعتقد 37 ريال ..اذا ما زادوا السعر بعد

الصراحة شغل بيت ولا كنه جاهز..انا من 3 سنوات وانا اشتريه

[وطن]

بس طعمه حلو والا علشانه ما فيه سعرات حرارية كثيرة..؟؟؟






فيه العافيه..الحين فيه ناس يجربون الاكلات علشان يطبقونها في رمضان..

هتان الخبز الاسمر فيه نفس السعرات
بس ميزته انه فيه الياف اكثر

فقط لا غير

:victory:

[هتـان قطر]

خاطري اعرف السر
هو شلون ينشال من ع التاوه
ما يلزق

:)

احنا نسويه بس بطريقه مودرن
مو ع التاوه

على جهاز البان كيك

شكله جذي الجهاز

http://www.e-house.gd.cn/Upload/PicFiles/IMG_4353.JPG

ويطلعون صغار

:)


وطن السر يوجد في قطعة خيشه او قماش مدهونة بشحم او زيت

ان ما وجد الشحم..علشان كذا ما يلزق

اما جهاز البان كيك للرقاق ما له حل..:nice:

[فارس الكلمة]

احنا نسويه مو ع التاوه

على جهاز البان كيك

الله يسامحج يا وطن ..

[ورقــة أمــل]

احلى اكلة عندي

واحنا نسويه في رمضان وغير رمضان

بس في رمضان دريولنا يخبز لنا

وفي غير رمضان نشتري من الجمعية

امي فديتها كانت تخبز الاول وكنت اشوفها بس اخاف التاوه تحرق يديني

[سهم قطر]

خبز الواحه من وين
سعودي

[وطن]

وطن السر يوجد في قطعة خيشه او قماش مدهونة بشحم او زيت

ان ما وجد الشحم..علشان كذا ما يلزق

اما جهاز البان كيك للرقاق ما له حل..:nice:

خيش وشحم
اوبيه حسستيني انها سيارة
مو تاوه وخبز


:shy:



الله يسامحج يا وطن ..

يا اخي ما يضبط ع التاوه
شنسوي

هاهاهاهاهاهاها

[كيفـي]

يا حلو أيام أوول
لما يتجمعون الاهل في الحووش
ويخبزون الرقاق .. وحنا ناكله وهو حار ويقرمش

بس لو خبزنا بهالجو.. بنخبزه بالغبار..:p
بس اللحين كل شي جاهز .. ارييح

[مساهم عادي]

اخبر كانوا يستخدمون القوطي الشفاف مال شريط الكاسيت في فرش العجينة على التاوة..

[سلمى76]

من وين خبز الواحة

[ضوى]

كل سنة الله يجزيها خير واحدة اعرفها تطرش لي كرتونين سايقهم يخبزهم

قبل لا تتوفى الوالدة رحمة الله عليها كانت تسوي لي كرتون كل سنة وبعد ماتوفت اختي الكبيرة تسوي لي وتطرش بس الحين كسلت ومالها نفس بعد ما راحوا الغاليين

الصراحة كنت اشوف امي تسوي العجين من الظهر بنص شعبان تنقع التمر بماي وتصفيه وتقطه بالطحين وماشااء الله ولا اروع وتطرش لبيوت الفريج الله يرحمها وكانوا يقولون رقاق ام حسن مافي منه ، ودي اعرف وكنت اشوفها جربت مرة وحرقت ايدي التاوة بس من عقبها حرمت ومثل ماقال الاخ اللي فوق يشيلون العجين بعلبة الكاسيت الحادة ويكون عندها خيشة او فوطة مبلله تنظف التاوة بعد كل حبة رقاق

الله يرحم امواتنا واموت المسلمين اجمعين ويجمعنا بهم في جنة النعم ان شاء الله

وبارك الله لكم في شعبان وبلغكم رمضان وانتم بخير وعافية وكل عام وانتم بالف خير

شكرا هتان

[وطن]

اخبر كانوا يستخدمون القوطي الشفاف مال شريط الكاسيت في فرش العجينة على التاوة..

صحيح

بس هذا مب صحي
البلاستيك يذوب شوي شوي بالحراره
اذا ايدنا تحترق
شلون هالبلاستيك

كله سموم حق جسمنا

احسن شي يستخدمون الاداة مالت البنيان
ما اعرف اسمها

http://www.drillspot.com/pimages/394/39407_300.jpg

[ضوى]

صحيح

بس هذا مب صحي
البلاستيك يذوب شوي شوي بالحراره
اذا ايدنا تحترق
شلون هالبلاستيك

كله سموم حق جسمنا

احسن شي يستخدمون الاداة مالت البنيان
ما اعرف اسمها

http://www.drillspot.com/pimages/394/39407_300.jpg


صاجة وطن بس تعالي اقنعي امي الله يرحمها ؟؟ هي كانت تسوي بالبلاستيك واختي الناعمة بالاداة اللي حطيتها بس تدرين البلاستيك الذ :secret:

[ضوى]

هاالاداة والبلاستيك ماتستخدم لفرش العجين تستخدم لشيل العجين من عالخبز والا فرش العجين بالايد

[Bu Rashid]

كل سنة الله يجزيها خير واحدة اعرفها تطرش لي كرتونين سايقهم يخبزهم

قبل لا تتوفى الوالدة رحمة الله عليها كانت تسوي لي كرتون كل سنة وبعد ماتوفت اختي الكبيرة تسوي لي وتطرش بس الحين كسلت ومالها نفس بعد ما راحوا الغاليين

الصراحة كنت اشوف امي تسوي العجين من الظهر بنص شعبان تنقع التمر بماي وتصفيه وتقطه بالطحين وماشااء الله ولا اروع وتطرش لبيوت الفريج الله يرحمها وكانوا يقولون رقاق ام حسن مافي منه ، ودي اعرف وكنت اشوفها جربت مرة وحرقت ايدي التاوة بس من عقبها حرمت ومثل ماقال الاخ اللي فوق يشيلون العجين بعلبة الكاسيت الحادة ويكون عندها خيشة او فوطة مبلله تنظف التاوة بعد كل حبة رقاق

الله يرحم امواتنا واموت المسلمين اجمعين ويجمعنا بهم في جنة النعم ان شاء الله

وبارك الله لكم في شعبان وبلغكم رمضان وانتم بخير وعافية وكل عام وانتم بالف خير

شكرا هتان



الله يرحمها ويغفر لها ...

[اعقل مرجوجه]

اخبر اختي تجيب لنا كرتون من وحده عيوز تخبز

في كل رمضان

زين ذكرتوني

[ريميه]

مساء الخير على الجميع

اليوم غدانا ثريد <<<< اكلتى المفضلة

الخبز نشترية من الميرة فى اكياس اسمها ( الواحة )

مشكووورة هتان على طرح الموضوع

تقبلى مرورى وتحيتى

[واحد 11]

انا الحمدلله توه واصلني بالشحن الجوي ماقصروا الاهل

الله يردنا سالمين غانمين انشاء الله للديرة

[هدوء 2]

بصراحه جاء ف خاطري بس ياسبحان اكله ف رمضان غير.. يعطيج العافيه اختي ورمضان كريم عليكم اجمعين

[sendarala]

الحمدلله نسويه بالبيت ويتوزع على الاهل والجيران
كله خير وبركة
وكل سنة وانتو طيبين والله يعوده علينا وعليكم بكل خير وطاعة

[وطن]

صاجة وطن بس تعالي اقنعي امي الله يرحمها ؟؟ هي كانت تسوي بالبلاستيك واختي الناعمة بالاداة اللي حطيتها بس تدرين البلاستيك الذ :secret:

مادريت احرق ايدي وانا افرد العجين ع التاوه

لا يبه

لا ياكلون خبز رقاق من البيت
خل يجيبونه من بره
هاهاهاهاهاها

[doha70999]

صناعة بيت =)

[بنت الرجال]

الله علييج يا هتــااان ذكرتينـااا بأيـاام أول ..

كانـت الوالـده الله يطول بعمرهـا هي اللي تخبـز .. وكنـا ننتظرهـا لييييين آخر خبـزه ..
هذي عااد تكوون من نصيبنـاا تفقش عليهااا بيضـه ليين تتحمش و تطلع و لا ارووووووووووع ..

و علبة الكااسيت كاانـت تشييل بها العجيين الزاايد بس و بين كل خبزه و الثانييه تدهن التااوه بشحمــه ..
الله على ذيك الأيـااام و الله ما تتعــووووض ..

و خبـز الواحـه يا أخـواان صناعـه قطريـه مش سعوديـه ..
و سعـر الكرتـون اظـن 60 ريـااال .. و هو من النـووع الجيـد عن تجربـه ..

يعطييج العاافيه أختــي هتــااان ..

[لجين]

خاطري اعرف السر
هو شلون ينشال من ع التاوه
ما يلزق

:)

احنا نسويه بس بطريقه مودرن
مو ع التاوه

على جهاز البان كيك

شكله جذي الجهاز

http://www.e-house.gd.cn/upload/picfiles/img_4353.jpg

ويطلعون صغار

:)

وطن من وين شريتوا الجهاز ؟

[فلفل حار]

نسويه في البيت واحلى منه مافيه

....:victory:

[bshayer]

ياليش دائما احن على الاهل نروح نتمشى بسوق واقف مع ان الجو حر الإ علشان خبر رقاق >>احلى شي مع الكرك ..

ولا طعمه بالعسل اليمني شي عجيب ..اما بخصوص الثريد مانسويه الإ برمضان ...>>الله يبلغنا ايااه ..

وعطيك العافيه اختي :)

[هتـان قطر]

ليش...في حد يشتري خبز لرقاق...
الله اكبر..احنا في قطر..

فيه بيت ما عندهم"تاوه"!

ابشرج..عندنا "رقاق" اسمر..
حق هل السكر..
وصتني على طحينه "تاج راسي"
يوم اخر مره زرت الحسا...


و الحمد لله... "الفلبنيات" تربية
ابركة البيت...بتخليهم كالعاده...
ايخبزون حق 7 ابيوت!!

لازم العيايز ايوزعون خبزهم..
منها من باب التهادي و صلة الرحم والجيران..
و منها..استعراض ما بين
ام افلان و ام فلتان..

شحلاة هالاستعراض..
موب استعراض "......":secret::secret:


المهم..بالمبارك على الكل ارمضان...

تسلمي يا راعية المواجيب....هتان!.


لاتستغرب اخوي عابر سبيل..اشياء كثيرة بدينا نتخلى عنها

وخبز الرقاق اللي كان كل بيت يخبزه..تغيرت ظروف الناس

وقاموا يشترونه او يأجرون شخص يخبزه نيابة عنهم..


الصراحة انا من كم سنة صرت اشتري خبز الرقاق:shy:

مع اني كنت قبل اخبز و امي الله يحفظها لازم تعطينا

كرتون وما زالت..

لكن الحين بديت اتكيسل ..وصرنا نستسهل الجاهز خصوصا

انه له نفس الطعم ..

الله يعطي امهاتنا طولة العمر ..ما زالوا مصرين على ان خبز الرقاق

لازم يخبز في البيت والا ما ياكلونه...اما حنا الله يخلف علينا

على طول تخلينا عن هالعادة الحلوة..:(

تسلم اخوي عابر سبيل..

[وطن]

وطن من وين شريتوا الجهاز ؟

اخبره في الفاميلي فود سنتر
اللي في المطار

هذا العام
عاد المفروض انه انتشر الحين في كل مكان

:victory:

[هتـان قطر]

يا حلاااة الثريد الاكله رقم 1 برمضان
دووم نسوي الرقاق بالبيت وللفريج بعد
الله يعود الشهر الكريم عليج السنة وكل سنة وانتي بصحة وعافية
وعلى جميع المسلمين 00امين يا رب


اللهم امين..وعسى هالعادة ما تنقطع يارب

الله يعوده علينا وعليكم وكلنا بصحة وعافية..


[ الوحيد ][;4541671']يازين خبز البيت والله ..
وبودي معاي في كرتون أمريكا :(

الله يعوده عليك وعلينا ..وان شالله تخلص مهمتك

وتجتمع باهلك كل رمضان..

[هتـان قطر]

الله يذكرك بالخير دوووووم ان شاء الله اختي هتان
الله يبلغك برمضان السنه ولك سنه ان شاء الله

الوالده الحين ما تقدر الحين تخبز ولكن في انتظار وصووول الطباخ بعد يوميين
وكل يوم الوالده ( الله يعطيها الصحة والعافية) تتحنده علي وتقول متى راح يرجع صار له ثلاث شهووور في بلاده
وأقول لها ان شاء الله يمه راح يوصل قريب راح الكثير ما بقى غير القليل

قولي ان شاء الله يوصل ولا الوالده بتخليني انا اخبز :rolleyes2:


الله يرده لكم علشان ترتاح الوالده..والا روح اشتر خبز الواحة

وذوقها اياه..صدقني بتقتنع انه كنه خبز بيت..

كأني صرت اسوي دعاية..:secret:



احلى اكلة عندي

واحنا نسويه في رمضان وغير رمضان

بس في رمضان دريولنا يخبز لنا

وفي غير رمضان نشتري من الجمعية

امي فديتها كانت تخبز الاول وكنت اشوفها بس اخاف التاوه تحرق يديني

ماشالله عليكم..

اغلب الامهات علموا الخدم وارتاحوا..اهم شي انهم

يشرفون بانفسهم على الخبز ويتأكدون من نظافته

بالهنى والعافيه :)

[البحار00]

الواحة ولا شيء قدام مخابز دلمون الي في البحرين

تعودنا كل سنه قبل رمضان نشتري خبز الرقاق الجاهز من البحرين

4 كراتين يكفونا الشهر كله والكرتون الواحد ب50 ريال

والله الذ من خبز البيت

[Emarati]

فالبيت ان شااءالله ,, الوالدة ماتقصر ربي يحفظها

مشكورة :)

[هتـان قطر]

خبز الواحه من وين
سعودي

لا اخوي..قطري



خيش وشحم
اوبيه حسستيني انها سيارة
مو تاوه وخبز


:shy:




يا اخي ما يضبط ع التاوه
شنسوي

هاهاهاهاهاهاها

بيضبط اذا اتبعتي تعليماتي..عليك بالخيشة والشحم..:nice:


يا حلو أيام أوول
لما يتجمعون الاهل في الحووش
ويخبزون الرقاق .. وحنا ناكله وهو حار ويقرمش

بس لو خبزنا بهالجو.. بنخبزه بالغبار..:p
بس اللحين كل شي جاهز .. ارييح

هو اريح ..لكن قبل كان له طعم الذ ..لانه يستوي قدام عيوننا
:(


اخبر كانوا يستخدمون القوطي الشفاف مال شريط الكاسيت في فرش العجينة على التاوة..

والله انك صادق..:nice:


من وين خبز الواحة



في الجمعيات..

[هتـان قطر]

كل سنة الله يجزيها خير واحدة اعرفها تطرش لي كرتونين سايقهم يخبزهم

قبل لا تتوفى الوالدة رحمة الله عليها كانت تسوي لي كرتون كل سنة وبعد ماتوفت اختي الكبيرة تسوي لي وتطرش بس الحين كسلت ومالها نفس بعد ما راحوا الغاليين

الصراحة كنت اشوف امي تسوي العجين من الظهر بنص شعبان تنقع التمر بماي وتصفيه وتقطه بالطحين وماشااء الله ولا اروع وتطرش لبيوت الفريج الله يرحمها وكانوا يقولون رقاق ام حسن مافي منه ، ودي اعرف وكنت اشوفها جربت مرة وحرقت ايدي التاوة بس من عقبها حرمت ومثل ماقال الاخ اللي فوق يشيلون العجين بعلبة الكاسيت الحادة ويكون عندها خيشة او فوطة مبلله تنظف التاوة بعد كل حبة رقاق

الله يرحم امواتنا واموت المسلمين اجمعين ويجمعنا بهم في جنة النعم ان شاء الله

وبارك الله لكم في شعبان وبلغكم رمضان وانتم بخير وعافية وكل عام وانتم بالف خير

شكرا هتان

اللهم امين..الله يرحم الوالده وجميع اموات المسلمين

والله هم الخير والبركة..بس احنا اللي مقصرين وما نستحمل التعب..


صحيح

بس هذا مب صحي
البلاستيك يذوب شوي شوي بالحراره
اذا ايدنا تحترق
شلون هالبلاستيك

كله سموم حق جسمنا

احسن شي يستخدمون الاداة مالت البنيان
ما اعرف اسمها

http://www.drillspot.com/pimages/394/39407_300.jpg


ما شالله عليك يا وطن..:nice:

بس الشريط يستخدونه بدل اليد في فرد العجينة على التاوة..

اما اداة البناي يستخدمونها اذا نظج الخبز يشيلون بها العجين اللي على

وجه الخبز..


صاجة وطن بس تعالي اقنعي امي الله يرحمها ؟؟ هي كانت تسوي بالبلاستيك واختي الناعمة بالاداة اللي حطيتها بس تدرين البلاستيك الذ :secret:


هاالاداة والبلاستيك ماتستخدم لفرش العجين تستخدم لشيل العجين من عالخبز والا فرش العجين بالايد

وانتي صح يا ضوى..:)




الله يرحمها ويغفر لها ...



اللهم آمين

[قناص مستثمر]

في البيت ان شاء الله وانه بحاول اخبزة:tease::victory:

[غناتي1]

وانا السنة باشتري خبز رقاق الواحة

الصراحة جربته نظيف -- وطعمه نفس خباز البيت

[الخير كله]

انا جاده هتان جربي واحكمي ...
بس مو اللي بالشكر لااااااااااا العادي كلوقز بو ديج

[هتـان قطر]

انا جاده هتان جربي واحكمي ...
بس مو اللي بالشكر لااااااااااا العادي كلوقز بو ديج



:omg:

باااند...ليش..؟؟

:(

[مبتدئة]

ما تعرفون حد يخبز ويبيع@@

[هتـان قطر]

ما تعرفون حد يخبز ويبيع@@



اكيد فيه..ولكن مثل ما قلنا قبل اذا ما لقيتي عليك برقاق الواحة

او رقاق دلمون مثل ما اشار احد الاخوان..:)

[عابر سبيل]

اشوية تعمق في الموضوع...بعد اذنج اختنا الكبيره/هتان:

هل تعلمون ان اسم "هاشم" و بالذات نسب بني هاشم
مرتبط بأكلة الثريد...
و ان اول من صنع هالثريد هو عمرو بن عبدمناف
او جد الرسول - صلى الله عليه و سلم..هاشم بن عبدمناف...

اليكم هذا:
"
هاشم بن عبد مناف ينسب إليه الهاشميون. أول من سن الرحلتين لقريش: رحلتي الشتاء والصيف—إلى متجرتي اليمن والشام—وأول من أطعم الثريد ببكة. يقول ابن إسحاق أن اسمه كان عمرو وأن تسميته هاشم كانت لهشمه الخبز لعمل الثريد بمكة لقومه. وفي ذلك قال مطرود بن كعب الخزاعي:

عمرو الذي هشم الثريد لقومه قوم بمكة مسنتين عجاف

سنت إليه الرحلتان كلاهما سفر الشتاء ورحلة الأصياف
http://ar.wikipedia.org/wiki/%D9%87%D8%A7%D8%B4%D9%85_%D8%A8%D9%86_%D8%B9%D8%A8 %D8%AF_%D9%85%D9%86%D8%A7%D9%81"

و زيدوا على ذلك بالذات اخواتي النساء...

شوفوا هالفضل لامنا..و لاكلة الثريد:

"
عن أنس أن رسول الله صلى الله عليه وسلم قال فضل عائشة على النساء كفضل الثريد على سائر الطعام
"


بس اضافة فيها تذكير لمن يعلم
و ربما تنوير لمن قد لا يكون قبل هذا قد علم..


قلنا من قبل.. ان الناس دايم تقتدي و تهتدي بنور "نجمة سهيل"!
فالشكر لبنت الجنوب...نجمة سهيل...المطر الهتان!

[مساهم فنان]

حلاة خبز الرقاق ، خبز البيت ، موب الجاهز ، وإلا نشتريه من برى (شغل بيوت الغير ) الله أعلم بنظافتهم ...
مادري ليش البنات صاروا مايحبون الأكلات الشعبية (قال تقدموا !!!)
اشمعنى الكل محافظ على تقاليده وأكلاته وإحنا انتخلى عنها .
المفروض كل البنات يعرفون يخبزون .
الفطاير والتبولة وأم علي أكلات الغير موب أكلاتنا ، ما شوف الغير يسوي بلاليط وإلا ساقو وإلا ثريد (يقلد علينا ).
يابنات ردوا لأكلاتكم ومطبخكم .
واللي ماله أول ماله تالي .

[بوالفاروق]

تذكرت ذيج الايام ..

احين الوالدة ماتقدر تخبز مثل الاول الله يعطيها الصحة والعافية
.. اكلة عجيبة والله

بس مادري ليش عندنا في البيت ما يسوونه الا في رمضان :anger1:

والله يبلغنا رمضان

تحياتي

[فلفل حار]

كل سنة الله يجزيها خير واحدة اعرفها تطرش لي كرتونين سايقهم يخبزهم

قبل لا تتوفى الوالدة رحمة الله عليها كانت تسوي لي كرتون كل سنة وبعد ماتوفت اختي الكبيرة تسوي لي وتطرش بس الحين كسلت ومالها نفس بعد ما راحوا الغاليين

الصراحة كنت اشوف امي تسوي العجين من الظهر بنص شعبان تنقع التمر بماي وتصفيه وتقطه بالطحين وماشااء الله ولا اروع وتطرش لبيوت الفريج الله يرحمها وكانوا يقولون رقاق ام حسن مافي منه ، ودي اعرف وكنت اشوفها جربت مرة وحرقت ايدي التاوة بس من عقبها حرمت ومثل ماقال الاخ اللي فوق يشيلون العجين بعلبة الكاسيت الحادة ويكون عندها خيشة او فوطة مبلله تنظف التاوة بعد كل حبة رقاق

الله يرحم امواتنا واموت المسلمين اجمعين ويجمعنا بهم في جنة النعم ان شاء الله

وبارك الله لكم في شعبان وبلغكم رمضان وانتم بخير وعافية وكل عام وانتم بالف خير

شكرا هتان

الله يرحم والدينج ويرحم موتى المسلمين ...








:omg:

باااند...ليش..؟؟

:(

http://www.w6w.net/album/30/thumbs/w6w2005041123175068ef93f7f.gif

[عـ العبيدلي]

الوالده ما تقصر ..

تسوي حق الفريج كله ما شاء الله عليها .. الله يطول فعمرها ..

[بوعلي-Qtr]

احنا نسوي في البيت ..
ساعات الوالدة وساعات الشغالة ..
يازينه زيناه


شكثر نقولها بنجيب جاهز .. اول ماتسمع هاي الجملة تعصب .. :anger1:



http://www.youtube.co*/watch?v=7ZEbGYMFank&feature=related

== مكان ال * حطو m

[Bu Rashid]

:omg:

باااند...ليش..؟؟

:(



:eek5::omg::eek5::omg::eek5:
ما طولت من قلب ... ما تستاهل المسكينه
شباب وشابات ... نبي واسطكم عند المشرفيين
ومتاكد ما راح يقصروووون معاها ... لانهم ما قصروا معاي كثير:secret:

[هتـان قطر]

:eek5::omg::eek5::omg::eek5:
ما طولت من قلب ... ما تستاهل المسكينه
شباب وشابات ... نبي واسطكم عند المشرفيين
ومتاكد ما راح يقصروووون معاها ... لانهم ما قصروا معاي كثير:secret:




احنا ما نعرف شاللي صاير

بس والله احزن لما اشوف الباند على اي احد من الاعضاء

:(

[ROSE]

فديتها امي بدت تخبز لنا كلنا لكل بيت وللي تعرفهم طبعا

ونسوان اخواني يجتمعون عندها يساعدونها وعشان ان احنا بيوتنا بعيده عنها

ان شاء الله في كل نهاية اسبوع نجتمع عندها وكل وحده تمسك لها شي تسويه

اجواء رمضانيه حلوه خاصة في اللمه في بيت الوالده الله يعوده علينا وعليكم باليمن والبركات

اللهم بلغنا الشهر الفضيل واعنا على صيامه وقيامه وطاعتك

اللهم امين

[هتـان قطر]

حلاة خبز الرقاق ، خبز البيت ، موب الجاهز ، وإلا نشتريه من برى (شغل بيوت الغير ) الله أعلم بنظافتهم ...
مادري ليش البنات صاروا مايحبون الأكلات الشعبية (قال تقدموا !!!)
اشمعنى الكل محافظ على تقاليده وأكلاته وإحنا انتخلى عنها .
المفروض كل البنات يعرفون يخبزون .
الفطاير والتبولة وأم علي أكلات الغير موب أكلاتنا ، ما شوف الغير يسوي بلاليط وإلا ساقو وإلا ثريد (يقلد علينا ).
يابنات ردوا لأكلاتكم ومطبخكم .
واللي ماله أول ماله تالي .


والله كلامك صح..دايما نقلد الغير ونترك الشي اللي عندنا

ما لازم احنا نخبز..على الاقل نعلم الخدم اللي عندنا يخبزون بدالنا..:(



تذكرت ذيج الايام ..

احين الوالدة ماتقدر تخبز مثل الاول الله يعطيها الصحة والعافية
.. اكلة عجيبة والله

بس مادري ليش عندنا في البيت ما يسوونه الا في رمضان :anger1:

والله يبلغنا رمضان

تحياتي

الله يعطي الوالده الصحة وطولة العمر..

هذا اللي استغرب منه..هي الاكله الوحيدة اللي ما نسويها

الا في رمضان..مع ان الهريس مشابه لها الا ان احنا نسوي الهريس

دايما..اما الثريد ..لا


الله يرحم والدينج ويرحم موتى المسلمين ...

اللهم آمين







http://www.w6w.net/album/30/thumbs/w6w2005041123175068ef93f7f.gif

:(


الوالده ما تقصر ..

تسوي حق الفريج كله ما شاء الله عليها .. الله يطول فعمرها ..

الله يطول في عمرها..امهاتنا هم الخير والبركة


احنا نسوي في البيت ..
ساعات الوالدة وساعات الشغالة ..
يازينه زيناه


شكثر نقولها بنجيب جاهز .. اول ماتسمع هاي الجملة تعصب .. :anger1:



http://www.youtube.co*/watch?v=7zebgymfank&feature=related

== مكان ال * حطو m


مستحيل امهات قبل يرضون يشترون رقاق جاهز

يحسون انهم مقصرين..كيف يشترون جاهز وكل شي

متوفر..الله يعطيهم الصحة والعافية

[هتـان قطر]

فديتها امي بدت تخبز لنا كلنا لكل بيت وللي تعرفهم طبعا

ونسوان اخواني يجتمعون عندها يساعدونها وعشان ان احنا بيوتنا بعيده عنها

ان شاء الله في كل نهاية اسبوع نجتمع عندها وكل وحده تمسك لها شي تسويه

اجواء رمضانيه حلوه خاصة في اللمه في بيت الوالده الله يعوده علينا وعليكم باليمن والبركات

اللهم بلغنا الشهر الفضيل واعنا على صيامه وقيامه وطاعتك

اللهم امين


روز الله يخلي لكم الوالدة..وجود الامهات خير وبركة

الله يكون في عون من فقد أمه..اكيد بيتذكرون امهاتهم

واحنا نتكلم..اسأل الله ان يصبر قلوبهم ويرحم امهاتهم

والله يجمعكم اختي روز على الخير كل رمضان

ويخلي لكم الوالدة..

اتصدقين اللي ما يخبز الرقاق في بيته ما يحس بجو رمضان

انا لما كنت اخبز..صحيح كان متعب شوي الا ان الوقت

كان روعه..خصوصا لما يجتمعون عندي جاراتي وكل وحدة

تاخذ لها دور في الخبز..بس الحين كل شي تغير وما تمسكنا

بهالعادة الحلوة..:(

[سهم صعب]

احنا نيبه من برع والله مافي وقت
يلا باقي الاكل
على ماأجهزه يكون اذن المغرب
ورمضان كريم على الكل

[جـــــراح]

الله على ذيك الايام

كنا نجتمع مع الوالده الله يخليها واخر خبزه تكون بالبيض والجبن وبعضه بالعسل ولا السكر
كنا ننتظر وحنه على الوالده عشان تخلص

الله يعطي امهاتنا العافيه والصحه يارب

الحين ناخذه من محل اسمه هضيم يكون مغلف في اكياس
والخيشة يسويها 650 ريال شغله نظيف والرقاق خفيف

[بوسعود180]

ثريد+رز حساوي رقم(1) عندي

وموجودين في رمضان وغير رمضان

:nice:

اللهم بلغنا رمضان

[ذيبه مزاجيه]

راحت اللي كانت تسوي الخبز الرقاق اللي طعمه لا يعلى عليه :(
من يومها و انا ما احب الثريد ,,
الله يرحمها امي و يغمد روحها الجنه
الحين طبعا لو يبون اهلي يشترون ,, مع ان محد له خاطر ياكل مثل قبل من يوم ما راحت الغاليه ..
الله كريم ان شاء الله ,,
ومبارك عليكم الشهر مقدما ,,

[سهم طويل الأجل]

الله يخلي لنا الوالدة ويطول بعمرها ويحفظها

بدت تخبز حق رمضان من اسبوعين تقريبا ونصيب بيتي محفوووووظ :victory:

وعلى فكرة مب بس حق الثريد :omen2:

رقاق البيت مع ام علي سوالف ثااااااانية :rolleyes2::rolleyes2:

[!الشايمه!]

:eek5::omg::eek5::omg::eek5:
ما طولت من قلب ... ما تستاهل المسكينه
شباب وشابات ... نبي واسطكم عند المشرفيين
ومتاكد ما راح يقصروووون معاها ... لانهم ما قصروا معاي كثير:secret:


تقتلون القتيل وتمشون في جنازته...ماعسى يحصل لكم فرصة
الا سويتوا فيها اللي يحب النبي يضرب........!

والحين تبون واسطات....؟ :shy:

الكلام مب لحد معين...مجرد قراءة للتفكير العام في المنتدى :)


تحية

[A bin M]

على ما اظن البيت اخبزو ..



وإن شاء الله اذا صورت بنزل لكم الصــور

[الجزوع]

تقتلون القتيل وتمشون في جنازته...ماعسى يحصل لكم فرصة
الا سويتوا فيها اللي يحب النبي يضرب........!

والحين تبون واسطات....؟ :shy:

الكلام مب لحد معين...مجرد قراءة للتفكير العام في المنتدى :)


تحية


:eek5:

[هتـان قطر]

اشوية تعمق في الموضوع...بعد اذنج اختنا الكبيره/هتان:

هل تعلمون ان اسم "هاشم" و بالذات نسب بني هاشم
مرتبط بأكلة الثريد...
و ان اول من صنع هالثريد هو عمرو بن عبدمناف
او جد الرسول - صلى الله عليه و سلم..هاشم بن عبدمناف...

اليكم هذا:
"
هاشم بن عبد مناف ينسب إليه الهاشميون. أول من سن الرحلتين لقريش: رحلتي الشتاء والصيف—إلى متجرتي اليمن والشام—وأول من أطعم الثريد ببكة. يقول ابن إسحاق أن اسمه كان عمرو وأن تسميته هاشم كانت لهشمه الخبز لعمل الثريد بمكة لقومه. وفي ذلك قال مطرود بن كعب الخزاعي:

عمرو الذي هشم الثريد لقومه قوم بمكة مسنتين عجاف

سنت إليه الرحلتان كلاهما سفر الشتاء ورحلة الأصياف
http://ar.wikipedia.org/wiki/%d9%87%d8%a7%d8%b4%d9%85_%d8%a8%d9%86_%d8%b9%d8%a8 %d8%af_%d9%85%d9%86%d8%a7%d9%81"

و زيدوا على ذلك بالذات اخواتي النساء...

شوفوا هالفضل لامنا..و لاكلة الثريد:

"
عن أنس أن رسول الله صلى الله عليه وسلم قال فضل عائشة على النساء كفضل الثريد على سائر الطعام
"


بس اضافة فيها تذكير لمن يعلم
و ربما تنوير لمن قد لا يكون قبل هذا قد علم..


قلنا من قبل.. ان الناس دايم تقتدي و تهتدي بنور "نجمة سهيل"!
فالشكر لبنت الجنوب...نجمة سهيل...المطر الهتان!


كل الشكر لك اخوي عابر سبيل على هالمعلومات الرائعة..اول مرة ادري ان اصل الثريد

كان قديم جدا..!!!

وايضا شاكرة لك هاللقب الرائع " نجمة سهيل "..:)

بس اتهقى كانوا قديما يرشون الرقاق بالصالونه نفس اللي حنا نسويه

والا عندهم طريقة ثانية..؟؟؟

[هتـان قطر]

تقتلون القتيل وتمشون في جنازته...ماعسى يحصل لكم فرصة
الا سويتوا فيها اللي يحب النبي يضرب........!

والحين تبون واسطات....؟ :shy:

الكلام مب لحد معين...مجرد قراءة للتفكير العام في المنتدى :)


تحية


:eek5:


:eek5::eek5::eek5:

[هتـان قطر]

اخبره في الفاميلي فود سنتر
اللي في المطار

هذا العام
عاد المفروض انه انتشر الحين في كل مكان

:victory:

تعجيبيني يا وطن..متابعة لكل صغيرة وكبيرة..عساك على القوة..:nice:


الواحة ولا شيء قدام مخابز دلمون الي في البحرين

تعودنا كل سنه قبل رمضان نشتري خبز الرقاق الجاهز من البحرين

4 كراتين يكفونا الشهر كله والكرتون الواحد ب50 ريال

والله الذ من خبز البيت

اخوي كيف نقدر نحصل عليه..والا لازم نروح البحرين :secret:



فالبيت ان شااءالله ,, الوالدة ماتقصر ربي يحفظها

مشكورة :)


الله يخليها لكم ..ويطول في عمرها..



في البيت ان شاء الله وانه بحاول اخبزة:tease::victory:

:eek5:..:secret:


وانا السنة باشتري خبز رقاق الواحة

الصراحة جربته نظيف -- وطعمه نفس خباز البيت

انا جربته ..نفس رقاق البيت ومغلف ونظيف..:victory:

[فابريغاس]

لبى كبد أمي في ذمتي
ماعاد فيها حيل تخبز
ولاقبل محد كفو يشتري خبز رقاق تلعن خيره

الله يحفظها لنا ويطول بعمرها
ويحفظ امهات المسلمين يارب

[البحار00]

ياهتان والله اليوم واحد قالي ان الخبز ينباع في محل في الدوحه

بس اتأكد من المحل وبرد عليج

[هداف]

الله يذكر ايام الخبز ارقاق با لخير اللحين الكورن فليكس ماكل الجو وله مذاق شي لا يوصف

طبعا الكورن فليكس العادي رقائق الذره المحمصه اللي من غير نكهه جربوها بدال الرقاق
النتيجه مذهله تنسيك شي اسمه خبز ارقاق


من سنتين وحنا على هالخلطه الجديده واثبتت جودتها لاني كنت احط في المجلس ثريد با لرقاق وثريد
بالكورن فليكس !!

الربع ما يبون الا كورن فليكس :)

[هتـان قطر]

الله يذكر ايام الخبز ارقاق با لخير اللحين الكورن فليكس ماكل الجو وله مذاق شي لا يوصف

طبعا الكورن فليكس العادي رقائق الذره المحمصه اللي من غير نكهه جربوها بدال الرقاق
النتيجه مذهله تنسيك شي اسمه خبز ارقاق


من سنتين وحنا على هالخلطه الجديده واثبتت جودتها لاني كنت احط في المجلس ثريد با لرقاق وثريد
بالكورن فليكس !!

الربع ما يبون الا كورن فليكس :)

:eek5::eek5:

انا على بالي اختنا المبروكة تمزح معي..!!!!

بس الصراحة استغربت ..كورن فلكس وصالونه..ما تركب كلش

وبعدين كم كرتو بنشتري..؟؟؟

الاكيد ان شالله اني بجربها قبل رمضان واذا كانت فعلا حلوه

راح اطبقها..:)

[هتـان قطر]

ياهتان والله اليوم واحد قالي ان الخبز ينباع في محل في الدوحه

بس اتأكد من المحل وبرد عليج



ايوالله تكفى..انا لين الحين ما شريت خبز الرقاق..

:telephone:

[هداف]

:eek5::eek5:

انا على بالي اختنا المبروكة تمزح معي..!!!!

بس الصراحة استغربت ..كورن فلكس وصالونه..ما تركب كلش

وبعدين كم كرتو بنشتري..؟؟؟

الاكيد ان شالله اني بجربها قبل رمضان واذا كانت فعلا حلوه

راح اطبقها..:)


يعني خبز يابس وصالونه تركب هههههههه حنا العرب هذا اكلنا مريس في مريس
من ثريد وهريس وعصيد وجريش الخ


اختي هتان اذا ما عجبج الثريد لدرجة انه بنسيج الخبز الرقاق :) وبعد الناس اذواق
بس الطبق لذيذ ومن مميزاته انه ما يسوي حارق ويذوب في الفم وخفيف على المعده وصحي

عكس خبز الرقاق معا الصالونه انا يسوي لي حارق وثقيل لانه عباره عن خبز وكثرته مغثه

[غبيش]

السلاام عليكم
في البيت عندنا نسويه طبعا اجيب اشخاص في البيت
وتوني مكلم واحد عشان نحجزة يسوينا الخبز
بس يشرط عليك يكون عندك الغاز القديم عشان يسويه لك
وبس
تحياتي

[هتـان قطر]

يعني خبز يابس وصالونه تركب هههههههه حنا العرب هذا اكلنا مريس في مريس
من ثريد وهريس وعصيد وجريش الخ


اختي هتان اذا ما عجبج الثريد لدرجة انه بنسيج الخبز الرقاق :) وبعد الناس اذواق
بس الطبق لذيذ ومن مميزاته انه ما يسوي حارق ويذوب في الفم وخفيف على المعده وصحي

عكس خبز الرقاق معا الصالونه انا يسوي لي حارق وثقيل لانه عباره عن خبز وكثرته مغثه



هههههه الله يسامحك اخوي هداف ..اكلنا مريس في مريس..؟؟؟

بس بصراحة مريس لذيذ..:nice:

بنجرب وبنشوف ان شالله

يعطيك العافيه على هالطريقة المبتكرة..

بس ما قلت لي كم كرتون يبيلنا..خصوصا ان المجلس فيه

كمية كبيرة من الاشخاص..:)

[هتـان قطر]

السلاام عليكم
في البيت عندنا نسويه طبعا اجيب اشخاص في البيت
وتوني مكلم واحد عشان نحجزة يسوينا الخبز
بس يشرط عليك يكون عندك الغاز القديم عشان يسويه لك
وبس
تحياتي


بس سمعت انهم صاروا يضربون ضربتهم ويغلون السعر

ما ادري اخوي غبيش حسيت بالفرق بين الحين وقبل..؟؟

[هداف]

هههههه الله يسامحك اخوي هداف ..اكلنا مريس في مريس..؟؟؟

بس بصراحة مريس لذيذ..:nice:

بنجرب وبنشوف ان شالله

يعطيك العافيه على هالطريقة المبتكرة..

بس ما قلت لي كم كرتون يبيلنا..خصوصا ان المجلس فيه

كمية كبيرة من الاشخاص..:)

با لنسبه للكميات والمقادير ذي الامور عند ام العيال الله يقويها مهيب عندي انا اعرف اكل بس:nice:

انا اشتري العلب الكبار وتكفي لاكثر من صحن بس لاحد ينسى خذي الكورن الفليكس اللي من غير نكهه الاصفر العادي ومبدئيا انتي جربي الخلطه وانشاءالله تعجبكم

والله يبلغنا الشهر الفضيل معا من نحب ويقوينا على صيامه وقيامه وانشاءالله انكون من الفايزين بأجره وثوابه

[هتـان قطر]

با لنسبه للكميات والمقادير ذي الامور عند ام العيال الله يقويها مهيب عندي انا اعرف اكل بس:nice:

انا اشتري العلب الكبار وتكفي لاكثر من صحن بس لاحد ينسى خذي الكورن الفليكس اللي من غير نكهه الاصفر العادي ومبدئيا انتي جربي الخلطه وانشاءالله تعجبكم

والله يبلغنا الشهر الفضيل معا من نحب ويقوينا على صيامه وقيامه وانشاءالله انكون من الفايزين بأجره وثوابه



اللهم آمين..يعطيك العافية اخوي هداف على التوضيح

[مساهم عادي]

اخبر كانوا يستخدمون القوطي الشفاف مال شريط الكاسيت في فرش العجينة على التاوة..


هاالاداة والبلاستيك ماتستخدم لفرش العجين تستخدم لشيل العجين من عالخبز والا فرش العجين بالايد


اللي هو...

بس يوم كنت صغير.... كان منظر استخدام علبة شريط الكاسيت يثير استغرابي الشديد...

بس مثل ماقالوا...اتوقع انها مضرة بما انها مصنوعة من البلاستيك ....

لكن ياما كلنا ..والحمدلله ماصار فينا شي :)

[بوعلي2]

يازين خبز الرقاق


الله يعطيج العافيه على الموضوع الطيب والمفيد


بانتظار مواضيعج الحلوه

[غبيش]

بس سمعت انهم صاروا يضربون ضربتهم ويغلون السعر

ما ادري اخوي غبيش حسيت بالفرق بين الحين وقبل..؟؟

والله للحين سعره معقول يمكن عشان انتعامل معه من زمان
بس احس ان السعر معقول بالنسبه للي اسمعه من الناس اسعار مرتفعه

[أمير المحبه]

في البيت طبعا

على قولة الوالده الله يطول في عمرها

الارقاق في البيت ولا ارمضان ماله طعم

[fff]

وين الجاهز النظيف