قصة حزينة لقطري تزوج مرتين .. ممنوع الدخول لأصحاب القلوب الضعيفة

[باحث علم]

قطري مسكين تزوج وحده قطرية أسمها كوكو وكان يحلم مثل باقي الناس في الدول الأخرى

أنه يعيش بإستقرار وسلام وبعيد عن المشاكل والخساير اللي يعاني منها المتزوجين

المهم زوجته كوكو من النوع اللي تحب الطلبات والخساير وكل يوم مخسرته وهو يدفع

المسكين من كثر مايدفع صار عنده أستور فواتير بدا يفلس ويشتكي عليها عند الحكومة

والحكومة مابتردش عليه !!

إلى درجة أنه قام يكتب عن معاناته في الجرايد ويشتكي في الأذاعة ولا حد يرد عليه

يعني ( عمك أصمخ ) !!

وبعد فترة من الزمن والمعناة فرج الله عليه قرر أنه يتزوج وحده ثانية أجنبية أسمها فوفو قال

يمكن تكون الأجنبية أفضل من القطرية يوم تزوج فوفو إلا أطلعت أخس من كوكو !!

مصيبتها أكبر من مصيبة كوكو بالرغم من أن كوكو بنت بلاده !!

والمصيبة الأكبر أنه كل من زوجته الأولي ( كوكو ) والثانية ( فوفو ) قاموا يتنافسون على

كيف أنهم يمصون دمه بالطريقة الأفضل :weeping:

مسكين يالقطري حالتك حاله !!



ملاحظة :
القطري طبعن أحنا المساكين وكوكو هي كيوتل وفوفو هي فودافون

[هداف]

قال راعي المثل

طلقها ( كوكو ) وخذ اختها ( فوفو ) قال: الله يلعن الثنتين !!

[hamoor4ever]

هاهاهاها موضوع مضحك فعلا كلهم نفس بعض كوكو القطريه ولا فوفو الاجنبيه

[البائع]

ههههههههههههه
فوفو هي الجديده
والدلع كله لها الحين:p

[راعي ال VXR]

الزوجه القديمه هي الخير والبركه

[أسد الجزيرة]

الزوجه القديمه هي الخير والبركه

شكلها ام العيال حذاك

[السنافية]

ما يفل الحديد الا الحديد يبيلهم زوزو ( زين )
عشان تسنعهم عدل وتردهم لصوابهم

[الامانه]

الله يعينهم على كوكو وفوفو

[وطن]

القديمة أحلى ولو كانت وحله

قديم الصوف ولا جديد البريسم

قديمك نديمك لو الجديد اغناك

:)

[Bu Rashid]

الي ما له اول ما له تالي .... شدخل :rolleyes2:

[برق قطر]

الزواج شر لابد منه...واذا وصل مرحلة التشكي منهم (يطلق الثنتين ويرتاح)

[فارس الكلمة]

ممنوع الدخول لأصحاب القلوب الضعيفة ...!!

خلها .. ممنوع المرور لأصحاب الدخول الضعيفة .. :)

[بوطويشم]

السلام عليكم

الله يعينه عليهم

مشكور على الموضوع

[بوخالد911]

طيب


باقي له يتزوج الثالثة + الرابعة


فيا ترى من بيكونوون؟؟؟؟!؟؟؟؟؟



مسيوو/ بوخالد911

[كيفـي]

المشكلة انه متزوج اربع..!!

كوكو وفوفو وميمي وتوتي

ميمي = الميرة
توتي = طمع التجار

لووول..

[لله الحمد]

يبيله الثالثه ويريح مخه ..

قالوها .. الثانية عوار راس

والثالثه سلطان


ولكن الرابعه ملك

[واحد 11]

ما يفل الحديد الا الحديد يبيلهم زوزو ( زين )
عشان تسنعهم عدل وتردهم لصوابهم
:nice::nice::nice::nice:

[ورقــة أمــل]

هههههههههههههههههههههههههههههههههههههههههههههههههه هه
هههههههههههههههههههههه

خلونا على كوكو ابرك

[hard to get]

انا اشوف انه يطلق كوكو
لان كوكو خرفت ومشاكلها اكثر من فايدتها
بعكس فوفو
اللي توها صغيرة وصحتها زينة وكلها حيوية ونشاط
عسى الله يحفظ فوفو

[قناص الخليج]

يمكن يوم من الايام يتنافسوووون كوكو وفوفو على اسعاده

كوكو تقوله والله ماتدفع ريال تكلم بلاش :shy:

وفوفو تغار منها وتقول تكلم وانا بعطيك فلوس بس تكلم :victory:

:tease:

[الشاااهين]

هههههههههههههههههه

حلوة وايد .. واصابت الفكرة

يعطيك العافية

على قولت الخت يبي لنا زوزو !!!!!!!!!!!

وتوتو ( اتصالات )

[الكلدي]

لا كوكو ولا فوفو ولا حتى زو زو ما في ارحم من عو عو

العزوبيه

[هدوء 2]

الله يعينه انزين انت بطلق وبتزوج والحريم ايش يكون حالهم ؟؟؟؟؟؟؟؟؟ طيب ممكن أعراب كوكو وفوفو يمكن مايكونون حريم لالالالا يجب التحري من ذلك ولكل حادث حديث

[bshayer]

ما يفل الحديد الا الحديد يبيلهم زوزو ( زين )
عشان تسنعهم عدل وتردهم لصوابهم

ياليت ..بس خوفي انهم يتفقون علينا ومثل كوكو وفوفو ..

المفروض نحمد ربنا دخلت فوفو وفكت الاحتكار على كوكو ..يمال الي شاقول ؟؟!!!

[جهام]

يود مينونك وتراني وفي للحين على كيوتل

[الخارجية]

قال راعي المثل

طلقها ( كوكو ) وخذ اختها ( فوفو ) قال: الله يلعن الثنتين !! هههههههههههههههه

[مساهم فنان]

هاهاهاها هذا القطري إذا يبي ينعدل حاله ياخذ بعد ثنتين ... بعدها بيستريح كل وحده من الأربع اتدلعه .
يارب ياخذ ثنتين يارب حقق رجاءه .

[الوفـى طبعي]

الي ماله ماضي ماله حاضر ههههه

شكرا ع الموضوع

[عاشق النيسان]

هههههههههه

خلك على مجنونك لا يجيك اجن منه

[مهندس زمانه]

يروح يتزوج مومو (موبينيل) ولا توتو (تي موبايل) صدقني يتسنعون هالكوكو والفوفو.

[غناتي1]

ما يفل الحديد الا الحديد يبيلهم زوزو ( زين )
عشان تسنعهم عدل وتردهم لصوابهم




هههههههههههه


صدقت يبي لهم زوزو (( زين ))

والا مومو (( موبايلي ))

عروضهم قوية وفي صلح المستهلك

[فتوون]

ههههههههههههههههههههههه
ضحكتني الله يغربل بليسك
قصة حلوة
أنا مستحيل استغني عن كوكو

[واقعي وصريح]

ما يفل الحديد الا الحديد يبيلهم زوزو ( زين )
عشان تسنعهم عدل وتردهم لصوابهم

وين جبتيها زوزو حلوة منج هههههههههههههههه

[العقل الحر]

ما يفل الحديد الا الحديد يبيلهم زوزو ( زين )
عشان تسنعهم عدل وتردهم لصوابهم

اي والله هذي الى انطرها ( زين ) اشهد اني بتزوجها على طول

[The Blade]

اخنقتني العبره من هذه القصة :d
!!!!!!

[سهم صعب]

نحلف عليهم بنطلقهم يمكن يتسنعون
الحريم جي
ههههههههههههههههه

[Sharshooooor]

فوفو عجيبة وستايل بعد

وانا الحمدلله ماشفت منها مشاكل ومرتاح من نظامها وهي مريحتني عالاخر

وانتوا بكرامة حتى القزمة تفصخني اياها

هههههههههههههههه

خلتني اتشجع اتزوج الثالثة من دولة مجاورة :)

[s o s o]

ترى العزوبيه مافي احلى منها :)

[براتزية برازيلية]

مشكور على الموضوع

[ودي أكون]

يمكن يوم من الايام يتنافسوووون كوكو وفوفو على اسعاده

كوكو تقوله والله ماتدفع ريال تكلم بلاش :shy:

وفوفو تغار منها وتقول تكلم وانا بعطيك فلوس بس تكلم :victory:

:tease:

هههههه تعجبني :shy:

[جفلة]

الاولى احلى ولو كانت وحله

[بـن عدوان]

حاليا انا مرتاح مع زوجتي الثانية " فوفو "

وزوجتي الأولى " فوفو " ساحب عليها هههههههه