المساعد الشخصي الرقمي

مشاهدة النسخة كاملة : متعة وألم


مشاكل
02-08-2009, 04:25 PM
موسم الصيف
موسم اجازات
الأغلبيه تسافر
وناسه
تغيير جو
عاده
تقليد
مفوشر
الخ
الخ
الخ
تعددت الأسباب
والوجهة واحده
السفر
.........

طيب لحظه ياجماعه
شلون بتسافرون
والدنيا مقلوبه فوق حدر
طواري
استنفار عام
جرايد
تلفزيون
اذاعه
شعوب
مرض
وباء
حالات وفاة
تحذير
تقارير
خنازير
...............

يعني لازم تسافر؟
بتموت اذا ماسافرت؟
ياأخي اذا مب علشانك
علشان غيرك

...............
كلام فاضي
دعايه
كذب
مافي شي
العالم كلها مسافره
خلك من الوسواس
ونس عمرك
وش يقعدنا بهالحر
فلان سافر
وبيت فلان سافروا
وحنا ليش مانسافر؟
.............
جهل
بطره
زبو
رفاهيه
بذخ
غباء
أنانيه
أنانيه
أنانيه
..........
بداية انتهاء الأجازه الصيفيه
بداية عودة المسافرين للوطن
.......................
مرحبا يافلان
الحمدلله ع السلامه
خشمممممممممممك
المجلس عامر ماشالله
كلهم جايين يتحمدون لك يامسافر بالسلامه
..........
بيت فلان ردوا من السفر
خل نروح نسلم عليهم
وهلم جرا
...........
فلان مريض
عسى ماشر؟
بهالمرض اللي يقولون عنه
انفلونزا الخنازير
سافر صاحي ورد مريض
..........
فلانه مريضه
عسى ماشر
راحت سلمت على ام فلان
وتوها راده من السفر
وطلع فيها انفلونزا الخنازير
وهي ماتدري
.................
عيال فلان فيهم انفلونزا الخنازير
شلون؟
راحو بيت الجيران
وابوهم توه راد من السفر
وصاده المرض
وهو مايدري
وصاد عياله
ومرته
وعيال الجيران
وربعه
وربع ربعه
وربع ربع ربع ربع ربع ربعه
واللي فالدكان
الدوام
والجمعيه
واللي كان فالمستشفى
والخضار
واللي شرى منه
والمحاسب
واللي كانوا فالسينما
المجمع
السوق
الشارع
الفريج
المدينه
....................

بس
بسس
بسسس
بسسسس
بسسسسس
بسسسسسس
بسسسسسسس
..............

تبعثرت الاوراق
واختلط الحابل بالنابل
فقدت السيطره
...........

والقادم اعظم
والله المستعان

..............

ماقلنا لك يافلان لاتسافر
الحين عرفت ليش؟؟!!!

..............

وكأن على قلوبهم وعلى سمعهم وعلى ابصارهم غشاوه من قول نبينا محمد صلى الله عليه وسلم

"إذا دخل الطاعون أرض قوم فلا تدخلوها وإذا كنتم فيها فلا تخرجوا منها"

ياليتهم يفقهون
...................

اللهم لاأعتراض اللهم لاأعتراض

ربي سلم سلم
سويسرا
03-08-2009, 08:49 AM
بل بل بل بل

ليش هالتعقيد كله....؟؟؟

انتا كبرت السالفه يا خوي الله يهداك
بوخالد911
03-08-2009, 08:55 AM
يا معوود

وااايد ناس سافرت واستانست
وارجعت

ولله الحمد والمنة ولا صاررر شي
بن جعران
03-08-2009, 09:48 AM
انا عن نفسي ماسافرت غير دبي ,, والصراحه كنت مخطط اسافر تايلند بس ماصار نصيب,, وكلش ماكان في بالي شي اسمه انفلونزا الخنازير,, الربع راحو واستانسوا وردو بالسلامه وماصادهم اي شي بالعكس وناااااااااسه,,
احمــــد
03-08-2009, 10:03 AM
الحمد لله ع كل حال الله المستعان
جهام
03-08-2009, 04:13 PM
والله اللي الله كاتبه بيصير
وبعدين في قطر وما سافرو وامرضو بالانفلونزا
ليش العقد
مشاكل
08-08-2009, 01:41 PM
بل بل بل بل

ليش هالتعقيد كله....؟؟؟

انتا كبرت السالفه يا خوي الله يهداك
ا مكبر السالفه؟!

السالفه كبيره قبل لاكبرها انا ولا انت

انا اقول الله يستر علينا وعليك من الجاي

مشكلتكم مستهينين بهالمرض اللي مجرد التأخير في العلاج منه يعني مووووت

وسرعة انتشاره رهيبه جدا والعدوى سريعه جدا حسب ماشفته في بعض الأصدقاء اللي جونا من اوروبا وجابوا معاهم المرض
مشاكل
08-08-2009, 01:49 PM
يا معوود

وااايد ناس سافرت واستانست
وارجعت

ولله الحمد والمنة ولا صاررر شي




ياخوي لو كل واحد من امية مسافر صاده المرض ..هذا الواحد مستعد ينشر المرض لمية شخص أو اكثر بمجرد تواجده في مكان تجمع ....وشوف هالمية شخص كم بيعادون ....وقس على ذلك

هذيلا اللي تقول عليهم استانسوا عباره كونتينرات لمرض انفلونزا الخنازير مصدرينه وجايبين هالمرض يفرغونه ويوزعونه بكل سهوله وانانيه على الناس الابرياء اللي ماخذه بالأسباب علشان تحمي نفسها وغيرها من هالمرض
مشاكل
08-08-2009, 01:56 PM
انا عن نفسي ماسافرت غير دبي ,, والصراحه كنت مخطط اسافر تايلند بس ماصار نصيب,, وكلش ماكان في بالي شي اسمه انفلونزا الخنازير,, الربع راحو واستانسوا وردو بالسلامه وماصادهم اي شي بالعكس وناااااااااسه,,

لي متى بنتم انفهم
لاحول ولاقوة الا بالله

ماهمكم غير تلبية رغبات شهواتكم حتى على حساب حياتكم
الله يستر علينا وعليكم
مشاكل
08-08-2009, 01:58 PM
الحمد لله ع كل حال الله المستعان

ونعم بالله اخوي احمد
مالنا غير الدعاء
يالله تلطف بعبادك الضعفاء
مشاكل
08-08-2009, 02:03 PM
والله اللي الله كاتبه بيصير
وبعدين في قطر وما سافرو وامرضو بالانفلونزا
ليش العقد

شلون يعني؟؟؟ امرضوا بانفلوزا الخنازير من غير محد يعاديهم؟؟؟؟

العقد اللي تقول عنها بكره بتجوف كلامها لاجاك لشتاء وجا كل مسافر مستورد للمرض
يزوع اللي في جوفه على عشرات البشر الابرياء

الله يستر علينا
مشاكل
08-08-2009, 02:07 PM
في لقاء مع احد الأطباء ذكر ان المرض مازال يداعب البشريه
وان في فصل الشتاء متوقع اصابة ملياري شخص بالمرض فالعالم
وبطبيعة الفايروسات فأنها تطور نفسها وتكتسب مناعه ضد المضادات بسرعه رهيبه وتصبح اقوى واقوى مع تطور المرض
ALRAYYAN
08-08-2009, 02:09 PM
والله كلامك صحيح ياخوي .. والله يستر من الجاي
فال الله ولا فالك .. هذا اللي اقدر اقوله .. لكن فعلاً المرض هذا خطير
واي مرض يعدي خطير .. فما بالك بمرض مميت ؟!!
جزاك الله خير اخوي
مشاكل
08-08-2009, 06:09 PM
والله كلامك صحيح ياخوي .. والله يستر من الجاي
فال الله ولا فالك .. هذا اللي اقدر اقوله .. لكن فعلاً المرض هذا خطير
واي مرض يعدي خطير .. فما بالك بمرض مميت ؟!!
جزاك الله خير اخوي

وجزاك ربي كل خير اخوي العزيز الريان وحفظنا واياك وجميع امة محمد صلى الله عليه وسلم من شر هذا المرض وغيره من الأمراض الأخرى

الحيطه والحذر واجب ونا خوك

والله المستعان
PRINCESS
08-08-2009, 06:24 PM
الله يستر على جميع المسلمين ويشافي مرضاهم....
اخوي الحذر يقيك الضرر صح مانختلف بس بعد لازم نكون عندنا يقين ان اللي الله كاتبه يصير
اينما كنتم يدرككم الموت ولو كنتم في بروج مشيده.....
صح ولا لا؟؟؟
جزاك الله طبعا الف خير عنا وعن المسلمين جميعا انت دتنصح وبارك الله بيك...
بس المكتوب بيصير لوووووو مااعرف ايش...
تدري؟ مو شرط الواحد يسافر حتى يستانس او يفوشر او او......ممكن يكون مضطر...ممكن علاج ...ممكن شغله طارئه....يمكن شغل مايتأجل...

وماتدري عن ظروف الناس شنو..
الفقير
08-08-2009, 06:34 PM
والله اللي الله كاتبه بيصير
وبعدين في قطر وما سافرو وامرضو بالانفلونزا
ليش العقد

:
nice::nice::nice::nice::nice::nice::nice:
مطـر
19-08-2009, 07:03 AM
..............

وكأن على قلوبهم وعلى سمعهم وعلى ابصارهم غشاوه من قول نبينا محمد صلى الله عليه وسلم

"إذا دخل الطاعون أرض قوم فلا تدخلوها وإذا كنتم فيها فلا تخرجوا منها"

ياليتهم يفقهون
...................

اللهم لاأعتراض اللهم لاأعتراض

ربي سلم سلم


اخوي بعد هالكلام ماعندي كلام

لاحول ولاقوة الابالله
بدور
19-08-2009, 07:10 AM
انت تقصدني:(

اعترف اني اول وحده استهترت كنت بلندن شهر 6 ومتواصله معكم من لندن

وارد بكل ثقه كلام فاضي .. اشاعه .. ووووو

واصبت بالمرض ونقلت المرض لاهلي

متحسفه ندمانه ..:(
عـ العبيدلي
19-08-2009, 07:14 AM
قبل شهر ..
قبل ما العالم يرجعون من الاجازات كانت الحالات تنعد ع الاصابع
واول ما قرب شهر رمضان وبدوا العالم يجون من السفر ..
جوف الحالات شلون صارت ..

قسم بالله اني امس اتكلم مع الشباب عن هالموضوع
قتلهم الناس راحوا واستانسوا ورجعوا لنا وجابوا لنا الامراض ..

الوقايه خير من قنطار علاج ..
اوكي المرض الحمد لله له علاج ومب خطير وايد ..
لكن الواحد ما يروح يقط نفسه في المرض .. يريت لو يقط نفسه بس يقط العالم الي وياه واهله والي حوله ..

الله المستعان يا خوك ..

رحما الله والديك ع الموضوع
مطـر
19-08-2009, 07:20 AM
انت تقصدني:(

اعترف اني اول وحده استهترت كنت بلندن شهر 6 ومتواصله معكم من لندن

وارد بكل ثقه كلام فاضي .. اشاعه .. ووووو

واصبت بالمرض ونقلت المرض لاهلي

متحسفه ندمانه ..:(






اسف اخيتي بدورانا عن نفسي لااقصدك انت بالذات والله العالم
اقصد اعضاء كثيرين ولن اذكر اسمائهم

ليس بالضروره كانو مسافرين ولكنهم كانو يستهزئون ويسخرون من النصائح
لااتشمت بهم فهم اخواني وابائي
يعلم الله ان قلبي يتقطع على كل مصاب او كل متوفى حماكم الله وشفاكم اخواني الغالين
يعلم الله ان قلبي حزن عندما رئيت موضوعك وانت مصابه ودعوت لك ولكل مصاب بالشفى والسلامه

انا اريد ان نقف مع جهود المستشفى ونحاول نساعدهم بالي نقدر عليه
كل شخص منا يعمل شي بالي يقدر عليه

مره اخرى اخيتي اقول لك اني لااقصدك وانا اسف اذا كنت سببت لك حزن والم فوق الم مرضك
اسأل الله العظيم رب العرش العظيم ان يشفيك
ويشفي جميع مرضانا يارب العالمين
بدور
19-08-2009, 07:26 AM
اسف اخيتي بدورانا عن نفسي لااقصدك انت بالذات والله العالم
اقصد اعضاء كثيرين ولن اذكر اسمائهم

ليس بالضروره كانو مسافرين ولكنهم كانو يستهزئون ويسخرون من النصائح
لااتشمت بهم فهم اخواني وابائي
يعلم الله ان قلبي يتقطع على كل مصاب او كل متوفى حماكم الله وشفاكم اخواني الغالين
يعلم الله ان قلبي حزن عندما رئيت موضوعك وانت مصابه ودعوت لك ولكل مصاب بالشفى والسلامه

انا اريد ان نقف مع جهود المستشفى ونحاول نساعدهم بالي نقدر عليه
كل شخص منا يعمل شي بالي يقدر عليه

مره اخرى اخيتي اقول لك اني لااقصدك وانا اسف اذا كنت سببت لك حزن والم فوق الم مرضك
اسأل الله العظيم رب العرش العظيم ان يشفيك
ويشفي جميع مرضانا يارب العالمين

بالعكس اخوي لاتعتذر انا فعلاً كنت مستهينه واعترف اني غلطت باستهزائي للمرض

وانتوا اخوان واخوات مابينا زعل والنقاش اللي يدور للمصلحه والانتقاد واجب للنصيحه والاستفاده

الله يحفظك ان شاء الله :)
مطـر
19-08-2009, 07:30 AM
بالعكس اخوي لاتعتذر انا فعلاً كنت مستهينه واعترف اني غلطت باستهزائي للمرض

وانتوا اخوان واخوات مابينا زعل والنقاش اللي يدور للمصلحه والانتقاد واجب للنصيحه والاستفاده

الله يحفظك ان شاء الله :)

بارك الله فيج اخيتي
لولوة قطرية
19-08-2009, 11:46 AM
..............

وكأن على قلوبهم وعلى سمعهم وعلى ابصارهم غشاوه من قول نبينا محمد صلى الله عليه وسلم

"إذا دخل الطاعون أرض قوم فلا تدخلوها وإذا كنتم فيها فلا تخرجوا منها"

ياليتهم يفقهون
...................

اللهم لاأعتراض اللهم لاأعتراض

ربي سلم سلم


اخوي بعد هالكلام ماعندي كلام

لاحول ولاقوة الابالله


:victory:
al.wajbah
19-08-2009, 12:00 PM
سافرنا واستانسنا ورجعنا الحمدلله ولاصادنا شي بفضل من الله تعالى


وناس في الدوحة وصادهم ..


اللي كاتبه ربي بيصير ...
مشاكل
19-08-2009, 09:26 PM
سافرنا واستانسنا ورجعنا الحمدلله ولاصادنا شي بفضل من الله تعالى


وناس في الدوحة وصادهم ..


اللي كاتبه ربي بيصير ...

ياخي انا اتكلم عن اللي سافروا اوروبا مب الحسا
جهام
19-08-2009, 10:58 PM
مكبرين السالفه
انا توني راد مع الاهل من اندونيسيا والحمدلله الحياة طبيعية ولا امراض ولا شي
ليش الخوف
al.wajbah
20-08-2009, 07:21 AM
ياخي انا اتكلم عن اللي سافروا اوروبا مب الحسا

ههههههههههههههه

ومن جاب طاري الحسا يبه

عموما اختلاف الاراء لايفسد للود قضية ..

انت طرحت موضوع قيم وهادف ،، تشكر عليه ،،

ووجهة نظرك نحترمها .
jm01
20-08-2009, 07:40 AM
يعطيك العافيه على الموضوع
وانا معاك بكل اللي تقوله وعدل كلامه وشي علمي وكثرت حالات المرضى بانفلونزا الخنازير هذا شتسيمه
مشاكل
20-08-2009, 08:52 PM
ههههههههههههههه

ومن جاب طاري الحسا يبه

عموما اختلاف الاراء لايفسد للود قضية ..

انت طرحت موضوع قيم وهادف ،، تشكر عليه ،،

ووجهة نظرك نحترمها .

فديت خشمك يالغالي
ترى بس حبيت اتغشمر معاك
خبرك الموضوع يجيب الأكتئاب
الله يستر علينا اجمعين