جوتي أعزكم الله بنصف مليون

[فتوون]

قريت في جريدة اليوم مواطن خليجي في فرنسا يشتري جوتي بنصف مليون
يا ترى وصل بنا الحال أن نرمي الفلوس على أشياء تافهة بس لمجرد حب التملك
لا حول ولا قوة إلا بالله

[marwa2005]

لاحول ولا قوة لابالله اسراف راح نحاسب عليه يوم القيامة المفروض هداي صدق هالفلوس على الفقراء الي بافريقيا ناس مولقيين ياكلون ناس يموتون من المجاعة حسبي الله ونعم الوكيل

[غناتي1]

لا حول ولا قوة الا بالله

العجيب يا اخوي ان الناس صارت تتنافس على حب الاسراف والتبذير

وما يدرون ان المال يعتبر نعمة من النعم (( المال والبنون زينة الحياة الدنيا ))

وهم مسائلون عنه (( يسأل العبد عن ماله من اين اكتسيه -- وفيم انفقه ))

[شبربوش]

اي والله لو متصدق فيها ابرك له عند ربه

مب شوفوني ياناس وكتبو يا جرايد

محد بيفيده اب قبره

[qtr-1234]

ياخي كل واحد حر بفلوسه اهم شي ان مزكي ويتصدق عالفقاره وباقي فلوسه الواحد حر ويعيش حياته

لازم تسون سالفه من ولا شي !

[nasser 519]

الي عنده مااايبخل ع عمره
واهو حر بفلوسه

[فلفل حار]

الي عنده مااايبخل ع عمره
واهو حر بفلوسه

صح كلامكـ ... :)










وهني الوعد ... :nice:

http://nasy.jeeran.com/009.jpg

[سلامي للكل]

قلة العقــل مصيبة

ســؤال اللي يقــول عادي ومافيها شي, وكل واحــد حر بفلوسه, وعن البخــل

تتوقع اللي يشتري جوتي ب نص مليون ريال مدري دولار :rolleyes2: عاقــــل . . ؟

اذا كانت الاجابة بـ نعم, فما اقول الا على الدنيا الســـلام :rolleyes2:

لاحـــول ولاقــوة الا بالله العلــي العظيــمـ

الحمــد لله على النعمــة اللي حنا فيها, والله لايغيــر علينا, قولوا آميــــن

:omen2:

[قطر دزاين]

هذا ودك ضربه بكل ريال دفعه من نفس الجوتي :)

[غيمة مطر]

مسكين يحسب انه بلبس الغالي بيصير غالي

اثاريه ارخص من الجوتي اللي شراه

الله لايبلينا ولايرخص قدرنا

الحمدلله على الثقه بالنفس والقناعه _ صج والله القناعه كنز لايفنى _

[قطرية وافتخر]

الحمدلله يارب

[doha70999]

فلوسه وهو حر!

[راعي البيرق]

ياخي كل واحد حر بفلوسه اهم شي ان مزكي ويتصدق عالفقاره وباقي فلوسه الواحد حر ويعيش حياته

لازم تسون سالفه من ولا شي !

ليت الموضوع بس يشوفه صاحب الصورة اللي حاطها بتعريفك ويشوف بعدها ردك
عقب بتشوف قيمة كلامك وقدرك عنده :nono:

[محمد2]

قريت في جريدة اليوم مواطن خليجي في فرنسا يشتري جوتي بنصف مليون
يا ترى وصل بنا الحال أن نرمي الفلوس على أشياء تافهة بس لمجرد حب التملك
لا حول ولا قوة إلا بالله

يجوز يكون الجوتي (هو اللي اضربو فية بوش التافه)

[جهام]

بطرااااان ومحاسب عليه يوم القيامة

[همر]

ياجماعه يمكن نص مليون تومان !!!

ترى مب مكتوب في الخبر .... ومواضيع المنتديات هذي صراحه مالها داعي تنحط في الجرايد لان مافيها مصداقيه...

[..الاميرة..]

الي عنده قرش محيره يشتري طير ويطيره ..

الله يغنيه ويزيده .. وعقبالي اشتري شيله ساده بمليون كامله .. :tease:

[وطن]

زين شلون شكله ابي اشوووووووووف

[بوخالد911]

))) ثم لتسئلن يومئذ عن النعيم ((((

[..الاميرة..]

زين شلون شكله ابي اشوووووووووف


لا ترونها ياجماعه ترى تسويها وطن وتروح تشتري واحد نفسه .. :tease:

[عاشق النيسان]

والله لو متصدق فيها ابرك له عند ربه

[Limet UP]

(( يسأل العبد عن ماله من اين اكتسبه -- وفيم انفقه ))

[مساهم فنان]

قريت في جريدة اليوم مواطن خليجي في فرنسا يشتري جوتي بنصف مليون
يا ترى وصل بنا الحال أن نرمي الفلوس على أشياء تافهة بس لمجرد حب التملك
لا حول ولا قوة إلا بالله

لا تستغربين يا أختي لأن فيه ناس عندهم المليون مثل الريال .

والله العظيم شفت شنطة هنيه في قطر بمليون ريال ناقص من المليون خمسين ألف فقط ... تدرين وين ؟ في هيرمس اللي في اللؤلؤة ، لونها وردي (فوشيا) وفيها ألماس بسيط وصغير جدا.
سألتهم ليش سعرها بالمليون قالوا لأن ما فيه في العالم شنطة مثلها ، هذي واحدة سويناها خصوصاً لافتتاح المحل في قطر .
ما أدري الحين موجودة عندهم وإلا انباعت ، أنا شفتها أول افتتاح هيرمس ... بس تقدرين تسألينهم عنها .

[فتوون]

شكرا لمرور الجميع
بالنسبة لمصداقية الموضوع الموضوع نازل في الجرايد مب من عندي
أخ محمد 2
يا ليته جوتي الزيدي جوتي عادي لا ألماس ولا غيره

[sara_qatar]

ياخي كل واحد حر بفلوسه اهم شي ان مزكي ويتصدق عالفقاره وباقي فلوسه الواحد حر ويعيش حياته

لازم تسون سالفه من ولا شي !

اي والله حاشرين عمرهم مادري ليش :victory:

[صمتي حزن]

لاحول ولا قوه الا بالله ،،،ياجماعه الخير اذكروا الله سبحانه ،،،انتو تاخذزن اثم تتكلمون على الشخص وتسبون فيه وتقذفون وهذا مايجوز ،،،،تاخذون سيأت ،،،فقط قول لاحول ولا قوه الا بالله ،،الله يهديه ويصلحه
هذي الكلمات تكفي عسى الله ان يهدي كل مؤمن ومؤمنه ،،وان يهديكم ويهدينا جميعا اللهم أمين

[صمتي حزن]

الله يزيده الله منعم عليه خلوه يلبس ويتهنا ،،،اذا يعرف حقوق الزكاه والصدقه وحقوق والديه واعياله واهله
فهذا مايمنع عسى ربي يرزقه فهذي حقه اذا فخير ونعمه يجب ان يتمتع بما آته الله فلماذا يبخل على نفسه واهله واصحابه لا الله سبحانه يحب نعمه تظهر على عبده ،،ولا يكنز المال ويتم حافي،،،وياكثرهم الي عندهم مال كثير لايتصدق ولا يلبس ويمتع نفسه ،،،

[الكلاسيكي]

انا على حسب ظني وذاكرتي ان في ماركة ايطالية غير معروفة عالميا بشهرة الماركات الي في فيلاجيو

لكني شفت لهم وانتم بكرامة حذاء يوم سئلت بكم سعره ابلغني صاحب المحل بان اقل سعر للحذاء هو 10000 دولار وهذي الاحذية تصنع باليد والرئيس الامريكي الحالي اوباما يشتري منها دائما
وطبعا وجدت احذية في نفس البوتيك تترواح اسعار مابين 10000 - 30000 دولار

[صمتي حزن]

وين المحل شسمه

[مهندس زمانه]

حر في فلوووسه!!!!! هاي موب فلوسه الله يسلمكم هاي نعمه الله يعطيها العبد للامتحان والاختبار

[همر]

شكرا لمرور الجميع
بالنسبة لمصداقية الموضوع الموضوع نازل في الجرايد مب من عندي





ليش وانتي ماتدرين ان الجرايد تبوق من المنتديات ؟!!!

واي شي نازل في الجريده خبر موثوق ؟!!!

طيب وين مصدر الجريده ؟!! رويترز ولا قنا ؟!!!

وليش مش كاتبين جنسيته ولا عائلته على الاقل ؟!!! ولا خليجي احسن حق التسفّل في الخليجيين كلهم وانتي عارفه من ورى مثل هالاخبار ...

اذا كان خبر صحفي صج فالشيء بالشيء يذكر في الصحافه... يعني على طاري النص مليون "مادري باي عمله" بيكتبون "يذكر ان اغلى حذاء في العالم يمتلكه الملياردير المصري محمد الفايد بقيمة 2 مليون دولار"

والا يبون يسفلون بالخليجيين وبس ويطلعونهم ناقصين عقل واحنا بكل فرحه وسرعه وحصريه نوزع الاخبار في المنتديات !!!

ارجو نفتح عيوننا شوي قبل مانصير ابواق لنشر الاشاعات...