ردوا على تليفوناتكم يا مصرف قطر الإسلامي

[رذاذ العطر]

الصراحه مصرف قطر الإسلامي سيء بالرد على مكالمات العملاء فهم يتجاهلون المكالمات ولو أردت السؤال عن شيء يستغرق منك دقيقة واحده تحتاج ليومين أو أكثر من المكالمات والمحاولات المستمرة للمصرف حتى يردوا على مكالماتك هذا وإن ردوا

[الكلاسيكي]

الله يعز الوطني

[A bin M]

امس عقب زور ردو علي .. وكان استفسار ما خذ مني نص دقيقة :)


( أيي فرع فاتح المساء )



يمكن اجازات العالم ..!!!

[Hamad7788]

الصراحه مصرف قطر الإسلامي سيء بالرد على مكالمات العملاء فهم يتجاهلون المكالمات ولو أردت السؤال عن شيء يستغرق منك دقيقة واحده تحتاج ليومين أو أكثر من المكالمات والمحاولات المستمرة للمصرف حتى يردوا على مكالماتك هذا وإن ردوا

انا معاك اخوي في هالكلام ... مستحيل يردون عالاتصالات ..

امس كنت في فرع المصرف اللي في الستي سنتر افتح لي حساب .. وبعد ماخلصت .. الا الموظف يقول لي .. هاي رقم خدمات الموظفين customer service كلمهم في اي وقت وماراح يقصرون معاك ...

قلت له انا صار لي شهر اتصل ومحد يرد .. وقلت له اذا ابي اي استفسار اتصل على فرع المصرف اللي في تاون ستي او الغرافه .. بس لو تهلك البداله مايردون عليك ..



تــحياتي ,,

[Hamad7788]

امس عقب زور ردو علي .. وكان استفسار ما خذ مني نص دقيقة :)


( أيي فرع فاتح المساء )



يمكن اجازات العالم ..!!!









فرع الستي يفتح المساء .. ويخلصونك بسرعه .. وماتلقى عندهم زحمه

[رذاذ العطر]

انا خذت تليفونات مكاتب بعض الموظفين المباشرة علشان يردون علي وعلى استفساري بعد ما يردون حتى على تليفوناتهم المباشره والله انا كنت أول في بنك الدوحه وعمري ما اتصلت الا ردوا علي دوم يردون وقلت بحول على مصرف اسلامي أفضل لي بس والله رفعولي ضغطي مادري ايش أسوي معاهم

[A bin M]

فرع الستي يفتح المساء .. ويخلصونك بسرعه .. وماتلقى عندهم زحمه

إذا ماكان فرع الغرافه فيه زحمه بمر الستي :)

[kitmat]

والله الريان نفس الطريقه انا اليوم اتصل من الصبح كله مشغغغغغغغول لين ما سكر البنك ونفس الطريقه مصرف قطر يرن بس محد يرد

[ريماس الغلا]

انا بالنسبه لي وايد سريعين بالرد احسن من بنكي القديم :telephone:


على الاقل عرب :tease:

[dream-team]

انا بالنسبه لي وايد سريعين بالرد احسن من بنكي القديم :telephone:


على الاقل عرب :tease:

وان معاك اخوي

[الموضوعي]

مصرف قطر الاسلامي يتاجر باسم الدين وخدماته متخلفه لأبعد الحدود

[طموحي عالي]

مصرف قطر الاسلامي يتاجر باسم الدين وخدماته متخلفه لأبعد الحدود

انا معاك بالموضوع ذي والنسب والسوالف والخصومات نفس الوطني لو ادري رحت الوطني الاسلامي

المهم عن موضوع انهم مايردون انا كله يردون علي بسرعه بس انا ماتصل الصبح اتصل 5 ونص المغرب او 6 المهم المغرب او العشاء بقبل لايسكرون :telephone::telephone:
احس هالوقت يكون اخف من عملاء الصبح :tease:

>>> عذر اقبح من ذنب لووووول :omen2::omen2:

[سهم سهم]

بالنسبة لي قسم بالله ما ارتحت الا يوم حولت حسابي عندهم

وخدمه 24 الكول سنتر

وخدمتهم راقيه وسريعه وووووووو

[بومحمد911]

والله ما قد اتصلت وتأخروا علي

الله يعطيهم العافية

[F A W A Z]

اليوم انا متصل اكثر من 33 دقيقه اسكر واتصل واخر شي مايردون


اما تتصل الصباح الفجر

ولا اخر الليل على طول يرد عليك

الله المستعان

[بوحارب]

مصرف تعباااااااان والله

انه تركته ورحت للريان وأن شاء الله يكون احسن منهم

[تحداني]

.. مصرف قطر الاسلامي ..
من اروع البنوك .. واوضحها .. وتعاملهم جدا واضح ..
وانا اتعامل معهم من سنوات ..

بخصوص الكول سنتر ..
انا يردون علي بسرعه ..
وطلباتي تكون مجابه دائما ..
سواء كنت في قطر ..
او في اقصى بقاع العالم ..


على الاقل بنك اسلامي ..ورائد .. وله باع طويل ..
تنام وانت مطمئن ان امورك تسير كما يرضى الله ..

والباقي متروك لضميرهم..

الله يسعدك يارب :)

[ولد شرق]

.. مصرف قطر الاسلامي ..
من اروع البنوك .. واوضحها .. وتعاملهم جدا واضح ..
وانا اتعامل معهم من سنوات ..

بخصوص الكول سنتر ..
انا يردون علي بسرعه ..
وطلباتي تكون مجابه دائما ..
سواء كنت في قطر ..
او في اقصى بقاع العالم ..


على الاقل بنك اسلامي ..ورائد .. وله باع طويل ..
تنام وانت مطمئن ان امورك تسير كما يرضى الله ..

والباقي متروك لضميرهم..

الله يسعدك يارب :)



اسحملي اخوي اناقشك باللي مكتوب باللون الاحمر
كلامك فوق بين لنا ان البنك ممتاز ولا عليه كلام و تحت اتقول على الاقل بنك اسلامي
مادري اش وجه الربط؟

بعدين اخوي الحمدلله في اكثر من بنك اسلامي وحتى البنوك التقليديه الآن اصبح فيها فروع اسلامية وهيئة رقابه شرعيه

انا من تجربتي مع المصرف الاسلامي (7 سنوات) ماشوف عندهم اي احترام للعميل وبالنسبه للكول سنتر للامانه من داخل البلاد يردون و من خارج البلاد على قلوة اخوانا المصريين (يبأه آبلني)
ولا يلقون لك اي بال
ولا مره في حياتي طلبت منهم خدمه بالتلفون إلا يقول لون لي تعال لنا الفرع...

ياخي بالله عليكم انتوا احكموا على الموضوع: (اتصلت في المصرف بعد مانقلت احسابي وحساب زوجتي وقلت لهم يالربع انتوا اطالبون زوجتي مبلغ 40 الف و انا ناوي اسدد الملبغ قالوالي ممتاز سدد... قلت لهم اوكي ابغي رقم حساب زوجتي علشان احول الملبغ من حسابي لين حسابكم قال لي لا مايصير لازم الاهل يجون قيم النساء او انت اتجي شخصيا...
قلت له ياخي مابغي إلا رقم الحساب وبحول لكم افلوسكم قال لا مانقدر... قلت له عيل تدري اشلون مب امحول لكم افلوسكم)
وفعلا الحين اكثر من سنه يطرشون رسايل وكشف حساب وانا ولا معطيهم و يه)

[امل الحب]

بالعكس خدمات سريعة ومافي تعطيل .. سوا تلفون او وجه لوجه ..

واحيانا اخلص شغلي من اقرب فرع لي حتى لو ماكان الفرع الي انا فتحت حسابي فيه .. سهالات ..

[بوخالد911]

ترركته
وبدوون رجعة


ورحت للوطني الاسلامي

خدمات ولا اروع

واهم شي عندهم

الاكتتاب : ع النت

بالمسج

اجهزة الصراف اللي منتشرة بكل داعووس

[تحداني]

اسحملي اخوي اناقشك باللي مكتوب باللون الاحمر
كلامك فوق بين لنا ان البنك ممتاز ولا عليه كلام و تحت اتقول على الاقل بنك اسلامي
مادري اش وجه الربط؟

بعدين اخوي الحمدلله في اكثر من بنك اسلامي وحتى البنوك التقليديه الآن اصبح فيها فروع اسلامية وهيئة رقابه شرعيه

انا من تجربتي مع المصرف الاسلامي (7 سنوات) ماشوف عندهم اي احترام للعميل وبالنسبه للكول سنتر للامانه من داخل البلاد يردون و من خارج البلاد على قلوة اخوانا المصريين (يبأه آبلني)
ولا يلقون لك اي بال
ولا مره في حياتي طلبت منهم خدمه بالتلفون إلا يقول لون لي تعال لنا الفرع...

ياخي بالله عليكم انتوا احكموا على الموضوع: (اتصلت في المصرف بعد مانقلت احسابي وحساب زوجتي وقلت لهم يالربع انتوا اطالبون زوجتي مبلغ 40 الف و انا ناوي اسدد الملبغ قالوالي ممتاز سدد... قلت لهم اوكي ابغي رقم حساب زوجتي علشان احول الملبغ من حسابي لين حسابكم قال لي لا مايصير لازم الاهل يجون قيم النساء او انت اتجي شخصيا...
قلت له ياخي مابغي إلا رقم الحساب وبحول لكم افلوسكم قال لا مانقدر... قلت له عيل تدري اشلون مب امحول لكم افلوسكم)
وفعلا الحين اكثر من سنه يطرشون رسايل وكشف حساب وانا ولا معطيهم و يه)




.. مساء الخير ..

انا ما واجهتي مثل هالمواقف ..ومعاملتهم جيده معاي ..
وهذا لا يعني انهم كاملين .. وبعيدين عن الاخطاء ..

نعم قلت انهم على الاقل بنك اسلامي ورائد وله باع طويل ..
وهذا لا يعني الغاء باقي البنوك الاسلاميه ..
وعندما وجهت هالملاحظه كنت اقارنها بباقي البنوك الغير اسلاميه ..

الكول سنتر يردون علي على طول ..
ولم يتأخروا علي يوما ..
ولم اواجه معهم اي صعوبات ..

وقد يرجع السبب ان اموري البنكيه جدا بسيطه ..
وتعاملاتي مع البنك لا تتعدى حدود الايداع والقرض ..
وتسديد اقساط ..

اما انت قد تكون معاملاتك اعقد من ذلك :)
فلذلك تجد شئ من التعقيد معهم ..

نختلف في وجهات النظر ..
بناءا على اسلوب معاملتهم ومشاكلنا ..


هذا والله اعلم ..

الله يسعدك يارب :)

[فلفل حار]

الله يعز الوطني

مــن قلـــب ...:victory:

[بوحارب]

بالعكس خدمات سريعة ومافي تعطيل .. سوا تلفون او وجه لوجه ..

واحيانا اخلص شغلي من اقرب فرع لي حتى لو ماكان الفرع الي انا فتحت حسابي فيه .. سهالات ..

يمكن اهل الملايين لهم معاملة خاصة :(

[عـ العبيدلي]

بصراحه كل شي فالمصرف اوكي ..
انا اتكلم عن فرع الوكره بصراحه .. فرع ما عليه زحمه وتعامل سريع وقمه فالاحترام بصراحه ..
وما قد عمري تعطلت معاهم بشي

اله الكول سنتر ..
ما يردوون واييد يتاخرووون ..

بس ان شاء الله هالنقطه تتحسن عندهم وبيكون كل شي اوكي

[MeSh3l_QaTaR]

يالربع والله نصيحة من اخوكم

خليكم على المصرف ولا تروحون البنوك الثانية

انا كنت فالمصرف ورحت الوطني ( الحرامية)

ورجعت المصرف والحمدلله افتكيت من كابوس الوطني

ومسألت التلفونات في شي اسمه شكوى

روح حق المسؤولين واشتكي والله يوفقك

وانا انصحكم بالمصرف

[eyad]

بالنسبه لي انا كان حسابي في بنك قطر الوطني الاسلامي وحولت على المصرف لجل اخذ قرض
بس والله اسوئ من هالبك ما في لا يردو لا ليل ولا نهار كله على البداله مش عارف ليش ياخي هذيله بنك وش ناقصهم يزودوا عدد الموظفين

وبانسبه لكلمة المرور علشان الانترنت اقسم بالله لم ارى اصعب من هالنظام المعقد وطريقة تسليم كلمة السر والمستخدم
وعلى فكرة دخلت على موقعهم الالكتروني وقدمت شكوى من شهر واذا احد منكم جاله الرد عليها جاني انا الرد
وعلى فكره انا كثير اتعامل على الانترنت وعندي حسابات في بنك قطر الوطني وبنك الدوحه والتجاري لم ارى في حياتي صعوبة دخول مثل المصرف
اتمنى من ادارة المصرف العليا الاهتمام لشكاوى العملاء المقدمة لهم سواء عبر الانترنت او بشكوى رسميه لمقدمة للبنك مش الطناش
وعلى فكره امس في جريدة الشرق شكوى على بنك اسلامي لا يرد على البداله واكيد هذا البنك هو مصرف قطر
وطبعا خدمة العملاء عندهم لا اذن سمعت ولا عين رأت

[ANONYMOUS]

مادري وش قضيتكم مع التلفون

ترى الرقم القديم 4409409 كنسلوه..

[مطـر]

4448444




هذا رقم المصرف دايماً لما أتصل يردون علي معامله ولا أروع كل الإستفسارات يردون عليها بأدب واحترام ولا شفت منهم شي وأستغرب هالهجوم في أكثر من موضوع على المصرف الإسلامي ما أدري ليش تشنونها ولمصلحة من بالضبط ؟ أو إنتوا تحاولون تبررون لنفسكم أكل الربا ولا شنو بالضبط .. على الأقل الإسلامي ما رفع الفوايد نفس البنوك الربويه اللي تروجون لها وعقب تتباكون وتطالبون الأمير يشيل الفوايد عنكم :cry2: ،

الحمدلله أنا في المصرف الإسلامي من سبع سنين ونص وتدينت حول العشر مرات وسكرت حول السبع سلفيات بالأقساط مب كاش وأتحدى أي واحد في البنوك الربويه سكر أول سلفيه خذاها من البنك إلا ما ندر ، اللي بسكر سلفيته في 2030م واللي في 2050م واللي في 3000م


على الأقل لا تجرون غيركم وياكم ولا السالفه حسد...


رجاءاً لحد يقص على نفسه وعلى غيره ويقول الربوي أحسن..

[مطـر]

الله يعز الوطني


مــن قلـــب ...:victory:



أي عزه للي يحارب الله ورسوله


أي عزه للي ياكل حرام


إلا ذله وخسران في الدنيا والآخره


إتقوا الله وتوبوا شهر رمضان ياي وانتوا تدعون الناس للحرام وتشجعون الناس لأكل الحرام

[ANONYMOUS]

انا رايي من رايك يامطر

اللي يبي يقول رايه .. يقوله

من غير ما يدعوا الاعضاء للبنوك الربويه

واذا بليتم فاستتروا..

[قطري طموح]

الكول سنتر تعيس جدا واحيانا تجد منهم تطنيش ومايجون الا بالتهديد
واقسم بالله العظيم صار لي موقفين مع هذا المصرف وماقدرت احلهم الا بالتهديد
الاول كنت في احدى سفراتي وفقدت بطاقة الصراف الالي وطلبت منهم ايقافها وارسال بدل فاقد قالي الموظف بعد اسبوع تجيك بالبريد السريع قلت له ليش اسبوع العملية ماتتطلب اسبوع انا محتاج اسحب فلوس قال هذا اللي اقدر عليه قلت له اعتقد المكامله مسجله صح ؟ قال نعم ،قلت والله لارفع عليك قضية انت ومصرفك اذا ماجاتني باسرع وقت والله العظيم انه تلعثم يوم سمع هالكلام وقال اوعدك احاول احل الموصوع باسرع وقت وبعد هذا التهديد والله انها جاتني خلال ثلاث ايام .

والثاني تمت عملية سحب غير شرعية على حسابي من خارج قطربواسطة بطاقة سحب مزوره ، وقدمت مطالبة في قسم الفنار واثبت لهم ان خلال عملية السحب انا كنت موجود في الدوحه وتمت المعاملة سنة وانا اتصل عليهم وماتم حلها وولا تم ارجاع المبالغ المسحوبه غير بعد تهديد برفع الموضوع للقضاء .

هذا هو المصرف التعيس ماعندهم انصاف ولازم تاخذ حقك بنفسك .

[qatr_vip]

انا حفضت انجازاتهم داخل وخارج قطر واحنا مالنا شي منها
وفي النهايه اروح لهم
وكل هذا علشان اسألهم تقبلون المعامله او لا ...بس
والله يكون في عونك اذا تعاملت معاهم
اكل مهدء وروح