{ . { . { . { تجاربكم بخصوص حماية الواجهة للسيارة اثناء السفر . } . } . } . }

[بـن عدوان]

السلام عليكم ورحمة الله وبركاته

شخباركم ان شاءالله طيبين ..

يالغاليين بغيت نصايحكم بخصوص حماية الواجهة الامامية من الرمل والعج .. الخ

في ناس تقول تغبيرة

وفي ناس تقول لووكس

شنو الاحسن براايكم .. ؟

من ناحية المحافظة على لمعة السيارة .. الخ

نبي تجاربكم لاهنتوا ..

[طبـ الود ـعي]

:) والله يمدحون التغبيرة يالذيب



وبألف سلامة انشالله :) تروح وترجع بالسلامه انشالله :)

[The Planner]

انا استخدم اللوكس

ولكن اهم شي انك تغسل السياره بعد ما توصل بالسلامه ان شاء الله

لانه ممكن اذا قعد فتره طويله يبهت الصبغ

ودرب السلامه ان شاء الله

[بـن عدوان]

:) والله يمدحون التغبيرة يالذيب



وبألف سلامة انشالله :) تروح وترجع بالسلامه انشالله :)

ربي يسلمك بالذيب


وتسلم ع المشاركة الحلوة :victory:

[$ طلال $]

انا جربت التغبيرة مب شي

لوكس احسن او اي سائل صابون

[آلمريخي ـ]

الشامبو ولا الصابون احسن لك ,,من التغبيره تحطها تخرب الموتر ههههه

والحمايه مالت الوجيه بسعر وجه جديد اذا انك بتركب خله يخترب وركب ويه جديدد

ويعطيك العافيه,,

[PLATINUM]

مع العج اللي جى هالاسبوعين اللي راحوا ماينفع لا لوكس ولاتغبيره

انا جربت الاثنيين

والاحسن اللوكس بس انك ماتسرع وايد

وتروح وترد بالسلامه

[العنان]

شوف اخوي التغبيره ماتنفع كلش خير شر بس شكل ومع الهوا تطير ، انا من ثلاث اسابيع رحت السعوديه وقبل لأروح حطيت تغبيره على الموتر بساعه وقبضت الخط اول ماوصلت بو سمره وقفت جنب الدكان ونزلت اتشرى لما طلعت ماعرفت موتري لأن الوجه رجعت نظيف ولا كأني حاط عليه تغيره وجنب الموتر اللي على اليمن جهة ماكان الهو يضرب الموتر بعد طارت التغبيره من عليه قمت خذت لي قوطي تغبيره من الدكان وحطيت مره ثانيه ، ونفس الشي من وصلت الخبر الا هو رايح ، من اسوبعين حطيت التغبيره على الموتر قبلها بيوم قلت علشان تمسك ونفس الحاله صارت وصلت الدكان المذكور اعلاه ( حلوه المذكور اعلاه) ، من يومين حطيت على موتري لوكس وسافرت ولا طار عن الموتر بس لا تخليه على موترك اكثر من يومين ، والحمايه الجلاد الشفاف يمدحونه الشباب اللي ركبوه وفي كرستال يسويه لك ب 1800 ريال

[فهد24]

حاسب من التغبيره..
تقط فلوس عالفاضي ومامنها فايده((بالعكس تضر اكثر من انها نتفع)) لانها تسد الفتحات اللي فراديتر المكيف.
رشيت عالموتر تغبيره فمحطه القحطاني وصلت الحسا(( نص التغبيره محد))
وانا معود على خط الشرقيه صفيت فمحطة بترول ((خذت لي قوطيين رش((القوطي ب15)) ورشيت الموتر))
اول ماوصلت الحسا شيكت عالتغبيره((ولا كأني كنت راش شي!!))
انصحك بصابون لوكس.. بس اهم شي اغسل الموتر اول ماتوصل ولا مع ضربة الشمس بتطير لمعته.

[فهد24]

شوف اخوي التغبيره ماتنفع كلش خير شر بس شكل ومع الهوا تطير ، انا من ثلاث اسابيع رحت السعوديه وقبل لأروح حطيت تغبيره على الموتر بساعه وقبضت الخط اول ماوصلت بو سمره وقفت جنب الدكان ونزلت اتشرى لما طلعت ماعرفت موتري لأن الوجه رجعت نظيف ولا كأني حاط عليه تغيره وجنب الموتر اللي على اليمن جهة ماكان الهو يضرب الموتر بعد طارت التغبيره من عليه قمت خذت لي قوطي تغبيره من الدكان وحطيت مره ثانيه ، ونفس الشي من وصلت الخبر الا هو رايح ، من اسوبعين حطيت التغبيره على الموتر قبلها بيوم قلت علشان تمسك ونفس الحاله صارت وصلت الدكان المذكور اعلاه ( حلوه المذكور اعلاه) ، من يومين حطيت على موتري لوكس وسافرت ولا طار عن الموتر بس لا تخليه على موترك اكثر من يومين ، والحمايه الجلاد الشفاف يمدحونه الشباب اللي ركبوه وفي كرستال يسويه لك ب 1800 ريال

:rolleyes2: نفس حالتي

[فلفل حار]

الشامبو ولا الصابون احسن لك ,,من التغبيره تحطها تخرب الموتر ههههه

والحمايه مالت الوجيه بسعر وجه جديد اذا انك بتركب خله يخترب وركب ويه جديدد

ويعطيك العافيه,,

مع كل حـرف انقال ...:victory:

[jassas]

شكلك توهقت لاذي ولا ذاك

حطلك الحمايه او قناع وريح راسك

[al-buainain]

بن عدواااان عليك بالوكس أحسن واضمن وكلها غسلة بعشرين ريال وكان الله غفور رحيم

[الرميله]

انزين
نبغي حد جرب
الماده الشمعيه
اللي يبيعها احد الاعظاء بمية ريال
اوكي والى لا

[BoFahed]

حاسب من التغبيره..
تقط فلوس عالفاضي ومامنها فايده((بالعكس تضر اكثر من انها نتفع)) لانها تسد الفتحات اللي فراديتر المكيف.
رشيت عالموتر تغبيره فمحطه القحطاني وصلت الحسا(( نص التغبيره محد))
وانا معود على خط الشرقيه صفيت فمحطة بترول ((خذت لي قوطيين رش((القوطي ب15)) ورشيت الموتر))
اول ماوصلت الحسا شيكت عالتغبيره((ولا كأني كنت راش شي!!))
انصحك بصابون لوكس.. بس اهم شي اغسل الموتر اول ماتوصل ولا مع ضربة الشمس بتطير لمعته.

حتى انا صار معاي جذي قبل اسبوعين رايح الخبر وجربت الاثنين وراح عليه شبك المواتر والصدام تحت .

الصابون احسن وايد من التغبيرة

[بـن عدوان]

اشكركم جميعا يا اخوان على المشاركة الطيبة

وشكلي بحط لوكس ^_^

[فــلان]

انزين
نبغي حد جرب
الماده الشمعيه
اللي يبيعها احد الاعظاء بمية ريال
اوكي والى لا

مب صعبه إتدور على الموضوعين بتلقى آخر الردود إنطباع الأعضاء عن المنتج بو ( 100 ريال ) على حد تعبيرك :)


أموفق أخوي بن عدوان و إن شاءالله ترسي على الختيار الصحيح.

[الخارجية]

الشامبو ولا الصابون احسن لك ,,من التغبيره تحطها تخرب الموتر ههههه

والحمايه مالت الوجيه بسعر وجه جديد اذا انك بتركب خله يخترب وركب ويه جديدد

ويعطيك العافيه,,
كلامك سليم 100%:nice:

[حرقطر]

انا من نحيتي غير الووووكس

واذا تبي تغبيره روووح البر والله مكثر التربغان خذ شويت ماي ولا صابون ورش عليه وامورك طيبه


وتروح وترجع بسلامه

[بوخالد353]

نفس ماقالا الاخوان صابون اللوكس او الفيري افضل من التغبيره انا حطيته على وجه الموتر وحصلت عج من دخلت السعوديه لين وصلت الكويت بس كنت امشي على الراحه 100 وتحت اذا شد الهوا ممتاز الموتر بعد الغسله اليوم <<بس اهم شي السرعه ماتنفع لو تحط شنو مع الخط يشيله العج. الصراحه كسرو خاطري ناس صادفوني على الخط حاطيت تغبيره وممسوحه عن الصدام واهم مو دارين!!

[مناحي السادس عشر]

انصحكم بشانبو جونسون للاطفال الاصفر بصراحه رهيب ومن تجربه ولو خليته اكثر من ثلاث ايام عادي ما يبهت الصبغ

لان جونسون للاطفال مافيه مواد كيميائيه تضر على صبغ الموتر

[فلفل حار]

انصحكم بشانبو جونسون للاطفال الاصفر بصراحه رهيب ومن تجربه ولو خليته اكثر من ثلاث ايام عادي ما يبهت الصبغ

لان جونسون للاطفال مافيه مواد كيميائيه تضر على صبغ الموتر

صــادق والله ...:nice:


وايد امدحولي ايــاهـ ...
:victory:






تروح وترجع بالسلامه يا بن عدوان ... وعن السرعــه ...:)

[alkoos]

انا من سنة 99 وستخدم الوكس والحمدالله لين اليوم ماشفت شي منه وماشي معاي فوللي وبعد استخدم صابون فراري من محلات الزينه وكل شي اوكي

[الفارس2]

ما لك غيري 3m بشارع سلوى حماية للواجهه

[بـن عدوان]

مشكورين يا اخواني

ماقصرتوا ع النصايح

الحمدلله رحت وجيت وحطيت لوكس ^_^

[SmartMan]

لاتحط شي ...ووفر على عمرك وتوكل على الله ...السيارة في النهاية سيارة معرضه للغبار والحرارة و لجميع

عوامل التعرية أنا مادري ليش هالإهتمام اللي ماله داعي لكن أتذكر المثل البنقالي اللي يقول

(( اللي عنده قرش محيره ....يشتري بيه حمام ويطيره))

خليها تغبر عاادي قيمتها مارح تتغير ومنظرها عادي...وبعدين إذا حطيت تغبيرة مادري لوكس راح تجمع

الوسخ على سيارتك وماراح تنظف مثل قبل و ياما سافرت من غير تغبيرة ولا لوكس أو

جونسون ..والأمور الحمدلله أوكي مافي لاصبغ طاار ولا شي من اللي قاعدين تقولونه ....تذكر بس

أنها في النهاية سيارة ومهما كان نوعها أو موديلها.