الى رواد بيررروت ... استفسار

[عرباوي قطري]

مرحبا اخواني الكرام

انا ناوي اروح لبنان اسبوع بصراحه للتسوق مع الاهل :victory:...بس هذي اول مره اروح فيها

لبنان فحبيت استفسر منكم وين افضل مكان للتسوق والمحلات النسائيه ووايش افضل طريقه

للتنقل هناك ...بالتكاسي او تأجير سياره بسائق ... ووين افضل مكان للسكن وطبعا ما ننسى الاكل وين افضل المطاعم المحترمه هناك والنظيفه :telephone:

وأكون شاكر لكم

[**قطـــــر**]

ياخوى تسوق من الدوحه أفضل لك من لبنان لأن أغراض الدوحه أفضل بكثيــــــــر أما لبنان الأغراض هناك غاليـــه على الفاضى لأن اللىشريته من هناك ملابس أطفال وبنوتات صغار بس أسعارهم غاليه كثيــر بالنسبه للدوحه على الرغم أن البضاعه اللى عندهم صناعه تركيه ويقولون انها ألمانيه وأوربيه

بالنسبه للمجمعات عندك مجمع abc بالأشرفيــــه
شارع الحمـــرا هم محلاااات نسائيه ورجاليه فيها شغلات يمكن تعجبك وهم فيه مجمع مقابل القهاوى اللى بالشارع

[السنافية]

أأيد كلام قطر لبنان مو مالت تسوق وتبضع
لبنان حق تمشي والاستمتاع بالطبيعة والجبل والبحر والمعالم الاثرية والقلاع
وقعدات وقهاوي والمطاعم والاكلات اللبنانية الشهية
والمطاعم والمقاهي ببيروت اتعب وانا اقولك عد وغلط
أقتــرح علــيـك تحجز سكن يومين بمنطقه الجبل تغــيــيــر وعشان بيروت بهالوقت حارة
وانصحك تاخذ سيارة بسايق افضل من التكاسي بكثير
اتمنى لكم رحلة ممتعه وتروحون وتردون بالسلامة :)

[سهم طايح]

مشكورين قطر والسنافيه على الردود ....

[*¤ بن قطر¤*]

البلد أسعارها نااااااار ... وما عادت مثل أول ...

[ســـهم]

فعلا كما قالو الاخوان التسوق هناك نار


وانصحك تاخذ سياره بسائق بالاضافه ان تبتعد عن بيروت وذلك لان جوها الحالي حار

اطلع على المصايف مثل عاليه وتحس نفس كأنك في قطر وكل شي حولك

ترجع بالسلامه ..

[خسران من قلب]

توني حاي ياخوك والله وانت ماتسوق تفلس وشلون لو تتسوق

[الكلاسيكي]

لبنان غالية على الخليجيين فقط
لان السعار للخليجي غير عن الباقين وانصحك انك تراجع كل فواتيرك بالمطاعم وغيره

[صمتي حزن]

طويل العمر نصيحه من اخ صارلي اكثر من 9سنوات اتردد على لبنان صيف وشتاء ،،،،ونملك بيت في عاليه مع هذا المصاريف واجد يعني غصب تفلس ،،،لكن اذا بتروح روح حق السياحه والأستجمام اما التسوق ابعد عنه ياخوك ولا يطريلك غالي على الفاضي روح دبي ولا الكويت ولا عندك اهني في قطر كل شي جيد ومميز موجود،،في فلاجيو ،،لاندمارك ،،الؤلؤه،،ابراج الفردان وجيد واسعر ارخص من لبنان
اما المطاعم ففي اماكن واجد عند مثل السوليدير اغلبه مطاعم وكوفيات ،،،عندك الجبل فوق عاليه وبحمدون فيها مطاعم وكوفيات وستاربكس وعندك بورومانه بعد منطقه على الجبل بعد فيها مطاعم ،،بس لايفوتك استاربكس الفردان على الساعه 9 بليل عالم وحشره بس مانصح اتودي الأهل في الوقت المتأخر ....

[DarkBoy]

نصيييحة يمدحوون الاسوااق في الدوحة

اهني واايد غالي يدبلوون الاسعاار

[nor85]

انا توني جايه من بيروت وفي عندهم مراكز للتسوق مثل abc وله فرعين وفي بيروت مول اسعاره عاديه وفي سيتي مول هذا حلو وفي محل ثلاث ادوار في اشياء حلوه وايد من شنط وملابس واغراض بيت ومسوي تنزيلات بس لان هم يستخدمون الدولار وعندهم الحين موسم سياحه اكييد بتكون الاسعار ناااااااار المطاعم اسعارها عاديه مش غاليه وايد والتمشي مافي احلى من الجبل

[مختصة]

يعطيك العافيه

[الهاجري 2]

انا ماشوفها تسوق اشوفها للاستجمام والترفييه عن النفس بالطبيعه اللي عندهم
اذا تبي اسكن في عاليه ولا بحمدون الاماكن ذي راقيه ويمدحونها وانا امدحها وابرد من بيروت بعشر مرات
وانا موجود هناك ومستانس ولا ودي انزل لبيروت لانه حر وأحر من الخليج
واستغرب من اللي يطق من الحر في قطر ويجي في حر في بيروت ولا السوليدير !!!

[برستيج305]

الاخ سأل عن اماكن التسوق مسأل عن الطبيعه
اللي مايعرف رجاء لايعلق الاخ يبغى شي وانتو تقولون لا خله عنك وروح الجبل يعني هو مايدري عن طبيعة لبنان وجبل لبنان الكل يعرف لبنان حتى لو ماراح لها يعرف انه فيها طبيعه وجبال

اخوووي روح والسوق ولا احلى منه هناك وفيه حاجات غريبه وحلوه


عندك abcالاشرفيه وسيتي مول وعندك منطقه فردان وعندك الزلقا وعندك مار الياس وعندك جل الديب
وعندك الكسليك وعند سوق في فرن الشباك وعندك الحبتور مول

اتمنى اني خدمتك

[تحداني]

.. مساء الخير ..

عرباوي قطر ( لبنان ) مافيها شئ يستحق انك تتعنى وتسافر عشان تتسوق فيها ..
لبنان فقط ( للترويح عن النفس -
الاستمتاع بالطبيعه - السكن في اعلى الجبال - الأكل :) وفقط )
غير هذا لا اتخسر افلوسك في بضائع ..
كلها من صنع ايديهم
ونصب واحتيال ..


وتعتبر هالبلد زياره الخليجين الاثرياء فرصه لهم ..
لنهب ما يملكون من مال ..


واذا كنت ناوي تتسوق ..
فقطر مليئه بالاسواق والماركات العالميه ..
وايضا دبي ..

اهم شئ الجيب يكون مليان :victory:


الله يسعدك يارب :)

[تحداني]

الاخ سأل عن اماكن التسوق مسأل عن الطبيعه
اللي مايعرف رجاء لايعلق الاخ يبغى شي وانتو تقولون لا خله عنك وروح الجبل يعني هو مايدري عن طبيعة لبنان وجبل لبنان الكل يعرف لبنان حتى لو ماراح لها يعرف انه فيها طبيعه وجبال

اخوووي روح والسوق ولا احلى منه هناك وفيه حاجات غريبه وحلوه


عندك abcالاشرفيه وسيتي مول وعندك منطقه فردان وعندك الزلقا وعندك مار الياس وعندك جل الديب
وعندك الكسليك وعند سوق في فرن الشباك وعندك الحبتور مول

اتمنى اني خدمتك




يمكن .. الناس اذواق ..
لكن بشكل عام ما تنفع للتسوق
صدقني اخي الفاضل ..


ولو تقارنها بالامارات ..
او بالدوحه ..

فأعتقد سونا اجمل وارقى واحلى



لا اتعصب ..:) نحن نتبادل اطراف الاراء والحديث

[برستيج305]

لا عاااادي افا عليك لا اعصب ولا حاجه
بس اخوي انت تناقض نفسك تقول الناس اذواق طيب الرجال ذوقه تسوق بيروت خلوه على راحته


الرجال ماسال اروح بيروت ولا لا هو رايح رايح هو طلب مشورتكم وين يتسوق ووين يسكن


وسلامتكم