بخصوص محل حميد تريم شسالفته ؟؟ [الأرشيف] - منتديات شبكة الأسهم القطرية

الوفـى طبعي

04-08-2009, 03:36 AM

فلفل حار

04-08-2009, 03:52 AM

قالوا لي الربع من قبل ...

واستغربــت من فرق الاسعــار ...!

وانا معاكـ في الســؤال ...:victory:

قطراوي للأبد

04-08-2009, 04:00 AM

ما شاء الله فلفول مراقب كل المواضيع .. مادش موضوع إلا انت قبلي p=

طموحي عالي

04-08-2009, 04:05 AM

اي والله ترى كل شي

والريحه نفس الريحه واتم بالملابس >>> شنو القص مادري

انا في ناس قالوا لي بسوق واقف نفس عطورات باريس غاليري بس الفرق مو وايد حده 100 او 150 ريال

يغار الحلى

04-08-2009, 04:19 AM

انا سمعت انها اصلية وياخذونها من الوكيل بس فرق ف السعر بينهم وبين باريس غاليري بس مادري اذا صج ولا ..

فلفل حار

04-08-2009, 04:26 AM

ما شاء الله فلفول مراقب كل المواضيع .. مادش موضوع إلا انت قبلي p=

شكلكـ بتصكنــا عيــن بترقدنــا في القبـــر ... ههههه:this:

انطر ردي في موضوع الكورفيتــ ...:oops:

لولوتي

04-08-2009, 04:30 AM

انا ما صرت اشتري عطورات وبعض انواع البخور الا من عنده
طبعاً عقب ما حسيت بالفرق الكبير بين اسعاره واسعار المحلات الثانية

وموجود عنده كل شي، وبنفس جودة المحلات الثانيه

لكن شنهو السر :eek5: ودي بعد أعرف

قولولي اوكي :victory:

Locale

04-08-2009, 05:52 AM

حتى في مكياجهم كم مره شفت ممكيجات ف الصالون ياخذون من هناك
وكله يقولون احنا ناخذ المكياج من لبنان

سويسرا

04-08-2009, 06:00 AM

السبب في الاجار بس

ونص المحلات الكبيره تاخذ منه وتبيعه غالي لان اجار محلاتهم غاليه مثل السلام وغيره

هذا اللي اعرفه

جنوب الدوحه

04-08-2009, 06:21 AM

اغلب السلع الي في المحلات التجاريه تكون اغلى من المحلات الخارجيه لأن الاجار يفرق ولازم يغطي فــ يرفع من سعر المنتج ..

لكن لازم نتاكد من جودة المنتج :)

تقبلوا مروري

قطراوي للأبد

04-08-2009, 06:22 AM

شكلكـ بتصكنــا عيــن بترقدنــا في القبـــر ... ههههه:this:

انطر ردي في موضوع الكورفيتــ ...:oops:

لو ماقلت ماشالله شبتقول عيل :tease:

AL_MUTAEM

04-08-2009, 06:33 AM

ياريت تدلوني على هالمحل وانا قاصين علي اشتري العطور من باريس جاليري ..

بس تدرون حتى العطور اللي بالسوق الحره بالمطار زايدين سعرهم 20%

عضو قديم

04-08-2009, 06:40 AM

bo_Oof

04-08-2009, 06:47 AM

اخوي لوسمحت وين مكانه

بوعلي-Qtr

04-08-2009, 07:08 AM

صوب مجمع الفنار ( مركز التعريف بالاسلام )
اللي تحته المصرف ..

bo_Oof

04-08-2009, 07:12 AM

صوب مجمع الفنار ( مركز التعريف بالاسلام )
اللي تحته المصرف ..

تسلم اخوي ماشالله العرباويه مايقصرون

بوعلي-Qtr

04-08-2009, 07:54 AM

^^
افا عليك
ان شاء الله نجيب بطولة هاي الموسم

مـراحـب

04-08-2009, 08:44 AM

وأكتشفت من يومين في محل بسوق واقف

عنده جميع العطورات

وأرخص من المحلات اللي بالمجمعات

ونفس العطور ، ، مافيه فرق بينهم

وكل الناس تتعاامل معااه

وانا توني أدري

براتزية برازيلية

04-08-2009, 08:53 AM

وأكتشفت من يومين في محل بسوق واقف

عنده جميع العطورات

وأرخص من المحلات اللي بالمجمعات

ونفس العطور ، ، مافيه فرق بينهم

وكل الناس تتعاامل معااه

وانا توني أدري

وين مكانه

طماطه

04-08-2009, 09:00 AM

سهم قطر

04-08-2009, 09:18 AM

وأكتشفت من يومين في محل بسوق واقف

عنده جميع العطورات

وأرخص من المحلات اللي بالمجمعات

ونفس العطور ، ، مافيه فرق بينهم

وكل الناس تتعاامل معااه

وانا توني أدري

شسم المحل اخوي ووين مكانه

مـراحـب

04-08-2009, 09:22 AM

شسم المحل اخوي ووين مكانه

شيك على الخاص

أختك في الله
مـراحـب

yellow

04-08-2009, 09:48 AM

أنا سمعت انها عطورات اصليه باقيه من ( الستوك) في المحلات الكبيرة

وماسمعت حد ذم في عطوراته

واللي يشتغلون بالمحل باين عليهم الثقة بعطوراتهم بشل يزيل الشك انها مو اصليه:nice:

الاعــلامية

04-08-2009, 09:52 AM

والله انا من سنيين مااخذ الا من حميد ومن السوق الحرة اذا سافرت ^_______^

اشتروا منه ولاتحاتون وعطوراته ضمان ان شاء الله

مـراحـب

04-08-2009, 09:55 AM

وين مكانه

شيكي على الخاص

SmartMan

04-08-2009, 10:13 AM

والله اللي أنا متأكد منه أن أسعار العطورات موحده عالمياً وتختلف بإختلاف سعر العملة ومقابلتها بالدولار
ولو تروح هارودز ولا سيفورا ماراح تشوف أي فرق في السعر ...لأن أسعارها ثابته وتشوف السعر في العلبة باليورو والباوند ...وتوصل الدوحة بنفس السعر ثابت والدليل عطر كريد مانزل سعره لين الحين حتى في أوروبا
أما بخصوص المتجر ...أنا مابي أظلمة ولكن ماراح يكون أحسن من وكلاء العطورات وبالنسبة لإيجار باريس جالري والسلام والصالون ...أولاً الفائدة موحدة على جميع وكلاء العطورات وثانياً لجنة حماية المستهلك مشددة الرقابة عليهم.

بنت ابوها 19

04-08-2009, 10:29 AM

الي اعرفه انه اصلي 100 %

ومايبيلها شك
لانه الي له بالعطور الفرنسيه راح يفرق بين الاصلي والتقليد

يمكن يبيعهم رخيص سياسة تجاره
يعني كسب الناس لا اكثر ولا اقل

أم عبووودي

04-08-2009, 10:55 AM

سمعت انه المحلات الكبيره نفس السلام وغيره تاخذ العطورات منه اذا نقصها شي

الشاااهين

04-08-2009, 10:58 AM

والله ياخوي باريس جلري وغيره من محلات المولات تقص علينا !!

صمتي حزن

04-08-2009, 11:03 AM

المحل اعرفه ،،،،،،،واشتري من باريس جالري واشتري من سيفورا
ولكن حد يقدر يأكد عن المحل عطوراته اصليه ا و تقليد

أم حمد ومحمد

04-08-2009, 11:08 AM

يوووه من زمان أعامل معاه
وبصراحه مافي فرق بين عطوراته وعطورات السلام وغيره
نفس الريحه ونفس الماركه مافي فرق
شخصياً
آخذ منه استلودر والله نفس اللي في المحلات الكبيره واتم ريحته

والفرق واااااااااضح بالسعر

s o s o

04-08-2009, 11:19 AM

ترى اذا خذتو العطر بدون الكرتون والغطى بعد ارخص

واذا تبون العطر العطر قولوله ابي علبه جديده من التستر

وادعولي
:)

كروشيه

04-08-2009, 11:23 AM

اهم شئ تقارن اخوي بين المكتوب على الغرشه والرسم التالي يوضح المعنى ، طبعا اللي في اعلى القائمة باللون الوردي هي الاعلى تركيز ، وكل اسم يبين مدى تركيز الماده العطريه في الزجاجه اذا تركيز الماده العطريه نفس الشئ معناه انه فعلا السعر مميز ، لانه عادة ما يغشون في المكتوب على الغرشه

http://www.abraleon.com/pictures/what_perfume.gif

قطر love

04-08-2009, 11:29 AM

اختي كروشيه من وين نحصل الكلام يعني اكثر شي وين يكتبونه

واختي مراحب ممكن تدلينا على المحل الي في سوق واقف

ذيبه مزاجيه

04-08-2009, 11:33 AM

انا اشتري من سيفورا و من باريس جاليري و من حميد وكل العطورات اللي اشتريهم جربتهم في نفس الفتره
نفس الريحه بنفس التركيييييز
وكنت اقول حق اختي شلون جذي تقول عادي حبيبتي
الظاهر ان لان محله الاجار اقل يبيعه بهالاسعار
لدرجة ان انا مره شريت عطر جوسي كوتور من سيفورا و اختي شرته من حميد رشيت العطرين
في يدي وحاولت افرق مافي فرق حتى في التركيز كلش
نفس الشي
وبالعكس مره اشتريت عطر ستيلا الاسود على ايامه .. من حميد مع اني ما كنت واثقه من الجوده
ما تم مكان ما رحته في دوامي ما سألوني عن العطر
دليل انه مركز وايد و ممتاز
نصيحه اشتروا من حميد اهم شي ان العطر تركيزه قوه و مميز .. والله كان زين لو العطر تقليد ويكون بهالقوه !!!!
تحياتي ,,

أريج

04-08-2009, 11:43 AM

Locale

04-08-2009, 11:51 AM

انا اللي سمعته انا صاحب المحل وهو اماراتي
يجيب بالجملة من الامارات عشان جي ارخص
والروائح نفس المحلات الكبيرة
انا شريت مرة منه ديور ب 180 وفي هاي لاند 220

وحتى الصالون الازرق يبيع العطورات بشي وشويات وعنده محل بالعسيري ارخص بوايد

والله زين
محد يعرف عطر ألين على جم هناك ؟؟.!البنفسجي مش البرتقالي ..في البيت الحديث على 400 ..100مل..
http://www.uaesook.com/vb/imgcache2/2668.gif

يغار الحلى

04-08-2009, 11:54 AM

وأكتشفت من يومين في محل بسوق واقف

عنده جميع العطورات

وأرخص من المحلات اللي بالمجمعات

ونفس العطور ، ، مافيه فرق بينهم

وكل الناس تتعاامل معااه

وانا توني أدري

وين مكانه غلاتي ..

كروشيه

04-08-2009, 11:54 AM

اختي كروشيه من وين نحصل الكلام يعني اكثر شي وين يكتبونه

واختي مراحب ممكن تدلينا على المحل الي في سوق واقف

عادة مكتوب بخط صغيير خلف الزجاجه او اسفلها على استكر شفاف على ما اظن

NOORA2008

04-08-2009, 01:31 PM

اعرف حميد بس ماخذ منه كلش لاني افكره تقليييد اخذ من فور يو والسوق الحره ..بس المحل اللي بسوق واقف قالتلي رفيجتي عنه

بوراكان27

04-08-2009, 01:34 PM

السلام عليكم انا بصراحه اتعامل مع حميد من 15 سنه اذا مب اكثر وعطوره واايد ممتازه واسعاره حلوه ومن زمان انا اسمع ان يجيب من الامارات من جبل علي عاد انا ما افهم في الهسوالف انشالله يجيبه من جبل خالد المهم ان عطوره تطول في الثوب وسعره اقل بكثييير من الباقي

ALHAJAJI

04-08-2009, 01:47 PM

SmartMan

04-08-2009, 01:50 PM

ياجماعة بالعقل الحين فيه أشياء واايد مقلدة وطبق الأصل ...لكن الجودة تفرق ومايختلف عليها أثنين ..وبعدين
وبخصوص العطورات عندكم العود مثلاً خلطات مختلفة ومقلدة وحتى نفس الريحة وتم فترة طويلة بعد .
اللي متأكد منه أن العطورات اللي في المتجر سبب سعرها المنخفض هو جودة المواد اللي فيها أقل من العطورات الأصلية ....والعطر بطبيعته مستحضر كيميائي ...يعني يامتعلمين ...لاتدورون الرخص على حساب صحتكم.

shahd

04-08-2009, 01:58 PM

اكيد السبب الايجار

قول و فعل

04-08-2009, 02:08 PM

يبيعه اصلي اصلي اصلـــــــــــــــــــــــــــــــــــــــــــــــ ــي

انا دايم اتعامل معاه

يبيع كل عطوره اصليـــــــــــــــــــــه

وعنده قسم للعطور التقليد

خفوق

04-08-2009, 02:09 PM

لو سمحتوا ياريت اللي ذكروا ان فيه محل في سوق واقف يبيع نفس العطورات اللي في المجمعات ياريت يذكرون اسم المحل اللي في سوق واقف والمحل اللي في سوق العسيري انا بانتظاركم ..

حياة

04-08-2009, 03:02 PM

العطور اللي عند حميد تقليد ومش مضمونه وحتى لون العطر يختلف من لون العطر الاصلي

عذبة الأطباع

04-08-2009, 03:06 PM

اي والله انا من زمااااااااااااااااان عنده لما كان عمري 13 سنة

مزيونه22

04-08-2009, 03:42 PM

انا معاكم الجودة عالية وماتختلف عن المحلات الكبيرة انا سمعت ان العطور مش اصلية والله اعلــم

eXpert*

04-08-2009, 05:31 PM

العطور تجميع جبل عليّ ،، هي نفسها تلقاها في مجمع المنال في دبيّ .
وبصراحة فرق السماء والارض بينه والأصلي . .

بوحنان

04-08-2009, 05:44 PM

على ما اعتقد اسم المحل الي في سوق واقف عطورات سليم

بوعلي-Qtr

04-08-2009, 05:49 PM

وأكتشفت من يومين في محل بسوق واقف

عنده جميع العطورات

وأرخص من المحلات اللي بالمجمعات

ونفس العطور ، ، مافيه فرق بينهم

وكل الناس تتعاامل معااه

وانا توني أدري

عطورات سليييم ..

doha70999

04-08-2009, 05:52 PM

انا ماعندي ثقة بهالمحلات يعني اشتري من محل معروف اوضمن انه الاصلي احسن لي حتى لو كان اغلى :)

بوعلي-Qtr

04-08-2009, 05:56 PM

على ما اعتقد اسم المحل الي في سوق واقف عطورات سليم

:victory::victory:
:nice::nice::nice:

والله انه عجيييييييب

crystal22

04-08-2009, 06:10 PM

اي والله عطورات سليم أصليه عطوراته وكل شي عنده ..

kit kat

04-08-2009, 06:21 PM

تقليييييييييييييييد

die 4 qtr

04-08-2009, 06:29 PM

انا سالت اللي يبيع بحميد يقول نفس الوكيل وكيلهم نفس اللي يمول الصالون الازرق يمولهم

والفرق في الاسعار بسبب اجار المحل

وسالت بعد عامل في باريس غاليري قال محلنا غالي ع شان الايجار غالي

شقره

04-08-2009, 07:07 PM

ع فكره حميد تريم عطوراته اصليه 100 %
واهو الي يمول ويوزع حق بعض المحلات بقطر
ياخذون العطورات من عنده بأرخص الاثمان ويبيعونها بغلا لنا
واهو حتى التستر يبيعه

reem-qatar

04-08-2009, 07:17 PM

اصلي اصلي اصلي واحنا نتعامل معاه وهو احسن محل للعطورات

وللعلم محل ميرش ياخذ من عنده بعد والرق مث مقالوا الاخوان الاجار بس

HIGHNESS

04-08-2009, 07:19 PM

ترى العطور الي عنده اصلية .... حتى في كذا محل ...وربي نفس الريحة الي في المحلات الكبيرة مافي فرق ونفس التركيز ... والي يقول لك يخاف يشتري عشان المواد الكيماوية .. ترى التقليد والاصلي فيه مواد كيماويه.... والتقليد ينعرف من قلب من شكل الغرشه والريحه .... في الاخير الناس اذواااق ...

blackjacket

04-08-2009, 07:22 PM

يا جماعة خذوا الكلام من واحد ثقة:)
المحلات العادية عندهم ثلاث انواع من العطور
الاول اصلي يعني ياخذونه من الوكيل و يبيعونه ارخص لانهم ياخذونه من الوكيل بسعر انزل ب 30 او 50 ريال بالكثير و هاي سياسة الوكيل ,يعني بالعربي عم مجرد محلات يعرضون بضاعة اوكيل:) يعني نفس التذاكر لين تاخذونهم من الخطوط الرئيسية تكون اغلى من السفريات و هاي الشي معروف , او نفس موزعين تويوتا ارخص من عبدالغني , ولما الوكيل يعرض بضاعته في جميع محلات الدوحة تزيد نسبة مبيعاته لما يكون عارض عنده هو بس مثلا الي في الخور اذا يبي عطر وهو موجود بس عند الوكيل ما راح يتزل الدوحه بس اذا حصل محل في الخور يبيع نفس العطر اكيد راح يشتريه :) و الي يبي يتاكد يروح اي وكيل و يقول لهم عندي محل عطورات و ابي اشتري راح تشوفون انه السعر راح يكون ارخص بشوي من الوكيل:)
النوع الثاني تكون عطورات ستوك نفس الشي اصلية و من الشركة بس بتحصل ضربات او خدوش يسيطة في العلبة او بتلاقية بدون كرتون:)
النوع الثالث يجيبونه من جبل علي و هاي يعتبر مش اصلي لانه مصنوع في دبي:)

عطورات شانيل الي موجودة في محلات الدوحة كلها تقليد لانه ما يبيعونه برع بس في سوق الحرة هاي كلام واحد عنده محل عطور:eek5:

جوال 11

04-08-2009, 07:25 PM

بعض المحلات تبيع العطور بسعر رخيص لأنها للتجربة Tester وتباع خارج المحل أيضا لدى بعض الأشخاص وهي يستوردها الوكيل بدون سعر بالمجان .

الوفـى طبعي

05-08-2009, 01:57 AM

ماشاء الله عليك احسن دعاية مجانية سويتها حق المحل , وصراحة يستاهل دام الفرق بنصف القيمة تقريبا..

اخوي مش سالفة اني اسوي دعايه ولا ماسوي

السالفه ان شريت عطر كريد بـ 390 واخر شي يطلع تقليد قهرر لان قبل كنت اشتري عطر كريد من بارس غاليري بس الحين تررررريم وبس

الوفـى طبعي

05-08-2009, 01:58 AM

اشكر كل من شارك في هالموضوع

وبيض الله وجيهكم

الوفـى طبعي

05-08-2009, 02:18 AM

والي يحلف لكم ان عطور تريم اصليه ونفس الي في بارس غاليري والكلام جاني من واحد يشتغل في باريس غاليري يقولي اصلا انا العطور اشتريها من هناك ويقول ان يجونهم ناس يقولون لهم شالرفق بينكم وبين تريم يقولهم ان تريم تقليد ويقول واحنا ندري ان تريم يبيع اصلي شفتوا شلون الظاهر مثل ماقلتوا السبب هو الاجار

الكلام وصلني اليوم

أم الجوري

05-08-2009, 02:41 AM

بضاعته اصليه 100 % انا مجربتها
وعندكم بعد محل سليم في سوق واقف بضاعته اصليه بس اسعارهم اقل من باريس غاليري والسلام والمحلات الكبيره
لانهم يبيعون بضاعتهم بنفس سعر الوكيل

الوفـى طبعي

05-08-2009, 02:45 AM

نعم كلامج عدل اختي

اشكررج على مرورج الطيب

future maker

05-08-2009, 02:57 AM

انا ما اعرف بعد بس هالعطر انا ماخذته من لندن ومن ميونخ ومن فرنسا غالي وتفاجات ان في باريس جالري اخص ب 50 و70 ريال من اوربا

طماطه

05-08-2009, 09:08 AM

اانا بقول لكم معلومه ..

العطر اذا زاد عمره عن السنه تتغير ريحته ... ويصير لوعه .. << يخترب ( وهالشي معروف )

فما بالكم في حميد الي تقولون عنه ( فائض عن الحاجه ) !!! معناته بايت وعطوهم !!!

qatar lady

05-08-2009, 09:26 AM

اخوي المحل ذي انا تعاملت معاه وانصدمت بالبداية لاني ماحب عطورات التقليد..وعطوراتهم الاصلية هي نفسها نفسها اللي تلاقيها بالمجمعات والاماكن المعروفه.. بس بسعر اقل بوايد..
والحلو انهم يقولون لك ذي اصلي أو تقليد.. لانه متوافر عندهم النوعين ( كل نوع في جهة )
والاصلي سعره عندهم معقول عن بعض المحلات لانهم يجيبونه بالجمله وبعض العطورات تكون محسوبة للتستر ومحطوطه في علب التستر عشان جذي تكون ارخص ( الكرتون تشوفه مغلف يعني من الشركة نفسها بس مبين عليه انه تستر )
وفايدتهم منها بسيطه بحكم الايجار والتكاليف الثانية الي تكلف المحل
بصراحه اطلع من المحل وانا ماخذة مجموعة كبيرة من العطور الاصلية بسعر معقول
وعطوراته فيه منها الجديد والقديم لكن الحمدلله ماتغيرت ريحتهم<< انا اتحجى عن الاصلي الي عنده
وهذاني لين الحين استخدم من اللي باقي عندي

غـيـد

05-08-2009, 11:31 AM

يقولونـ انـ العطوراتـ كلها تجاريهـ

bo_s3ood

05-08-2009, 12:12 PM

عطورااتهم اصليه

وانا شاايف مره فاتوورة المحل وماخذها من الوكيل

بس الايجاار الي في العسيري غير الايجاار الي في مجمع

نور اعيوني

05-08-2009, 12:16 PM

سواء تقليد او اصلي اخرتها عطر مب شي يستاهل افوشر فيه مع اني بصراحه اشتري عطوري من المجمعات..بس بروح وبشوف عطوره مب خسرانه شي..

صمتي حزن

05-08-2009, 12:48 PM

كريت الأبيض كم سعره عندهم بس الأصلي,,وعطر شوبارد النسائي البنفسجي كم سعره ،،واموري البنفسجي كم سعره ،،بس الأصلي الي يقدرأيفيدني

البرجوازي

05-08-2009, 01:13 PM

ياجماعه عطوراته اكاد اجزم انها مغشوشه ولاحظ نفسك اذا تعطرت فيها تصدع على طول . واسعاره معروفه من سنين بانها رخيصه . يعني في تاجر يبيع بهالرخص والله كريم حميد تريم . ولاتقولون الايجار قليل مقارنه بالمجمعات حتى لو كان في النعيريه ماتكون اسعاره رخيصه لهذه الدرجه . يجيب بضاعته من دبي وانتو عارفين لاحسيب ولا رقيب

قناص 787

05-08-2009, 01:26 PM

تججججججججججججججججججججججججججججججججججججججججججججاري بحت

صوت الضمير

05-08-2009, 01:54 PM

السلام عليكم ورحمة الله وبركاته

ياجماعه الي يعرف محل حميد تريم الي صوب العسيري شسالفته يبيع العطور اصليه ولا تقليد

لان عطر كريد عنده بـ 390 ريال وفي بارس غاليري بـ 628 الفرق كبير وواضح

معنى العطر الي في تريم نفس الي في بارس غاليري حكم بالظبط مادري شسالفه!!؟

وعليكم السلام ورحمة الله وبركاته

مرحبا الشيخ

بصراحه كنت بحط موضوع عن هالمحل

الله يسلمك انا شاريه عطر من باريس غاليري صغير ب210استلا

وشاريه نفسه كبير من حميد ب 210 ريال

فرق كبير بالاسعار ونفس العطر ضبط ،، ونفس الكلام اللي مكتوب تحت

من بعد ماعرفت حميد ماعاد رحت لباريس غاليري النصابين

وكلمت اخواني وقلت لهم ورويتهم العطر نفسه بالضبط

وبعدها اقتنعوا بكلامي...

محل حميد يجيب البضاعه بالجمله ويوزع على المحلات...

علشان كذا اسعاره ارخيصه...

واذا تبي ارخص وارخص قله ابي بيست حق المحلات اللي تجربه..

والا قله مابي الكرتون والمغطاه...

كل مااروح لهل محل القى عالم عنده ماشاء الله

انصحكم تشترون من عنده ....

اللي يقول تقليد مكتوب عليها مدلن ان فرنسا

ونفس بالضبط بصور لكم العطر وبتشوفونه

بس عطوني 5 دقايق

العنود

الوفـى طبعي

05-08-2009, 02:14 PM

صوت الضمير

05-08-2009, 02:29 PM

مشكوورين على مروركم الكريم..

وبخصوص الي يقول ان يجيب عطر كريد من الامارات تدرون بكم العطر من الامارات ؟؟

انا توني راجع من دبي وسالت عنه بـ 770 درهم يعني اغلى من الي عندنا

بس صج اذا قلت له عطني اياه بدون الكرتونه ولا المغطاه بيرخص من سعره؟؟؟؟

ايه اخوي

اذا تبي ارخص قله ماابي المغطاه ولا الكرتون

او قله ابي تست نفس العطر مكتوب عليه تست وهو للتجربه للمحلات

يكون ارخص

الوفـى طبعي

05-08-2009, 02:31 PM

اوه عاد التست يقولون ريحته تكون اقوى بوااجد

اما سالفة بدون كرتونه ولا المغطاه والله شي ..

Q6o

05-08-2009, 02:31 PM

شباب في محل في البحرين
اعتقد عطورات الخليج او شي جذيه
نفس محل حميد تريم

اشتري من عنده كريد الابيض ب 230 ريال
وترى على فكره العطور كلها اصليه ونفس التركيبه بس تعبئة جبل علي

يعني اللي يبي الرخص يلقاه في البحرين ارخص لان اجاراتهم وطمعهم اقل من تجارنا :)

الوفـى طبعي

05-08-2009, 02:34 PM

اوب اوب 230 والله فلله اي صوب في البحرين اخوي انا بكره رايح

صوت الضمير

05-08-2009, 02:40 PM

http://up1.al-qatarya.org//uploads/images/al-qatarya-2d1c223190.gif (http://up1.al-qatarya.org//uploads/images/al-qatarya-2d1c223190.gif)

هاذي هي الصوره

عطر ستلا افضل عطر عندي ولا استغني عنه

اول ماشريته الصغير من باريس غاليري ب 210

والكبير ماخذته من حميد ب 210

نفس سعر الصغير وبتحصلون مكتوب من تحت بروفون

ونفس الكلام مدلن ان فرنسا

لكم الاختيار بس حبيت انصحكم

العنود

الوفـى طبعي

05-08-2009, 02:43 PM

تسلمين والله يالعنود ماتقصرين .. وشكله العطر حلو

anood

05-08-2009, 06:40 PM

العطور تقليد نفس سوق الجبر

ريحتها نفسها بس دقيقه الا ماتشم شي

احسن لكم خذو العطور من اماكن موثوقه واسعار العطور عالميه ترى

بنوته

05-08-2009, 08:53 PM

السلام عليكم ورحمة الله وبركاته

اللي اعرفه متجر حميد محل جمله وعطوراته اصليه والله اعلم ....

وفي محلات تشتري منه بالجمله في قطر

غناتي1

06-08-2009, 01:07 AM

جميع عطوراته اصلية -- وما عليكم من فرق السعر

هو في كل الاحوال ربحان لان اكيد له نسبة معينه في البيع -- والمحلات الكبيرة تبي تبيع باضعاف

القيمة مش مرة ولا مرتين -- الا فوق العشرين مرة حتى ولو سووا عليه خصومات نفس الشئ

ربحهم مضاااااعف

غناتي1

06-08-2009, 01:09 AM

Northman

06-08-2009, 01:14 AM

انا مره كنت في سوق الجبر وشفت محل يبيع عطورات وكانت عنده واحد من البيت الحديث جايب له اوراق
طبعا اللقافه اشتغلت
بعد ماراح الريال مل البيت الحديث سالت الهندي
قال هاي وكيل مال عطورات البيت الحديث هو الوكيل ويوزع على المحلات
يعني شفت الاوراق بنفسي

يمكن نفس الشي صاير مع حميد

بخصوص المحل الي بسوق وقف اعتقد سمه سليم وعطوراته اصليه

الوفـى طبعي

06-08-2009, 03:47 PM

ايه الي في سوق واقف اسمه سليم

اشكرك على مشاركتك اخوي ..

alkoos

06-08-2009, 04:14 PM

السر ان باريس جاليري يابلفيت محل رااقي مايبيع الا الراقي فـ عشان كذا اسعاره عاليه مو بس كريد كل عطوراته فرق عن السوق 100 و 200 وانا اتعامل مع حميد من زمان وعطوره ماعليها كلام خذ وانت مغمض

بو جواهر

06-08-2009, 04:29 PM

لا مب تقليد اللي عند حميد بسسسس العطور تركيزها اقل بنسبة 20% او اقل

القلم الصريح

06-08-2009, 04:42 PM

السر ياطويلين العمر والسلامه انه عطورات حميد اغلبها تسترااااااااااااااااات ومعروفه ريحه التستر اقوى من العطر نفسه وسعرها ارخص بواااايد وعطوراته اصليه وانا اتعامل معاه من زمان وماشوف فرق بين عطوراته وعطورات اللي تنباع في باريس غلري والصالون الازرق

الأميرة ملاك

06-08-2009, 10:48 PM

ياناس متجر حميد العطورات الي فيه اصلية 100% مرة خذيت منه عطر وشكيت فيه خذيته حق فوريو ورويتهم اياه وسالتهم هذا اصلي والا لا قالتلي اصلي 100% وسألتني من وين ماخذته قلت لها قالتي مب معقول على جذي انا بعد بروح اخذ من عنده

قطري009

06-08-2009, 11:04 PM

اخووي يبيعك بسعر الجمله

الوفـى طبعي

07-08-2009, 02:06 AM

اشكركم على مشاركتكم

وصحيح العطر اصلي بس السالفه شكلها من بنسبة التركيز ^_^

qatari1

07-08-2009, 02:57 AM

أنا قررت أراقب محل تريم على مدار الساعة، وأشوف إذا المحلات الكبيرة تشتري من عنده على طول بحول عليه!

لأن السمعة اللي طالعة عليه إنه عطوراته تقليد.

الوفـى طبعي

07-08-2009, 03:02 AM

عاااد بلغني اخوي اذا في شي

مشكور يالغالي على ردك الكريم

نورت الصفحه يامشرفنا

نورFROM قطر

07-08-2009, 03:58 AM

حميد تريم تقلييييييييييييييييييييييييييد ...

لان حتى المحلات الي في فرنسا ( بلد الصنع ) نفس اسعار المجمعات ...

والاسواق الحره الي ماعليها لا ضريبه ولا اجار بعد اسعاره تقريبا نفس المجمعات والفرق بسيط بينهم ...

معروف اصلا انه تقليد ... بس الناس قامت تاخذ منه حق الهدايا لانه نفس الشكل بس الريحه ماتتم مثل المحلات في المجمعات ...

واحسن محل عطورات وروايحه عجيبه وتتم من قلب ( محل سيفورا ) ... << صج العطورات خيااال ريحتها ...
هذا هو الجواب الوحيد الاكيد طبعا" الماركات سعرها بكل مكان مايتغير الا التقليد هو الي اسعاره تختلف من مكان لين اخر...
مثلا" بربري بكل مكان نفس السعر اما هالمحلات الي ف السوق فهي ماتبيع الا التقليد انا ما انصح اي حد ياخذ منه الا اللي يحب التقليد او الارخيص

JAKOOR

07-08-2009, 04:13 AM

خلاص نخليه يرفع السعر وتنتهي السالفه خخخخخ

فرق في الاجار لا اقل ولا اكثر

سهم مضطرب

07-08-2009, 07:24 AM

شكلي بسير عليه :)

fahad 2003

07-08-2009, 10:06 AM

انا مثلكم شكيت في عطوراته انها تقليد بس حرام اطلعت اصليه واغلبها ماخذها من السلام
او مسوي اشتراك مع السلام في الطلب اللي مايصدق يروح له وبيشوف بعينه

basma222

07-08-2009, 10:10 AM

انا اللى اعرفه ان محل حميد هو اللى يجيب العطورات للمحلات الكبيرة
اكيد بيكون سعره اقل لان هو الوكيل للعطورات والمحلات يشترون منه ويبيعون اغلى علشان يستفدون

AL_MUTAEM

09-09-2009, 06:26 AM

عاد تبون الصج انا ما اعرف هالمحل ولا اقتنعت من الردود هل هو تقليد ولا اصلي بس من كثر قراءتي للردود شكلي بروح بس ياريت احد يقولي المكان بالضبط ؟؟ وله غرشه من عندي بس على ذوقي

^_*

N.H.A.87

09-09-2009, 07:08 AM

اغلب السلع الي في المحلات التجاريه تكون اغلى من المحلات الخارجيه لأن الاجار يفرق ولازم يغطي فــ يرفع من سعر المنتج ..

لكن لازم نتاكد من جودة المنتج :)

تقبلوا مروري

نفس الكلااام اللي كنت بقوله :shy:

Calm Queen ~

09-09-2009, 10:55 AM

عطوراته وايد حلوة
وانا مجربة واااااااايد عطورات من عنده وريحتهم نفس اللي في المحلات الثانية مافي فرق يعني
والسعر ولا احلى
الخوف يشوف هالموضوع الحين ويروح يرفع اسعاره خخخخ ان بعض الظن اثم

Calm Queen ~

09-09-2009, 10:57 AM

عاد تبون الصج انا ما اعرف هالمحل ولا اقتنعت من الردود هل هو تقليد ولا اصلي بس من كثر قراءتي للردود شكلي بروح بس ياريت احد يقولي المكان بالضبط ؟؟ وله غرشه من عندي بس على ذوقي

^_*

في سوق فالح
يبين عالشارع
مقابله محل صرافة اتوقع اسمه لاري للصرافه

وانتظر العطر :omen2:

قطرية55

09-09-2009, 11:00 AM

انا اللى اعرفه ان محل حميد هو اللى يجيب العطورات للمحلات الكبيرة
اكيد بيكون سعره اقل لان هو الوكيل للعطورات والمحلات يشترون منه ويبيعون اغلى علشان يستفدون

:victory:

احلى دنيا

09-09-2009, 11:17 AM

هلا اخواتي من خلال التجربة تاكدت ان السلام بلازا
اسعاره ارخص من الباقي لانه هو وكيل لمعظم الماركات وهو اللي يوزعها عليهم
بس اختي مراحب ايش اسم المحل
اللي في وواقف

Qatariaaa

09-09-2009, 11:21 AM

لالا لا السر ياجماعة الخير وبما اني من فتره كنت اخذ من عنده ان هالمحل ((حميد تريم))
اولا هو يجيب البضاعة بالجمله يعني سعر التكلفه من دبي وتطلع عليه ارخص حتى في البيع
وبعدين معلومه تدرون لو طلبتوا منه غرشة التيستر اللي تكون مركزة اكثر يعطيكم اياها بعد ارخص من سعر الغرشه المغلفه يعني عيبها بدون كرتونه

عاد اذا كانت للاستخدام الشخصي اخذوا التيستر (للتجربه)

ودمتم سالمين

moon-99

09-09-2009, 11:40 AM

ترى في فـــرق بين متجر حميد و باريس غاليري و ميرش و فور يو

جـرب خذ عطر من عندهم
و خذ نفسه بالضبط من باريس غاليري او سيفورا او السلام و فوريو و ميرش و البيت الحديث

بتعررف ان فيه فـــرق في الريحه وشووف اي وحده اللي بتم أكثر

لان هالمحلات يجيبون عطوراتهم من دبـي يعني مو اصليه 100%

جـرب
:victory:

غلا أبوووي

09-09-2009, 11:54 AM

منو قال يا خوي

انا اجيب والفرق عادي لو ابي بزيد والغرشه ما تطلع عليهم وايد

يعني سعر الجمله تقريبا الغرشة تطلع 380

وباريس غاليري وميرش وووووو لان ياخذون عليهم عالشحن وووو اجار محلاتهم وغيره

وانا قلت لك عندي محل وابيع الغرشه على 380

ونفس الشيء والله العالم عن المحلات الباقيه

والسموحه

ولكم احترامي

رمــش الغلا

09-09-2009, 01:26 PM

عطورات حميد اصلية ياخذهم من الصالون الأرزق وهو بنفسه راواني الفواتير

ولد الرياان

09-09-2009, 01:40 PM

لا وازيدك من الشعر بيت

شفت مره موظف في باريس غاليري ياخذ من عنده وبالكمياات

حلاة الروح

09-09-2009, 01:47 PM

امحق باريس غاليري

AL_MUTAEM

10-09-2009, 05:03 AM

في سوق فالح
يبين عالشارع
مقابله محل صرافة اتوقع اسمه لاري للصرافه

وانتظر العطر :omen2:

بروح يوم الجمعه بعون الله ..

واذا لقيت المحل ابشر باللي يهديك كرتون غراش مو غرشه بس يمدحون ماي زمزم :telephone:

..أم خليفة..

10-09-2009, 05:59 AM

امممممممم شوفو ياجماعه بالنسبه لسالفة الايجار هذي انا متأكده منها مليون بالميه .. مره خذنا عطر انا واختي من مول الامارات فالنتينو اللي عليه ورده ودانتيل اسود ويوم جيكنا هني بقطر طلع اللي من امارات مول اغلا استغربنا والله بس الظاهر لانه مول عود واجاره غالي عشان جي زادو السعر بس كم بالضبط والله مو متذكره

و بالنسبه لحميد تريم .. بقولكم سالفه وفي ذمة اللي قالتها لنا .. وحده من جماعتنا مره قالت انها شافت سيارة بي اتش اس من صباح الله خير عند حميد تحمل بضاعه .. يقولون والعهده على الراوي وهاي اللي سمعته

عاد اصلي مب اصلي انا مادري بصراحه ولامره تعاملت معاه بس شديتوني اني اروح له واجرب وبنشوووف

بوحارب

10-09-2009, 06:04 AM

والله زين
محد يعرف عطر ألين على جم هناك ؟؟.!البنفسجي مش البرتقالي ..في البيت الحديث على 400 ..100مل..
http://www.uaesook.com/vb/imgcache2/2668.gif

اي والله ياريت حد يقولونا كم سعره

توني افكر اشتريه هدية :app:

الوفى طبعي ينطيك مليون عافية يا عزي :taunt:

$.$.$

10-09-2009, 06:28 AM

تبون سعر ارخص من المحلات الثانيه ومن تريم بعد

محل الشهواني بسوق وااقف عطوراته اصليه وكل جديد عنده

انا اتعامل معاه

اروح كل مكان اسعارهم مرتفعه لكن هو غير ارخص من السوق كله

fa6ma

10-09-2009, 06:31 AM

اكيد عشان الاجااار

+qatari+

28-12-2009, 07:32 AM

اخوي

انا كمجرب ..

اشتريت من عنده 8 عطورات بقيمه 3 آلاف تقريبا

وسألت عنها في محل فيسز .. اللي فالاند ماركـ

وشيكت عليها من حيث الريحه والتركيز للعطر

.. هو نفسه 100 % ..

وسمعت ان السالفه فيها إن ..! بس بحكم اني مجرب العطر ماعليه كلام واصلي

والتقليد بينعرف من حيث ريحته ماتتم ولا فيه تركيز ولون السائل يتغير وريحة العطر تتغير اذا فالشمس

,,

شبح الصمت

28-12-2009, 07:51 AM

السبب انه محلات باريس جاليري اسمها باريس جاليري وماركه مشهوره وذلك حميد حمد تريم وثاني شيء كفايه تطلع من المجمع بكيس باريس قاليري واهناك تطلع بخريطه من حميد تريم .. السبب اسم وشهرة المحل والإيجارات وكله دبل الدبل انا كنت اخذ من باريس جاليري وخذت من حميد حمد تريم وصراحه نفس الشيء حكم حكم مافي فرق فالريحه بس الواحد يضربه وسواس لا اشكره تقليد وعلى فكره لو تقليد ما خلوه وحاكموووووه وانا شفت فواتير باريس قاليري بعيني

احنا نحب الي يقص علينا ددوووم
:tease:

عابرة سبيل

28-12-2009, 07:54 AM

السبب في الاجار بسسسسسسسسسسسسس

ونص المحلات الكبيره تاخذ منه وتبيعه غالي لان اجار محلاتهم غاليه مثل السلام وغيره

هذا اللي اعرفه

ومتأكدة والسبب الاجار اول شي وبعدين انعدام الذمة والضمير

اللحين صرت اخذ من تريم والمحلات اللي فسوق واقف والله نفس الريحة والكرتونه نفس الشي اشتري بسعر الوحدة ثنتين والا انتوا شرايكم

موفقين جميعاً

eXpert*

28-12-2009, 08:12 AM

هاهاهااااي

أنا بقولكم السالفة ,,,

"الظاهر باريس غاليري وغيرها ،، لما شافوا القطريين ما تفرق معاهم أصلي ولا لا أهم شئ السعر يكون رخيص ،، كنسلوا يجيبون أصليّ ،، وصاروا يتعاملون مع محل حميد ويأخذون منه تقليد ويرجعون يبيعونه عليكم على أنه أصليّ ."

وكلٍ في الأخير مستفيد :secret:

وبخصوص اللي يقول ان محل حميد عنده وكالات أغلب العطورات !! خير ان شاء الله !! عيل ميرش والسلام وغيرهم وين راحوا اذا محل حميد وكيل ؟؟

محل حميد يبيع عطورات جبل عليّ تقليد للاصليّ !! بعض العطورات تضبط معاهم وبعضها ماله دخل كلش ،، واذا تبي تصيدهم أكثر ركز على الـكواليتي للغرشة والعلبة الكرتون بتحس بـ الفرق .

مره كنت في مركز المنال في دبي ،، وشميت عطر ريحة روعة ،، شريت من اثنين على أساس هدايا ،، يوم جيت قطر قلبي نقزني . قلت : خل أفتح العطورات !! طلعت الريحة غير 500% عن اللي شميتها و الكواليتي مال غطاء الغرشة الله بـ الخير .:anger1:

الحمدلله اني شيكت عليهم قبل لا اعطيهم للناس ولا كان صج انحرجت ،، و رجعت شريت من الدوحة مرة ثانية يعني كأنك يا بو زيد ما غزيت .

قناص الخليج

28-12-2009, 08:17 AM

عيل اليوم نمر عليه

سويتوا له دعايه :nice:

eve ~

28-12-2009, 08:34 AM

عطورات هالمحل تقليييييييد عن تجربة
عندي عطر اصلي وخذت نفسه من هالمحل عشان اقارن فرق فالريحة بين العطرين وانا كنت شاكة اصلا مستحيل تكون عطوراته اصلية وبهالاسعار
واللي يقول اجار وما اجار ماله خص لان اسعار العطورات عالمية ما يحددها الاجار

eve ~

28-12-2009, 08:36 AM

ما ابي اقطع رزقهم بس هذا الصج

+qatari+

28-12-2009, 08:40 AM

اخوي
انا كمجرب ..
اشتريت من عنده 8 عطورات بقيمه 3 آلاف تقريبا
وسألت عنها في محل فيسز .. اللي فالاند ماركـ
وشيكت عليها من حيث الريحه والتركيز للعطر
.. هو نفسه 100 % ..
وسمعت ان السالفه فيها إن ..! بس بحكم اني مجرب العطر ماعليه كلام واصلي
والتقليد بينعرف من حيث ريحته ماتتم ولا فيه تركيز ولون السائل يتغير وريحة العطر تتغير اذا فالشمس
,,

اضيف لردي ..

مبـ كل العطوراتـ .. البعض او الأغلبيه :yes: والفرنسيه

eXpert*

28-12-2009, 08:41 AM

+qatari+

28-12-2009, 08:42 AM

ما ابي اقطع رزقهم بس هذا الصج

شكرا على التوضيح اخوي وانا معاك ان فيه تقليد عندهم

بس فيه اصلي 100 % :) وضليمتهم شينه وعلى قولتك هاي الصج وعطورات فرنسيه بعد وبأسعار اقل بوايد عن المحلات .. باريس وفيسز وغيرها

وعن تجربه بعد *_^

الغـــيور

28-12-2009, 09:30 AM

no way !! the prices of the authentic products can't be controled by any one...thx

بستاش

28-12-2009, 12:05 PM

اي صح غرييييبه:eek5:

s4qatar

28-12-2009, 01:10 PM

اانا بقول لكم معلومه ..

العطر اذا زاد عمره عن السنه تتغير ريحته ... ويصير لوعه .. << يخترب ( وهالشي معروف )

فما بالكم في حميد الي تقولون عنه ( فائض عن الحاجه ) !!! معناته بايت وعطوهم !!!

أختلف معك في هذه المقولة .... عندي عطور صار لها أكثر من 7 سنوات في الكبت .. وكل مافتحت واحد .. ريحته أجمل من الثاني

Ross

28-12-2009, 03:03 PM

وين مكانه يا حماعه وارحمونا من الغلا اللي ما منه فايده

أسرع متين

28-12-2009, 03:09 PM

وأكتشفت من يومين في محل بسوق واقف

عنده جميع العطورات

وأرخص من المحلات اللي بالمجمعات

ونفس العطور ، ، مافيه فرق بينهم

وكل الناس تتعاامل معااه

وانا توني أدري

الشيخة وين مكانه ؟؟؟؟

[E]

28-12-2009, 03:19 PM

اممم عطووورات حميييد اصليييه انا دوم اخذذ منهممم ... بسس اذا ما ابغي اخذ هديه اقوله عطني التستررر يكون ارخصصص لان ما يكون بعلبببه مغلفه يكون بعلبه عادييه فا يكون ارخص ب100 وشوووي .. في عطر انا دوم اخذه ب120 .. وبالسلام العطر الصغير سعره 272 انا اخذ الكبير ب120 والتستر .. فا ياجماااعه اذا ما تبون تاخذون هديه قولو له نبي التسترر ..

وربي يوفققكم..

biz-qtr

28-12-2009, 04:01 PM

no comment ....

موضي قطر

28-12-2009, 06:22 PM

الحين شككتوني وانا ماشاء ابي حد يحرضني ههههههه

الحين عطورة أصلية ولا لااااااااااااااااااا ؟؟؟

Rosy

28-12-2009, 10:51 PM

وين مكانه بالظبط؟

دموع الخاطر

28-12-2009, 11:00 PM

[التوووووووووووووووفيق

الغفير

28-12-2009, 11:13 PM

أنا قررت أراقب محل تريم على مدار الساعة، وأشوف إذا المحلات الكبيرة تشتري من عنده على طول بحول عليه!

لأن السمعة اللي طالعة عليه إنه عطوراته تقليد.

يعني احنا ما صدقنا تراقبنا داخل المنتدى
بعد بتراقبنا خارج المنتدى
يا شيخ هذا كثير والله :tease:
خف علينا

المغروره

29-12-2009, 12:22 AM

بو حميد محل قديم وعطوراته اصليييه وترا مو على الرخص على الجووده
تحيااتي

بوجاسم 75

29-12-2009, 12:46 AM

محل سليم تقليد ميه فى المية

سارهـ ~

29-12-2009, 12:51 AM

المحل واايد حلووو وعطوراته مش تقلييد لان التقلييد ينعرف بسررعه

ماشاء الله عليهم اسعارهم حلووه !

MoTeC

29-12-2009, 12:52 AM

اقول الظاهر اخوانا واخواتنا بالاسلام يحبون يقطون فلوسهم بحر يقولون لكم المحلات الكبيره تجي تاخذ من عندهم تقولون تقليد اروح اشتري الغالي احسن هههه
انا عن نفسي كله من هناك اشتري و من زمااان بعد والل يقول تقليد
لايروح من ورانا ويخم الاولي والتالي ههههههههههههههههه p:

قوت القلوب

29-12-2009, 01:00 AM

عبدالصمد القروشي , أجمل , الرصاصي , جنيد, الجزيره للعود" مافي اضمن منهم ولا أحلى !

انا جربت حميد وطلع لي فواتير السلام انهم ياخذون من عنده وقسم بالله خذت من عنده بعض العطورات 100% روايحها طبق الأصل وبعضهم كأني أرش ماااااي !
يعني مب الكل اوكي واتلاقي الاصلي مايفرق بينه وبين باريس غالري الا 30 او 40 ريال عنده

OM_almayasa

29-12-2009, 02:06 AM

والله انا عندي عطور الماركات بس بسعر ارخص اب واجد ولا تروح ولا اتغير ابد بس انا مو نفس القراش هذس تعبئة بس سعرهم وايد ارخيص يعني اغلا عطر الي 100 مل يجي 130 ريال

super123

29-12-2009, 11:30 AM

شوف اخوي الي اعرفه ان في بعض العطورات عنده تقليد وسعهرها رخيص

وبعض العطورات اصلية

مزايين

29-12-2009, 12:08 PM

احترت من الآراء .............باروح وباجرب

المجنونة

29-12-2009, 12:29 PM

السلام عليكم ورحمة الله وبركاته،،،،
بخصوص عطورات حميد تريم ،،، اصلية ميه ميه ،،، ولا تترد انك تشتري منه،،، لانه ياخذ من المحلات كمية كبيرة بسعر الجملة ،،، علشان شذي اسعاره اقل من المحلات الكبيرة ،،، توكل على الكريم،،، وانا عنده زبونة دايما ،،،

SmartMan

29-12-2009, 12:37 PM

عطوراته بالنسبة لأسعارة توحي أنها تقليد % كلها نفس اللي في الإمارات لاتقعدون تألفوون وتقولون فواتير السلام وخرابيط الأسعار ثابتة من الوكلاء بإختالاف النسب ...يعني تروح برى تشوف اسعارهم نفس الدوحة مع فرق بسيط 10 و 20 ريال فقط .

روضـة

31-12-2009, 11:39 AM

موفقة

علي الكبيسي

31-12-2009, 11:47 PM

انا صار لي ست سنين اتعامل مع محل تريم
ما اخذ العطر والبخور الا من عندهم
وعندهم بعد عود حق الأعراس يجنن لقيت نفسة في القرشي والفرق بينهم 600ريال طبعا
القرشي اغلى ليش ما ادري مع انه اهو نفسه ونفس الريحة لا وما تطير الريحة من الملابس
انا عموما افضل تريم احس انه ما يقص علي

المغروره

01-01-2010, 12:26 AM

اصليييييييييييييييييه كل شي اصلي
حتا مكيااج شاريته من امريكا ب 170
لقيته 20 رياال تخيلوووا نفس الجوده لكن المجمعات مايخلووووون ارتفاع الاسعار
كلها اصلييه اتعامل وياهم من كنت في الاعدادي
تحيااتي

المزاجي قطر

01-01-2010, 12:41 AM

يعطيكم العافية على الموضوع في محل اسصمة سليم بعد في سوق واقف

السهم العوج

01-01-2010, 04:29 AM

السلام عليكم باريحكم وراح اجاوبكم

العطورات اصليييييييييييييييييييييييييييية بس مبدء حميد بيع كثير وربح قليل فل ا خير تعطيك نفس النتيجة ل ا قصد كتاجر لان هامش الربح في العطورات بنسبة للتاجر جيدة طبعا اهو موزع وليس وكيل يا خذ من الوكيل ويسدد لة بعد 45 يوم بدل مايحط ربح 50 ريال في الغرشة يحط 20 ريال بس الفرق ان حميد يبيع عدد غراش قد سيفورا 3 مرات

عموما اخوكم عندة محل عطورات يعني صاحب نفس الصنعة بس عشان مانظلم محل حميد عطوراتة اصلية

جوال 11

01-01-2010, 08:15 AM

أصلية ولكن البعض للتجربة Tester ولديه مندوبين يبيعوت العطور خارج المحل .

أخت الغالي

01-01-2010, 11:48 AM

بالنسبة للعطور سمعت لان حميد ياخذهم بالجملة فيطلع ارخص وأجار المحل فسوق أرخص من المجمع فأكيد باريس غاليري بيزيد سعرة

نفس عطر عجبني فالبيت الحديث والسلام 400 - 300 وشي حدة

بس فسوق الجبر حميد وسليم بسوق واقف وهالاماكن ارخص بواااااااااااااااايد وهو هو مافي فرق اعتقد الاجار واسم المحل يلعبون دور فعشان كذي يرفعون السعر ..

بنت قطر202

01-01-2010, 12:41 PM

انا ماخاذ من عنده لان جربت خذيت عطر من فور يو ولم خلص قلت باخذه من حميد بس الريحه فيها ريحه شيء خايس الله يعزكم ،، هو يقول انه هو الوكيل الي يوزع على قولته حق المحلات في قطر ومنهم الصالون الازرق ...

وفي وحده بريطانيه أعرفها قالت لي انها خذت من عنده وفي فرق بين العطور الي في المجمعات والي عنده ،،، مادري يمكن من طريقة التخزين ؟؟؟