محتاج مساعدة

[هدوء العاصفة]

اخواني اعزائي .. ابغي حد يكون عنده خبرة في مجال التدريبات واللياقة لان عندي مشكلة في عدم اللياقة ومشكلتي اني كل ماشترك حديد في احد المراكز اروح كم يوم وبعدين اتركه لانه متعب وماقدر عليه :omg:

اللياقة مالتي صفر يعني اي شي اسويه اتعب :( وهالشي متعبني ومضايقني ابغي اهتم في لياقتي باي طريقة ويكون جسمي صحي والمشكلة اني ماعرف اماكن ممكن يسون ايروبك او تدريبات للناس الفاشلين مثلي يعني شي بسيط مثلا

فهل في حد عنده خبرة في هالشي ويقدر يفيدني وين اقدر اشترك ؟ وشكرا لكم :shy:

[قناص الخليج]

الله يكون بالعووون

اخوووي انا ماعندي خبره كافيه بس الى اعرفه ان الحديد يبله صبر خاصه اووول ايام تعب

وكثير من الشباب من اول ايام يطلعوووون

[عديـل الـروح]

اخوي عند الجيم اللي بجانب كافتيريا النعيمي - اللاند مارك


او الجيم اللي في ازغوى - مقابل الميره


ويمدحونهم وايد الشباب ..

وعسى ربي يوفقك ويحفظك ..

[هدوء العاصفة]

مافي مكان يهتمون في الجسم ويعطون تدريبات بسيطة بس اهم شي يكون فيه ناس فاهمة لان الاجهزة مب مشكلة

[HIGHNESS]

أخوي مو مهم المكان الي بتتمرن فيه .... أهم شي يكون عندك الإرادة والقوة ... وترى اللياقة البدنية صحة ... صحيح بتتعب في البداية بس مع الوقت راح تتعود ( انت قلتها ماعندك لياقة وتتعب ) يعني المشكلة مب في النادي فيك .... وانصحك تبتدي اول شي برياضة مثل الايروبكس والمشي بعدين تنتقل للأجهزة بعدين تبتدي في الحديد وهالسوالف .... ( معليش انا الي داشه عرض ههههه )
موفق أخوي

[هدوء العاصفة]

مشكورين يا اخوان

هاينس: شكرا على النصيحة

بس معقولة مافي اماكن تهتم بالشخص بطريقة علمية وصحية ويعملون له برنامج خاص تاهيلي .. او حتى لو ناس عنده خبرة في هالمجال ومتخصصة .. لو بفلوس :(

[غناتي1]

راجع لك دكتور -- واعمل فحوصات اسمها قياس جهد الجسم

وقياس جهد القلب

وبعدين بتعرف كيفية ومدى قدرتك على احتمال التمارين الرياضية الشاقة

[(الفيصل)]

اسف على المداخله الخارجة ربما عن الموضوع
ولكن لمحبتي لكم أضعها هنا .. فلتسمحوا لي بارك الله فيكم



بسم الله والحمد لله
والصلاة والسلام على رسول الله وبعد،،


بعد اذن اخونا قطري .. وباقي المشرفين الكرام

أريد ان افتح باب المزايدة على المبلغ المتبقي (8.988)ريال من الان وحتى اذان الفجر ان شاء الله
واسئل الله تعالى ان ُنغطي المبلغ بحوله وقوته
فيااخوان نحن باسماء مستعاره فلازيد يعرف عبيد .. ولاعبيد يعرف زيد
فلايأتي من يقول هذا رياء.. فاالله اعلم بالنيات وكما اسلفت نحن باسماء مستعاره .. وبامكان كل شخص فينا ان بتبرع بإسم (فاعل خير) بقدر استطاعته ويكون ذالك في ثواب والده او من يعز عليه من الاموات تريح ظلمة قبره .. وتتجاوز عن سيئاته ان شاء الله .

اذكر قصة لقسيس كان يخطب في قومه ووضع سلة أمامه وقال لاأريد ان أنهي خطبتي الا وبهذه السلة مليون دولار
أكرر مليون دولار
اي 3 مليون 650 الف ريال
وبالفعل تحقق له ذالك
فاياأمة محمد .. يانسل الكرام .. يااحفاد ابابكر وعمر وعثمان وعلي
نحن على عتبة من شهر فضيل وايام مباركة تتكاثر فيه الحسنات .. ويزيد فيها الاجر ان شاء الله
وماتبقى على مشروعنا الا مبلغ زهيد نستطيع والله ان نغطيه قبل حلول هذا الفجر
وتبرعاتنا لن تكون باسمائنا الحقيقية ولا باسماءنا المستعاره ،، نستطيع التبرع بكلمة(فاعل خير) اسئل الله أن يمن علينا بالخير
لاتترددوا يااخوان والله انها لفرصة عظيمه وقد جاء موعدها

اتمنى ارسال رابط هذا الموضوع بالمواضيع والرسائل خاصة لاصدقائكم ولمن تحبون ان يلقى الاجر ان شاء الله
والمبالغ تبدأ من ريال وما فوق


فلنبدأً بسم الله الرحمن الرحيماتبرع بأسم (فاعل خير ) بمبلغ 100 ريال أو أكثر
واعاهد الله واعاهدكم ان يكون المبلغ في حساب مؤسسة عيد الخيرية غداً بمشيئة الله.


ياباغي الخير أقبل :nice:

http://qatarshares.com/vb/showthread.php?t=255910&page=22

http://qatarshares.com/vb/showthread.php?p=4554401&posted=1#post4554401


:nice:
لم يتبقى الا مبلغ 4000 ريال تقريباً

[qtr-1234]

اخوي اشترك في الماسا اللي مجابل مندرين

والحديد يبيله كم يوم لين ما تتعود عليه ،، شي طبيعي تحس بالتعب اول الايام لان عضلات جسمك ما تتحرك بس بعد فتره بيكون الامر طبيعي

[براتزية برازيلية]

اخي الكريم لازم يكون عندك برسونال ترينر (مدرب خاص) يعلمك و يقوللك كيف تبتدي و يتابع معاك لغاية ماتوصل للي تبيه و مفي شي صعب او مستحيل ان شاءالله

[هدوء العاصفة]

اخوي اشترك في الماسا اللي مجابل مندرين

والحديد يبيله كم يوم لين ما تتعود عليه ،، شي طبيعي تحس بالتعب اول الايام لان عضلات جسمك ما تتحرك بس بعد فتره بيكون الامر طبيعي

ماقدر

اشتركت كم يوم ودفعت مبالغ ومارحت :(

[هدوء العاصفة]

اخي الكريم لازم يكون عندك برسونال ترينر (مدرب خاص) يعلمك و يقوللك كيف تبتدي و يتابع معاك لغاية ماتوصل للي تبيه و مفي شي صعب او مستحيل ان شاءالله

في وين وشلون ؟ وين هي الاماكن اللي توفر مدرب شخصي وفاهم ؟

[هدوء العاصفة]

للرفع رفع الله من قدركم

[هدوء العاصفة]

رشحووووووووووووا لي مكان زين ياشباب

[بـن عدوان]

حاول اول شي تمشي ع الكورنيش وعقبها هرولة

طبعا بعد كل شي لازم آكل

وعقبها ادخل الصالة وتمرن مع بروتين وامورك طيبة ان شاءالله

[saud580]

أخوي عندك الماسه الي في لاند مارك يوفورون لك مدرب خاص يعطيك برنامج تمشي عليه و يقعد معاك

و مثل ما قالو الشباب اهم شي عزيمتك

[قطqatarر]

اهم شي قوه العزيمه ولا مافي فايده من الاشتراك في مراكز

خذ قرارك وقوي عزيمتك والله يوفقك

[فلفل حار]

اهم شي ياخووي لايفرون مخكـ هالمدربين بالحبوب والآبـر مالتهم ذي ألي تنفخ الجسم ...



من كم سنه 1 من ربعنا كان معصقل وصار معضل في 3 شهور من هالآبر والحبوب ...

والاخ مستانس أول ايامه عباله انه غرندايزر وفوجي مادري كوجي ...:omen2:

تعب ومرض من وراهم واضطر انه يتركهم في كم اسبوع وتعال شوفه ألحين ... والله يوم شفته ماعرفته ...!




جنه طبوش بس بدون لولو ...:rolleyes2:







http://www.uaeweb.com/forums/uploads/717245cd4b9451c2e.jpg





حمدلله والشكر

[aljar]

اخوي
راسلني على الخاص وان شاء الله بفيدك

[+abc]

نصيحتي لك

امشي برا البيت شوي وارجع نط الحبل في البيت

اسهل واسرع طريقة للياقة

[سهم الصناعات]

اهم شي تختار مكان قريب منك عشان ماتتعب واذا انت متين وايد يعني فوق 120 كيلو روح مصحة في اروروبا يرجعونك عظم ويلد

[سداوي&مدريدي]

أخوي انت تبي اتشل حديد واتقوي عضلاتك

او تبي لياقه بدنيه !!