ابي نصيحة حق اخوكم الصغيـــر

[هامتي فوق]

الموضوع وما فيه انا وراثت
مبلغ من المال
ابي استغـــله فى شـــي ينفــــع حق مستـــــقبل فى ظـــروف لازمه الاقتصادية لان انا ما اشـــتغل
وابي اعــــرف شلـــون ازكـــــي منها


وما تقصررون وانطر رايكم

[القلم الصريح]

تقدر تسوي لك منها مشروع صغير وتشتري كم ارض وكم فله لك واجرهم يفيدوك للمستقبل

[المقاول 1]

تشتري عقار بثلث المبلغ والباقي وديعه في المصرف

والله يبارك لك في نفسك ومالك

[البدوي]

.... بارك الله لك فيما اعطاك .....

[(الفيصل)]

عظم الله اجرك بالبداية
وجعلك خير خلف لخير سلف
أنصحك بالبداية ان تتصدق بجزء مما ورثت من مورثك أسأل الله أن يكون قبره(بها او بدونها) روضة من رياض الجنه

ولاأنصحك بالقيام بثمة مشروع بكامل المبلغ
فالبيض لايوضع في سلة واحدة
ولامانع من الذهاب لشركة متخصصة للاستثمار(تكون ثقه) لاأخذ المشوره.. مع العلم انه لاينصح الان بالاستثمار في ظل الظروف الاقتصادية الراهنه.
اسئل الله لك التوفيق والسداد

[k9911]

السلام عليكم ..

اولاً : لاتنسى اللي ورثت منهم بعمل خير لهم في ثوابهم ..( مسجد .. مثلاً ) ..
وسو لنفسك مسجد او غيره يظل حتى بعد مماتك بعد طولة العمر ان شاء الله ..

دخل لك مبلغ بس ما يكون كبير في البورصة ..
واستثمر جزء من المبلغ في تجارة رابحة ..

وان شاء الله ربي بيسهلها عليك..
الله يوفقك ..

[ولد الشحانية]

نصيحه اشتر بيوت واجرها
وزك منها

وابن لك مسجد عن روح اهلك كلهم

[ام يوسف]

نصيحه اخوي شغلهم في شي انت تفهم فيه

[عـ العبيدلي]

انتبه من الحرام .. لا تفكر فيه البنوك الربويه .. والاسهم المحرمه ..
حاسب حاسب تكفى .. حاسب ..

والله بيبارك لك ان شاء الله ..

[سويسرا]

روح استثمرها في دبي او البحرين....

[أسد الجزيرة]

عظم الله اجرك اولاً

ثانياً كلام الفيصل صحيح اعمل صدقة جارية في ثواب الوالد الله يرحمه

ثالثاً لا تستثمر الحين لا في بورصة و لا عقار جميهم في حالة نزول حطهم وديعة في المصرف الاسلامي او الدولي او الريان اهم شئ انه بنك اسلامي

رابعاً لا تروح شركات استثمار ولا تسوي مشروع ولا تدخل شراكة مع اي حد لحد يقص عليك و تحمل من الرسايل في المنتدى على الخاص الي يقولك عندي مشروع لانه موضوعك فتح عيونهم عليك

[أوراق]

تزكي منها
اذا حال عليها الحول يعني اذا مر عليها سنها وهي للحين عندك كـــ(مال)
تطلع 2 ونص بالمية وهكذا كل سنة
هذي طبعا الواجبة مش الصدقة

ممكن تقسم المبلغ الجزء الاكبر لا تستثمره خله وديعة في بنك اسلامي وبالتدريج استثمر لين ما تفهم صح .
.
ولا يكون على لسانك دايما عندي مبلغ وقدره... لا تفتح عيون الناس عليك واغلب الناس صعب ينوثق فيهم...

والله يبارك لك فيما اعطاك ولا تنسى الصدقة تربي المال

[مليونيره]

اشرد من الأسهم والسيارات
وخلك مع العقار الأبن البار

[راعي ال VXR]

الله يوفقك

[براتزية برازيلية]

بارك الله لك فيما اعطاك

[هامتي فوق]

ما قصـــرتوا اخواني واخواتي وجزاكم الله خير ومشكورين على النصيحة والله الموافق

[qatar.com]

عظم الله اجرك اولاً

ثانياً كلام الفيصل صحيح اعمل صدقة جارية في ثواب الوالد الله يرحمه

ثالثاً لا تستثمر الحين لا في بورصة و لا عقار جميهم في حالة نزول حطهم وديعة في المصرف الاسلامي او الدولي او الريان اهم شئ انه بنك اسلامي

رابعاً لا تروح شركات استثمار ولا تسوي مشروع ولا تدخل شراكة مع اي حد لحد يقص عليك و تحمل من الرسايل في المنتدى على الخاص الي يقولك عندي مشروع لانه موضوعك فتح عيونهم عليك


انت كذا :nice::nice::nice::nice::nice: والله هل الرجال كلامه عسل وطله على طرف لساني

[هبوب الشمال]

مافيه احسن مع العقار اشتر بيوت جاهزه واجرهم وخل واحد منهم او اثنين على راحتك وقف لله عطه وزاره الاوقاف خل تسويه مركز تحفيظ قرآن

بس طلع زكاته قبل

والله يكتب لنا ولكم الاجر يارب

[نحول]

اشرد من الأسهم والسيارات
وخلك مع العقار الأبن البار

:victory::victory:

[بودحوم]

الله يسخر لك الرأي السديد إن شاء الله

في الوقت الحالي . حط فلوسك وديعة , ويفضل في بنك أسلامي .

وبعدها فكر على أقل من مهلك .

وإذا كنت صاحب هواية معينة , فكر في أستغلالها بعمل تجاري وفي نفس الوقت تستمتع بهوايتك ..

أو أستشير من تثق فيهم 100 %

والله يوفقك أن شاء الله ...

[احب قطر]

ماشاء الله عليك من خلال البحث عن مشاركاتك باين عليك شاطر في سوق المنتدى في بيع وشراء الهواتف والسيارات ... اذا هي هوايتك ركز عليها وطورها ...

[الغريب3]

يقولون:-
(حط مالك في ضليع مايضيع)
اولاً: عليك باصدقه الجاريه الي تنفعك في يوم لاينفع فيه لامال ولابنين واذا تبي نصيحتي إبن مدرسه يستفيد منها الفقراء في تعليم ابنائهم حفظ كتاب الله ........ بالاضافة الى العلوم الاخراء
ثانياً: عليك بالعقار ياخوي تراه ينفعك بتستفيد من أجاره
ثالثا:وديعه في مصرف قطر الاسلامي
واتمنى من كل قلبي ان الله يوفقك وينمي مالك وان يجعله مال حلال ان شاءالله

[فلفل حار]

تشتري عقار بثلث المبلغ والباقي وديعه في المصرف

والله يبارك لك في نفسك ومالك

احلــى نصيحــه ...:)





وياريت لو تبنى مسجد في احد الدول الفقيرهـ ... تبتدي القيمه من 15 ألف على ما اظن ...

وتكتبه بأسم الوالد ... ( الله يرحمه )

[شمعة الدوحه]

اولا عظم الله اجرك في وفاة الوالد والله يرحمه ويسكنه فسيح جناته

واسمحلي اقولك انه كان احسن لو ماذكرت المبلغ

كنت اكتفيت بقول ان عندي مبلغ كبير بس ماتحدد علشان مااحد يطمع او يحاول يستغلك او حتى عن الحسد

اول شي تسويه انك تصدق منه وتبني مسجد باسمك انت وعايلتك علشان يكون بثوابكم كلكم

ومثل ماتفضلوا بعض الاخوان تحط مبلغ منه كوديعه في بنك اسلامي

واذا تفكر في شي تجاري تحمل تدخل روحك في مشروع او استثمار انت ماتفهم فيه او حتى احد يشاركك في مشروع حتى لو كان قريب منك ومن اهلك

لانه مافيه احد ثقه بهالزمن وكلا الفلوس عاميه عيونه

فااذا بتفكر شي تربح فيه غير انك تاخذ لك مجمع سكني صغير فيه فلل او حتى اذا موب مجمع سكني كم من فله تكفي بالغرض بحيث انك تأجرهم لانك راح تربح من وراهم وهالربح اتوقع انه مضمون باذن الله .. ووايد شركات خاصه قاعدين يستأجرون فلل حق موظفيهم الاجانب

وبالتوفيق اخوي

[STAR]

شكلك على نياتك .. بالتوفيق ان شاء الله

[بن رومي]

عظم الله اجرك اولاً

ثانياً كلام الفيصل صحيح اعمل صدقة جارية في ثواب الوالد الله يرحمه

ثالثاً لا تستثمر الحين لا في بورصة و لا عقار جميهم في حالة نزول حطهم وديعة في المصرف الاسلامي او الدولي او الريان اهم شئ انه بنك اسلامي

رابعاً لا تروح شركات استثمار ولا تسوي مشروع ولا تدخل شراكة مع اي حد لحد يقص عليك و تحمل من الرسايل في المنتدى على الخاص الي يقولك عندي مشروع لانه موضوعك فتح عيونهم عليك

كفيت و وفيت

[BURBERRY]

ياريت لو ماذكرت المبلغ لان بعض فيهم حسد او ينصبون عليك يبون الشراكه و المشاريع

تصدق و سو اعمال خيريه مثل تبني مسجد او تشتري بيت و تخليه وقف

اشتر لك عقار بيت او فلا او عماره .. او سو لك مصنع طابوق ..بس كلهم عوار رأس

المهم ابتعد عن الاسهم .. مامنها فايده و خساره

و حط فلوسك في المصرف ..

الله يوفقك و ييسر لك دربك

[بنت مريخ]

الله يبارك لك فيهم
اشتر بيوت واجرها
ولاتنسى تسوي شي لاهلك ولنفسك مثل بناء مسجد او دار تحفيظ قران

[بوحارب]

اعظم الله اجرك اخوي

اشرايك اتعرف عليك عشان نستثمرها عدل واكون شري معاك :D:looking:

انصحك تشتري اراضي وتبنيها وتبيع او تأجرها :)

واذا فكرت في هالمشروع واقتنعت فيه كلمني وماراح اقصر معاك