المساعد الشخصي الرقمي

مشاهدة النسخة كاملة : الله يجزيكم سؤال عن افضل كراج لتصليح السيارات المقلوبة؟


hasss1969
06-08-2009, 06:26 AM
شباب الله يحفظكم اللي يعرف كراج زين يصلح السيارات المقلوبة يدلنا عليه ,,,عندنا سيارة مقلوبة ومحتارين لاي كراج ناخذها....
بو عيسى
06-08-2009, 09:03 AM
الشيخ عندك كراج ميتالك شغله ممتاز وسعره حلو وعن تجربه
q6ri_vip
06-08-2009, 09:21 AM
اخوي انا ارشح لك 3 كراجات

1- كراج النمر شارع 27 يلقبونه ب أحمد الكويتي صبغ سمكره شغله عدل بس السعر لك عليه .

2- كراج المضمار شارع 17 البلوك الثالث شغله عدل 100%

3- كراج النورمندي شارع 5 او 6 على مااظن شغله عدل بعد

وبالتوفيق اخوي
qatari-vip
06-08-2009, 09:24 AM
انا مااايد الا النورمندي والكرستال عن تجربه ويمدحون المضمار

بس الكويتي لا تروح له انا صلحت عنده مرتين وصبغ للك عليه خااصه اذا كان رصاصي
hasss1969
06-08-2009, 02:40 PM
الاخوان q6ri-vip
qatari-vip
بوعيسى
اشكركم على الافادة والله يحفظكم جميعا ويرحم والديكم ......
فلفل حار
06-08-2009, 04:07 PM
اول شي خطاكم الشر أخـووي ... :)




ويعتمد على حسب الموتر ( ان كان ياباني أو الماني ) وحسب قوة الضربه ...

ناس يركبون بدي جديد كامل يطلبونه من الامارات ... وفي ناس يودونه يصلحونه في الامارات ( لو كان ألماني )

وناس يسمكرون نص البدي ويخلون نصه ...

يعني لو بعطيكـ أمثله كثيره ماراح أخلص ...!



ولو تكتب تفاصيل دقيقه عشان يفيدونكـ الاعضاء من تجاربهم ...

يكون أفضـل ... :)
hasss1969
06-08-2009, 10:06 PM
الله يجزيك خير اخوي فلفل حار على مشاركتك في موضوعي...
السيارة الله يسلمك جي اكس ار 2009 انقلبت واعتدلت ,,ونتج عن القلبة انه جنبين السيارة يعني الابواب والرفارف انطعجت وجزء من السقف انطعج...والسيارةشغالة وماتضررت المكينة او اجزاء ثانية الا اللي ذكرته....فلو عندك فكرة كم يكلف تصليحها...الشباب الله يجزيهم خير ما قصروا وحابب اخذ معلومات اكثر قبل ما ابدا في التصليح....
وجزاك الله خير وحفظك ومن يعز عليك من كل مكروه...
qatar.com
06-08-2009, 10:23 PM
والله ياليت تحط صور السيارة عشان نفيدك اذا البدي يتصلح ولا ومعجون ولا يتغير وعندك كراج المسيار يمدحة واحد من الربع وكراج الالوان شارع 11 كل العالم يمدحون هل الكراج وانا موتري حاليا هناك يتصلح وعندك كراج ميتلك شغلهم زين بس الاسعار خذ عليها وعندك شركة المازدا والدايهتسوا وشركة الدوحة الي اول ماتدش الصناعية مرهم وشوف الي يصلحلك
hasss1969
06-08-2009, 10:46 PM
الله يجزيك خير اخوي qatar.com
على مشاركتك ...وماقصرت على الافادة والنصيحة...بخصوص الصورة حاولت انزل صورة للسيارة لكن الظاهر انه في شي في بلوتوث اللابتوب ومش قادر اوصله,,,عموما السيارة ممكن تتصلح حسب كلام بعض الشباب والطعجات مش عميقة بس اعتقد السقف صعب تصليحه الا بالقص والتبديل ولو تسالني كيف يعني بالقص والتبديل بقولك ما اعرف لكن هذا اللي سمعته ومافهمته...
وشكرا لك مرة ثانية ورحم الله والديك وحفظك واهلك من كل سوء....
بوحارب
07-08-2009, 12:38 AM
كراج الدفنه شارع 8