اتمني تفيدوني ( مقارنة )

[المحبووووب]

السلام عليكم


مـــقـــارنـــــة



بــيــن الــمــكــســيــمـا والاولــتــيــمــا 6 سلندر موديل 2007

ياليت من عندة خبرة عن الموترين او قد استخدمهم اي احسن من الثاني يفيدنا

من ناحية السيرفس ومن خراباته اكثر من الثاني يعني مميزات وعيوب كل موتر

وجــزاكــم الله الـف خــيــر

[هذلان]

السلام عليكم

الالتيما ما ادري عنها

اما المكسيما انشدني عنها جربت وحده من زمان و واحد من ربعي كان له تجربه وريره وياها

خرابها عادي مثل كل مواتر هاليومين الا تخترب السالفه انه قطع غيارها اسعارها خياليه اتوقع اغلا من البي ام ولا المرسدس.
و دوم فيها مشاكل في السفايف و في المنفول ،، غير انها خفيفه جدا على الخط مافيه ثبات

[فلفل حار]

والله يالغالي من رأيي كنسلهم اثنينهم ...:)



ماينفعون حق شباب لانه قطع غيارها غاليه وخطره مكاينها على قوتها ...

الاوريون اكشخ واقوا منهم اثنينهم ... وقطع الغيار متوفره في كل مكان واولهم التيسير ...:victory:

[bo_Oof]

هلا اخوي شوف التيما اخوي اقوى من المكسيما والاوريون بس الاوريون احلى

[بن درويش]

الله يوفقك

[الجوكر90]

السلام عليكم
اخوي انا مع الشباب الاوريون احسن
ياخي كفايه تويوتا
وبالتوفيق ان شاء الله

[خيال شمر]

الموتر الي بتحافظ عليه لو سيكل ماراح يخترب الا اذا انتهى العمر الافتراضي لأي قطعه في الموتر .. وطبعا ماراح نقول عيوب لأنه احنا نتكلم عن نيسان .... نادر يطلع فيها عيوب خلنا نقول 10 % علشان يمكن الربع بيذكرون بعض العيوب .....ومااااظن اكثر من هالنسبة ... مع التحيه

[hadi_2004]

الشيخ انا مجرب المكسيما من سنة 91 موتر ماعلية كلام وكنت ما اشكي منها
الا المنفول بس اتبعت طريقة اني ما اغسل السيارة جيك وبعتها سنة 99 وسيارات تويوتا
مثل ما انت عارف بهدلة في التشييك ومشاكل وقطع الغيار صارت غالية وازيدك من الشعر بيت
سفايف في جميع الفئات والنيسان مكينة وجير ومكيف بارد لجونا ماعلية كلاااااااااااااام وتحياتي...........

[هذلان]

كانك بتسمع شوري خذ لك تويوتا اوريون

[qatar.com]

خذلك اوريون وصدقني اقوى من المكسيما والتيما وعن تجربة

[بوحارب]

المكسيما احسن

[نيساني]

الالتيما اقوى من الاوريون واشوفها اكثر في الشارع من الاوريون

وبالتوفيق

[خوخه وحلو]

بالتوفيق

[Riku3]

انا ما ادري عن المكسيما والاريون .. بس بتكلم عن سيارتي الي هي التيما 3.5 .. 2005 .

سريعة وعزمها عالي .. ولو تعدل عليها شوي بتصير اقوى واقوى >_< .. وخراباتها قليلة الحمد لله اذا انت تحافظ على الموتر ..

فقط تغيير ايل وفلتر كل 3000 وعيش حياتك .. والجير والماكينا ماعليهم كلام .. والوكالة بيقولونلك متى تغيير القطع مثل البلكات والسفايف وايل الجير ..الخ .

مشكلتها ان محد يقدر يمسكها الا الوكااااااااله !! .. او اي سي دلكو في بعض الامور .. اما التيسير يقولك "ما يسوي التيما صديق" .... بس بشكل عام الوكالة تستلم موترك بشكل مباشر وبدون موعد في الصناعية ويومين الا هو جاهز وتقدر تستلمه :) .. بس جهز البوووووووووك .

والمشكلة الثانية الي تنرفز ان قطع الغيار غالية بشكل مبالغ فيه في الدوحة .. يعني مثال .. دينمة الجرج في الوكالة 6100 ريال .. وبعد الخصم 4800 .. وانا جبتها من وكالة النيسان بالامارات على 2000 بس >_< .

انا اسوق الالتيما v6 ومرتاح معاها الحمد لله .. وانت لك الحكم .