اللي يبي اي غرض من النت .. ممكن اوفره له ..

[سهم مضطرب]

السلام عليكم ورحمة الله وبركاته ..

شفت وااايد ناس يبون يطلبون من النت اغراض ومب عارفين ..

ف هالموضوع مخصص للي يبي يطلب اي غرض حتى لو انا ابحث له عنه مو مشكله ..

طبعا انتو عارفين ان الطلب من الانترنت .. يشمل سعر المنتج+سعر الشحن .. والشحن يكون غالي ..عالعموم انا بتفاهم على كل شي وراح اعطيكم السعر بالضبط ان شاء الله

على كل طلب راح اخذ 200 ريال

والدفع راح يكون مقدم

وياريت اللي يبغي اي شي يكتبه في نفس الموضوع عشان الكل يستفيد

وراح اكون معاكم اول باول :)

دمتم بود

اختكم ..
سهم مضطرب:shy::shy:

[مشتاقة لقطر]

عرض ممتاز

[سهم مضطرب]

عرض ممتاز

تسلمين فديت قلبج :)

[روح الاطلس]

:omg:200 ..مره طلبت من النت اغراض بقيمه 80 ريال تقريباً ووفروه لي بدون مقابل فقط 30 ريال ثمن التوصيل جزاهم الله خير لان مثلا الطلبات اللي من شركة امازون تشحن ببلاش !

اعتقد ان عرضك حلو بس الصراحه السعر مبالغ فيه لان كثير ناس تعتمد على نفسها في الطلب فعشان تكسبين زباين اكثر تخلين مثلاً نسبة معينه على الطلب يعني مو معقوله بشتري اشياء قيمتها 70 او 90 وبدفع 200 وانتي عارفه ان الشحن مجاني

[سهم مضطرب]

:omg:200 ..مره طلبت من النت اغراض بقيمه 80 ريال تقريباً ووفروه لي بدون مقابل فقط 30 ريال ثمن التوصيل جزاهم الله خير لان مثلا الطلبات اللي من شركة امازون تشحن ببلاش !

اعتقد ان عرضك حلو بس الصراحه السعر مبالغ فيه لان كثير ناس تعتمد على نفسها في الطلب فعشان تكسبين زباين اكثر تخلين مثلاً نسبة معينه على الطلب يعني مو معقوله بشتري اشياء قيمتها 70 او 90 وبدفع 200 وانتي عارفه ان الشحن مجاني

اخوي روح الاطلس .. اشكرك على تجاوبك .. لكن اخوي انا عندي بطاقة الفيزا اشتري منها يعني فوايد تنأخذ مني .. وغير هذا احول مبالغ من الفيزا حق الباي بال ف الطرفين ياخذون مبلغ لو كان الموقع مايقبل الا باي بال .. والشحن ماعمري طلبت وكان مجاني اشرايك ان الاسبوع اللي طاف طلبت 5 طاولات لابتوب شحنهم بس كان 250$ :)

اخوي انا مااستغل ولا احب استغل حبيت اقدم خدمه اللي راضي فيها حياه الله .. وانت عارف نصب بعض المواقع اشلون :) ف بضطر عقب لا قدر الله اطلب بروحي..

احترم وجهة نظرك لكن لي نظره اخرى .. وعملت حساب واايد اشيا ..

كل الشكر والتقدير

اختك .. سهم مضطرب

[بودحوم]

خدمة طيبة

الله يوفقك ان شاء الله

[سهم مضطرب]

خدمة طيبة

الله يوفقك ان شاء الله

تسلم بودحوم .. مرورك هو الطيب :)

[مشتاقة لقطر]

روح الاطس

انا بصراحة ناحيتي ومن ناية ناس وايد و نج نطلب نتعنى بنطلب شي مععتبر بما قيمته 3000- 5000

ف200 ريال تعتبر نسبة ووووايد زينه

خصوصا اني بافك من كل التفاصيل


يعطيج العافي سهم مضطرب

ولو فكرت اطلب عن طريق حد بيكون عن طريقج اكيد انه احسن عرض شفته للحين


ارسي لي رقمج للتواصل

[Miss]

اختي عرضج ممتاز وانا اول وحده ان شاء الله بتعامل معاج

بس صعبه نحط الموضوع هنيه عشان الخصوصيه

لا هنتي

[HEART_LION]

الله يوفقج اختي

بس لو تابعتي المواضيع السابقه للتاكد من السعر اللي حاطته عشان ماكون ظلمت حد

[سهم مضطرب]

روح الاطس

انا بصراحة ناحيتي ومن ناية ناس وايد و نج نطلب نتعنى بنطلب شي مععتبر بما قيمته 3000- 5000

ف200 ريال تعتبر نسبة ووووايد زينه

خصوصا اني بافك من كل التفاصيل


يعطيج العافي سهم مضطرب

ولو فكرت اطلب عن طريق حد بيكون عن طريقج اكيد انه احسن عرض شفته للحين


ارسي لي رقمج للتواصل


دوووم ذوق مشتاقه .. وبصراحه يشرفني اخدمج :) خصوصا اني اعتبرج وحده من ضمن افضل تاجرات المنتدى

اشكرج على متابعتج وتعقيبج :)

[سهم مضطرب]

اختي عرضج ممتاز وانا اول وحده ان شاء الله بتعامل معاج

بس صعبه نحط الموضوع هنيه عشان الخصوصيه

لا هنتي

خذي راحتج حبيبتي

ويشرفني اخدمج :)

[شعنونة قطر]

طيب اذا نيتكم الخدمه حطولنا المواقع اللي تبيع بضايع وملابس

وحطولنا الطريقه كيف نشتري




.....

[alrheeb2020]

الله يوفقج

[alrheeb2020]

طيب اذا نيتكم الخدمه حطولنا المواقع اللي تبيع بضايع وملابس

وحطولنا الطريقه كيف نشتري




.....


كككك...

والله حكرتي لهم صح ...

صح كلامج اذا نيتهم خالصه لله ويبون الاجر والخدمه يعلمونه ...

هع 10-0

[omar77]

كككك...

والله حكرتي لهم صح ...

صح كلامج اذا نيتهم خالصه لله ويبون الاجر والخدمه يعلمونه ...

هع 10-0

هوب استوب ارفع هند
انا مستعد اعلمكم وببلاششششششششششش
والنيه الصاله
ترا موجوده
بس الي ما يبي ايعور راسه
الاخت تتحمل عوار الراس
وتوفرله الغرض المطلوب
والسلام ختام

[شعنونة قطر]

عمر يالله فيدني

طرش لي في الخاص المواقع والطريقه


ومرحبا واهلا وسهلا بعوار الراس

[omar77]

عمر يالله فيدني

طرش لي في الخاص المواقع والطريقه


ومرحبا واهلا وسهلا بعوار الراس

من عنوني

[عيون]

وانا بعد ابي موااااااااقع حلووووووووة فيها ملابس واشياء غريبه علشان اطلب من اختي سهم مضطرب

[HEART_LION]

ياجماعه مالها داعي التعليقات

الاخت جزاها الله خير حطت عرضها اللي يبي يطلب واللي مو مقتنع يتعلم ويطلب

وهي ذكرت المشاكل اللي ممكن تواجهها مثل الفيزا والشحن والاشتراك والخبره وغيره

والله يوفق الجميع

[M!SS V!P]

ممكن توفر لي طلب من موقع امازون


=)

[الخاص]

موفقين انشالله

[الخاص]

موفقين انشالله
عروض ممتازة

[فلفل حار]

خاطري في لغرض بسيط لكنه ممنوع ... مادري تقدر تطوفه لي ..؟؟:rolleyes2:



يعني عن طريق شركات الشحن مثل الـdhl وربعه ...

اذا بتتأكد منهم يطوف ولا لا وتطلبه لي ...



حلال عليكـ الـ200 يالشيـخ ...

:victory:

[HEART_LION]

خاطري في لغرض بسيط لكنه ممنوع ... مادري تقدر تطوفه لي ..؟؟:rolleyes2:



يعني عن طريق شركات الشحن مثل الـdhl وربعه ...

اذا بتتأكد منهم يطوف ولا لا وتطلبه لي ...



حلال عليكـ الـ200 يالشيـخ ...

:victory:

اكيد عطر او دواء

فيه ناس يجيبونهم شلون مادري انشالله تلاقي طلبك

[فلفل حار]

اكيد عطر او دواء

فيه ناس يجيبونهم شلون مادري انشالله تلاقي طلبك

تقريبــاً ...:looking:







http://img101.herosh.com/2009/08/08/218493374.jpg






----------------------------------

تسلم يالشيــخ ...:victory:

[شعنونة قطر]

تعليقاتنا تناقش للافاده لا اكثر ولا اقل


يعني بالله كيف ابي اطلب وانا مااعرف المواقع على شان اطلب



شكر خاص للاخ عمر الله يجزاه خير علمني موقعين

[ام فالح 2002]

بصراحة ...حلو الموضوع انا ابي عصير هوليود للتنحيف عجزة القية ممكن توفرة لي بس انا سمعت انة موجود اهنيه بالدوحة

[أمّ محمّد]

السلام عليكم
تقدرين توفرين لي سيارتين من هذي وكم بيطلعون علي بالريال القطري؟ في 12v و 24v
لو 24 فولت احسن لأنها اسرع خاطري فيهم حق عيالي
واكون شاكره لج
http://rideontoys.net/wp-content/uploads/2009/03/toy_lightningmcqueen.jpg

http://rideontoys.net/electric/power-wheels-lightning-mcqueen

[سهم مضطرب]

أولا شكر خاص لكل من دخل وشكر

واللي يعلقون عالفاضي .. ماراح ارد عليهم .. واذا مو عاجب بكيفهم ..

الاخت شعنونه .. في ساليب احلى الناس الذوق تتعامل فيها .. مب تتهاوشين عشان يعلمونج .. انا ماكنت اعرف شي الحمدلله النت بحر يعلم اللي مايتعلم تقدرين تتعلمين

والاخ الرهيب .. على شنو تحكر لي .. ؟؟ !!

والاخوان والخوات اللي اشكروا تسلمون .. وانشالله اقدر اوفر لكم كل اللي تبونه قريب

واسمحوا لي اذا ردي ماكان يعجب

بس من طق الباب ياه الجواب

واللي يبي يعلق ولسانه يحكه عالخاص عشان اعرف اتفاهم معاه :)

[سهم مضطرب]

وانا بعد ابي موااااااااقع حلووووووووة فيها ملابس واشياء غريبه علشان اطلب من اختي سهم مضطرب

مرحبا اختي بطرش لج بعض المواقع ولا يهمج

[سهم مضطرب]

ممكن توفر لي طلب من موقع امازون


=)


ممكن خيتو ليش لا ^_^

[سهم مضطرب]

ياجماعه مالها داعي التعليقات

الاخت جزاها الله خير حطت عرضها اللي يبي يطلب واللي مو مقتنع يتعلم ويطلب

وهي ذكرت المشاكل اللي ممكن تواجهها مثل الفيزا والشحن والاشتراك والخبره وغيره

والله يوفق الجميع

ليت اللي علقوا تفكيرهم كان هالشكل

عالعموم يزاك الله الف خير ^_^

[سهم مضطرب]

بصراحة ...حلو الموضوع انا ابي عصير هوليود للتنحيف عجزة القية ممكن توفرة لي بس انا سمعت انة موجود اهنيه بالدوحة

انشالله بحاول ادور لج اياه

ولو كان ف الدوحه بخبرج وين ينباع ^_^

[سهم مضطرب]

السلام عليكم
تقدرين توفرين لي سيارتين من هذي وكم بيطلعون علي بالريال القطري؟ في 12v و 24v
لو 24 فولت احسن لأنها اسرع خاطري فيهم حق عيالي
واكون شاكره لج
http://rideontoys.net/wp-content/uploads/2009/03/toy_lightningmcqueen.jpg

http://rideontoys.net/electric/power-wheels-lightning-mcqueen

انشالله اختي بحسب لج وبطرش لج عالخاص ولايهمج

[بوليد]

جزاك الله خيرا
خدمة جيده للاعضاء

[Q.T.R]

جزاج الله خير اختي خدمه مفييده بدل البووق الي حااصل الان من بعض المواقع

الله يوووفقج ان شاءالله

[dammaj77]

الله يوفقك اختي الشحن على من ؟

[مشتاقة لقطر]

الغاليه ياليت تحطين بعض المواقع الي تعاملتي معاها عشان نوفر الصددعه عليج
بالمره الموقع تكونين واثقه منها
وياليت للصنادل والشنط ماعليج امر
وتسلمين

[أمّ محمّد]

تسلمين يالغاليه الله يوفقج يا رب

[شعنونة قطر]

افا ليه كليتيني الحين . . .


انزين انا ابي اشتري قارمن نوفي 550

بس منزل معه خريطة اوروبا وامريكا الشمالية

هذا الموقع
http://www.desertmaps.com/products.php?id=15


اذا عالتفاصيل اكثر كلميني عالخاص هذا اذا وافقتي علي كزبونة خخخخ


سعره بــ2000

يعني ادفع لج 2200 ؟

المندوب ادفع له شي ؟

سؤال
انتي تعرفين هالموقع؟


يعني هل هو مضمون؟

[شعنونة قطر]

الـــو

[..أم خليفة..]

سعرك حلو وايد اخوي وان شاء الله لي تعامل معاك قريب باذن الله

يعطيك العافيه وعساك عالقوة

[Maha_N]

عرض طيب


ومن قال الشحن رخيص؟؟؟ انا دافعه على شنطه 80 $ ولو بطلبها عن طريق ارامكس بدفع اكثر واكثر


لاهنتي اختي


موفقه

[سهم مضطرب]

تسلمون وماقصرتوا :)

وانا في الخدمه :)

[الراسي 5550]

http://qatarshares.com/vb/showthread.php?t=287448

[سهم مضطرب]

http://qatarshares.com/vb/showthread.php?t=287448

حصلت لك اخوي البوك الوارد عندك فل ياليت تفضيه :)

[omar77]

up
up
up

[سهم مضطرب]

up
up
up

:victory::victory:

[ام توته]

اخوي انا بغيت كم غرض من الموقع شلون راح يكون التواصل

[لبتونه]

اختي عرضج ممتاز وانا اول وحده ان شاء الله بتعامل معاج

بس صعبه نحط الموضوع هنيه عشان الخصوصيه

[سهم مضطرب]

:) خلاص اللي يبي اي شي عالخاص :)

للرجال عالمسن

والنساء الجوال ^_^

[(( نـواف ))]

بالتوفيق ان شاء الله

[أمّ محمّد]

اختي اخاف اكون تعبتج معاي
أبطيتي علي وايد

[خذاني الشوق]

دووووووووووووم متميزة سهم الله يوووفقج باشوف طلباتي وبسندرج خبرج خلصنا بالتووفيق لج