HTC Touch Pro

[sad-o-bas]

السلام عليكم..

إخواني وخواتي.. الحمد لله أمس شريت لي الجهاز المذكور أعلاه.. وبصراحة ماعليه كلام.. بس لأنه أول جوال موبايل وندوز أتعامل معاه.. متوهق في كمن شغلة للي ممكن يساعد / تساعد..

بالنسبة للتعريب، المسجات الي تجيني ماتنقرى.. قالوا لازم نعربه.. مع إني ماخذه من جرير وبكيبورد عربي بس الابريتنج سستم انجليزي للأسف..

بالنسبة للواي فاي، هل فيه طريقة أخلي فيها إعداد الإتصال بالشبكة على الواير لس دايركت وأعطل خاصية الجي بي آر اس..

تحياتي ومشكورين مقدماً..

[بوسلطانqtr]

السلام عليكم

اخوي مر محل اسمه صيانه في النصر ومايصير خاطر الا طيب

تقبل مروري

[sad-o-bas]

يعطيك العافية يالغالي..

[aldouha]

شيك موقع الكمبيوتر الكفي

[sad-o-bas]

مشكور أخوي aldouha، موقع الكمبيوتر الكفي ماتوقعته بهالضخامة.. مريت عليه بصراحة قبل ما أكتب المشاركة، بس توهقت بمصطلحات جديدة مثل الرومات والأصلي والمطبوخ!
المنتدى ماعليه كلام بس حتى خاصية البحث في مثل هذي المواضيع ماراح تنفعني، لأني مبتدىء فالجهاز ولحد الحين ترى ما أعرف أوصل ماي دكيومنتس! إخوي إذا عندك روابط بسيطة للعليمية الي مثلي ياريت تعطيني إياها، والله يجزاك خير..

أبشركم اليوم رحت جرير عند الفلبيني المسؤول عن التلفونات وظبط لي الوضع، وصرت أقدر أقرأ وأكتب عربي بالجهاز والكيبورد بضغطة زر يقلب إنجليزي، وهذا يهمني وايد في شغلي بصراحة..

كل ما أكتشف شغلة جديدة أتحسف إني ماخذت هالجهاز قبل..

يعطيكم العافية على التفاعل.. ونصيحتي لأي واحد يفكر في البوكت بي سي، يجربه ويدور فالنت اشوي عن مواصفاته قبل لايتخذ أي قرار..

تحياتي

[aldouha]

مشكور أخوي aldouha، موقع الكمبيوتر الكفي ماتوقعته بهالضخامة.. مريت عليه بصراحة قبل ما أكتب المشاركة، بس توهقت بمصطلحات جديدة مثل الرومات والأصلي والمطبوخ!
المنتدى ماعليه كلام بس حتى خاصية البحث في مثل هذي المواضيع ماراح تنفعني، لأني مبتدىء فالجهاز ولحد الحين ترى ما أعرف أوصل ماي دكيومنتس! إخوي إذا عندك روابط بسيطة للعليمية الي مثلي ياريت تعطيني إياها، والله يجزاك خير..

أبشركم اليوم رحت جرير عند الفلبيني المسؤول عن التلفونات وظبط لي الوضع، وصرت أقدر أقرأ وأكتب عربي بالجهاز والكيبورد بضغطة زر يقلب إنجليزي، وهذا يهمني وايد في شغلي بصراحة..

كل ما أكتشف شغلة جديدة أتحسف إني ماخذت هالجهاز قبل..

يعطيكم العافية على التفاعل.. ونصيحتي لأي واحد يفكر في البوكت بي سي، يجربه ويدور فالنت اشوي عن مواصفاته قبل لايتخذ أي قرار..

تحياتي
أخوي انا كان عندي HTC HD بس شغلي مايتطلب هالجهاز ورووووعة بمعنى الكلمة انصحك لا تهده شوي شوي تفهم عليه ولو كان عندك السي دي موجود اقرا السي دي انا كان عندي موضوع اهني شيك عليه هذا اللنك

http://www.qatarshares.com/vb/showthread.php?t=283154

وشيك من هذا اللنك على دليل المستخدم وسوي تحميل من هذا الموقع

http://www.filefront.com/14107691/Blackstone_HTC_Arabic_UM.pdf


وحياك الله

[sad-o-bas]

يعطيك العافية.. أخوي تخبر محل يظبط مثل هالأجهزة ببرامج مضمونة وأصلية؟

غير صيانة طبعا الي للحين مارحته..

تحياتي لك..

[aldouha]

أخوي في عضو بالمنتدى هني اسمه

مشراق

ارسله رساله بالخاص وهو بيفيدك ان شاء الله