المساعد الشخصي الرقمي

مشاهدة النسخة كاملة : يا أأأأهل الدوحة وييينكم


عيناوي1
07-08-2009, 06:58 PM
السلام عليكم ورحمة الله وبركاته

اش حال اهل الدوحة ان شاءالله طيبين

يشهد الله المحبة اتجاوزت الحدود ودخلت مساكنكم


حبيت استفسر منكم انا من اسبوعين ييت الدوحة ودعمني واحد راعي شاحنه يعني شحف موتري وهو الغلطان

والشرطة عطوني ورقة تصليح موجها الى (شركة الدوحة للتأمين) المهم انا كنت مب فاضي ورجعت لداري وقلت بصلح الموتر على حسابي يوم شيكت في الوكالة طلع التصليح يكلف مبلغ وقدره



اتصلت على الدوحة للتأمين وكلمت واحد وبينت له الموضوع قالي لزم تييب الموتر

وحاولته لكن قالي ماقدر


الحين ابا اعرف في حد يقدر يسوي لاخوه ترتبيشن



والسموووووحة من الجميع
ولد الشحانية
07-08-2009, 07:15 PM
اخوي لازم تجيب موترك يشوفونه

بنفسهم

ويفتحون عندهم ملف ويصورونهم

ويقولون لك وين تصلحه
ودي أكون
07-08-2009, 07:15 PM
ان شاءالله اخوانا فالمنتدى ماراح يقصرون معاك فالخدماتيشن .. :tooth:

وخطاك الشر ابوي
Sharshooooor
07-08-2009, 07:19 PM
حياك الله في اي وقت وبالنسبة للاجراءات افضل انك تاخذ مبلغ بشيك وتكمل العلاج اااا قصد التصليج في بلادك :)

بس يعتمد الموضوع على موديل السيارة بالنسبة لهالقتراح
عيناوي1
07-08-2009, 07:31 PM
اخوي لازم تجيب موترك يشوفونه

بنفسهم

ويفتحون عندهم ملف ويصورونهم

ويقولون لك وين تصلحه

صدقت ياخويه يوم اتصلت عليهم قالولي لذم نفتحلك ملف

المشكلة اني مشغول واايد

ويسلملي ردك الغالي
عيناوي1
07-08-2009, 07:35 PM
ان شاءالله اخوانا فالمنتدى ماراح يقصرون معاك فالخدماتيشن .. :tooth:

وخطاك الشر ابوي

والشر مايييج أبد بنت المغفور له بأن الله


والله ان اهل الدوحة مافيهم قصور ولا شك ابداً
عيناوي1
07-08-2009, 07:44 PM
حياك الله في اي وقت وبالنسبة للاجراءات افضل انك تاخذ مبلغ بشيك وتكمل العلاج اااا قصد التصليج في بلادك :)

بس يعتمد الموضوع على موديل السيارة بالنسبة لهالقتراح

انا طال عمرك قلت للشركة اني برسلكم صورة السيارة مع ورقة التصليح وورقة عرض اسعار من الوكالة وبرسلهم الاوراق ويطرشون لي شيك بالمبلغ

قالي مانقدر


موديل السيارة ياخوي 2009 استيشن لكزس بعدني ماشيكته التشيك الاول ودعمني الباكستاني لابركتن في ابليسه
تحداني
07-08-2009, 07:49 PM
... لازم يشوفون سيارتك ..
حاول تجي الدوحه .. وخاصه سيارتك جديده ..
فأكيد راح تكون تكلفه تصليحها عاليه ..
اذا كانت على احسابك ..

وصدقني لو تنحل الامور بدون مل يشوفون سيارتك ..
الاخوان ما راح يقصرون .

وعندنا بالدوحه الشاحنان قصتهم قصه ..
جيت زاير الدوحه ..
ورجعناك زعلان ..


معليش ..سامحنه ..
وقدر الله وما شاء حصل ..
استغفرالله
07-08-2009, 08:19 PM
حاول تجي يوم الدوحة وتييب السيارة

ولازم تستعيل لاني اعتقد لك بس اسبوعين من وقت الدعمة عشان تراجع التأمين

والله يعوظك خير
ANONYMOUS
07-08-2009, 08:58 PM
مالك الا تجي الدوحه..

الا اذا في واحد شقردي عنده كونيكشن قوي يمشيك من غير ماتجي..
ALRAYYAN
07-08-2009, 09:37 PM
قدر الله وماشاء فعل .. في الحديد ولا فيك ياخوي

بس مالك الا تجي الدوحة وتودي لهم الموتر يصورونه ويفتحون لك ملف

وبما ان الموتر جديد من حقك تصلح في الشركه

ولين جيت حاول تتفاهم معاهم ان الموتر اماراتي وانك ماتقدر تصلح هني ..

يمكن يتفهمون الوضع ويعطونك شيك بالمبلغ تصرفه وتتوكل على الله وتصلح في دار زايد حفظها الله
Northman
07-08-2009, 09:54 PM
الله يعينك ياخوي

بس لازم يشوفون الموتر و يفتحون لك ملف ,, تالي بيخلونك تمر على الوكاله و تاخذ منهم كوتيشن بتكلفه التصليح ,, عقبها الاجراءات تاخذ لها يوم او يومين على ماينزل لك شيك بالمبلغ ,, تصرقه في الدوحه و تتوكل و تصلح موترك في الامارات

كان ودنا نخدمك ,, بس هذي اجراءاتهم و لله يعينك
A l i
07-08-2009, 10:19 PM
خطاك الشر اخووي ..
لوردغاليري
08-08-2009, 12:48 AM
قدر الله وماشاء فعل .. في الحديد ولا فيك ياخوي

بس مالك الا تجي الدوحة وتودي لهم الموتر
عيناوي1
01-10-2009, 10:15 PM
بيض الله ويييهكم ومشكورين وماقصرتوا

والسموحة ع الانقطاع


عدلت السيارة في الوكالة كلفتني 12 الف وبعد مادخلنا الواسطات كلفت 6 الاف


وجزاكم الله خير

وبخصوص اللي راسلوني ع الخاص فالسموحة منهم ماقدر اراسلهم بسبب ماتجاوزت مشاركاتي 50 مشاركة



ويشهد الله اني حبيت منتداكم وان شاءالله اتواصل معاكم


والله يوفق الجميع
سداوي&مدريدي
01-10-2009, 10:19 PM
حي الله خوالي :nice:

والله توني شايف الموضوع ولا من عيوني

عموما الحمد لله على السلامه

والأهم انك بخير :victory:
معيذر جنوب
01-10-2009, 10:21 PM
بيض الله ويييهكم ومشكورين وماقصرتوا

والسموحة ع الانقطاع


عدلت السيارة في الوكالة كلفتني 12 الف وبعد مادخلنا الواسطات كلفت 6 الاف


وجزاكم الله خير

وبخصوص اللي راسلوني ع الخاص فالسموحة منهم ماقدر اراسلهم بسبب ماتجاوزت مشاركاتي 50 مشاركة



والله يوفق الجميع

شركة الدوحة للتأمين عوضوك ولا ماجبت السيارة
الـقـاسـي
02-10-2009, 01:10 AM
اخوي لازم تجيب الموتر الدوحه ويفتحونه ويصورونه لك .. وبعدين يطرشونك لكراج من الكراجات اللي يتعاملون وياها الموتر اذا موديل السنه مراح تدفع شي بس الموتر اذا مر عليه سنه وتبيهم يركبون لك قطع غيار اصليه تدفع 20% من قيمه قطع الغيار فقط ..

والاحسن لك تقول لهم ابي فلوس كاش بيقولون لك تجيب عرض سعر من ثلاث كراجات وطبعا انت وشطارتك وعقبها بيعطونك المبلغ بنائا على اقل عرض سعر تجيبه لهم بيحاولون ينزلون من المبلغ بس انت انشب لهم لاتخليهم ينزلون ريال واحد ..
Om Majed
02-10-2009, 01:39 AM
مرحبا الساع بأهل الإمارات ..

كانك ماتقدر تجي الدوحه عط واحد من إخوياك توكيل يجينا ويخلص السالفه ...
أخوي العام دعمته شاحنه على طريق الحسا والله سلمه بس ماقدر ياخذ حقه من ألى دعمه لانه كان يدرس بالخارج سافر وسوى توكيل لولد عمي علشان يتابع القضيه ...

إن شاءالله تقدر تصلح موترك وخطاك الشر
عيناوي1
03-10-2009, 05:28 PM
حي الله خوالي :nice:

والله توني شايف الموضوع ولا من عيوني

عموما الحمد لله على السلامه

والأهم انك بخير :victory:


مرحبا الغالي أصيل اصيل يولدي الخال والد

للعلم ترى الوالدة اصلها من قطر يعني انا اماراتي الا ربع:rolleyes2: اقصد إماراتي إلا قطر




بس ماعليك بنخليك للفزعة

ومشكور الغالي وماقصرت
عيناوي1
03-10-2009, 05:33 PM
شركة الدوحة للتأمين عوضوك ولا ماجبت السيارة

لا الغالي مايبت السيارة وعدلتها على حسابي:weeping:


تسلم ع الطلة
عيناوي1
03-10-2009, 05:36 PM
اخوي لازم تجيب الموتر الدوحه ويفتحونه ويصورونه لك .. وبعدين يطرشونك لكراج من الكراجات اللي يتعاملون وياها الموتر اذا موديل السنه مراح تدفع شي بس الموتر اذا مر عليه سنه وتبيهم يركبون لك قطع غيار اصليه تدفع 20% من قيمه قطع الغيار فقط ..

والاحسن لك تقول لهم ابي فلوس كاش بيقولون لك تجيب عرض سعر من ثلاث كراجات وطبعا انت وشطارتك وعقبها بيعطونك المبلغ بنائا على اقل عرض سعر تجيبه لهم بيحاولون ينزلون من المبلغ بس انت انشب لهم لاتخليهم ينزلون ريال واحد ..

مشكور شيخي وماقصرت كفيت بكلامك ووفيت وبيض الله ويهك
عيناوي1
03-10-2009, 05:42 PM
مرحبا الساع بأهل الإمارات ..

كانك ماتقدر تجي الدوحه عط واحد من إخوياك توكيل يجينا ويخلص السالفه ...
أخوي العام دعمته شاحنه على طريق الحسا والله سلمه بس ماقدر ياخذ حقه من ألى دعمه لانه كان يدرس بالخارج سافر وسوى توكيل لولد عمي علشان يتابع القضيه ...

إن شاءالله تقدر تصلح موترك وخطاك الشر

مرحبابك زوووود وسلامة راس اخوك من الشر

انا ياخويه عدلت السيارة ومشكور على الرد وويهك سمح أبيض