ابي منكم النصيحة

[&ام عبدالله&]

السلام عليكم ورحمة الله وبركاتة

كتبت موضوعى لعل وعسي القى عندكم الحل والنصيحة

ممكن بعضكم ينظر لموضوعى انة موضوع تافة او مايستحق الاستشارة

لكن والله هالموضوع شال تفكيرى وتعب اعصابي

الله يسلمكم رحت مكتب لتوفير الخادمات واخذت منهم خدامة اندونيسية

ب500 دولا راتب شهرى وكتبت عقد لمدة سنة والبنت مسلمة ومتدينة ومطيعة

طيب وين المشكلة

المشكلة انى يوم تكلمت معاها بالمكتب كلمتنى عربي خفيف

وراعى المكتب قالى انها بتفهم عربي عدل

وانا كنت افكر المسئلة بسيطة ماتحتاج تعليم ولا شيء

كل المطلوب منها تنظيف البيت وبس

لكن بالحقيقة حصلت صعوبة بالتعامل معاها مب فاهمة لها ولا كلمة

وكلة تبرطم كلام مب مفهوم

وكل مااطلب منها شيء اتم ساعة لين افهمها

ومشكلتها ماتعرف انجليزى ولا انا بعد ههههه

المهم صار لها عندى اسبوع وانا مب قادرة افهمها وهى كلامها عربى جدا بسيط

ويوم اتصلت بالمكتب ماعطانى حل قالى انتى شفتيها ووافقتى عليها

وكتبنا العقد وخلصنا مع انى اخذتها بالسعر المبالغ فية محتاجة لخدامة تساعدنى

للتعريف انا فى مصر

وجربت كذا شغالة مصرية بس مب راعيات شغل كل وحدة تدلع لها يومين وتمشيء

وتعبت منهم بصراحة وجربت الاثيوبية ومانفعت معاى لانها مب نظيفة ابد

الحين شلحل شسوى بهالبلوة اللى عندى

ولو مشيتها شلون اجيب خدامة غيرها ومن وين

وهل المكتب يقدر يشتكى على

لانى قلت ببالى بخليها تخلص هالشعر وبرجعها المكتب

والله يعوض على لان المكتب ماخذ منى شهر عمولة وهى اخذت شهر مقدم

شسوى ساعدونى

ولو اخذت شغالة من الدوحة ووديتها مصر شنهى الاجرائات المطلوبة

وشلون اجيبها من قطر الى مصر

[ودي أكون]

حبيبتي انطري عليها دام انها مطيعه وشغوله ..

كل الخدم يجونج مايعرفون شي بس مع العشره اتشوفينها ترطن عدل :tooth:

واذا تبين اتعلمينها اللغه او انها تتعلم بسرعه .. لا تكلمينها بلغتها ابد ولا تحاولين بالعنكلش ..

كلميها بلغتنا وخليها اترد عليج بلغتنا جي غصبن عنها بتعلم بسرعه ..

اهم شي الخدم شغلهم .. ان كانت شغوله وامينه انصحج اتمسكين فيها ولا تفرطين فيها ..

اما اذا نتي عافت نفسج منها فهذا شي ثاني :tooth:

[&ام عبدالله&]

يزاج الله خير اختى وانا بسوى اللى قلتى لى علية

والله يقدرنى اتحمل برطمتها وانا بتم معاها شوى شوى لين افهمها

لان كل صديقاتى اقنعونى بعدم ترجيعها للمكتب

وقالولى يكفى انها مطيعة

[ALRAYYAN]

والله ياختي ماتدرين .. يمكن تفرطين في هالمطيعه والنظيفه

وتجيج وحده تتكلم عربي زين .. لكن تطلع وصخه ونحيسه وبارده

لا تصدقين بتجيج وحده كامله .. محد كامل غير وجهه سبحانه

اصبري عليها .. وحبه حبه يطلع المستخبى على ماقالوا .. هههههههه

بالتوفيق

[(الفيصل)]

عليكم السلام ورحمة الله
اختي الكريمه
الموضوع سهل ان شاء الله
اولاً مكاتب الخدم في (قطر) ملزم قانونا بفترة 3 شهور لرد الخادمة حسب تعليمات ادارة العمل.

ونصيحتي لك بالصبر عليها طالما انها (مطيعة كما تقولين)
وعلى قولة العجايز (احبيبن سهل وبترطن لك اقطري .. وبمنطوق بعد):)
الصبر الصبر بارك الله فيك

[فلفل حار]

الله يعينج على مشاكل الخدم ...!



يفيدونج الاعضـاء ان شاء الله ... ^-^