النيابة العامه..

[عاشق فودافون]

السلام عليكم ورحمة الله وبركاته..


اخوااني وخواتي بغيت رايكم في موضوع..

الا وهو انه واحد من الشباب قطع الاشاره حمرا موصل والدته الطواري

المهم الحين صارت عليه غرامه 6000 ريال وسيارته منتهيه من تاريخ 3-8-2009 والحين يبي يجددها مب قادر الا اذا دفع رسوم المخالفه والنيابه طلبت منه تقرير الطواري ومستشفى حمد قالو له فالتقرير الحاله غير مستعجله..

وهو مايدري شيسوي ..

ابي اخذ رايكم والي عنده خبره او اي معلومه لايبخل علينا..

ولاتنسون الثبوت هالايام وعااادي يطيح في يد وااحد نحيس يسوي له مشكله..

انا رايي فالموضوع ان الانسان اذا شاف امه بين الحياه والموت والتنفس صعب عندها مايدري شرااح يصير فهو مب دكتور ولا استشاري واكبر همه يوصلها المستشفى باسرع وقت..


انتو اشرااايكم


ننتظر ردودكم

[بوطويشم]

السلام عليكم

الشيخ خله يجرب يروح عند الخرجي

يمكن يتفهم الموضوع

لكن اذا السالفه فيها نيابه مادري؟؟؟؟؟

[حرقطر]

اخوي خذ التقرير ودخل على مدير المرور

انا عندي واحد من الشباب نفس الحاله سامحو والله وماقصرو

روح ولا تنتظر

[مافيا قطر]

نفس كلام الربع روح حق الخرجى وشوف ايش يقلك انا قاطع الاشاره وعلى 6000 ريال وابى اجدد الاستماره

قالى واحد من الربع كلم الخرجى يمكن يسون لى اقساط انت روح وانت مب خسران شى

[nasser 519]

:victory:
نفس كلام الربع روح حق الخرجى وشوف ايش يقلك انا قاطع الاشاره وعلى 6000 ريال وابى اجدد الاستماره

قالى واحد من الربع كلم الخرجى يمكن يسون لى اقساط انت روح وانت مب خسران شى


:victory:

[Qa6ar]

يمر على الخرجي ويشرح له الحاله ومو مقصر

[خنور]

روح طال عمرك حق بو ناصر وزير الداخلية هو راعيها ويقدر كل قطري يدش عليه بيض الله وجهه

وماراح يقصر يقدر اهل قطر ويرحب فيهم ويقدرهم عسى عمره يطول والله انه الشخص المناسب في

المكان المناسب .

[(الفيصل)]

اذا أثبت الحاله الطارئة (بتقرير أو خلافه)
يجوز لك طلب اسقاط المخالفة
وحصلت ذالك مع كثيرين سواء من المواطنين أو المقيمين
المهم أن تثبت ذالك
واذا تم الزامك بسدادها رغم وجود اوراق تثبت ماجاز لك المخالفة
(سدد المخالفه)
ومن ثم ارجع على وزارة الداخلية بدعوى قضائية وسوف تحصل على حقك ان شاء الله.

[قطري vip]

اذا أثبت الحاله الطارئة (بتقرير أو خلافه)
يجوز لك طلب اسقاط المخالفة
وحصلت ذالك مع كثيرين سواء من المواطنين أو المقيمين
المهم أن تثبت ذالك
واذا تم الزامك بسدادها رغم وجود اوراق تثبت ماجاز لك المخالفة
(سدد المخالفه)
ومن ثم ارجع على وزارة الداخلية بدعوى قضائية وسوف تحصل على حقك ان شاء الله.

ياسلام عليك يالفيصل رد ولا اروع

[بوحنان]

اخوي كلم مساعد المدير عبدالله بن ناصر اذا ما شلها او خفضها لك قوله يرفع لك المخالفه من الكمبيوتر لين ما اتجدد الاستماره وعقب يردها للكمبيوتر

[دهــن العود]

أخي الكريم انا ما أحب اسببلك احباط . انت قلت ان تقرير المستشفى قال ان الحالة غير طارئة يعني ماراح تقدر اتقول ان تنقذ حياة شخص عند قطع الاشارة . وبعدين ما دام الموظوع وصل النيابة العامة ما أعتقد مدير المرور يقدر يسقط الدعوى الجنائية عنك و هي ( قطع الانوار الضوئية ) . و زين أطلبوا من الرجال 6000 ريال يمكن علشان ارتكبتها في ظل قانون المرور القديم لأن غرامة قطع الاشارة الضؤية غرامتها ماتقل عن 10 آلاف ولا تزيد عن 50 الف حسب قانون المرور الجديد رقم 19 لسنة 2007 . الله يوفقك ويشفي مرضى المسلمين .

[(الفيصل)]

أخي الكريم انا ما أحب اسببلك احباط . انت قلت ان تقرير المستشفى قال ان الحالة غير طارئة يعني ماراح تقدر اتقول ان تنقذ حياة شخص عند قطع الاشارة . وبعدين ما دام الموظوع وصل النيابة العامة ما أعتقد مدير المرور يقدر يسقط الدعوى الجنائية عنك و هي ( قطع الانوار الضوئية ) . و زين أطلبوا من الرجال 6000 ريال يمكن علشان ارتكبتها في ظل قانون المرور القديم لأن غرامة قطع الاشارة الضؤية غرامتها ماتقل عن 10 آلاف ولا تزيد عن 50 الف حسب قانون المرور الجديد رقم 19 لسنة 2007 . الله يوفقك ويشفي مرضى المسلمين .


بارك الله فيك يادهن عود
وكلامك صحيح فيما يتعلق بقانون المرور القديم والجديد وعقوباتهما
ولكن لنتذكر أن ماقام به الاخ يعد (مخالفة) اي ليست (جنحه) تحال للمحاكم
الا اذا رأت النيابة غير ذالك واحالتها بالفعل باعتبارها جنحه او مخالفة
وهنا نستطيع أن نقول ذات ماقلنا وهو اثبات حالة (الاستعجال)
وعندها سوف يصدر حكم بالبراءة بلا شك
وبالتالي وصل الاخ لمبتغاه
تحياتي لك

[ALRAYYAN]

اخوي فودافون .. الحل بسيط

اذا هو مقتنع بأنه على حق .. يرفض تسديد المخالفة ويطالب بتحويل الموضوع للمحكمة

وبعد مايحددون له جلسه .. يبرر للقاضي سبب قطع الاشارة مع الاوراق الثبوتية الخاصه بالمستشفى

وهني القاضي ان شاء الله بيتفهم الموضوع .. اما بيسقط عنه المخالفه او بيخففها مع فتح ملف 200 ريال

وبس

[ابو ماجد]

اسمحلى اخوى.. من هذا السؤال.. ليش النيابه.. طالبه.. تقرير المستشفى.

[جنوب الدوحه]

ما تشوف شر الوالد ان شاء الله .. وان شاء الله يشيلون عنه المخالفه

بس هذا قانون لازم يجيب اثبات معاه . .. وبصراحه لو كل شخص عنده حاله مستعجله وقطع اشاره ممكن تصير فوضى ممكن تتسبب في ضرر ارواح اخرين لازم نحط هذا الشي في الاعتبار اخي ..

ولكن نتمنى لها الشفاء والله يطول عمرها يا رب ..

[دهــن العود]

بارك الله فيك يادهن عود
وكلامك صحيح فيما يتعلق بقانون المرور القديم والجديد وعقوباتهما
ولكن لنتذكر أن ماقام به الاخ يعد (مخالفة) اي ليست (جنحه) تحال للمحاكم
الا اذا رأت النيابة غير ذالك واحالتها بالفعل باعتبارها جنحه او مخالفة
وهنا نستطيع أن نقول ذات ماقلنا وهو اثبات حالة (الاستعجال)
وعندها سوف يصدر حكم بالبراءة بلا شك
وبالتالي وصل الاخ لمبتغاه
تحياتي لك


أخي العزيز الفيصل
انا معاك وهو والله ما ينلام ولوكان ابوي مكانة لسويت مثلة بس السؤال كيف ممكن يثبت حالة الاستعجال اللي ممكن ياخذ فيها براءة حسب كلامك اذا كان تقرير المستشفى جاء بانها حالة عادية وغير طارئة .. حسب ماكتبة الاخ الفاضل بنفسة ؟؟؟؟؟؟؟؟؟

[(الفيصل)]

أخي العزيز الفيصل
انا معاك وهو والله ما ينلام ولوكان ابوي مكانة لسويت مثلة بس السؤال كيف ممكن يثبت حالة الاستعجال اللي ممكن ياخذ فيها براءة حسب كلامك اذا كان تقرير المستشفى جاء بانها حالة عادية وغير طارئة .. حسب ماكتبة الاخ الفاضل بنفسة ؟؟؟؟؟؟؟؟؟
المسئلة تخضع لتقدير القاضي ولاسلطان عليه من أحد.
تحياتي لك

[(الفيصل)]

اخوي فودافون .. الحل بسيط

اذا هو مقتنع بأنه على حق .. يرفض تسديد المخالفة ويطالب بتحويل الموضوع للمحكمة

وبعد مايحددون له جلسه .. يبرر للقاضي سبب قطع الاشارة مع الاوراق الثبوتية الخاصه بالمستشفى

وهني القاضي ان شاء الله بيتفهم الموضوع .. اما بيسقط عنه المخالفه او بيخففها مع فتح ملف 200 ريال
وبس

ممكن تشرح لي هالفقرة اخوي الريان بارك الله فيك
لاني مافهمتها حقيقة
(فتح ملف 200 ريال)
مالت شنو ؟؟ ولمن؟؟؟
شكرا لك مقدماً

[فلفل حار]

ياسلام عليك يالفيصل رد ولا اروع

انا اشهد ... ^-^

[راعي البيرق]

بارك الله فيك يادهن عود
وكلامك صحيح فيما يتعلق بقانون المرور القديم والجديد وعقوباتهما
ولكن لنتذكر أن ماقام به الاخ يعد (مخالفة) اي ليست (جنحه) تحال للمحاكم
الا اذا رأت النيابة غير ذالك واحالتها بالفعل باعتبارها جنحه او مخالفة
وهنا نستطيع أن نقول ذات ماقلنا وهو اثبات حالة (الاستعجال)
وعندها سوف يصدر حكم بالبراءة بلا شك
وبالتالي وصل الاخ لمبتغاه
تحياتي لك

حياكم الله اخواني .......
انا صارت لي نفس السالفة بس مو علشان مودي واحد المستشفى ولكن لافساح المجال لسيارة
الاسعاف عند اشارة المناصير .......
وتصدقون لما كلمت الدورية الموجودة هناك قال راجع الادارة ولما راجعتهم وعطيتهم وقت
الموضوع على طول ماخذت 10 دقايق الا ومكنسلين المخالفة وقال لي الموظف لولا كاميرات
المراقبةالموجودة هناك كان حولناك النيابة (( شروع في القتل ))
ولكن الله لطف وسلم

[عضو قديم]

يا أخي انا في تقديري لما اسعف مريض او مصاب تعتبر حالة طارئة وبعدين في الطواري هم يقررون ما اذا كانت حالة طارئة ام لا لكن عن اسعاف المريض تقديري له ان حالة طارئة وهذا بحد ذاته حجة لي بان اقوم بما يملي عليه الواجب وفي الاخير انا مب دكتور علشان اقيم حالة المريض

[The Blade]

على المخالفة ماعندي فكره بس دام بوناصر والخرجي موجودين 10000% بيتفهمون الموضوع والافضل تقابل الخرجي..

بخصوص النيابة ان شاء الله يقدرون وضع الرجال والحالة الي كان فيها, الافضل يستشير شخص فاهم في هذه الامور..

[المهاجر]

أخي العزيز

حسب كلامك أن النيابة العامة هي اللتي طلبت التقرير,,

وهذا يعني أن الموضوع قد أحيل للنيابة العامة أي أن الأمر أصبح من اختصاص النيابة وهي التي ستفصل فيه.




إما بإحالة الدعوى للمحكمة.

أو البت فيه بالحفظ في حال اقتناعها بعدم توافر القصد الجنائي كونك قطعت الاشاره لإسعاف مريض.

أو انك تقبل بالتصالح وهو دفع مبلغ ال 6000 ريال ويتم الحفظ للتصالح

هذي الاحتمالات الثلاثه فقط,,

نرجع الحين للموضوع

كل ما عليك الآن فعله هو تقديم التقرير للنيابة واشرح لهم ظروف نقل الحالة للمستشفى وانك كنت قلق في ذلك الوقت وانك عندما قطعت الإشارة تأكدت أن الطريق الآخر ليس به سيارات قادمه أي انك توخيت الحذر في قطع الإشارة.

أما بالنسبة لتقرير المستشفى والذي جاء فيه بان الحالة غير طارئة فاذكر أن هذا الأمر طبي وربما يكون من الناحية والتشخيص الطبي أنها غير طارئة ولكن من منظورك أنت كونك مسعف والدتك فانك كنت تراها مستعجلة لأنك لست بطبيب ولا تستطيع تقيم الحالة في وقتها ولكونك لحظتها كنت متوتر وفي قلق.

وبإذن الله وكيل النيابة المختص سيقدر ذلك ويصدر قراره بحفظ الموضوع,, وفي حالة عدم اقتناعه سيحيل الملف للمحكمة وأيضا بإمكانك أمام المحكمة أن تقدم دفوعك ومبرراتك أمامها وستصدر حكمها حسب ما تقتنع به.

أنا أرى أن الموضوع سيحفظ من قبل النيابة العامة إذا قدمت التقرير وشرحت الأسباب.

أما بالنسبة للإستماره فطالما أن عدم تجديد الإستماره متعطل بسبب هذه المخالفة وحيث أن موضوع المخالفة بحوزة النيابة العامة فليس عليك أي مسئوليه بهذا الشأن لحين الفصل في الموضوع وبإمكانك أن تطلب من إدارة المرور تجديد الاستماره وتأجيل دفع المخالفة لحين الفصل فيها من النيابة وسوف يقومون بتجديد الاستماره.

[الفا برافو]

انشالله الخرجي مهب مقصر... تراه قدها وقدود وله مواقف يشكر عليها عسى الله يخلي والدتك ويبلغها في عيالكم .

[بوريان]

المفروض ياخذ تقرير بحاله امه فنفس اليوم من المستشفى ويكون عامل حساب لهالشي واذا يقدر الحين يروح المستشفى يحاول يطلع له اثبات بخطوره الحاله وانشالله مدير المرور بيتساهل فالموضوع وغير هاليش ماعتقد بيسمع لك
او يمكن تتفاهم وياه وينزل لك سعر المخالفه وانشالله تنشال عنك المخالفه

وماتشوف شر انشالله وتستاهل سلامه الوالده
ولاتقطع الاشارة مرة ثانيه لاحق انشالله عالمستشفى واهم شي السلامه العامه

[سوق واقف]

يالغالي روح حق الخرجي بوعبدالرحمن ما يقصر والله

[عاشق فودافون]

اشكركم اخواااني كلكم وبدون استثناااء

ومابي اذكر حد عشان مانسى حد ثاااني

واول مايصير شي فالموضوع على طووول بحط الخبر فالمنتدى..

والشكر لجميع اخواااني وخواااتي الي ردوا على الموضوع

وشرفتوا بمروركم..


تحياتي

عاااشق فودااافون