جريدة الشرق .. عيب عليكم !

[ra3shat hadab]

السلام عليكم ورحمة الله وبركاته

أهني نفسي فالبداية بالانضمام لهالصرح الاقتصادي الراقي واشكر جميع القائمين عليه

بصراحة تضايقت بشكل شديد جداً لما شفت اليوم من بين لقطات الاكتتاب لاخواننا الخليجيين صورة لاثنين من المواطنيين الخليجيين "نايمين" بموترهم !! تخيل نفسك نايم وتشوف صورتك منشورة بالجرايد فاليوم الثاني !!!! عيييب والله عييييب وهالشيء يسيء لنا احنا المستضيفين لهذا الحدث الغير اعتيادي ..

ابسألكم بالله .. حد منكم يرضى على نفسه انه يتصور وهو نايم !!
وشدخل الصورة اساساً فالاكتتاب ؟

لا ينسى المصور اللي اعتقد من اسمه انه شامي او (نيلي) ! اننا نحن القطريين لا نرضى ان تمس شخصية او كرامة اي ضيف عندنا وما بالكم ان كان هالضيف خليجي يعني مننا وفينا


همسة لاخواننا الخليجيين :
سامحونا على القصور ..



اختكم / رعشه هدب

[فهدq8]

السلام عليكم ورحمة الله وبركاته

أهني نفسي فالبداية بالانضمام لهالصرح الاقتصادي الراقي واشكر جميع القائمين عليه

بصراحة تضايقت بشكل شديد جداً لما شفت اليوم من بين لقطات الاكتتاب لاخواننا الخليجيين صورة لاثنين من المواطنيين الخليجيين "نايمين" بموترهم !! تخيل نفسك نايم وتشوف صورتك منشورة بالجرايد فاليوم الثاني !!!! عيييب والله عييييب وهالشيء يسيء لنا احنا المستضيفين لهذا الحدث الغير اعتيادي ..

ابسألكم بالله .. حد منكم يرضى على نفسه انه يتصور وهو نايم !!
وشدخل الصورة اساساً فالاكتتاب ؟

لا ينسى المصور اللي اعتقد من اسمه انه شامي او (نيلي) ! اننا نحن القطريين لا نرضى ان تمس شخصية او كرامة اي ضيف عندنا وما بالكم ان كان هالضيف خليجي يعني مننا وفينا


همسة لاخواننا الخليجيين :
سامحونا على القصور ..



اختكم / رعشه هدب

لاتعتذرين...اخيتي

فقطر والانسان القطري فوق مستوى الشبهات


خطأ فرد او مجموعة افراد لايعني التعميم

[أعمار]

شكرا على طرح هل موضوع رعشة قلم , الصراحة أنا ملاحظ التحامل اللي في صحفنا على أخواننا الخليجين وحتى من قبل الاكتتاب..بس الحقيقة اللي لازم نوضحها لأخواننا انه كل اللي يكتبون ويتهجمون هم جميعهم دخلاء على قطر وأهل قطر ويتمنون انهم يعزلونه عن اشقاءنا ....

[ra3shat hadab]

هلا بك اخ ( فهد الكويت ) والنعم فالكويت واهلها على راسي والله

الصحف المحلية تعتبر في الغالب مرآة لأي مجتمع
والخطأ على الشرق التي سمحت بنشر مثل هذه الصورة

[المخلب]

معروف ان مصور جريده الشرق بذات من اسواء المصوريين على الاطلاق !

حيث ان صوره تدقق على السلبات اكثر من الاجابيات !

ياريت يشوفون لهم حل مع مصورهم اظاهر عباله انه بينشهر لما يصور هذي الصور وبهذي الطريقه !!

هذا يبين انه انسان للاسف يعاني من نقص ويحاول يعدل النقص من خلال المطنزه ! :court:

[ra3shat hadab]

أعمار: يعطيك العافية اخوي واوافقك فاللي قلته
شكراً على مداخلتك

[المخلب]

شكرا على طرح هل موضوع رعشة قلم , الصراحة أنا ملاحظ التحامل اللي في صحفنا على أخواننا الخليجين وحتى من قبل الاكتتاب..بس الحقيقة اللي لازم نوضحها لأخواننا انه كل اللي يكتبون ويتهجمون هم جميعهم دخلاء على قطر وأهل قطر ويتمنون انهم يعزلونه عن اشقاءنا ....

صح لسانك والنعم فيك خشمك بس ,,>

[ابـو مــحــــمـــــد]

شكرآ لك اختي على طرح الموضوع والذي يعبر عن كل قطري

نعم وبكل صراحه هناك صور وتعليقات كانها تسي للاخوان القادميين للاكتتاب
وهناك امور المفروض علينا ان لا نتطرق لها او نظهرها للناس هذا باب مفتوح
للجميع وعليهم تحمل ما يحذث من خلفه فـ النوم او الازدحام ليس بعيب
او الشي الذي من الممكن ان يخلي مصور يخرجه للعامه

شكرآ اخت رعشه واعتقد انك قلتي الي من المفروض ان يخرج من قطري لا اخونه ابناء المجلس

[ra3shat hadab]

المخلب:
بالنسبة للي قام بتصوير مثل هالمشاهد "لو عندك عنز" حابسينها بحوطة ، وفجأة فتحت لها الباب بتسألك " أطلع من الحوطة ولا لأ ؟ " بتسوي اللي فراسها وولا عليها منك
الغلط على المسؤولين اللي سمحوا بنشر مثل هالصور ولا المصور ما ينشره عليه ، بيصور شوراه !


عوافي يالمخلب

[المخلب]

المخلب:
بالنسبة للي قام بتصوير مثل هالمشاهد "لو عندك عنز" حابسينها بحوطة ، وفجأة فتحت لها الباب بتسألك " أطلع من الحوطة ولا لأ ؟ " بتسوي اللي فراسها وولا عليها منك
الغلط على المسؤولين اللي سمحوا بنشر مثل هالصور ولا المصور ما ينشره عليه ، بيصور شوراه !


عوافي يالمخلب

يعافيك

صدق من قال تعال ناكل عيش ( رز ولحم ) قال لاء خلنا على الحمص والمتبلي

[said454]

إن هذا المصور لايمتلك اخلاقيات المهنة

[ra3shat hadab]

بو محمد يا هلا فيك اخوي
الشكر موصول لك سيدي الكريم على مشاركتك ،

تحياتي لك

[ra3shat hadab]

said454

اوافقك الرأي اخي الكريم

[*عبدالله*]

اللة يفضحهم أفضحونا

[السهم الذهبي]

من وجهة نظري ان المفروض تتسأل جريدة الشرق من جهة عليا في الدولة هي مع مصورها
لان مهما كان صراحة وبكل امانه اخوانا الخليجين سواء كانوا سعوديين او غيرهم مالقوا منا الى
كل خير وانا متأكد ان الاخوان لو لقوا حجز في فندق او سكن فلن يبخلوا على انفسهم والكل
يعلم ان الفنادق في حالة طارئة ولاكن قدر الله وماشاء فعل
تحياتي لصاحب الموضوع

[aburakan]

قطر واهلها بعيد عن كل الشبهات

شعب عاشرناه وعرفناه عن قرب بعيد عن هذه الامور

بارك الله فيكم ياهل بومشعل ورزقكم الله الرزق الحلال

[المخلب]

من وجهة نظري ان المفروض تتسأل جريدة الشرق من جهة عليا في الدولة هي مع مصورها
لان مهما كان صراحة وبكل امانه اخوانا الخليجين سواء كانوا سعوديين او غيرهم مالقوا منا الى
كل خير وانا متأكد ان الاخوان لو لقوا حجز في فندق او سكن فلن يبخلوا على انفسهم والكل
يعلم ان الفنادق في حالة طارئة ولاكن قدر الله وماشاء فعل
تحياتي لصاحب الموضوع

عزيزي الصحفي هذا متعمد مو يوم وبس الا من اول يوم اكتتاب وهو مثل الدوده ينبش وسط الملعب يدور الشين ويلقطه وشوف الزين ويتركه !! انسان اعوذ بالله من امثاله

[جود]

شكرا اختي على طرحك لهالموضوع,,, واللي يثبت لكل من يقراه ان احنا ما نسكت

عن ما يسيء إلى ضيوفنا ,,, أو خلنا نقول أهل البلد لأنهم أصلا منا وفينا

تدرون أمس الظهر وانا طالعة من الدوام في ناس قاعدة عالكورنيش تتغدا وكان الجو حلو :eek2:

واليوم الصبح بعد قاعدين عند الزرع القريب من نادي قطر ويتقهوون :eek2:

والله انه منظر ولا أروع صدقوني أحس أن احنا بنفتقدهم ليخلص هالاكتتاب :(

مسويين جوووو في البلاد يشجعونك انك تعيش الشتا صح :nice:

ولو اني مش بنت كان نزلت وتقهويت معاهم :cool: :eek2:

ما اقولهم الا حياكم الله وتعالو لنا كل يوم :o :o

[khaldoon]

إن هذا المصور لايمتلك اخلاقيات المهنة




معاك حق...خير الكلام ما قل ودل

[مخاوي بورصه قطر]

معاك في رايك اخوي

[PoBox]

المصور ماله خص

هو يصور في اليوم اكثر من 500 صورة من كل الاحداث

لن الشرهه على المحرر الي وافق ينشر الصور ..

اما المصور مسكين ماله الا راتبه 2500 ريال

[سهم طايح]

ماعندكم سالفة يا جماعة الخير

بذمتكم هل هذا منظر حضاري اللي جالسين نشوفه في الشوارع ؟

رقاد على الارصفة وفي السيارات وفي الكورنيش والتدخين في المجمعات التجارية بذمتكم اللي راح الستي اول امس كان بيحط في باله ان الستي طفاية عوده من كثر الزقاير والرماد والدخان ( ترى انا مدخن )

يعني المصور تبونه يصور اللقطات الإيجابية وينسى السلبية ؟؟؟؟؟؟

التصوير فن والصور اللي كانت في الجريدة عبارة عن نقد للمسئولين أو للاخوة الخليجيين ( القلة )

[الزامل فهد]

لفته رائعه من كاتبة الموضوع والله ونعم بهل قطر ماعرفت قطري الا يجبرك تحترمه .. يحبي لهم والله

[بوفجر]

ماعندكم سالفة يا جماعة الخير

بذمتكم هل هذا منظر حضاري اللي جالسين نشوفه في الشوارع ؟

رقاد على الارصفة وفي السيارات وفي الكورنيش والتدخين في المجمعات التجارية بذمتكم اللي راح الستي اول امس كان بيحط في باله ان الستي طفاية عوده من كثر الزقاير والرماد والدخان ( ترى انا مدخن )

يعني المصور تبونه يصور اللقطات الإيجابية وينسى السلبية ؟؟؟؟؟؟

التصوير فن والصور اللي كانت في الجريدة عبارة عن نقد للمسئولين أو للاخوة الخليجيين ( القلة )
صراحه كلامك صحيح 100 0/0 تدري ليش كل يوم وانا رياح الدوام اشوف المنظر لا وفي ناس نيمه عند اشارات البريد في ذمتكم انتو تشفونه عدله ناس رياحه وجايه على الشارع وناس نيمين لا وبعد يبدلون ملابس في الشارع انتو تشفون شى حضاري

[فراشة البورصة]

مهما حاولوا الخليجييييييييييييييييييييين بيتمون اشقااااااااااء واخوان وحياكم الله في ديرة العز .... والله يحط كيدهم في نحرهم ..

[ريانة العود]

صراحه كلامك صحيح 100 0/0 تدري ليش كل يوم وانا رياح الدوام اشوف المنظر لا وفي ناس نيمه عند اشارات البريد في ذمتكم انتو تشفونه عدله ناس رياحه وجايه على الشارع وناس نيمين لا وبعد يبدلون ملابس في الشارع انتو تشفون شى حضاري


يعني وين ينامون ؟؟

على الي سمعته ان الفنادق فل..والله اعلم ..


والريتز الغرفه ب2000 ...!!

وبعدين

كلش ما في نظااااااااااااام :court: من الاسااااااااس


ويعطيك العافيه اخوي رعشة هدب عالموضوووع ..