2 في واحد

[qatar_moon]

السلام عليكم

اول شي شلونكم كلكم اكيد واحشتكم وتسألون عني :D

المهم نجي للجد

بعد تفكير وتمحيص توصلت لتحليل مادري اذا بيطلع صح ولا لا ولكن العلم عند الله

انا الي اشوفه ان الهوامير الكبار كلهم سواء من داخل البلد ولا من الخارج يلعبون على الحبلين

سهم ناقلات + الاسهم المتبقيه وبالذات صناعات والمتحده والسلام والخ


المهم اللعبه شلون طبعا بعد مارفعوا الاسعار وخلوا اغلبية الناس يثقون ثقه عمياء بان السوق بيرتفع عند

دخول الاجانب قرروا انهم يطلعون علشان تهبط الاسعار الي المستوى الي يبغونه ويخوفون الناس علشان تبيع الي عندها

بالله عليكم عطوني سبب تخلي الشركات تنزل ومايكون عليها طلب

هم يبغون يصيدون الاسهم الباقيه عند طرح ناقلات بالسوق وبيكون الكل مشغول فيها

واتوقع انهم بيلمون السوق لم وبيرفعونه مره ثانيه

لاتنسون في شركات كبيره ناويه تشتري في صناعات وبعض الشركات


اعذروني على الكلام الملخبط والي مش مرتب يس ان شاء قدرت اوصل لكم المعلومه

لكن في الاخير هذا توقع والعلم عند الله

[مغروور قطر]

شكرا اختي قطر مووون ومبروك على التمييز

[الوهم]

وصلت المعلومه اختي

وكلامج صحيح

يعطيج العافيه

[سهم عتيج]

بالفعل ياقطر مون صار لك مدة ماطليتي علينا,, خصوصا وانني عندما دخلت المنتدى لأول مرة,, فكان اول ما قرأت من كتاباتك,, لذلك فأعتبرك من الرعيل الأول لهذا المنتدى,, وتستحقين لقب شخصية مهمة,,

وبالنسبة لتحليلك,, فكل شيء وارد الآن,, وكل الاحتمالات واردة ايضا,, ونتمنى الخير للجميع..

[البرنس]

الأخت موون قطر ، انتي قلتي:
(بالله عليكم عطوني سبب تخلي الشركات تنزل ومايكون عليها طلب؟)
و انا اقول لك:
(بالله عليك عطيني سبب الي يخلي الشركات تترتفع و توصل للي للأسعار الخرافية الي شفناها؟)

بس الي انا شايفه ان الأغلبيه تبي السوق في ارتفاع مستمر و يتجاهل الكثير افتراض النزول وذلك لأن النزول فيه خسارة ، اتمنى ان لا احد يزعل من كلامي !

[qatar_moon]

اول شي مشكورين كلكم



اخوي البرنس

اول شي بعض الشركات عندها مشاريع ضخمه + اقتصاد قطر الي صار اقوى من اول والحمدلله

ثاني شي دخول الاجانب وهذا سبب قوي ولاتنسى في شركات كبيره ناويه تشتري في اسهم صناعات وفي اسهم البنوك وبعض الشركات

وصدقني انا اشوف اسعار بعض الشركات مناسبه وصج ان البعض مبالغ فيها

[THE END]

يا جماعه خلونا واقعيين ونطلع من غيبوبة اسهم الناقلات ثراه سهم مثل الاسهم الباقيه احنا انكبر الموضوع اكبر من حجمه وكل يوم انطيح في مطبه اكبر من اللي قبلها الاولى الاكتتاب في الناقلات والثانيه في رجوع الاموال والثالثه دخول الاجانب والرابعه جايه الله يعلم ايش بيصير

[المليونير الصغير]

الى الاخت مون
اليك الاسباب الحقيقية التي ادت الى هبوط الاسعار
كان الكل يتوقع انه بمجرد ان يدخل الاجانب للسوق ترتفع الاسعار
ولكن الذي حصل هو عكس هذا التوقع
والحقيقه ان السبب الرئيسي لهبوط الاسهم هو دخول شركة ناقلات للسوق يوم الخميس
اولا نحن جميعا متفقون بان اسعار الاسهم كانت مرتفعه حدا
الاجانب لا يريدون ان يضعو اموالهم في شركات مرتفعه وناقلات على الابواب وستكون بسعر منخفض جدا مقارنة باسعار الشركات الاخري
اذا اصبح الجميع في انتظار ناقلات وامتنع عن الشراء من الاسهم
كبار المستثمرين ينتظرون ناقلات
صعار المستثمرين ينتظرون ناقلات
الاجانب ينتظرون ناقلات
اذا من اين تاتي السيولة لكي تنقذ السوق من هذه الورطه
هناك من يقول بانها مؤامره من الكبار وهناك من يقول اخطاء من الكمبيوتر
والحقيقه يا اختي ان الكل يريد ان يبحث عن افضل استثمار لامواله
وبالتالي ناقلات هي السهم الذهبي الثاني الذي يريد الكل ان ياخذ اكبر قدر منه
وخصوصا الاجانب لان نسبتهم محدده
ثانيا
عندما كانت الاسعار ترتفع لمت اب لمدة اسبوعان متواصلان كنا نفرح ونهلل
وعندما تنخفض الان بدانا نلقي باللوم على كبار المستثمرين
يا اختي
لا يوجد مؤامره
انما هو السوق الذي يحتكم للعرض والطلب
وكل من قام بعرض اسهمه للبيع وهو يعلم بانه لا توجد طلبات للشراء مسئول عن هذا الهبوط
ارجو من كل من قام بعرض اسهم للبيع ان يسحبها فورا وذلك حتى نجعل الطلب للاسهم الصفري يوازيه عرض صفري
وساعتها ستسقر الاسعار
اما دخول الاجانب للسوق فسوف يظهر تاثيره بعد شهران من الان وليس من اول اسبوع او اسبوعان

اما هذا الهبوط والذي اعتبره غير مفاجائ
فتاكدي بان سياتي من يقوم بشراء هذه الاسهم مرة واحده
والان يا اختي لا يبقى لصغار المستثمرون الا احتفاظ باسهمهم والصبر لان السوق يحتاج لاصحاب القلوب القوية
وتاكدي ان هذا الطلب الصفري سوف يتوقف وسياتي يوم تجدين الاسعار لمت اب ولكن لبعض الشركات القياديه
لان المحافظ الماليه لم تطلب شيء بعد
وكذكلك كبار المستثمرين الخليجين لم يشترو بعد واعتقد والعلم عند الله هم بانتظار الاسعار ان تستقر عند ادنى سعر
وبعدها سنرى تاثير دخول الاجانب
والله يستر من الاسبوع الجاي

[qatar_moon]

اخوي المليونير الصغير

كلامك صحيح وصدقني هذا على بالي

ومشكورين كلكم

[boabdullah]

قطر مووووون

أولا" مبررررروك التمييييز

وثاني شي تحليلك منطقي وعاجبني كثير

والأيام الجاية راح يبين المتخفي

ودايما" ثقتي كبيرة بنفسي

واللون الأخضر جاي على الطريق

والله يرزقنا الللهم آآآآآآآآآآآآمين

بوعبدالله :) :)

[بيـــزات]

انا الي اشوفه ان الهوامير الكبار كلهم سواء من داخل البلد ولا من الخارج يلعبون على الحبلين

سهم ناقلات + الاسهم المتبقيه وبالذات صناعات والمتحده والسلام والخ


المهم اللعبه شلون طبعا بعد مارفعوا الاسعار وخلوا اغلبية الناس يثقون ثقه عمياء بان السوق بيرتفع عند

دخول الاجانب قرروا انهم يطلعون علشان تهبط الاسعار الي المستوى الي يبغونه ويخوفون الناس علشان تبيع الي عندها

بالله عليكم عطوني سبب تخلي الشركات تنزل ومايكون عليها طلب

اول شي مرحبا بعودتج سالمه لصفحات المنتدى.. ومبروك التكريم.

ثانيا كلام لا يمكن تجاهله وكل شي ممكن.

[qatar_moon]

شكرا كلكم وعقبالكم

اخوي boabdullah

الظاهر توقعك مثل توقعي

المهم اتمنى يرجع اللون الاخضر من بكره

والله يوفق الكل

[qatar_moon]

اخوي بيزات مشكور

احنا قاعدين انطالع من بعيد وبنشوف هالاسهم وين بتودينا

[Le7dan-Qatar]

كلام منطقي

وللعلم وصلت المعلوومه

وسلامي

[شاهيناز]

اختي قطر مون الف مبروك على التميز تستاهلين كل خير

وان شاءالله نشوف اللون الاخضر عن قريب
بعد مانخلص من سالفه ناقلات

وسلامي

[qatar_moon]

مشكوره اختي شاهيناز وعقبالك ان شاء الله

والله يوفق الجميع ان شاء الله

[قناص قطر]

السلام عليكم

الاخت العزيزة / قطر مون ، الف مبروك على التميز تستاهلين كل خير والى الامام دائماً

وان شاءالله تعود البورصه الى سابق عهدها


وكلامك منطقي جداً

وننتظر جولة جديده مع غازات قصدي ناقلات غداً

[ضايق الصدر]

قطر مون مبروك التميز
وكلامج هو الواقع

[roadrunner]

السلام عليكم جميعا.

قطر مون اول شي .. مبروك على التمييز .. ثاني شي .. حمدلله على سلامتج ( على ما اعتقد انج كنتي برع البلاد للعلاج .. كأني قريت هالشي في احد كتاباتج" وثالثاً واخيرأ انا معاج في التحليل الي قلتيه.



ولكم سلامي

[Chanel]

اختي قطر مون الف مبروك عالتكريم وتستاهلينة...
تحليل منطقي وتشكرين عليه..