شسالفة بطاقة المجموعه (( للنت )) !!

[ذيبه مزاجيه]

السلام عليكم ..
حبيت اسأل اللي عنده خلفيه عن بطاقة النت اللي نقدر نشتري بها من النت بلمت معين من المجموعه .. قدمت اختي عليها وخذتها في نفس اليوم .. حاولت تستخدمها في موقع ما قبلها طلع ان فيه failure :eek5: قلنا يمكن ما فعلوها و خبرناهم بالتلفون و قالوا بلى شغاله ..
اوكي قلت لها بسجلها لج في موقع paypal بعد ما قبلها و كتب مسج فيه راجعوا البنك اللي عطاكم اياها ..:omg:
معقوله ما فعلوها مثلا ؟؟ او ان فيها غلط معين ؟؟ او انها ما تشتغل ؟ شالفايده منها عيل بالله عليكم ؟:anger1:
يعني نروح لهم يوم الاحد و نشرشحهم والا شنو !!:anger1:
اتمنى الرد لان دار راسنا من السالفه هاي والله .. :rolleyes2:
وشكرا ,,

[الوجبه]

اختي انا عتدي البطاقه لها اكثر من سنتين تقريبا .. حصل معاي الخطا في البدايه

وبعدها اتصلت لهم وحلو المشكله .. وبعدين اختي تاكدي من الرموز والارقام

يعني الاسم والحروف مش اذا كانت كبيره وغيرها ..

في حال كتابتك لها في النت والموقع ..

لكن البطاقه مفيده وجيده .. وانا استخدمها حق برامج اي فون .. يعني بو دولار

واقل ..

[ذيبه مزاجيه]

جربتها في موقع ومافي فايده كلش
وانا متاكده اني اكتب كل شي صح مادري وين المشكله !!!!!
لاعت جبدي ..
يعني اكلمهم ؟؟؟؟ بيحلون المشكله ؟

[STAR]

يعني هاذي افضل من الفيزا والكاش يو؟؟؟!!

وشنهي مميزاتها ورسومها؟؟؟؟!! اذا ممكن؟

[omar77]

جربتها في موقع ومافي فايده كلش
وانا متاكده اني اكتب كل شي صح مادري وين المشكله !!!!!
لاعت جبدي ..
يعني اكلمهم ؟؟؟؟ بيحلون المشكله ؟

ول ول ول ول زين ليش امعصبه
صج ذيبه
اختي في البدايه موقع باي بال يبيله اشتراك وياخذون تقريبا 1.50 دولار كقيمة الاشتراك ويطرشون الكود الخاص في بايبال بعد 3 ايام تقريبا مب نفس الوقت
ايطرشونه حق المجموعه وتاخذينه منهم علشان جذيه قالولج تاكدي من البنك
وانتي قلتي انج جربتي مواقع ثانيه في ذي معاج حق بس في مواقع نفس الشي تبي بايبال وبعض السلع لو تبين تشترينها تتفاجئين انها انباعت فالموقع يرفض العمليه
اختي اي شي انا حاضر اخوج عمر

[Air Craft]

السلام عليكم

أختي أنا أخذت هالبطاقه قبل ثمان سنين ( يعني أول ما نزلوها )

وصارت لي نفس المشكله اللي صارت معاك

كل ما أحاول أدفع في موقع ما يقبل
وبعدها راجعت المجموعه وقالوا لي أن المشكله من الموقع وأنه غير موثوق
مع العلم بأني كنت أستخدم بطاقة فيزا الوطني وما كان عندي أي مشكله

خليت عندي البطاقه فتره أجربها لين زهقت ورحت حذفت عليهم البطاقه ورجعت الرصيد اللي فيها

بس المشكله الرسوم تروح عليك .. مثل ما صار معاي



بالتوفيق انشاء الله

[ذيبه مزاجيه]

اخ عمر شدخل معصبه .. هاي شي يبط الجبد ما تبي الواحد يتنرفز ؟؟
وبعدين اصلا باي بال ما رضى بالبطاقه و لا شي مب انه بيطرش للمجموعه ومادري وشو !!!
والظاهر انها بطاقه فاشله ..
بكلمهم باجر واذا ما نفع بسوي اللي سواه اير كرفت وبفك عمري @_@

[تحداني]

.
.. مساء الخير ...


سيدتي الفاضله بطاقه المجموعه جدا رائعه ..
وانا استخدمها من زماااااان ...
تشتغل البطاقه بعد مرور يوم كامل اي 24 ساعه
رسوم البطاقه 100 ريال ...
والتامين 100 ريال
وراح يرجعون لج 100 ريال بعد مرور سنه


اما عن الموقع الذي ذكرتيه.. اكيد هناك شئ آخر لا علاقه له بكرت المجموعه
او حتاجه كلمه مرور خاصه بالموقع


لكن للامانه البطاقه راااااائعه



الله يسعدك يارب :)

[بـن عدوان]

راجعيهم بكرة وشوفي شبيقولون لج

انا اللي اعرفه انه البطاقة تمآآآم

[قطري vip]

والله البطاقه ماعليها كلام بس يمكن فيه غلط طيب كنسليها واخذ ي بطاقه ثانيه عادي وبعدين جربي بامازون

تشترين وبعدين هل عندج عنوان يعني صندوق بريد بارامكس علشان يجيبون لج الغرض

[فلفل حار]

والله يا الذيبه هالبطاقه لعوزتني ..!!!

:sneaky:


خذتها من 3 سنين وحطيت فيها رصيد ألف ريال ...

جيت بشتري من امازون ومامشت خطوات الشراء مثل ماطبقتها بالضبط ...!

جيت بشتري من مواقع خليجيه ومن هيئات معروفه وكبيره ... بعد ماصار ...؟




تمت في البوكـ لين مادار عليها الحول واول ماخلصت مدتها رحت سحبت فلوسي والسلام عليكم ... وعليكم السلام ...:p



دامج شرواتج على النادر عيل الله يخلي تجارنا في سوق المنتدي ...



لو تبين هاي بيطلبونه لج






















http://ammartalk.com/images/1222016607.JPG



:eek5:

[المشط]

استعمل بطاقه المجموعه من اكثر من 4 سنوات .. اول سنه كانت ماتشتغل في موقع دايم اتعامل معاه لكن باقي المواقع شغاله .. والسبب ان الموقع مب معترف فيها .. لكن بعد سنه صارت شغاله 100%
بس اللى اعرفه ان لازم تمر 24 ساعه على تفعيل البطاقه وحتي لما احط فيها افلوس لازم 24 ساعه

جربيها اختي بعد 24 ساعه وان شاءالله بتشتغل واذا ماشتغلت رجعيها عليهم .. اكيد بيقول لج شغاله ولا فيها شي .. عطيه الموقع وخل يدخل ويشتري فيها ان كان صادق

[جنوب الدوحه]

السلام عليكم ..

البطاقه وايد ممتازه .. وافضل شي للي ما عنده حساب في البنك وما عنده غير هذي البطاقه ..

بنسبه لي انا جربتها من زمااان .. والعيب فيها انك يوم تحط مبلغ معين ما يصير تسترجعه الى بعد ما اتكنسل البطاقه وهذا امر صعب ..

وتقبلوا مروري ... :)

[بوعبدالله100]

مافي احسن من بطاقة ibq رسومهم 100 بالسنه .. تشتغل مع كل المواقع انجليزيه وامريكيه paypa و entropay لا بعد مجربها على playstation network زي الورد .. والاستفسارات على حركة البطاقه 24 ساعه .. ساعات زهقان ادق عليهم الفير استعلم عن رصيد البطاقه ههههههههههههههه

[eXpert*]

أتوقع البطاقة محتاجة للتفعيل.

وماشاء الاعضاء سووا دعاية لـبطاقة المجموعة ،، حتى انا اللي عندي وحدة كنت بقدم طلب على غيرها من كثر المدح.