المساعد الشخصي الرقمي

مشاهدة النسخة كاملة : افضل مكيف اسبيلت حتى الان



al-erada
08-08-2009, 11:29 PM
ابي نصايحكم من ناحية افضل مكيف سبيلت من ناحية السعر ومن ناحية الصيانة والوكيل

غناتي1
08-08-2009, 11:35 PM
مكيفات وايت ويستنق هاوس

Amigo
08-08-2009, 11:43 PM
والله كلهم نفس الشي عنبر اخو بلال
انا عندي LG + Samsung + General
وكلهم للأسف صيانتهم تراللي وللعلم جداد وماكملو سنه عندي :weeping:

الحوت-141
09-08-2009, 12:15 AM
فوجي جيد

قطر95
09-08-2009, 12:19 AM
عندي سامسونج ماشاء الله ممتازين

بوحارب
09-08-2009, 12:38 AM
كلفينيتور وانت مغمض

وكيلهم شركة صقر الخليج في طريق سلوى قبل المجموعه

الغريب3
09-08-2009, 12:44 AM
عليك بالجنرال تراه زين حتى لونه غويلي بس خذ مكيف وأهم شي هوالتمديدات ......... اما ل جي ماينفع ابداً

Northman
09-08-2009, 12:51 AM
انا عندي باناسونيك ,, اول سنه كان ممتاز ,, بس على ثاني سنه اشوفه خق

السبلت الممتاز توشيبا ,, بس غالي وايد

THE BOSS
09-08-2009, 03:12 PM
الشباب ينصحون ( كارير ) وش رايكم فيه ؟؟؟؟؟؟؟؟؟؟

r07
09-08-2009, 05:21 PM
وانا بعد افكر اخذ كاريير لبيت العمر...هل صادفتكم اي مشاكل معاه....؟

فارس قطر
09-08-2009, 05:58 PM
اولا اخوى اعرف حجم مساحة الغرفة او الصالة او المجلس وهذا ضروري

ابتعد ع تجميع ماليزيا والصين والبحرين / عليك فقط امريكي ياباني وتجميع تايلندي

والمناسب

دايكن

والفوجي

والميتسيوبيشي نوعين ابتعد ع الكتريك وعليك بدايا.

r07
10-08-2009, 01:06 AM
وانا بعد افكر اخذ كاريير لبيت العمر...هل صادفتكم اي مشاكل معاه....؟

اي شي؟؟؟

r07
10-08-2009, 01:09 PM
كلفينيتور وانت مغمض

وكيلهم شركة صقر الخليج في طريق سلوى قبل المجموعه

بو حارب بغيت اعرف انت مركب عندك مكيفات كلفينيتور ولا سامع عنهم.. واذا مركبهم من متى ؟ ما صادفتك اي مشاكل يعني مثلا تجي اوقات مايبردون او ينقطون ماي؟؟؟جزاك الله خير

وبعد انتظر ردود اللي عندهم خبره مع مكيفات كاريير؟؟

جزاكم الله خير...

اّل ثاني 77
10-08-2009, 02:50 PM
احسن مكيف ميتسوبيشي + فوجي + جنرال
وأسوأ مكيف في العالم lg

بوحارب
10-08-2009, 03:08 PM
بو حارب بغيت اعرف انت مركب عندك مكيفات كلفينيتور ولا سامع عنهم.. واذا مركبهم من متى ؟ ما صادفتك اي مشاكل يعني مثلا تجي اوقات مايبردون او ينقطون ماي؟؟؟جزاك الله خير

وبعد انتظر ردود اللي عندهم خبره مع مكيفات كاريير؟؟

جزاكم الله خير...

الوالد مركب 3 مكيفات في البيت واقدم واحد صارله 3 سنين تقريباً

وماشتكينا منهم كلش

صالة البيت كبيرة ومفتوحه وحاطين فيها كلفينيتور 2 طن

وفي عز الحر يخليها مثل الثلاجة ( بدون مبالغة ) :)

اما بالنسبة لتقطير الماي فهذا يعتمد على التركيب وماله شغل بنوع الماركة

موفقه خير

khalid 88
10-08-2009, 03:50 PM
ال جي

تعباااااااااااااااااان هو وجنرال قولد وجنرال كووول وهالطخه

وتوني ماخذ جنرال صج غويلي لكن ارحم من هذولاك ومش بعيد عنهم

مع انه 2.5 طن

y.o.y.o
10-08-2009, 03:51 PM
وانا بعد افكر اخذ كاريير لبيت العمر...هل صادفتكم اي مشاكل معاه....؟

هو مضبوط بس عيبه يقطرر ماي واايد ، بس فريق الصيانه مابيقصر معاك على طول يجونك

al-erada
10-08-2009, 06:43 PM
من وكيل الكارير في الدوحة؟؟؟؟

اسير الصمت
10-08-2009, 06:58 PM
انا عندي بنسونك من 3 سنين والحمدالله ماشوف في عيوب

أم جود
10-08-2009, 09:36 PM
في احد جرب هــــــــــــــــاير ؟؟؟

ANONYMOUS
10-08-2009, 10:16 PM
ال جي تم عندي 5 سنين.. واول ماخلص الضمان ضرب.. حليو.. بس مش حلو

مستوبيشي حق البراد مايحتاج

ومشكلة التنقيط.. بسيطه

لازم يتنظف الفلتر كل اسبوعين.. كل القضيه درج وافتح الكفر واغسل الفلتر ورده..

سبب التنقيط ان الهوز اللي من المكيف للخارج ينسد من لغبره.. فما يكون في مخرج للماي.. فينقط داخل الغرفه....

لو جاو لك اهل الصيانه بياخذون على تنظيف الفلتر 100 ريال اقل شي.. مع ان ممكن يسويها الشخص ب 5 دقايق

r07
10-08-2009, 11:02 PM
الوالد مركب 3 مكيفات في البيت واقدم واحد صارله 3 سنين تقريباً

وماشتكينا منهم كلش

صالة البيت كبيرة ومفتوحه وحاطين فيها كلفينيتور 2 طن

وفي عز الحر يخليها مثل الثلاجة ( بدون مبالغة ) :)

اما بالنسبة لتقطير الماي فهذا يعتمد على التركيب وماله شغل بنوع الماركة

موفقه خير

مشكور وما تقصر...

r07
10-08-2009, 11:07 PM
من وكيل الكارير في الدوحة؟؟؟؟

الجيده على حد علمي...اتصل بكيوتل واطلب شركة كاريير..ترى في موزعين وسعرهم اغلى من الوكيل انا رحت لموزع وكان فرق السعر 500 ريال لنفس المكيف.

السيل
11-08-2009, 04:44 AM
عندي جنرال الاصلي 2.5 طن ،، في غرفة 7 * 4.5
بس البرودة لك عليها
ما ادري المشكلة في حجم الغرفة او العازل او المكيف ....
ياني فني الشركة اكثر من مره يقول تحتاج مكيف ثاني في الغرفة لان الغرفة كبيرة ....

والله ما ادري شاسوي ،،

r07
11-08-2009, 05:05 AM
عندي جنرال الاصلي 2.5 طن ،، في غرفة 7 * 4.5
بس البرودة لك عليها
ما ادري المشكلة في حجم الغرفة او العازل او المكيف ....
ياني فني الشركة اكثر من مره يقول تحتاج مكيف ثاني في الغرفة لان الغرفة كبيرة ....

والله ما ادري شاسوي ،،

هذي الطريقه شفتها على النت لحساب قوة المكيف
الطول في العرض في 900 تقسيم 12000ويطلع لك كم طن تحتاج الغرفه...
يعني 7 *4.5 =31.5
31.5*900=28350
285300تقسيم12000=2.3625
يعني المفروض انه 2.5 طن يكفي...

السيل
11-08-2009, 05:11 AM
هذي الطريقه شفتها على النت لحساب قوة المكيف
الطول في العرض في 900 تقسيم 12000ويطلع لك كم طن تحتاج الغرفه...
يعني 7 *4.5 =31.5
31.5*900=28350
285300تقسيم12000=2.3625
يعني المفروض انه 2.5 طن يكفي...


اشكرك على الطريقة الممتازة جدا ..
عيل شالمشكلة .. يمكن العازل لان غالبا الطوفة تكون حاره ..

qatar177
11-08-2009, 12:17 PM
لكل من يسأل عن اسعار مكيفات فوجي
1.5 طن 3700
2 طن 3900
2.5 طن 4900
3 طن 5900

وجنرال تقريبا نفس السعر

daekan
11-08-2009, 01:31 PM
جنرال مركب 6 في البيت من 5 سنين واحد بس الي دوم يتعطل والباقين اوكي

Qatar_Pearl
20-08-2009, 12:01 PM
ال جي فااااااااااااااااااااااشل

ضوى
20-08-2009, 12:09 PM
عندي ثلاث مكيفات ويست بوينت

مركبته من تقريبا 5 سنين بالصالة والمطعم والصالة الصغيرة

طن ونص وطنين وطنين ونص

ماشاء الله تبارك الله تمام التمام ولا اشتكي من اي شئ الحمد لله وتبريد ماعليه كلام

عندي كليفنتور بعد ماشااء الله تمام التمام وللحين من سنتين مافيه اي شئ

للعلم الفلاتر يمكن كل شهرين مرة انظفها لانه يبي لها دري وحاله وتعلق ، وزوجي ماله بارض على هالسوالف لذلك انسى وايد سالفة الفلاتر والحمد لله ولا مرة نقطت ماي ايا منهم

هاي تجربتي في مكيفات السبيلت

الوفي
20-08-2009, 07:57 PM
كلفينيتور وانت مغمض

وكيلهم شركة صقر الخليج في طريق سلوى قبل المجموعه
أنا أتفق معاك يابوحــــــــارب........
بالنسبة لي موقع العقد معاهم لمكيفات السبليت يونت كلفينيتور...........
أنا موقع العقد حاليا وبركبهم ان شاء اللــــــــــه......
فيه نوعين تجميع البحرين والصين......الافضل تجميع الصين
سبب أختياري:
عندي ولد عمتي مركب البيت كامل نصهم تجميع البحرين ركبها اول مرة ......وبعدين ركب بعد ماكنسل مكيفات الدريشه لباقي البيت نوع التجميع الصيني.......
البحريني : لحد الان لها 6 سنوات ولااشتكى منها مع انه مايسوي لها صيانه لانه مهملها شوي.....وشفتها في بيته بارده بالحيل وأشبه بالثلاجة....حتى بالصيف بس دف الهواء اقل من تجميع الصين
الصيني: لحد الان لها 3 سنوات ودف الهواء غير طبيعي ولااشتكى منه.....
ملاحظه: ترى مب هو بس مركب فيه وايد من ربعه وهم الي انصحوه فيها وناس من اهلنا ركبوا ويمدحونها...والزين ان سعرها جيد.......
بس عيبها من جد....جد....والله ......فيها برودة قويه تصك الراس اشبه بالثلاجة اذا مابالغ
بس الافضل هو الطنين والطنين ونص هذولا الي امدحوها لي.......
ملاحظه أخرى: تجميع الصين اهم شي ان الكمبريسر امريكي مع الوحده الخارجيه....الصين تصنع الوحدة الداخليه مع الريموت وهذا خرابه هين....ادوات كهربائيه.....ومتوفرة بالشركة وسعرهم جيد......
ولد عمتي دايما من النوع الي مايبالغ وقالي انها مثل الثلاجه وماصدقته لين جيته في خيمة بيت الشعر قلتله شغل واحد وطف الثاني وخفف برودته والله انه بنص شهر 7 .......وأضمنه لي وتوكلت على الله........
تحياتي........

Qa6ar
22-08-2009, 08:51 AM
توشيبا وبعده جنرال وبعده فوجي

القارمن
22-08-2009, 09:54 AM
افضل شي ع الاطلاق متسوبيشي
ويجيبه بعده o general وكيله عبدالحميد واسد عمادي

صحيح قالييين لكن يعمر معاك

ولحد يخربط مع كول جنرال او جنرال الريس ذيلا غير

sos 12
23-08-2009, 05:05 AM
اهم شي تاخذ مكيف الكمبريسور بستن مب ريتوري ... عندك افضل شي ميتسوبيشي بس غالي ... وبعدة جنرال وفوجي

دوحة الجميع
23-08-2009, 02:03 PM
ياجماعة :من وكيل فوجي ..... وين موقعه .. اسم الشارع ... وشكراً للجميع مقدماً

شاعر المليون
23-08-2009, 02:55 PM
وين موقع وكالة المتسيبوشي ( مكيفات)
في أي منطقة بالضبط

قطري vip
23-08-2009, 03:52 PM
غير الميتسوبيشي لا تاخذوالميتسوبيشي الدايا الاصلي من اليابان لحد الحين والكمبروسرو بستن وهاي
الاهم الباقين عاد ماعرف عنهم شي

بو عبدالرحمن السهم
25-08-2009, 02:45 PM
نصيحه من واحد ماكلها عدل لاتقرب صوب مكيفات يورك ترى بتحسف على فلوسك ..مكيفات تعبانه

والكمبريسر حده سنه ويضرب وتعال عاد على الصيانه زفت ما يعرفون شغلهم ..صارلي ساكن

بيتي سنتين

ولين الحين مغيرين 3 كمبريسرات ..والرابع سارلي شهر وراهم وكل اسبوع يقولون الاسبوع الجاي بيوصل

من دبي... يعني نصيحه لا تقرب صوبهم لاخدمه ولاصيانه عدله ...ادفع زياده في مكيف عدل يعيش معاك

الرميله
26-08-2009, 01:15 PM
فوجي
شركة الريس
شارع الخليج

واقع
27-08-2009, 01:34 PM
حد مركب gree ؟؟
ابي نصيحه من شخص مجررررب مو سااامع
وجزاه الله خير راعي الموضوع

الفا برافو
02-09-2009, 01:19 PM
فوجي جيد وصار لهم عندي اكثر من خمس سنوات لكن في الفتره الاخيره الصيانه صارت حدها زفته
مايردون على تلفونات الورشه.. حتى جوال مدير الورشه ساعه يرد وساعه مايرد يعطيك موعد ولا حد يجي
كلمت مدير المؤسسه ووعدني خير وكلمت ولده ووعدني خير وليومك صار لي الحين من قبل رمضان بثلاث اسابيع وعندي اربع مكيفات متعطله والوضع كما هو

ماجد البدر
02-09-2009, 02:10 PM
كل المكيفات ممتازه عند الشراء ولكن خدمة مابعد البيع مثل الصيانه وغيرها هي المشكله و قطع الغايار صالي اكثر من شهر اتصل لهم كل يوم يقولون بكره بييون هذي انت بامكيفات ال جي
وحطين بداله ووحده قطرييه وسيتم تسجيل مكالمتك مادري ايش حصلنا من تسجيل مكالمتي
يعني بنرفع عليكم قضيه في مجلس الام وبنثبت عليكم التهم والله احنا ضايعين مانعرف شنسوي
قعدو يحطون وكلاء تصليح نيابه عنهم يتفقون مع شركات او مصلحجية من سوق الحراج تحت مسماهم
ماخذين توكيل ال جي وهو ورشته غير المهم يغطون على خدمة الصيانه التعيسه الي عندهم
قال بيبدل مروحة طيب بدل مروحة بعد اسبوع جاني بطلته البهيه وبدل وين الفاتورة قال مافيه فاتوره بس ادفع 250 قيمة المروحة و قيمه التصليح 50 وكابستر مادري كذا مبلغ قلت خوش كدينا
عاد انا ثبت عليه ايش قاعد يسووي وكيف يصلح ياخوان شفت شي عجب

والله فك كل شي في المكيف بسكروب واحد بس
اخترب المكيف عندي وانا صلحته بنفسي رحت الصناعيه وشريت كبستر وسريت مروحة و ركبتها والشغل من احسن مايكون و السالفة كلها سلك توصله للمروحة وبرغي تفكه وتبرطه
هذا في مكيف ال جي بس خذت رقم المكيف وسعة الي فيه من المبرد الي فوق مع الكمبريسر
وطبعا مروحة المكيف الي فوق مش الي في الغرفه هو الي كان عطلان
المهم ان كثير من الناس تشتكي من صيانه المكيفات ماعتقد فيه مكيف ممتاز وصيانته ممتازه
كلهم زفت
يمدحون المتسوبيشي لانه يباني وقطه قويه ولكن الصيانه مادري عندها
اذا بتركب مكيف سبليت خل بيباته وسيعه عن لاتنسد وتخرب لك الطوفه وكل شوي يخر
وخله على ارتفاع معقول مس بعيد ترى ابرد واسهل للصيانه

مساهم عادي
02-09-2009, 08:59 PM
General Electric

وكيله شركة الخاجة بشارع الأصمخ........إخذه وإدعيلي :)

واقع
04-09-2009, 01:34 PM
حد مركب gree ؟؟
ابي نصيحه من شخص مجررررب مو سااامع
وجزاه الله خير راعي الموضوع

محد مجرب ؟؟؟

خبير أقتصادي
05-09-2009, 02:48 AM
أفضل مكيف سبليت هو سامسونج
سارل لهم 5 سنيين و إلى الان و حالتهم ممتازة ولم يتعطل أي واحد فيهم و لا يحتاج لهم صيانة دورية
يوم شريت باناسونيك أجربة لعوزنا الفلتر إلى كل إسبوع يبيلة تنظيف و إلا دفع الهواء بيصير ضعيف جدا

ابومحمد س
05-09-2009, 03:17 AM
انا عندي lg .... انصحك لو هو بريال ابعد عنه .
يمدحون السامسونج

الســيل
05-09-2009, 09:12 PM
LG


:victory::victory:

hamoor4ever
06-09-2009, 10:09 AM
سامسونج عندي ماامدحهم ولا اذمهم بس للامانه شي واحد فيهم زين يجوون ومايتأخرون وعندي ثلاث مكيفات واحد منهم الكبير طنين ونص تبريده حلو لكن وايد يخترب وشغلات تافهه بس يجون يصلحونه بسرعه

قطر العطاء
06-09-2009, 10:13 AM
انا مجرب اشياء وايد بس الافضل من ناحية الجودة السعر والصيانة ( باناسونيك) ،،، باقى الماركات اما غالية او صيانتها تعبانة ...........

إنتعاش
06-09-2009, 09:45 PM
الاسبوع الماضي عملت لدى الشركات الشهيرة عروض اسعار فكانت النتيجة الآتي :

O general
اسد عمادي التجارية
( ياباني تجميع تايلاند )
بستن
1.5 طن : 3300
2 طن : 3750
2.5 طن : 4750


باناسونيك
تجميع ماليزيا
روتري

2.5 طن : 4500

فوجي
الريس
ياباني تجميع تايلاند
بستن

2.5 طن : 4700

ميتسوبيشي ( دايا )
التيسير
ياباني تجميع تايلاند

2 طن : 4800