ماذا تعلمت من السفر ؟؟!؟؟

[بوخالد911]

قال هذه القصيدة الإمام/ الشافعي رحمه الله


تَغَرَّبْ عَنِ الأَوْطَانِ فِيْ طَلَبِ العُلَى &&&& وسافِرْ ففي الأَسْفَارِ خَمْسُ فَوَائِـدِ

تَفَرُّجُ هَـمٍّ، واكتِسَـابُ مَعِيْشَـةٍ &&& وَعِلْمٌ ، وآدابٌ، وصُحْبَـةُ مَاجِـدِ








هلا بكم
:nice:
؛؛؛


بمناسبة عودة معظم الأعضاء من السفر ؛

لدي موضوع خفيف على قلوبكم وهو : ماذا تعلمت من السفر ؟

يرجى منكم ذكر الفوائد والخبرات اللي اكتسبها من خلال السفر


بالدوووور لطفاً :rolleyes2:
ولحد يدززز الثاني :omg:

هالموضوع من بنات أفكاري والله :nice::victory::nice:


تحياتي قبل أن تجف كلماتي

؛؛؛
:victory::victory::victory:


مسيوو/ بوخالد911

[PRINCESS]

السفر......
حبيت موضوعك لاني من عشاق السفر
شوف طال عمرك.....
السفر متعه.....بكل تفاصيله....خصوصا لما تروح مكان جديد وتخوض تجربه جديده بمكان ماعندك اي فكره عنه....اضافه للمتعه اللي تشعر او اشعر بيهه....اشوف اني استفدت هوايه اشياء ...اهمها الاعتماد على نفسك 100%......لما تكون بديرتك الف من يعينك ويساعدك ان احتجت شي...بس بالسفر ماعندك خيار....نفسك وبس ....
واشوف هالشي من اهم فوائد السفر .

غير انك تشوف عالم غريب عنك تدخل بتفاصيله وتتعرف علي وممكن تحبه وممكن تكرهه بس بعد تكون استفدت انك اكتشفت شي ماكنت تعرفه ولا عندك فكره عنه...

والفائده الاحلى والاحلى الهدوووووووووء وصفاء الذهن الي تحسه وانت مسافر سفره ع المرام....وتسوي رفريش لنفسيتك ومزاجك وترجع عال العال...يسسس ترجع غيررر موود:)

شكرا مسيووو لاهنت ع الموضوع الشيق

[فلفل حار]

وراي سفرة علاج للخارج ... والله يكون بعوني

اول مره اغترب بروحي ... وان الله عطانا عمر برجع لكم بنفس الموضوع ...



دعواتكم ...

وتسلم على بنات افكاركـ يالغالي ...:victory:

[(الفيصل)]

معرفة الصديق .. حق معرفه

[هتـان قطر]

وراي سفرة علاج للخارج ... والله يكون بعوني

اول مره اغترب بروحي ... وان الله عطانا عمر برجع لكم بنفس الموضوع ...



دعواتكم ...

وتسلم على بنات افكاركـ يالغالي ...:victory:



اسأل الله ان يلبسك ثوب الصحة والعافية

وان شالله تروح وترجع بالسلامة

فلفل حار عليك بالاستغفار في كل لحظة وفي كل خلوة مع الله

والله انها مجربة ..والنتيجة فورية

[هتـان قطر]

انا اغلب سفراتي للتسوق..

فما تعلمت شي كثير الا التبذير

والشوق للوطن..:)

[فلفل حار]

هتان ... نصيحتج بتنحفظ في البال ... يزاج الله خير ... :)

[هذلان]

السلام عليكم

اشكرك بوخالد على الموضوع

بالنسبه لي الي تعلمته من السفر هو اني قبل لا اسافر افكر الف مره منهم الي معاي في السفر . اكثر من سفره الغيها و اتعذر باعذار لاتكون حقيقيه ١٠٠٪ و السبب شخص ما ضمن مجموعه .
اهم شي في السفر تكون خفيف على ربعك و تنتبه لادق التفاصيل الي ممكن تضايق حد او تغثه .
------------

خطاك الشر يا فلفل حار
ترد سالم معافا انشاءالله

[بوخالد911]

السفر......
حبيت موضوعك لاني من عشاق السفر
شوف طال عمرك.....
السفر متعه.....بكل تفاصيله....خصوصا لما تروح مكان جديد وتخوض تجربه جديده بمكان ماعندك اي فكره عنه....اضافه للمتعه اللي تشعر او اشعر بيهه....اشوف اني استفدت هوايه اشياء ...اهمها الاعتماد على نفسك 100%......لما تكون بديرتك الف من يعينك ويساعدك ان احتجت شي...بس بالسفر ماعندك خيار....نفسك وبس ....
واشوف هالشي من اهم فوائد السفر .

غير انك تشوف عالم غريب عنك تدخل بتفاصيله وتتعرف علي وممكن تحبه وممكن تكرهه بس بعد تكون استفدت انك اكتشفت شي ماكنت تعرفه ولا عندك فكره عنه...

والفائده الاحلى والاحلى الهدوووووووووء وصفاء الذهن الي تحسه وانت مسافر سفره ع المرام....وتسوي رفريش لنفسيتك ومزاجك وترجع عال العال...يسسس ترجع غيررر موود:)

شكرا مسيووو لاهنت ع الموضوع الشيق



هلا برنسيس

لا هنتي للرد الطيب


وأهم شي الاعتماد ع النفس


وبعد شي ثاني ان الموود يتغير


thnxx 4 being part of my sub
:nice::victory::nice:

[قلب شاعر]

السفر يابو خالد ... تعلمت منه كل شي ... كثير من المباديء ونمط الحياه والتعايش مع ناس تعلمته من السفر والغربه
بحكم دراستي برع واقامتي سنين في الخارج ... تعرف قيمه نفسك وقيمه بلادك ...وانك ماتسوى شي من غيرها...

الوحده قاتله ...بالخارج مهما تعرفت وكان عندك اصدقاء لكن محد يعوضك عن هلك وناسك وبلادك...

مهما سويت تحس انك غريب ... وياما قعدت تاكل بروحك .. وتتمنى من يجلس معاك على سفره وحده وتحس بطعم الأكل ... معاه .. وكان يمر رمضان ....والعيد واللي بعده ...كل الأيام صارت سوى عندك ... لا رمضان حسيت بطعمه وحلاوته ,,, واللذه الروحيه والخشوع اللي تلاقيه في بلادك لأن الكل مب صايم من حولك انت الوحيد... والعيد مب عيد ... لأنك مداوم فيه هناك وماعندك اجازه ...

تعلمت ان الحياه مالها قيمه بدون هلك وناسك وبلادك ... صحيح تتعلم الأعتماد على النفس .. وأحتكاك باخرين وتعلم لغات جديده وثقافات غير .. وسلوك جديد وحتى طبيعه ...

يكفي اني يوم كنت في الدوحه ... في بعض الأكلات ما حب اكلها بعد عودتي من السفر ...اكل شي .. لأنه ماحسيت بالنعمه الا يوم افتقدتها ...وين تلاقي .. هناك الأكل الطيب اللي تسويه الوالده الله يحفظها ...حيتنا فاست فود.. ومعلبلات وغيرها ... طبعا يوم رجعت كل اللي اتبطر عليها من اكلات اكلها لأنها ماتحصلي هناك...اللهم مغير أحوال ...سبحان الله

اشياء وايد عندنا ...مانحس بقيمتها ..لما نخسرها ... مثل المسجد ... كنت اشتاق اسمع صوت اذان اللي الحمد لله نسمعه كل دقيقه عندنا ... والعياذ بالله البعض مش معبر .... اتمنى اسمعه هناك ..اشتقت ادخل المسجد واصلي ...قله المساجد هناك وبعدها .... يعني صلاه الجمعه نقدر نحضرها هناك مو كل الصلاوات لأن المسجد بعيد انك تروح له دووم غير الجمعه ..

الحين لما الواحد يذكر كثير من امور يضحك ... ع نفسه .. تصدق اني اشغل التلفزيون .. في حجره واروح ادرس في الغرفه الثانيه ....طبعا ليش ؟؟؟ عشان احس ان عندي حد يونسني في البيت مب روحي قاعد ....شوف الوحده شتسوي ... بس كانت ايام حلوه

تعرف فيها الصديق الصدوق ...المخلص والغربه تعلم بمعنى الحياه ... واشكر سعه صدركم وطوله بالكم

[بوخالد911]

وراي سفرة علاج للخارج ... والله يكون بعوني

اول مره اغترب بروحي ... وان الله عطانا عمر برجع لكم بنفس الموضوع ...



دعواتكم ...

وتسلم على بنات افكاركـ يالغالي ...:victory:



سلامااات الغالي

والله يشفي مريضكم:omg:

لا هنت للمرور الطيب
احفظ الله يحفظك


ويسلموون علييك بنات أفكاري
:nice::nice::nice:

[بوخالد911]

معرفة الصديق .. حق معرفه



نعم

في هااذي اتفق معك
100
%%%
:victory::victory::victory:

أحسنت
وبارك الله فييك
:nice::nice::nice:

لا هنت

[شويهينــه]

تعرف قيمه الوطن وقيمه انك تكون مواطن عايش بوطنك الاصلي

[!الشايمه!]

فلفل حار.....ماتشوف شر....الله وياك...أجر وعافيه ان شاء الله

....

قلب شاعر....كلامك مؤثر...فعلا الغربة صعبه...مرت علي مثل
هذه المشاعر بس كانت سفرة شهرين<< وكانت
عن سنتين :(

هناك فرق لما تسافر للسياحة...ولما تسافر لاجل شئ معين...
تحس بالغربة والوحده...كل شئ يصبح عزيز وغالي..
الوقت يطول وتصبح الدقايق..ساعات..
من الانتظار والترقب...

والتفكير ماينتهي....كل شئ تسوي منه قصة...
القاصي والداني يطرى عليك...والكل
تفتقده حتى الناس اللي ماتهتم فيهم لو كنت قربهم...


سبحان الله ما نحس بالشئ الا لما.....نفقده

.........

بوخالد ...

انا تعلمت من السفر.....اني اريح بالي....واستمتع.....وادلع نفسي :)

حتى سوالف الهدايا ما احاتيها مثل خواتي<< مب فاضيه الا للي يهموني :)

وبعدين اهم شي تعلمته..... اني اتم قريبه من اهلي...عشان ماضيع :shy:


تحية

[بوخالد911]

انا اغلب سفراتي للتسوق..

فما تعلمت شي كثير الا التبذير

والشوق للوطن..:)




طبعا

اهم شي عندكم الشوبنق !!!

:rolleyes2::tease::rolleyes2:

والشووق للوطن أمر لا بد منه


يسلموو للمرور
:nice:
ولا هنتي

مسيوو/ بوخالد911

[بوخالد911]

[QUOTE=هذلان;4572882]السلام عليكم

اشكرك بوخالد على الموضوع

بالنسبه لي الي تعلمته من السفر هو اني قبل لا اسافر افكر الف مره منهم الي معاي في السفر . اكثر من سفره الغيها و اتعذر باعذار لاتكون حقيقيه ١٠٠٪ و السبب شخص ما ضمن مجموعه .
اهم شي في السفر تكون خفيف على ربعك و تنتبه لادق التفاصيل الي ممكن تضايق حد او تغثه .
------------





العفووو

صح لو 1 مش مهضووم بيخررب عليكم السفرة والوناسة !!!!



يسلموو للتعقيب

:victory:

[ANONYMOUS]

انا تعلمت ان مافي امل تشتري ارض ولا بيت في حياتك طالما كل سنه مسافر

[صمت القلوب]

بحكم ان سفراتي موب وايد ...واغلبها بر ...
تعلمت الصبر ..
مساعده الاخرين اكثر ..
الاعتذار من الجميع قبل السفر...لان الدنيا حياه وموت ... ومااحب احد يشيل بخاطره علي
حتى لو شي بسيط
تامل في خلق الله .. من جبال ووديان ومرتفعات ...سبحان الله ..

اشكرك عالموضوع الجميل ..
يعطيك العافيه ..بوخالد ..

لاهنت

[ناصر العمادي]

والله يالغالي السفر والغربه تعلمنا منهم أشياء كثيره ..

أنا بحكم أني تغربت أكثر من خمس سنين كانت تجربه جديده كغربه طويله وليست سياحه لشهر

تعلمت أشلون أواجه الدنيا بالأعتماد على نفسي ..

تعلمت أشلون أدبر أمور حياتي بنفسي

تعلمت أني أقدر أواجه البعد عن أهلي وناسي وأحبابي دون أن أفقدهم وأواجه قسوة البعد عنهم ..

تعلمت بأن أعرف الصديق الحقيقي وكشفت من يدعي الصداقه

تعلمت أن الحياه مراحل ولابد أن نعيشها بكل مافيها ..

تعلمت كيف أتعامل مع الغرباء

تعلمت كيف أتأقلم مع ناس يختلفون عني بالدين والعادات والتقاليد

تعلمت الصبر ومجاراة الأيام بحلوها ومرها ..

تعلمت وتعلمت ومازلت أتعلم وسأظل أتعلم من السفر

تسلم أيدك بالغالي على الموضوع الطيب

الله يوفقك وينور دربك ويطول بعمرك ويرضى عليك يارب

كل الشكر والتحيه والتقدير والأحترام مني لك

[الكايـــده]

ماتعلمتشي غير التبذير هههههه لا جد السفر له فوايد كثيره منها تغير النفسيه وتجديدها .. وانك ماتعرف الشخص الا فالسفر تطلع شخصيته الصجيه فالسفر هممممم والله اشياء كثيره ماتحضرني الحين

[بوخالد911]

السفر يابو خالد ... تعلمت منه كل شي ... كثير من المباديء ونمط الحياه والتعايش مع ناس تعلمته من السفر والغربه
بحكم دراستي برع واقامتي سنين في الخارج ... تعرف قيمه نفسك وقيمه بلادك ...وانك ماتسوى شي من غيرها...

الوحده قاتله ...بالخارج مهما تعرفت وكان عندك اصدقاء لكن محد يعوضك عن هلك وناسك وبلادك...

مهما سويت تحس انك غريب ... وياما قعدت تاكل بروحك .. وتتمنى من يجلس معاك على سفره وحده وتحس بطعم الأكل ... معاه .. وكان يمر رمضان ....والعيد واللي بعده ...كل الأيام صارت سوى عندك ... لا رمضان حسيت بطعمه وحلاوته ,,, واللذه الروحيه والخشوع اللي تلاقيه في بلادك لأن الكل مب صايم من حولك انت الوحيد... والعيد مب عيد ... لأنك مداوم فيه هناك وماعندك اجازه ...

تعلمت ان الحياه مالها قيمه بدون هلك وناسك وبلادك ... صحيح تتعلم الأعتماد على النفس .. وأحتكاك باخرين وتعلم لغات جديده وثقافات غير .. وسلوك جديد وحتى طبيعه ...

يكفي اني يوم كنت في الدوحه ... في بعض الأكلات ما حب اكلها بعد عودتي من السفر ...اكل شي .. لأنه ماحسيت بالنعمه الا يوم افتقدتها ...وين تلاقي .. هناك الأكل الطيب اللي تسويه الوالده الله يحفظها ...حيتنا فاست فود.. ومعلبلات وغيرها ... طبعا يوم رجعت كل اللي اتبطر عليها من اكلات اكلها لأنها ماتحصلي هناك...اللهم مغير أحوال ...سبحان الله

اشياء وايد عندنا ...مانحس بقيمتها ..لما نخسرها ... مثل المسجد ... كنت اشتاق اسمع صوت اذان اللي الحمد لله نسمعه كل دقيقه عندنا ... والعياذ بالله البعض مش معبر .... اتمنى اسمعه هناك ..اشتقت ادخل المسجد واصلي ...قله المساجد هناك وبعدها .... يعني صلاه الجمعه نقدر نحضرها هناك مو كل الصلاوات لأن المسجد بعيد انك تروح له دووم غير الجمعه ..

الحين لما الواحد يذكر كثير من امور يضحك ... ع نفسه .. تصدق اني اشغل التلفزيون .. في حجره واروح ادرس في الغرفه الثانيه ....طبعا ليش ؟؟؟ عشان احس ان عندي حد يونسني في البيت مب روحي قاعد ....شوف الوحده شتسوي ... بس كانت ايام حلوه

تعرف فيها الصديق الصدوق ...المخلص والغربه تعلم بمعنى الحياه ... واشكر سعه صدركم وطوله بالكم
تسلم والله

ومداخلتك جدا قيمة


وفعلا ال1 يحس باشياء قد فقدها لما يسافر:weeping:

لا هنت

:nice::nice:

[تحداني]

.
. مساء الخير ..

تعلمت من السفر إنني كثيره الاشتياق ..
واشتاق لكل شئ..

تعلمت ان لدي اطباع غريبه لم اكن اعرفها ..

تعلمت من السفر ان كل دقيقه تمر هي جميله ..
فعلي ان استغلها ابشع استغلال ..

تعلمت من السفر ان هناك من يبحث عنك لانه يريدك ..
وهناك من هو عكس ذلك تماما ..


تعلمت من السفر .. ان يكون الترويح عن النفس ..
والاستمتاع بالطبيعه .. والتلذذ بالطعام ..
وان ترى كل شئ رائع ومختلف ..
تخيلوا حتى عندما اجلس في البلكونه اشعر ان السماء قريبه ..
وان يكون آخر همي السوق ..


تعلمت ان اكون اكثر هدوئا .. اكثر حذرا ..
واقل ثقه بالغير




تعلمت من السفر ..اني اعشقه بجنون ..
واحب السفر ايضا بجنون .. احب ان ارى عاداتهم ..
تقاليدهم .. طقوسهم .. بيوتهم .. طريقه تفكيرهم ..
احب ان ارى مشاويرهم .. نظرتهم لنا ..




ودمتم دائما بسفر وترحال ..
مع الاحباب والاقراب ..
وتعودون الى اراضيكم بصحه وعافيه

[nor85]

والله السفر حلو واهمه الواحد يغير الروتين ويشوف ناس غير ويتعرف على عادات ثانيه والسفر ترفيه للنفس لان الواحد يحتاج للراحه ..