احتاج نصيحة: جي و الا تاهو ( اوتوماتيك 2009 ؟

[واقعية]

السلام عليكم و رحمة الله وبركاته

انا محتاجة سيارة جديدة لي و لعيالي و محتارة


ابغي سيارة تكون صناعتها جيدة
تكفينا : 6 اشخاص
ما راح اقدر اغيرها بسرعة .. يعني تتم 7 -10 سنين قدام


و ما اعرف في السيارات : بس عيالي يبون جي (( طبعا اوتوماتيك )) او شيفروليه تاهو
اللي يعرفون في السيارات :

ب ايش في تنصحوني
و كم سعر الجديدة الاتوماتيك 2009


اخاف اخذ مستعملة و يكون راعيها لعب فيها عدل قبل ما يبيعها .. و الواحد صعب انه يقعد يصلحها كل يوم

جزاكم الله خير
واقعية

[يحفظك ربي]

مرحبا اختي

شوفي الامريكي انا اشوفه وعن تجربه ترى ممتاز انا جربت اليوكن ( جمس ) التاهو ما جربته

لكن حلوو وعائلي وماشاء الله عليه فخم ويعجبج ويكفي لليهال وبعد فيه دي في دي خلفي لهم يعني حلوو

والحمدلله مع كثرة الاستخدام ماشفت منه شي !

التويوتا ايضا حلوة وعائليه وكشخه ومايخلى منها بيت في الدوحه :)

يعني لو خيروج بين اي وحده فيهم . انا اشوفهم اثنينهم حلوين وماعليهم كلام

وانتي شوفي شنو الاوفر لج بالنسبه للعروض !

الحين اغلب الوكالات مسوين عروض على الموديلات القديمه حسب اللي سمعته ليش ان بينزل موديل 2010

والله يوفقج ان شاء الله ويخلي لج عيالج :)

[مستثمر 999]

حسب احتياجات العائله والعدد وكل سياره لها عيوبها ومميزاتها

التاهو ولا اروع ولكن من صرفية البترول يبيلها خزان او بير بترول في البيت

اما التويوتا ما شاء الله

اخذي جي ستاندر ليمتد من معرض البريمي اصفار على 148000
نفس مواصفات الجي اكس اللهم من غير المكيف الخلفي الاخير

[بوحارب]

دام الأستخدام بيستمر ل 7 سنين قدام

خذي التويوتا ابرك لج

[واقعية]

مرحبا اختي

شوفي الامريكي انا اشوفه وعن تجربه ترى ممتاز انا جربت اليوكن ( جمس ) التاهو ما جربته

لكن حلوو وعائلي وماشاء الله عليه فخم ويعجبج ويكفي لليهال وبعد فيه دي في دي خلفي لهم يعني حلوو

والحمدلله مع كثرة الاستخدام ماشفت منه شي !

التويوتا ايضا حلوة وعائليه وكشخه ومايخلى منها بيت في الدوحه :)

يعني لو خيروج بين اي وحده فيهم . انا اشوفهم اثنينهم حلوين وماعليهم كلام

وانتي شوفي شنو الاوفر لج بالنسبه للعروض !

الحين اغلب الوكالات مسوين عروض على الموديلات القديمه حسب اللي سمعته ليش ان بينزل موديل 2010

والله يوفقج ان شاء الله ويخلي لج عيالج :)

جزاك الله خير
اعتقد اني اقصد اليوكون مش متأكدة من الاسم
بس اعرف شكل السيارة
و اذا باخذ 2009 لاني اتوقع السعر اقل

شكرا على المعلومة
واقعية

[salah hassan]

شوفي هذا الرابط

http://www.qatarshares.com/vb/showthread.php?t=285894

[واقعية]

حسب احتياجات العائله والعدد وكل سياره لها عيوبها ومميزاتها

التاهو ولا اروع ولكن من صرفية البترول يبيلها خزان او بير بترول في البيت

اما التويوتا ما شاء الله

اخذي جي ستاندر ليمتد من معرض البريمي اصفار على 148000
نفس مواصفات الجي اكس اللهم من غير المكيف الخلفي الاخير

هل ال جي ستاندر يعني اوتوماتيك؟
و معرض البريمي هل يعطي ضمان و تشييك

شاكرة لك مرورك
واقعية

[واقعية]

دام الأستخدام بيستمر ل 7 سنين قدام

خذي التويوتا ابرك لج

احنا متعودين ان التويوتا عندنا تستمر سنين
بس من كثر ما اسمع عن غلاء السيارة ترددت

شاكرة لك مرورك
واقعية

[واقعية]

شوفي هذا الرابط

http://www.qatarshares.com/vb/showthread.php?t=285894

جزاك الله خير
واقعية

[Northman]

اختي ,, انا عندي تاهو ,, و عندي جي

كـ راحه و حجم ,, التاهو موتر ماعليه كلام ,, لكن صيانه تكسر الظهر ,, و عقب سنتين بدا يطلع لي اصوات الله العالم بها , و الوكاله دوم ماتدري شنو الي صاير بالموتر

التويوتا ابرك لج خاصه انج ناويه تتمين على الموتر فتره طويل

توكلي و خذي تويوتا

[مزايين]

طبعا الكروزر أحسن من اليوكن

احنا عندنا الكروزر واليوكن .....ومن التجربة والاستعمال أفضل الكروزر

ومن تجربة الأهل الاستاندر مش حلو من ناحية المكيف لأنا نحتاج المكيف في كل السيارة ومكيف الاستاندر مايساعد مع جونا

[مستثمر 999]

هل ال جي ستاندر يعني اوتوماتيك؟
و معرض البريمي هل يعطي ضمان و تشييك

شاكرة لك مرورك
واقعية



نعم فل تماتيك + فتحه + ثلاجه الخ الخ

والضمان احسن من ضمان عبدالغني

مع التيسير او شركة الخليج

[واقعية]

جزاكم الله خير

يعني شكلي بمر البريمي اشوف الاسعار

تحياتي للجميع
واقعية

[إنتعاش]

GX 2010
بينزل اختي بعد اسبوعين يمكن
سعره بحدود 165

او PRADO 2010 بينزل بعد اسبوعين تقريبا
وسعره اقل
http://www.qatarshares.com/vb/showthread.php?t=278518

[فهد24]

نصيحه ومابي منج الا انج تدعين لي بكل خير
الامريكي ابعدي عنه بقدر المستطاع
لعدة اسباب:-
1-تشترينه بغالي واذا بغيتي تبيعينه مايجيب سعر
2-مايعمر((يعني حده بالكثير اذا انج محافظه عليه سنتين او سنتين ونص وعقب تبتدي تطلع الخرابات من حراره غيره وغيره))
3-قطع غيار غاليه وايد و عالفاضي
4-الوكاله اسعارهم وايد مبالغ فيها((من ناحية التصليحات))
5-نادر ماتحصلين متخصصين في تصليح هالسيارات يعني بالعربي مالج الا الوكاله
الزبده انها مب سيارة عمر..وحرام الواحد يشتريها بمبلغ وقدره لانها ماتسوى مقارنة بالتويوتا.

وانصح بأنج تاخذين لاندكروزر
والاسباب:-
1-تعمر معاج فوق ال10 سنين بالراحه
2-شيك فمخباج..متى مابغيتي تبيعينه يجيب لج سعر.يعني لاتحاتين بيعته ولو عقب 10 سنين.
3-مافيه خرابات مثل الامريكي
4-((اذا انتي موراعية استعراض))انسي شي اسمه حراره:nice:
5-قطع غياره متوفره فكل انحاء قطر وكل محل ارخص من الثاني
6-اذا لاسمح الله اخترب عندج وتبين تصلحينه..راح تلاقين فوق ال1000 كراج.

هاي اللي اقدر اقوله الحين وان شاء الله الجماعه اللي هني مابيقصرون معاج

[بن درويش]

اختى اخذي جي اكس وارد قطر من شركه عبدالغنى وله التضامن لانه الجى اكس فى مكيفين وثلاجه لانج بتحتاجين لليهال مكيفين وثلاجه وكراسي وره كلش ولتاخذين وارد البريمي لانه مافى مكيف وره وله كراسي وره حق اليهال وشركه عبدالغنى مايدخله التشيك

[بوعلي2]

نصيحه ومابي منج الا انج تدعين لي بكل خير
الامريكي ابعدي عنه بقدر المستطاع
لعدة اسباب:-
1-تشترينه بغالي واذا بغيتي تبيعينه مايجيب سعر
2-مايعمر((يعني حده بالكثير اذا انج محافظه عليه سنتين او سنتين ونص وعقب تبتدي تطلع الخرابات من حراره غيره وغيره))
3-قطع غيار غاليه وايد و عالفاضي
4-الوكاله اسعارهم وايد مبالغ فيها((من ناحية التصليحات))
5-نادر ماتحصلين متخصصين في تصليح هالسيارات يعني بالعربي مالج الا الوكاله
الزبده انها مب سيارة عمر..وحرام الواحد يشتريها بمبلغ وقدره لانها ماتسوى مقارنة بالتويوتا.

وانصح بأنج تاخذين لاندكروزر
والاسباب:-
1-تعمر معاج فوق ال10 سنين بالراحه
2-شيك فمخباج..متى مابغيتي تبيعينه يجيب لج سعر.يعني لاتحاتين بيعته ولو عقب 10 سنين.
3-مافيه خرابات مثل الامريكي
4-((اذا انتي موراعية استعراض))انسي شي اسمه حراره:nice:
5-قطع غياره متوفره فكل انحاء قطر وكل محل ارخص من الثاني
6-اذا لاسمح الله اخترب عندج وتبين تصلحينه..راح تلاقين فوق ال1000 كراج.

هاي اللي اقدر اقوله الحين وان شاء الله الجماعه اللي هني مابيقصرون معاج



هذا الكلام العدل :nice:

[فلفل حار]

مع انه التاهو ماعليه كلام كـ استخدام ووسع ...

بس ردي لج سبقني وقالج بو حارب ...:)






دام الأستخدام بيستمر ل 7 سنين قدام

خذي التويوتا ابرك لج

:victory:

[oldqtr]

تويوتا وبس!!

[وحيد-الشوق]

التاهو ماقد جربته ولااعرف عنه شيء بس اسمع العالم يمدحون فيه وسعره احسن من الكروزر الغالي لكن وقت البيعة السعر بيطيح بالقو :secret:

ولو اني صرت اكره التويوتا من كثر مااشوف مواترهم في قطر بس هذا الي يمشي عندنا :(

وانا ارشح لج الجي اكس عشان افخم من الجي وفي مكيف خلفي

بالتوفيق اختي

[technical]

احذر من كلمه شيك في المخبا , اي سياره بعد استخدام سنتين تنزل في قيمته . غير هذا اليوكن الجديد يعطيك جير 6 غيارات ومكينه قويه ومواصفات ممتازه ما تلقاهه في الياباني . ويعطيك الوكيل المناعي عرض يوصل لثلاثين الف عن السعر العادي .

وسألت رجال اعرف امانته عن الجمس . قال ان استخدمه مده 6 سنين من غير مشاكل . واذا الميزانيه تسمح خذي اليوكن الديانلي اللؤلؤي الجديد ب 180 الف . وشغلي مكيف الكرسي اذا احتر الكرسي في الزحمه .

وروحي الكراج في الصناعيه واسألي الناس عن تجربتهم مع سياراتهم على عينك . بلا فلان قال وعلان سمع ! :victory:

[عبودي قطر]

انا من رايي انه الجمس حلووووو وموتر يعيش .. لانه عندي جمس والحمدلله عالي العال واسعارهم حلوه من الوكاله 140 الف ...

[kka]

احنا عندنا سوبر 2005جمس ممتاز ماخلينا دوله مارحناها وماشاء الله عليه عايش اخذي اليوكن افضل بكثير من الجي من ناحية الراحة المقاعد والمكيف ((وللسفر))

[hxamad]

تويوتا وبس

[صمتي حزن]

اختي اخذي يا جمسي يوكن او تويوتا وسيالاه ثانيه بعدي عن تجربه لا تاهو ولا غيره

[الخارجية]

أختي في تاهو 2009 اسود ماشي 2000 كم عليه عازل يعني مخفي سنقل طالب فيه راعي المعرض 92 الف والمعرض قدم محطة بترول الجزيرة اللي في شارع سلوى

[BuFaisal]

السلام عليكم

انا جربت الفي اكس ار من سنة 1995 - 2001 ومن 2001-2007 وما عليه كلام
مع اني اتحفظ على قوة الجسم (بودي) انه لما يصير حادث يتقطع كانه ورق !!

الان لدي يوكن 2007 وما شاء الله موتر جيد وما عليه كلام ..
بس عيبه وكالة المناعي التعبانه بالصناعية.. قمة الفوضى وقمة المصخره (مع احترامي للجميع)

النصيحة النهائية .. عليج بالتويوتا اختي
ولا تضحين ابدا بالمكيف الي ورا مهما كان الثمن لانه من أهم المطلوبات للعوائل وغيرهم

وبعد اليوكن الي عندي ان احياني الله ناوي على vxr او اللكزس الجديدة :)

[gxr o.z]

Toyota
gx 2010
number 1

[q6ri_vip]

يعطيكم العافيه اخواني الاعضاء على تفاعلكم مع راعية الموضوع

اليوكن زين بس الكراسي اللي ورى مايرجعون لورى مثل اللكروزر يعني على سفر يعور الظهر خاصة اذا كانت السفره طويله وقطع غيارها مبالغ فيها بزياده . بس اهم شي الكراسي اتكون مخمل ابتعدو عن الجلد .
والرنجات حجم 17 وارد المناعي أفضل وابتعدو عن وارد السعوديه اللي بعضهم حجم 20 .

واللكلوزر اذا جي في مكيف خلفي بس بيكون في الوسط وتحت مب في السقف والبروده مب ذاك الزود
اما اذا جي اكس في فتحات في السقف وفي النص تحت للمكيف ومافي شي ينعاب غير الخدمه مابعد البيع.

ويالتوفيق

[قطر501]

تويوتا وانتي مغمضه

[فهد24]

احذر من كلمه شيك في المخبا , اي سياره بعد استخدام سنتين تنزل في قيمته . غير هذا اليوكن الجديد يعطيك جير 6 غيارات ومكينه قويه ومواصفات ممتازه ما تلقاهه في الياباني . ويعطيك الوكيل المناعي عرض يوصل لثلاثين الف عن السعر العادي .

وسألت رجال اعرف امانته عن الجمس . قال ان استخدمه مده 6 سنين من غير مشاكل . واذا الميزانيه تسمح خذي اليوكن الديانلي اللؤلؤي الجديد ب 180 الف . وشغلي مكيف الكرسي اذا احتر الكرسي في الزحمه .

وروحي الكراج في الصناعيه واسألي الناس عن تجربتهم مع سياراتهم على عينك . بلا فلان قال وعلان سمع ! :victory:

اخوي ممكن تركز شوي عاللي ظللته لك بالاحمر..
انت تقول ان اي موتر بعد استعمال سنتين ينزل سعره.؟؟
الامريكي بعد استعمال يومين ينزل سعره لين قريب النص!!!
اما الكروزر سعره فيه لو عقب 10 سنين((نصيحه خذ لفه صوب المعارض ولا لا تتعب نفس اقرى المواضيع اللي هني))..
وبخصوص قوة مكينة الامريكي..صح كلامك..مكينته قويه بس شالفايده اذا كل يوم والثاني بينبط عندي الراديتر ولا الهوز ولا تخترب المروحه ولا غيره وغيره من خرابات مالها اول ولا تالي..
وبخصوص روحه الصناعيه اتمنى منك انت ان يوم من الايام تاخذلك جوله في ضواحي الصناعيه وتتأكد انت بنفسك..نادر ماتحصل حد يعدل امريكي..واذا لقيته بيقصبك بالسعر.
بعكس الياباني اللي حتى راعي المعصره اللي ففريجنا يعرف يعدلها..
عالعموم الناس اذواق..وياليت تحدث العاقل بما يعقل..
وتحياتي لك اخوي

[السد]

للاسف محد رفع اسعار الكروزر الا الشباب
نصيحتي اخذي لج يوكون
وكالتهم محترمة وشغلهم زي العسل

[طبـ الود ـعي]

انا لو تبين رأي افضل الياباني اول شي قطع غياره متوفره في كل مكان وثاني شي في اي مكان لا سمح الله اذا صاده شي بيتصلح اما الامريكي صج عائلي وعود بس افضل الياباني لنه يعمر اكثر من الامريكي وبالتوفيق ان شاء الله

[simota uae]

تويوتا gx وارد عبد الغني مع الضمان وانتي والخير رباعه
مكيفين وثلاجه و9 ركاب مع السايق
انا حاليا عندي امريكي اسمع فيه اصوات.......... الوكاله يقولون شي عادي والسياره ما فيها شي.
toyota وبــــــــــــس

[واقعية]

الله يجزيكم كل خير على ردودكم
كنت متأكده بانكم ما راح تبخلون علي بالنصيحة

ان شاء الله قررت اني اخذ جي (( 2009 )) اصفار -اتوماتيك و مكيف خلفي
بس بمر اشوف سعره في المعارض -
بالنسبة للمستعمل فاشكر من ارسل لي و لكن افضل اخذ جديدة - ما فيني شدة تصليح
لان بكل بساطة ما عندي حد يودي السيارة الكراج لو اختربت

و يعذروني من ارسلوا لي عالخاص لاني ما اقدر ارد على الخاص ( عدد المشاركات قليل)
بس بيكون اقساط و غالبا على بنك التجاري لان حسابي فيه

جزاكم الله كل خير و بيض الله و جيهكم
تحياتي
واقعية