وين أماكن التطوع للبنات...؟

[هتـان قطر]

عندي امر محيرني ..وحبيت تساعدوني بأرائكم

الامر بسيط..بنتي في احدى المدارس المستقلة الثانوية

ومطلوب عليها ساعات تطوع " خدمة المجتمع "

السنة اللي طافت أخذت ساعاتها من مركز موزة بنت محمد

وهالسنة حبت تغير ..

كان في بالها تتطوع في المراكز الصحية..ولكن بعد انتشار الامراض

الواحد صار يخاف..

لذلك حبيت تساعدوني في مكان يكون آمن و يكون بدون اختلاط..




:telephone:

يالله فكروا معي


عندي مجال لين الصبح

لانها تبي تخلص ساعاتها بسرعة قبل رمضان

:)

[(الفيصل)]

اللهم بارك في (هتان) وابنت (هتان)واجعلها من الذرية الصالحة.. وارزقها الزوج الصالح
انك ولي ذالك والقادر عليه
مشاركة تثلج الصدر حقيقة
(لي عودة ان شاء الله)

[هبوب الشمال]

اختي قولي لي انتي في اي منطقه وباساعدج بأذن الله وبادلج على المكان الطيب اللي بنتج تقدر تاخذ فيه ساعات الخدمه وانتي مطمئنه بحول الله

[جليســــة القــــرآن]

جزاك الله خير أنت وبنتك أسأل الله يرزقك وأبوها برها ..
يحضرني الآن .. دريمه ممكن تتطوع فيه .. مركز الإنماء الإجتماعي .. الإستشارات العائلية .. الرميلة ..
بس ما يحضرني نوعية التطوع في هالمراكز .. لكن في اعتقادي راح تستفيد ..


الله يوفقها يارب ..

[(الفيصل)]

جزاك الله خير أنت وبنتك أسأل الله يرزقك وأبوها برها ..
يحضرني الآن .. دريمه ممكن تتطوع فيه .. مركز الإنماء الإجتماعي .. الإستشارات العائلية .. الرميلة ..
بس ما يحضرني نوعية التطوع في هالمراكز .. لكن في اعتقادي راح تستفيد ..
الله يوفقها يارب ..
سبقتيني :(
جعلك الله من السباقين للفوز بالجنة
اضف إلى ماتفضلتي به
ان تتكرم الاخت هتان
وتتصل بمركز قطر للعمل التطوعي
وسوف تجد مبتغاها ان شاء الله
المهم ان تبين لهم أنها تريد تطوع لإبنتها (غير مختلط)
وجزاكم الله خيرا

[هتـان قطر]

اللهم بارك في (هتان) وابنت (هتان)واجعلها من الذرية الصالحة.. وارزقها الزوج الصالح
انك ولي ذالك والقادر عليه
مشاركة تثلج الصدر حقيقة
(لي عودة ان شاء الله)




جزاك الله كل خير اخوي الفيصل

ما احلى الدعاء النابع من القلب

اسأل الله ان يتقبل دعائك ولك بالمثل

[هتـان قطر]

اختي قولي لي انتي في اي منطقه وباساعدج بأذن الله وبادلج على المكان الطيب اللي بنتج تقدر تاخذ فيه ساعات الخدمه وانتي مطمئنه بحول الله



الريان وضواحيها

:)

[هتـان قطر]

جزاك الله خير أنت وبنتك أسأل الله يرزقك وأبوها برها ..
يحضرني الآن .. دريمه ممكن تتطوع فيه .. مركز الإنماء الإجتماعي .. الإستشارات العائلية .. الرميلة ..
بس ما يحضرني نوعية التطوع في هالمراكز .. لكن في اعتقادي راح تستفيد ..


الله يوفقها يارب ..



الله يجزيك خير اختي جليسة القرأن

والله ما ادري كيف فاتتني هالمراكز

الله يذكرك بالشهاده

:)

[هتـان قطر]

سبقتيني :(
جعلك الله من السباقين للفوز بالجنة
اضف إلى ماتفضلتي به
ان تتكرم الاخت هتان
وتتصل بمركز قطر للعمل التطوعي
وسوف تجد مبتغاها ان شاء الله
المهم ان تبين لهم أنها تريد تطوع لإبنتها (غير مختلط)
وجزاكم الله خيرا

اخوي الفيصل هالمركز وين بالضبط

واذا تكرمت برقم الهاتف

اكن لك من الشاكرين

:)

[(الفيصل)]

اخوي الفيصل هالمركز وين بالضبط

واذا تكرمت برقم الهاتف

اكن لك من الشاكرين

:)
شايفتني 180
:anger1:










تفضلي
4674888
في بوهامور اعتقد:nice:

[هتـان قطر]

شايفتني 180
:anger1:




:omg:






:secret:





تفضلي
4674888
في بوهامور اعتقد:nice:



الف شكر..الصراحة خفت في البداية

:nice:

[(الفيصل)]

الف شكر..الصراحة خفت في البداية

:nice:
من خاف سلم
ولانك طبقتي هالمقوله
اخذي رقم ثاني للهلال الأحمر القطري
وحد معلوماتي كانوا طالبين متطوعين
4435111
:nice:

[QatarLady]

اختي مثل ماقال الأخ فيصل ٠٠عندج مركز قطر للعمل التطوعي ٠٠ وأنصحج كذلك بمراكز التحفيظ الخاصة بالبنات وفيه عندج بعد قسم البريد التابع لوزارة الصحة اللي مكانه احذا اللجنة الأولومبية للأسياد٠ وفيه بعد الفرع النسائي للنادي العلمي أو مؤسسة عيد والله يوفقها

[هتـان قطر]

من خاف سلم
ولانك طبقتي هالمقوله
اخذي رقم ثاني للهلال الأحمر القطري
وحد معلوماتي كانوا طالبين متطوعين
4435111
:nice:



يارب يسلمكم وهذا العشم فيكم

والله لما احترت.. قلت كيف احتار وانا عضو في

شبكة الاسهم القطرية..؟؟

الف تحية وشكر لكم ولهذا المنتدى الرائع

:)

[هبوب الشمال]

الريان وضواحيها

:)

تحبين ارتب لج في مركز تحفيظ قرآن بكره الصبح ؟؟؟

اذا اوكي ابعثي لي رقم التلفون وانا بكره بارتب لج الموضوع كامل باذن الله وبادز لج مسج او باتصل لج

اختج // هبوب الشمال

[هتـان قطر]

اختي مثل ماقال الأخ فيصل ٠٠عندج مركز قطر للعمل التطوعي ٠٠ وأنصحج كذلك بمراكز التحفيظ الخاصة بالبنات وفيه عندج بعد قسم البريد التابع لوزارة الصحة اللي مكانه احذا اللجنة الأولومبية للأسياد٠ وفيه بعد الفرع النسائي للنادي العلمي أو مؤسسة عيد والله يوفقها



مشكورة يالغالية..ما قصرتي

مراكز التحفيظ كانت السنة اللي طافت متطوعة فيهم

الحين حبت تغير ..

اول شي بسويه بكرة ..باروح على طول للاستشارت العائلية

وان شالله تتيسر الامور

جزاكم الله كل خير جميعا

[هتـان قطر]

تحبين ارتب لج في مركز تحفيظ قرآن بكره الصبح ؟؟؟

اذا اوكي ابعثي لي رقم التلفون وانا بكره بارتب لج الموضوع كامل باذن الله وبادز لج مسج او باتصل لج

اختج // هبوب الشمال



مشكورة عزيزتي..لكن البنت هالسنة حبت تغير

وودها في جهة ثانية غير مراكز التحفيظ

لانها العام اخذت عندهم

ما تقصرين اختي هبوب الشمال

:)

[هبوب الشمال]

اسمحي لي والله لو ما العدد كافي عندنا وزياده جان قلت لج جيبيها من عيوني العين اوسع لها من الباب بس للاسف سكرنا التسجيل في التطوع لان العدد كبير

واذا حبيتي ارتب لج مثل ما قلت في مركز تحفيظ في الريان من عيوني الثنتين

[هبوب الشمال]

ربي يوفقها واذا سمعت عن مراكز غير مختلطه ابشري

[تحداني]

.. مساء الخير سيدتي الفاضله..

الله يوفقك ابنتك يارب ...

بخصوص مراكز التطوع هي كالآتي ..
1 / مركز دريمه
2 / مركز ابداع الفتاه ( للفنون والرسم والخط والخزف والكمبيوتر )
3 / الاستشارات العائليه
4 / مركز الانماء الاجتماعي
5 / البنوك الاسلاميه اذا احبت ذلك
6 / مركز التراث الشعبي
7 / دار رعايه المسنين ( مديرها المفتاح ) في شارع المطار

انت تأمرين آمر ..

والله يسعدك يارب :)

[هتـان قطر]

اسمحي لي والله لو ما العدد كافي عندنا وزياده جان قلت لج جيبيها من عيوني العين اوسع لها من الباب بس للاسف سكرنا التسجيل في التطوع لان العدد كبير

واذا حبيتي ارتب لج مثل ما قلت في مركز تحفيظ في الريان من عيوني الثنتين


ربي يوفقها واذا سمعت عن مراكز غير مختلطه ابشري



يارب يسلمك وييسر امرك يا هبوب الشمال

على عيني وراسي قدرك اختي وما قصرتي والله

:)

[فلفل حار]

الله يوفقج ماما هتان ...:)

[هتـان قطر]

.. مساء الخير سيدتي الفاضله..

الله يوفقك ابنتك يارب ...

بخصوص مراكز التطوع هي كالآتي ..
1 / مركز دريمه
2 / مركز ابداع الفتاه ( للفنون والرسم والخط والخزف والكمبيوتر )
3 / الاستشارات العائليه
4 / مركز الانماء الاجتماعي
5 / البنوك الاسلاميه اذا احبت ذلك
6 / مركز التراث الشعبي
7 / دار رعايه المسنين ( مديرها المفتاح ) في شارع المطار

انت تأمرين آمر ..

والله يسعدك يارب :)



تسلمين تحداني الزمن..

اعتقد مركز ابداع الفتاة بتلاقي فيه كل ميولها

لو تدليني وين مكانه بالضبط او رقم تلفونهم

بتسوين خير..:) <<< اشدعوه 180 على قول اخونا الفيصل

[هتـان قطر]

الله يوفقج ماما هتان ...:)



التوفيق للجميع ..هذي حال الامهات حتى في الصيف

بالنا مشغول معاهم..اللهم لك الحمد اللهم لا اعتراض :)

[الغريب3]

اختي الله يجزيه خير الاخت جليسة القرآن ماقصرة بس في بعض الاماكن الي ذكرتها يوجد اختلاط مثل دريمه عندهم اختلاط وفيه مكان ماعندهم ختلاط مركز التاهيل الاجتماعي عند مدرسة مريخ المستقله بس مادري فتحين او عدهم وممكن تستفسرين في (الجمعيةالقطريه لذوي الاحتياجات الخاصه) اذكركل سنه يسون أنشطه وبرامج حق العضوات من ذوي الاحتياجات الخاصه في المركز الثقافي الي تابع لهم في مدينة خليفه الجنوبي قريب من مسجد عمربن الخطاب والله يستر علج وعلى بنتج وجميع امهات وبنات المسلمين قــــــــــــــــ آمين

[تحداني]

تسلمين تحداني الزمن..

اعتقد مركز ابداع الفتاة بتلاقي فيه كل ميولها

لو تدليني وين مكانه بالضبط او رقم تلفونهم

بتسوين خير..:) <<< اشدعوه 180 على قول اخونا الفيصل




.. حاضر .. تحت امرج ..

مكانه ممممم تعرفين اكاديميه الدوحه ..تعرفين مدرسه كامبردج ..
تعرفين مدرسه المها في المعموره ..
هناااااااك على ايدج اليمين .. بعد المها .. وقبل مدرسه كامبرج ..

الرقم سيدتي الفاضله .. 4688835 - 4688837 ..
الاخت زينب الحمادي .. راح تساعدج ..
وانسانه جدا طيبه ..

قولي لها بالحرف الواحد ولا اتغلطين
( انا بنتي حابه تتطوع عندكم .
. والمدرسه طالبين منها عدد ساعات معينه -
فأرجو اعطائي شهاده توضح ذلك وعدد الساعات في نهايه الدوره )


وبالتوفيق يارب ..

واذا واجهتك اي عراقيل لا سمح الله خبريني ..
وانا راح اكون في الخدمه
الله يسعدك يارب :)

[هتـان قطر]

اختي الله يجزيه خير الاخت جليسة القرآن ماقصرة بس في بعض الاماكن الي ذكرتها يوجد اختلاط مثل دريمه عندهم اختلاط وفيه مكان ماعندهم ختلاط مركز التاهيل الاجتماعي عند مدرسة مريخ المستقله بس مادري فتحين او عدهم وممكن تستفسرين في (الجمعيةالقطريه لذوي الاحتياجات الخاصه) اذكركل سنه يسون أنشطه وبرامج حق العضوات من ذوي الاحتياجات الخاصه في المركز الثقافي الي تابع لهم في مدينة خليفه الجنوبي قريب من مسجد عمربن الخطاب والله يستر علج وعلى بنتج وجميع امهات وبنات المسلمين قــــــــــــــــ آمين



شاكرة لك هالاضافة اخوي الغريب..

اذن نشيل دريمة من القائمة..:)

اما ذوي الاحتياجات الخاصة اعتقد يبيلهم احد كبير وقلبه قوي

يعرف كيف يتعامل معاهم..الله يكون في عونهم

[هتـان قطر]

.. حاضر .. تحت امرج ..

مكانه ممممم تعرفين اكاديميه الدوحه ..تعرفين مدرسه كامبردج ..
تعرفين مدرسه المها في المعموره ..
هناااااااك على ايدج اليمين .. بعد المها .. وقبل مدرسه كامبرج ..

الرقم سيدتي الفاضله .. 4688835 - 4688837 ..
الاخت زينب الحمادي .. راح تساعدج ..
وانسانه جدا طيبه ..

قولي لها بالحرف الواحد ولا اتغلطين
( انا بنتي حابه تتطوع عندكم .
. والمدرسه طالبين منها عدد ساعات معينه -
فأرجو اعطائي شهاده توضح ذلك وعدد الساعات في نهايه الدوره )


وبالتوفيق يارب ..

واذا واجهتك اي عراقيل لا سمح الله خبريني ..
وانا راح اكون في الخدمه
الله يسعدك يارب :)




الله يستر عليك ويوفقك..يا تحداني الزمن

فعلا وفرتي على مجهود كبير كنت بقوم فيه



الله يجزيك الجنه...<<< احس كني صايرة طرارة اليوم

:nice:

[تحداني]

الله يستر عليك ويوفقك..يا تحداني الزمن

فعلا وفرتي على مجهود كبير كنت بقوم فيه



الله يجزيك الجنه...<<< احس كني صايرة طرارة اليوم

:nice:



.. الله يسلمك .. ولك بمثلها ان شاء الله ..
محشومه .. انت على الراس ..
وليس بالعيب .. ان يحتاج الاخ لاخيه ..

ونحن في الخدمه ..
ومادمنا نملك المعلومه ..
سنكون تحت امر كل من يطلبنا ..

[هتـان قطر]

.. الله يسلمك .. ولك بمثلها ان شاء الله ..
محشومه .. انت على الراس ..
وليس بالعيب .. ان يحتاج الاخ لاخيه ..

ونحن في الخدمه ..
ومادمنا نملك المعلومه ..
سنكون تحت امر كل من يطلبنا ..



تسلمين يالغاليه

شاااكرة للجميع وقفتهم معي

وارشادي لاكثر من جهة للتطوع

وهذا العشم فيكم بارك الله فيكم

[الغريب3]

شاكرة لك هالاضافة اخوي الغريب..

اذن نشيل دريمة من القائمة..:)

اما ذوي الاحتياجات الخاصة اعتقد يبيلهم احد كبير وقلبه قوي

يعرف كيف يتعامل معاهم..الله يكون في عونهم

اختي بالعكس التعامل معاهم وايد سهل وممتع وبيكون معه مشرفات ( اخصائيه اجتماعيه)

[HEART_LION]

مركز قطر للعمل التطوعي

المؤسسة القطريه لرعاية المسنين

بالامكان تتصلين كيوتل وتاخذين ارقامهم

[&شهد&]

الله الله
حلو التطوع
احس فيه قمة السمو بكل ماهو جميل في النفس البشريه
بوركت وبوركت ابنتك ياام هتان
كان حللللللللللللللللمي اكون متطوعه....ولكن!!!!!!!!!!

[هبوب الشمال]

الله الله
حلو التطوع
احس فيه قمة السمو بكل ماهو جميل في النفس البشريه
بوركت وبوركت ابنتك ياام هتان
كان حللللللللللللللللمي اكون متطوعه....ولكن!!!!!!!!!!

اختي شهد بامكانج التطوع في الوقت اللي تكونين فاضيه فيه

شوفي منطقتج واماكن الخير فيها وبلغيهم انج بتفضين نفسج لهم مثلا مساء كل ثلاثاء ( مثلا ) لمده 3 ساعات وتروحين لهم وتساعدينهم

واذا ما قدرتي تتقدرين تتطوعين وحتى وانتي قاعده قي بيتج كثير من اعلانات الخير تصل من الاخوات الداعيات جزاهم الله خير او مراكز التطوع او المراكز النسائيه بمجرد انج تطرشينها للقائمه اللي عندج جذيه تكونين تطوعتي من اجل عمل الخير

ادعي لنا ولجميع المسلمين بكل الخير

اختج / هبوب الشمال

[Northman]

مركز قمم وقريب حذاج

الجمعيه القطريه لمرضى السكر

انا كل سنه اتطوع معاهم