البند المركزي لا حامض حلو لا شربت

[منتهى الحكمة]

في البند المركزي.. وكأننا في غرفة عزل صحي... أو كأنهم قالوا لنا: ( روح جاي) ولين الحين مانعرف إيش اللي بيصير... تجميد في كل أوضاعنا بكل معنى الكلمة... ولا نقدر نمد خطوة قدام ولا نقدر نرجع ورا حالتنا صعبة وين اللجنة اللي قالوا عنها بتعدل أوضاعنا...في حلول غير هاللجنة ونبيها أسرع مثلنا مثل غيرنا يتطبق علينا قانون الموارد البشريه الجديد ولا احنا غير البشر لاسلفة أعباء الحياة ولا سلفة سيارة ولا ولا ولاليش مالنا رب ولا مانحتاج مثل غيرنا ماعندنا عيال ولا مصاريف هاده حيلنا ... وزارتنا أخلت مسؤوليتها من تطبيق القانون علينا وإذا بها تتفاجأ بأنها هي المسؤولة عن ذلك ولازم هي اللي تزيد رواتبنا بناء على القانون الجديد من ميزانيتها وأحنا ياغافلين لكم الله مساكين المحالين عالبند عندهم ثقة كبيرة بحل الوزارة لأوضاعهم ...ياليت المسؤولين في الوزارة يتقون الله فينا ويعطونا الزيادة بأثر رجعي .. رمضان المبروك عالأبواب و ( حب لأخيك ماتحب لنفسك)ولا يصيرون مثل( الذين يمنعون الماعون ) ترانا خدمنا سنين من عمرنا ومن صحتنا على حسلب بيوتنا وعيالناوالشغل اللي مايخلص ليل ونهار في البيت وفي المدرسة يوم كان عطانا كبير رواتبنا أقل والحين يوم زاد الخير في بلدنا قصروا علينا لييييش؟ أحنا أجانب هاذي مكافئتنا والله عجب هاذي آآآآآخر الدنيا

[هبوب الشمال]

نبي حد بس يقول لنا لين متى بيستمر هذا الوضع ؟؟

نبي نعرض راسنا من كرياسنا

اختكم // هبوب الشمال

[المنسى]

الله كريم وتفرج ان شاء الله

[رحال]

لنــــــــا الله هو عالــــــــم بالحال ، والشكوى لغير الله مذله

[همسه]

سبحان الله

الله يفرجها ان شاء الله

آمين يارب

[flan2222]

حسبنا الله ونعم الوكيــــــــــــل . اين مجلس الشورى ؟ الم يحدد30/6 والا الجماعه للحين ما خلصت اجازاتهم السنويه ؟ العالم سفرات واجازات واهل السجن المركزي أقصد البند المركزي مطحونيين من الغلاء الفاحش ولا حولهم حـــد . حسبي الله على الي كان السبب ..........

[nyzk]

اللي على البند المركزي خدمو البلد لسنوات طويله ويستاهلون كل خير ويفترض تعديل رواتبهم لكن اللي يصير فيهم شي مؤسف

[منتهى الحكمة]

أكثر من اللي قلناه أيش بنقول بس سؤال نبي نعرف من مسؤول عن تطبيق الموارد البشري علينا ديوان الخدمة ولا الوزارة واللي عنده خبر يعلمنا وهل الكلام اللي طلع إنها الوزارة هي المسؤولة اللي يعرف لايبخل علينا ترى الحسبة ضايعة أقصد القطيع ضايع بين الراعي والذيب على الاقل يعطونا وحده من هالسلفيات نعدل بها ظروفنا ورواتبنا عندهم ياخذون منها اللي يبونه مب شاردين عنهم ...حد يفيدنا؟؟؟؟؟؟؟؟؟ من ديوان الخدمة بآخر المستجدات جزاكم الله خير.

[abn qatar]

المحالين الى البند المركزي هو مجرد درجه من درجات التقاعد المبكر يفرق عن المتقاعدين الفعليين

الرتب بس اشوي اشوي التقاعد بيكون بشكل رسمي

[قلب شاعر]

يا خوي الكريم .... اكثر من شخص محالين على البند المركزي اشتغلوا .... منهم اخوي ...توه اشتغل بعد معناه دامت سنين ...

الفتره اللي راحت كان التركيز ع توظيف اللي في البند المركزي ...حتى انا اذكر في معرض المهني اللي صار اخر واحد ...انا كنت اقدم على وظايف هناك اول سؤال يسألوني قبل تقديم اوراقي انت بند مركزي ... لما اسألهم ليش .... كان الرد الأوليه في التوظيف لهم ؟؟؟ وانا اخوي توظف من المعرض قدم اوراقه وخذوه في بروه والحمد لله ...

[NOORA2008]

الله كريم

[منتهى الحكمة]

أشكر مروركم جميعا ولنا الله ...والله يحنن قلوبهم علينا ترانا أمهات وخوات وزوجات...

[رحال]

أشكر مروركم جميعا ولنا الله ...والله يحنن قلوبهم علينا ترانا أمهات وخوات وزوجات...

آميـــــن يارب العالمين

[شموخ دائم]

,

,

البند المركزي مشكله كبيره

تحتاج الى تصحيح

ان شاء الله المسئولين في اللجنه يكونون على قدر المسئوليه

ويصححون هذا الخطاء بكل شجاعه

وضع المركزي يحتاج الى وقفه كبيره وقرار شجاع

وقطر لاينقصها القرارات الشجاعه

من المسئولين واصحاب القرار

باذن الله يتخذون قرار مناسب لهم

وهذا ليس غريب على قطر

,

,



اخوك

شموخ دائم

[منتهى الحكمة]

الله يسمع منك في هالشهر الفضيل

[بوعبدالله2005]

اسأل الله ان يفرج كربتكم
وبعدين بند مركزي ليششششششش
الحمد لله خير بلدنا واصل كل مكان
اللهم لك الحمد والشكر على النعمه
الي يقهر غير القطر ي راتبه عشرون وثلاثون وخمسون الف لييششششششششش

والله ثم والله ثم والله اني متأكد أنه في شباب كثير من اهل قطر قادرين على القيام بعمل الأجانب الي يأخذون خمسون الف واكثر راضين بأقل من هذا الراتب وأنا متأكد انه شباب قطر قلبهم على البلد اكثر مليون مره من الأجانب وخاصه ابو شعر اشقر او ابو عيون زرقاء وكرفته ورديه

[محمد2]

يا جماعة الخير بغيت استفسر عن موظفين وزارة الصحة .ايش مصيرهم (بعد ما تحولت الوزارة الى مجلس ألأعلى للصحة ) لأنهم عطوه لكل موظف كتاب مكتوب فيه انه علية تسليم عهدتة ويوقف عن الحضور من تاريح1/8/2009م لحين تسكينهم الجديد .
طيب اشلون يسكنونهم هالموظفين وهم اصلا خالصين من التسكين الوظيفي بدليل انهم خذوا اللي يبونهم وياهم المقر الجديد للصحة واكثر اللي خذوهم هم ألأجانب . وحولوا حوالى من 200الى300 شخص الى بيوتهم .اش ذنبهم مع انهم جامعين وحملة شهادات الثانوية واصحاب خبرة وهم فى مرحلة العطاء على قولتهم .
مع العلم انهم قاعدين يوظفون موظفين جدد. طيب انتوا عندكم موظفينكم اللي قعدتوهم في بيوتهم وتوظفون جدد .؟؟؟؟؟؟؟؟؟؟؟؟؟؟؟؟

فلوا سمحتوا يا اخوان اللي عنده اي خبر اومعلومة جديدة لا يبخل علينا. ورحم الله والديكم

[mooona]

يا جماعة الخير بغيت استفسر عن موظفين وزارة الصحة .ايش مصيرهم (بعد ما تحولت الوزارة الى مجلس ألأعلى للصحة ) لأنهم عطوه لكل موظف كتاب مكتوب فيه انه علية تسليم عهدتة ويوقف عن الحضور من تاريح1/8/2009م لحين تسكينهم الجديد .
طيب اشلون يسكنونهم هالموظفين وهم اصلا خالصين من التسكين الوظيفي بدليل انهم خذوا اللي يبونهم وياهم المقر الجديد للصحة واكثر اللي خذوهم هم ألأجانب . وحولوا حوالى من 200الى300 شخص الى بيوتهم .اش ذنبهم مع انهم جامعين وحملة شهادات الثانوية واصحاب خبرة وهم فى مرحلة العطاء على قولتهم .
مع العلم انهم قاعدين يوظفون موظفين جدد. طيب انتوا عندكم موظفينكم اللي قعدتوهم في بيوتهم وتوظفون جدد .؟؟؟؟؟؟؟؟؟؟؟؟؟؟؟؟

فلوا سمحتوا يا اخوان اللي عنده اي خبر اومعلومة جديدة لا يبخل علينا. ورحم الله والديكم

نفس مشكلة التربية حولوا موظفينهم زعينوا جدد لا ومو قطريين يابلفيت خبرة والله .................